يا حبيبتي يا مصر
يا حبيبتي يا مصر
يا حبيبتي يا مصر
نفسي ولادي يعيشوا فيكي مرتاحين
بس منين
ألاقي قلب
يحب
و يكد
ولا يمد لبرة
و يهب
يحارب كل مرة
العدو الجواني
و البراني
و يسب
إللي مكسل
و إللي بيشرب المعسل
و إللي قاعد في القهوة مكسل
و إللي بيسرق و ينهب
و يعب
من مال الدولة
يا حبيبتي يا مصر
يا حبيبتي
فين كنتي
لما أخذك ناصر مرة
و طلعك برة
و راح يباهى بكل شبابك
و يسيب عيشتنا مرة
كلها خوف
و سجون
ومجون
ورقص وحب
وسابك لكلابه
تأكل في شبابك
وخيرك
وهو قاعد جوه مغارة
وبلده محتارة
تروح لمين ينصفها
يا حبيبتي
يا حبيبتي يا مصر
مصر جيرانها
إللي مكانها جنب مكانهم
حاربت
ضحت بشبابها عشانهم
داقوا المر و فقدوا حياتهم
ضاعت
فقرت
بس مكانها
وهم اولادهم عايشين
حاطين فلوسهم في بنكين
واحد أمريكي خانهم
و التاني أوروبي لامهم
لما وقفوا مع فلسطين
فاكرين
دي البلد إللي ضعنا عشانها سنين وسنين
لكن مين
مين يقول
مصر ولادها الحلوين
جدعان و حاربوا سنين
علشان الأرض
علشان الطين
إللي مكانش بتاعها
كان بتاع جيران الوطن
و إخواننا في الدين
مين في فلسطين
فاكر سنين الحرب
و الضرب
و الجوع علشانهم
مين
يا حبيبتي يا مصر
ياللي كلك حنين
ويوم ما فوقتي لنفسك
و السادات جالك يفتحلك
باب مقفول
متهدد
بسلاح أسود ، أبيض ، أو حتى حد السكين
هب الكل
يقول ويغل
فين مصر فين
سابتنا لمين
مين حيحارب غيرها مين
ولما وقفوا شوية جدعان
في لبنان
حاربوا شوية وبقوا رجالة
كله نسى الماضي الحزين
وقال مين
المصريين
إللي حاربوا سنين و سنين وسنين
دول مين
دول ناس حرامية ومرتشين
بيأخدوا فلوس علشان جعانين
وجالنا حسني
بعد أنور
وقلنا حتنور
البلد الفقرانة ، عشان تتعمر
سابها لدول و دول
يا اصحاب اعمال يا إما كهول
وراح يجيب إعانة
من البلاد الباردة السقعانة
سدد ديون
و ملا شوية ماعون
لكن بلدنا لسة عايزة
عايزة ولاد جدعان و فايزة
في كل ناحية مش عجايزة
والكل واقف يبص و يقول
دول عجول
محدش ماشي
كله بيتفرج ويقول يا خراشي
إنما من بيته و دكانته مش ماشي
ولما تقوله : قول
يقوم ماشي ويقول
ياعم أنا مالي
ما هو مالك ياعم وهو مالي
ودي بلدك ، قدرك
قوم صحصح و افحت منجم
وسيبك من دينا وعجرم
شوف الخواجات
جابوا معامل مالوها بنات
تعمل تحاليل و تعقم
واحنا كل إللي شاغلنا
نشوف الستات و نرمرم
لب على غزل بنات
لكن ننتج حاجة عليها القيمة
أبدا
لازم حاجة معيوبة و عديمة القيمة
و عيوبها رهيبة وبتعطن
ما نلحقش نقول معلش
نلاقي الغش
مالي بلادنا
عارفين ليه
مش عارفين
وهي دي المصيبة
يا حبيبتي
يا حبيبتي يا مصر
تعليقات
إرسال تعليق