طفلة للابد

  مشكلة المرور الاكبر هو احترام الاولويات يعني لما تكون في اشارة حمراء يبقى الاولوية للي اشارته خضراء لكن لو مفيش اشارات لازم انت نفسك تكون عارف مين يعدي الاول مش علشان هو احسن منك ولا علشان هو ابن باشا او ظابط ولا علشان انت عينيك مش خضراء وشعرك ناعم ولا علشان شبه محمد صلاح الالولويات بيحددها قانون المرور اللي احنا ناس كتير بتعتبره زيادة الفبريكة وسبوبة للي شغالين في المرور تعالوا نناقش الاولويات 1- الطريق الرئيسي بيكون له اولوية على الطرق الجانبية وبالتالي اللي طالع من الطرق الجانبية لازم يبص كويس قوي قوي امتى يدخل في الشارع الرئيسي (طبعا احنا بنعتبر اننا دايما في طريق رئيسي وان اي ح..ر ما يقفش يبقى لا مؤاخذة برضه ح..ر ) 2- لو احنا في طريقين فرعيين يعني انت شارع صغير في تقاطع والشارع اللي بيقطع اتجاهين يبقى الاولوية اللى على يمينك مش علشان هو ابن ناس وانت وحش ولا علشان هو خاله لواء 3- لو احنا في طريقين فرعيين و لو الطريق المتقاطع معاك اتجاهه شمال يعني بيقطع من على شمالك يبقى انت لك الاولوية مش علشان هو وزنه خفيف ولا علشان عاطل عن الشغل ولا علشان مش من كليات القمة و لكن علشان انت على ي

  من دعائم التنمية عندنا عم خالد المسئول عن الزراعة في نجع عون و التشتيل و تعليم الاولاد كيفية عمل الشتلات والتربة الخصبة اللي تساعد على وجود الوسط المناسب للبراعم وغيره عم خالد هرم من اهرام التنمية اولادنا بيتعلموا التشتيل لان في الوسط المحيط فيه مزارع كتيرة لناس كتيرة وغيطان وبيبقوا عايزين شتلات وبالتالي تعليم التشتيل بيفتح رزق لاسر كتير بتقدم الشتلات للمزارعين  #عاش_خالد_هرم_التنمية

  قعدت ثلاثة اشهر في سلطنة عمان اتعلم ازاي ادخل الميدان وازاي اخرج من الميدان وان لو مكملة اخذ الحارة اللي على الطرف ولو حارجع يبقى ادخل على جوه ولو داخلة الميدان اخذ بالي من العربيات اللي جوه ولو خارجة من الميدان لازم اشارة يمين علشان اللي على يميني يعرف اني خارجة و امتحنت في الموضوع ده و انا فاكرة انه قال لي لفي الميدان بالكامل وبعدين اطلعي طوالي وانا لقيت نفسي على الحارة اليمين لاني ما اخذتش بالي اني حالف الميدان وقلت للممتحن انا اسفة مش حاقدر الف الميدان علشان انا على اليمين ونجحت احنا هنا في مصر اللي بيخليك ما تعملش حوادث مش القوانين ولكن اللي بيحافظ عليك في الشوارع غريزة حب البقاء

  عاش رجلا اسمه "علي" في مدينة مشهورة بعمل برامج الحاسب والالعاب الالكترونية و كان يعمل مدخلا للبيانات في احدى الشركات ولكنه لم يكن يمتلك حاسبا في منزله على الرغم من انه ذهب ليتعلم لغات البرمجة واصبح يجيد كتابة برامج الحاسب وعمل الالعاب الالكترونية التي يهواها الشباب في كل مدينته كان اخوه قاسم يعيش في المنزل المجاور فقد كان ابوهما يعيش في هذا المنزل وتركه لهما فقام قاسم بأخذ القسم الاكبر من المنزل و ذلك لانه كما كان يقول هو الابن الاكبر ويجب ان يحصل على النصيب الاكبر وترك حجرة صغيرة ل "علي" ورضي "علي" بالقسمة الظالمة فهو لم يكن يريد ان يخسر الاخ مقابل المال كان قاسم مقتدرا معه المال الكثير على عكس "علي"   الذي عاش حياته مستورا لا يملك الا مرتبه الذي يأخذه من الشركة تزوج "علي" من "مرجانه" الجميلة صاحبة القلب الكبير وعاشا معا في الحجرة نفسها لانه لم يستطع ان يحصل على عمل افضل او مرتب اكبر ولكنهما كانا سعيدان بحياتهما و استطاعا ان يعيشان دون اللجوء الى قاسم او الى امواله و بذلك شعر قاسم بالارتياح و لكن زوجته شعرت بالغيرة

 في سورة ق الجنة بتقرب للمتقين و ده الانسان اللي دايما عايز رضا ربنا و بيبعد عما يغضبه و كلنا بنعمل اخطاء لكن الانسان الأواب هو الانسان كثير الرجوع الى الله يعني دايما في تواصل وعودة الى الصح وعودة الى سبيل الله وخشية الرحمن بالغيب ربنا بيحب يلاقي عبده رغم انه مش شايفه و مش معاه وقد يكون حياته سهلة و ما عندوش مشاكل تخليه بيحاول يلجأ الى الله ولكنه برضه بيخشاه و بيخاف من غضبه و بيحاول ينال رضاه وفي الاخر ربنا بيحاسب القلوب قبل الجوارح لان القلب هو الاصل ولو قاصد الشر بياخد عقابه يارب اجعلنا منهم

  زهرة الكالنديولا فى مصر بيسموها كمان عباد القمر.. هى زهرة لونها اصفر او برتقالى. لها استخدمات طبية عديدة و خاصة للبشرة. الازهار الصغيرة صالحة للاكل ممكن الواحد ياخد البتلات و يحطها على السلطة او بتزيين اطباق التقديم.وممكن تستخدم فى الطبخ لانها بتعطى لون برتقالى يعنى ممكن تلون بيها الرز زيت زهرة الكالنديولا بيستعمل للمساعدة فى التهاب الجروح و القروح و حب الشباب لانه بيحتوى على مضادات للالتهاب. وومكن استعماله لقرح الفم. الزيت ممكن يتحضر عن طريق نقع البتلات فى زيت عضوى مثلا زيت زيتون. تاخد برطمان زجاج له غطاء محكم و نضع البتلات و يضاف عليها الزيت . و لازم الزيت يغطى البتلات تماما حتى لايتكون اى عفن ..يتغطى البرطمان بشاش لمدة يومين و بعد كده بغطاء محكم و يتم رج البرطمان كل كام يوم و بعد ٤ اسابيع بيتم تصفية الزيت من البتلات. كمان مغلى زهرة الكالنديولا ممكن يستعمل خارجيا كمادات للجروح و بيقلل من الم الجرح و من تكوين الندبات. وشرب مغلى الكالنديولا بيساعد فى مشاكل المرارة و الامعاء و التهاب اللوزتين. ناخد ٣ زهور و نضع عليهم ٢٥٠ مل ماء مغلى ونتركه ١٠ دقايق و يصفى و يشرب. زهرة الكالنديولا بتس

  كان فيه مسابقة لقصص الاطفال تدور حول كتابة قصة من التراث بطريقة عصرية لسن من 9-12 سنة وضعت فكرة إعادة قصة علي بابا و الاربعين حرامي بشكل عصري وبدأت اكتب و خلصت الشكل العام و الحبكة و الشخصيات كانت محتاجة اعملها فصول و اظبط الأحداث بشكل شيق و كالعادة جبت طفل قارئ ( حفيدي ) وحكيت له القصة عجبته و سمعها للآخر من غير ما يسرح يشاء الله أن يدخل النمل البيت و اخرج انا من البيت علشان رشيناه القصة فين بقى في البيت على الكمبيوتر desktop اوو اوووو راحت المسابقة لأن مش حادخل البيت الا بعد الموعد النهائي وااااء يبقى ربنا أراد اكتب قصة علي بابا و الاربعين هاكر للأجيال حد كدة جميل يدور لي على دار نشر تاخدها وتنشرها علشان احبكم تصبحوا من اجمل ليلة إلى اجمل صباح #مخاصماك_يانمل #شومان_راحت_عليه

  طول عمرنا في رمضان المسيحي مكانش بياكل قدامنا أدبا و خلقا وليس خوفا خلوا الود و الحب يشيل الليلة

  هو ليه ما نقدرش نفطر رنجة ونتسحر فسيخ #شم_النسيم_راااااح

  دائما نضع مخاوفنا داخل علاقاتنا بالآخرين فالإنسان فاقد الثقة يشعر بعدم ثقة من حوله و إن وثقوا و الجبان يشعر بأن الجميع يتنمر عليه لو تكررت شكوى أحدهم من كل الناس فأخبره بأن ينظر في المرآة و يقبل بالصورة التي يراها و يعمل على تحسينها

  سؤال في الرياضيات ليه لو اكلت كيلو كحك أزيد خمسة كيلو

  الرجولة مش عضلات الرجولة انك تقف قدام طبق الكحك و تاكل جبنة قريش الحمد لله انا ست

  اللي عايز يكسب بكرة يستصلح اراضي النهاردة اللي يروح ياخد فدادين في أماكن صحراوية مع بئر بعد كام سنة ياكل هو و يأكل الناس ويكسب ده المستقبل يا جماعة #فكروا

  اول علامة للتربية الصحيحة للعائلات العريقة هي التواضع و الحياء

  لو شباب اليومين دول بيقولك حضرنا ثورة وحرب و شعورهم بالمعاناة لازم يزودوا عليهم حروب تمت على ارض الوطن و معاناة اقتصادية ايام الحروب وبعدها علشان يعرفوا جيل اباءهم وامهاتهم عاصروا ايه زيادة

  بدايات اللعب في الدين واللي عايزين يصدروه لاولادنا بخصوص الاديان برنامج في فرنسا 24 بيتكلم عن الصيام وان فيه ناس بترفضه انه يكون من شعائر الاسلام وجايبين ناس بتتفلسف في موضوع فرضية الصيام و في نفس الوقت بيتكلموا عن الريجيم بالانقطاع عن الاكل وقال لك احنا نعمل اللي يفيد صحتنا حكاية الدين الابراهيمي بتاع الناس اللي مش عايزة تلتزم بالفرائض وتبقى ضميرها مرتاح انها بتعرف ربنا وهذا يكفي خلوا بالكم على اولادكم وعرفوهم الدين الصح ما تخلوش برامج من اياها تلعب في دماغهم #ما_تسيبونا_في_حالنا_بقى

  Mohamed M. Sorour بعض البديهيات الي الناس مش واخده بالها منها *الأديان مختلفه عن بعض *إسرا.ئ.يل هي العدو *في أشياء في الدنيا ممكن تبقي ليها علاقة بالدنيا *إسرا.ئ.يل هي العدو * البشر عادي ممكن يتعاملوا مع بعض كلهم مش لازم يبقوا دين واحد *إسرا.ئ.يل هي العدو * القضية الفلسطينيه قضيه قوميه *إسرا.ئ.يل هي العدو * في فلسطينيين مسيحيين *إسرا.ئ.يل هي العدو *ممكن حد مش مسلم يحارب ضدد إسرا.ئ.يل عادي علي فكره *إسرا.ئ.يل هي العدو * الجيش المصري كان في مسييحيين و كان ليهم فضل كبير في نصر اكتوير *إسرا.ئ.يل هي العدو *ممكن شخص مش من نفس ملتك و يحارب معاك كتف في كتف *إسرا.ئ.يل هي العدو *أي روح ليها قدسيتها و اي موت له احترامة و تقديره, و اي استشهاد في سبيل الوطن له مننا جميعا كل الأحترام و التقدير و الفخر بالتضحية *إسرا.ئ.يل هي العدو * مش لازم ادخل عقيدتي في كل حاجه بتحصل في العالم ممكن عادي اسيب مساحه للأختلاف علي فكره

  سيرة الاب انت بتسمعها مش بتفرضها على الناس

  المشكلة ان فيه ناس مش عارفة انها بتفسد ومش حاسة بالفساد اللي بتسببه ربنا لا تجعلنا منهم ممن يظنون انهم مصلحون وهم مفسدون ولكن لا يشعرون اعوذ بالله من الشيطان الرجيم

  لما تحب حد بتبقى عايز تسعده ولما تحبه قوي ما تبقاش عايزه يزعل منك ولما تعشقه تبقى مش عايزه يشوفك وانت بتعمل حاجة هو مش عايزها وياريت لو كل ما يشوفك تكون بتعمله حاجة حلوة ولله المثل الاعلى هو ده تقوى الله انك مش عايز ربنا يشوفك بتغضبه وعايز يفتخر بيك في خلقه تقوى الله مش خوف من ربنا هو حب شوية زيادة واكرمكم عند الله اتقاكم

  كل حادثة قتل تزيد الشعب المصري كرها لهم

  بيت العز اللي يطلع في أولاده عزة نفس يخليهم شبعانين حتى لو ما اكلوش يخلي التواضع سمة يعيشوا بيها مش بيمشي في الشارع زي الطاووس بالعكس بيمشي زي الأسد مالي مركزه مش بينفش ريشها

  بما أن كل واحد يحب يحط رأيه فأنا اقترح بدل ما نزرع قمح أو نستورد قمح علشان العيش طيب ما نزرع عيش و بسكوت و مكرونة

  نادرا ما تلاقي تمثال مصري فرعوني بيبقى خادش للحياء دي سمة الإنسان اللي عارف ربنا و بيستحي لما كنا بنروح بعض متاحف أوروبا و احنا صغيرين كان والدي ياخدنا و نطلع على طول

  فيه قضية مهمة حاتكلم فيها بتبوظ كتير في حياتنا وهي ان الانسان لو كان عاطفي فعاطفته بتدخل في كل قراراته يعني لو بيحب انسان بيحب كل اللي الانسان بيعمله وبيبرر له كل اخطاؤه وبيسامحه على زلاته على العكس لو بيكره انسان بيكره كل اللي بيعمله و بيتحامل عليه وبيضخم عنده الخطأ وبيشعر بان كل ما يفعله بقصد اذى ده اسمه شنآن يعني الكره والبغض وده بيسبب الظلم احيانا زي ما قلت القضية ان الانسان علشان ينول رضا ربنا ما يخليش البغض لشخص يجعله لا يعدل معه اعدلوا هو اقرب للتقوى مش علشان انسان بغيض على نفسي اقوم اعتبره شيطان وبرضه مش علشان انسان قريب من نفسي اعتبره ملاك حاول على قدر ما تستطيع انك تجنب مشاعرك ساعة الحكم على التصرف او الحكم على الانسان الموضوع مش سهل بس مش مستحيل