طفلة للابد

مش عارفة ليه الستات مش بتحب حد يعرف عمرها يعني لو انا عندي خمسين وشكلي يدي على عشرين تفتكروا الناس لو قالت عندي ثلاثين ازعل او لو عندي ثلاثين وشكلي يدي على ستين وواحد قال لي انتي عندك خمسين ازعل انا مش حازعل بس الستات كلها بتزعل انا باقول عندي كام سنة وبشجاعة ولذلك كان الستات ما تحبش تقعد جنبي في اي قاعدة لان الموضوع ممكن يتفقش وانا في الثلاثين كنت باقول اني في الثلاثين وكنت بالبس غويشة (الله يرحمها اتسرقت مع الدهب اللي اتسرق كله ) كان فيها في كل سنة من عمري قطعة مكتوب عليها السنة واستمرت الى ان انتهت الحلقات ولم ينتهي عمري البريد الخاص بي في اخره 1955 وهو سنة الميلاد وكان في الزمن الماضي قبل ما البنت تدخل الكليات وتتخرج وتقدم شهادة الميلاد من مصوغات التعيين وتطلع على المعاش كانت الستات في الزمن الجميل تقعد مستتة لغاية لما ييجي العريس ودايما يكون الحد الفاصل هي عندها كام سنة وهي اكبر والا اختها اكبر لان زمان كان الاخت الكبيرة تتجوز الاول وحاجات من هذا القبيل اتعودت على ان سن الست من المواضيع الشائكة ولذلك نصحتني والدتي ان لما حد من اولادي يسألني عندك كام سنة لازم تقولي سن صغي

البواب على ايام صغري شفته في مصر مش في اي بلد تاني في الستينيات كان نوبي جميل ودايما بيلعب سيجة مع بواب العمارة اللي جنبها لما كبرت شوية بدأ يبقى فلاح ومعاه مراته و كوم عيال بيلعبوا في مدخل العمارات لما كبرت اكتر بقى صعيدي ولما كبرت اكتر كمان بقى بتاع الامن اللي لابس لبس ازرق ورزل ومش فاهم حاجة ولا محصل بواب ولا باب حتى المهم اني حاحكيلكم على السيد الاستاذ البواب وعميد العمارة بتاعتي اللي اتجوزت فيها هذا البواب الفخيم كان على ما يقال قريب صاحب العمارة وصاحب العمارة على حسب اقوال وائل الابراشي كان تاجر خشب رشيدي انا اتجوزت ايام ما كان فيه حاجة اسمها خلو رجل اه والله للشباب لازم يعرف المعلومة دي خلو رجل يعني فلوس ياخدها صاحب العمارة عشان يقطع رجل اللي قبلك ويديهالك الحمد لله عمارتنا كانت جديدة فمكانش لازم يقطع رجل حد المهم ان لما وضبت البيت وكنت لازم اودي حاجتي كان معايا واحدة قريبتي وشوية شنط فيها لبس بتاع حوالي ست شنظ والا حاجة وكنت لازم افوتهم على البيت وكان الاسانسير يومها عطلان وهذا العميد الدكتور البواب قاعد على دكة امام الباب الزجاجي الجميل وقفت قدامه وقلت له صباح

بنت واحدة قريبتي كان عندها خمس سنوات في اولى ابتدائي وكانت ساعات تسيبها عندنا لظروف سفر او غيره وكانت زي العسل احب اسمع تعليقاتها مثلا  قالتلي مرة يا بختيييييك بحرقة قوي  قلتلها ليه  قالتلي عشان عندك اوضة لوحدك لان انا مش حيبقى عندي اوضة لوحدي لان انا مع اخويا دلوقتي وبعدين حاتجوز حابقى مع جوزي  مرة تانية قالتلي نفسي يبقى عندي كلب بس خايفة جوزي يرفض مرة تانية سمعت مامتها بتقول لمامتي  مش فلانة اتجوزت  قالتلهم  لا ما ينفعش تتجوز على طول لازم الاول قراية فاتحة  خطوبة  كتب كتاب جواز  اولاد  وبعدين تتطلق وكان اخوها دايما يحب يعاكسها ويضغط على صوابع ايديها وهي تعيط وفي مرة من زعلي منه قررت اعمله زي ما هو بيعملها  رحت ماسكة صوابعه وضغطت عليها قام عيط  قعدت تزعق لي وتقول لي  ليه تعملي كدة  قلتلها عشان يبطل يعمل لك كدة  قالتلي  اخويا وهو حر في انتي ايه دخلك  في مقابل ولد تاني قريبنا برضه كنت اقعد معاه واحاول انكشه عشان يتكلم يقعد ساكت وفي الآخر اقول له ممكن تقلد لي صوت البقرة  يقول لي البقرة بتقول موووو وبتعيش في اوضة  اقول له طيب والحصان 

والله ما عدت عارفة مين الحر ومين اللي فاكر انه حر وهو عايش في قفص كبير  اللي عايش في السماء بيقول انه حر وهو خايف من كل طير اكبر منه  حر ازاي ومش انا اللي احدد امتى اكل وامتى اطير  حر ازاي ورزقي مش بايدي  وقف العصفور في الجنينة يبص في القفص ويقول لاخوه  يا عيني عليك مش قادر تطير اكتر من قفص صغير  يا عبيني عليكي الاكل يجيلك بميعاد  سمع صوت حداية جري لحسن تاكل كتاكيته 

عشرون عاما اتعامل مع اطفال الشوارع في المؤسسات الخيرية عشرون عاما يتقطع قلبي حين ارى طفلا خلقه الله في فطرة سليمة ولم يكلف بعد تحركت مشاعري مئات المرات مع كل طفل اسمع عن تعذيب اهله له تقطع قلبي مع طفل هرب مرة اخرى لمعاملة المشرف السيئة له داخل دار الايواء اسمع ولا ابكي حين اعرف ماذا يحدث له في الشارع او ما حدث له قبل ان تمسكه شرطة الاحداث وتعطيه للدار كنت اتمعن في حكمة الله في تلك المخلوقات لم يخلق الله اي شيء عبثا ولكل شيء في الكون حكمة لا يعلمها الا الله https://www.facebook.com/jewelsoftheroad

قد تشيح بوجهك لان ما تراه لا يحتمله قلبك ولا تستطيع مواجهته وقد يفهمها الجاهل تجاهل

الوحيد الذي لم يمسه الاعلام بضر حتى الآن واتهامه بالعمالة هو احمد حرارة  فمن الصعب ان نقول انه قبض ثمن عيونه اما الباقي فكلهم في نظر الثورة المضادة خونة للوطن ويقيضون الثمن

لو بكى على القدس من بكوا على الكرسي لعادت القدس في لمح البصر

نهض من نومه بعد عدة سنوات ليكتشف انه ولد في قطار  واكتشف انه يعيش فيه  عشق الشجر  واحب السماء  ولكنه قضى حياته يفكر في لحظة وقوف هذا القطار  نظر للنخلة وقال لها احبك  قالت النخلة  تكذب و.... لم تكمل الكلمة فالقطار سار بعيدا  ولكن كلمات الاشجار تخرج من كل شجرة  سمعها وابتسم  لم اكذب ولكن هذا هو الحب الذي اعرفه  بلا تلامس  بلا همسات  حب بين الضلوع  لا يمسه الا اضواء الزجاج 

انا طول عمري باحب اخواتي زي عيوني اختي الكبيرة مثل اعلى احب ابقى زيه بنت ناس بصحيح اخويا الكبير ده لوحدة حتة من الجنة سعادتي كلها وانا معاه اخويا الصغير حنية الدنيا فيه كله عاطفة وباشعر معاه بالامان ولكن اخويا الصغير كان دايما بيزعل مني زي ما ناس كتير ممكن تزعل مني من غير قصد وانا لما كنت ازعل منه ساعات افتكر وساعات لما انام تاني يوم انسى كان لما يزعلني بعد الظهر وانا اتنطط من الزعل واقوله مخاصماااااك عمرك ما تكلمني تاني ابدا ويعدي بعد الظهر وانا مكشرة وانام بعد النوم الجميل والساعات المريحة اصحى تاني يوم واقوله صباح الخير ما يردش صبااااااح الخير يا جميل ما يردش فيه ايه يبص لي ويقول لي مش انتي مخصماني احاول افتكر هو كان عمل ايه مزعلني ويدخل يغسل وشه وانا سرحانه في السقف هو كان زعق والا اخد مني حاجة ما رجعهاش والا يمكن كسر لي لعبة المهم بعد المدة الطويلة والسرحانة الاقي نفسي مش فاكرة اقول له خلاص انا مش مخصماك صباح الخير ما يردش اقول له فيه ايه يقول لي انتي صالحتيني لكن انا مش مصالحك ليه يا عم فيه ايه اهو كدة انا مش مصالحك الله اذا كان انا اللي زعلانة اهو

هنا توجد صفحة وضعنا فيه كل ما سمعنا عن انه مفقود او عثر عليه https://www.facebook.com/groups/168404919928185/ برجاء تغذية الصفحة وتعميمها لكي يبحث فيها كل من تاه منه طفل لعل احد وجده

كالعادة اي واحد لازم يكون حريص يعني ما ينفعش ينسى المفتاح والا المحفظة والا الفلوس والا الرخصة ولكن صاحبتكم حريصة انها تنسى كل حاجة تنسى المقلمة وهي رايحة الكلية وتنسى المفتاح وهي رايحة البيت وتنسى كارنيه النادي وهي رايحة النادي وتنسى الفلوس في البيت وطبعا مع وجود شغالة في البيت على الرغم من انها بقالها سنين الا ان والدتي دايما تحذرني حرص ولا تخون وانا حريصة اني انسى ومش باخون يعني مش بطالة لأي شغالة وبعد عدة اشهر لقيت الفلوس بتنقص ومصروف البيت بيقل بطريقة غير منطقية مامتي كانت مسافرة وسايبالي الموضوع ومعايا اخويا الكبير ولكن برضه سايبلي الموضوع تقولوش ان انا جمال عبد الناصر في عز ايامه لما قلت لمامتي وبعتلها في جواب وده على ايامنا كان بحقيقي تكتب ورق وتحط في ظرف وتقفل الظرف وتلزق طابع بوستة وترميه في صندوق البريد عادي وتعيش بعديها عادي تاكل وتششرب مش فيلم ابيض في اسود واستنيت الرد بجواب كلمتين حلوين على اني وحشتهم كلمتين جامدين على اني باضيع المصروف نصيحة اقفلي بالمفتاح وما كدبتش خبر هاتي مفاتيح كل شيء الدولاب والدرج وكله يتقفل وكله يتحط في سلسلة مفاتيح زي بتاعة ا

Kohinour Ahmed Osman مش عايز امشي في ضلك سيبيني اتحر مش عايز تضميني عشان انا حر انا امشي اجري انام محدش يقول لي اعيش وحدي متواضع او ممكن اتغر بس اكون حر وتقفوا تشوفوني بادوق المر اللي يسقف واللي يمصمص شفايفه واللي يضحك ويسيبني امر سيبوني في حالي انا حالي عاجبني انا حر

Kohinour Ahmed Osman انا الاراجوز انا اللي سبت شغلي عشان اقول للناس اشتغلي وسهرت عشان اقنع الناس تنام انا اللي ضربت رصاص وسبت الفاس  انا اللي كرهت بلدي وكرهت اهلي وعيلتي انا الاراجوز انا اللي ماليش لبس الا لبس من كل حتة لون انا اللي مخبي وشي وملامحي بابيض واحمر والوان انا الاراجوز

ما حدث ويخدث في الساحة المصرية لا يبرره الا شيء واحد ان هناك مخططات فعلا تحيق بالوطن وان هناك خيانة عظمى تريد تفتيت مصر لصالح حلم صعب التحقيق يتخدث عنه الشباب وهو وطن الخلافة بلا حدود يجمع كل الناس تحت راية واحدة هذا الحلم الذي زرع في عقول الناس من عقود على ان الرفعة والتقدم لن يكون بالاوطان المختلفة التي قسمها الغرب بعد الحرب العالمية الثانية وان كل تلك الاوطان كانت تحت راية المختل التركي اقصد الخلافة العثمانية التي يجب ان تعود بنا الى عصور الظلام اقصد الى الوحدة الاسلامية وكنت اسمع محاضرات الاخوان بالصدفة حين احضر سبوع طفل او فرح فتاة في الغربة ويقومون بمنع الاختلاط ووضع السيدات معا لتقوم واحدة منهن باعطاء محاضرة عن خيانة القادة المسلمين للقضية واتركها لتحاول احداهن اجباري على العودة ومحاولة احراجي للانضمام ما اراه من تصرفات غير مبرره من جانب السلطة لا اوافق عليه الا لو ثبت لهم ان هناك بالفعل مخطط لاضعاف الجيش المصري وتفتيته والوقوع في براثن الحرب الاهلية مثل تلك التي في سوريا وتقسيم الجيش الى خاين وحر والتقاتل للوصول الى المعادلة التي يريدها الاخوان وهي وصولهم بالسلاح الى سدة ال