طفلة للابد

حقيقي مش عايزة اخوفكم بس ممكن الدنيا بتاعتنا دي تكون الصراط يعني انت بتقوم من النوم تمشي عليه شوف اليوم اللي مشيت فيه مستقيم يبقى عديت حتة منه صح واليوم اللي عكيت كنت حاتقع في جهنم وربنا ستر علشان عطاك يوم تاني الصراط المستقيم هو اقصر الطرق للجنة لما تعك يوم بتتكعبل عليه وتقع على وجهك زي سورة الملك اعوذ بالله من الشيطان الرجيم بسم الله الرحمن الرحيم أَفَمَن يَمْشِي مُكِبًّا عَلَىٰ وَجْهِهِ أَهْدَىٰ أَمَّن يَمْشِي سَوِيًّا عَلَىٰ صِرَاطٍ مُّسْتَقِيمٍ (22) صدق الله العظيم يعني امشي عدل احسن علشان ما تتكبش على وشك

زي النهاردة من كام سنة اعطاني الله هدية بنوتة جميلة وقال انا ايامها كنت اقول ليه بنات تتعذب احنا عايزين صبيان بالعكس البنت الجميلة دي هي اللي منورة حياتي بحبها الغير مشروط لكل حاجة في الدنيا بنت قلبها بينور لكل اللي حواليها مش بتشيل من حد لدرجة بتغيظني قوي مش معقول كم التسامح اللي عايشة فيه متصالحة مع كل الكون وبينها وبين ربها عمار كبير تبصي في وشها تحسي بالهدوء اللي جواها جميلة القلب قبل الشكل كل سنة وانتي طيبة يا ماهينور او يا مهمه يا حبيبتي يا ضوء القمر زي ما اسمك بيقول فانتي لكي من اسمك نصيب مون لايتي وحياتي كل سنة وانتي طيبة Mahinoor Sorour # ام_ماهينور_سرور_وافتخر

ساعات ربنا بيبقى عارف انك حتقابل حفرة كبيرة بعد عشر سنين فبيخليك تتكعبل في سكتك كتير علشان تبتدي تبص كويس تحت رجليك علشان تحتاط لو مش لازم تقع ممكن كمان يخليك تحتاج تعمل رياضة علشان تقوي عضلاتك لو وقعت علشان تتسلق وممكن تغني علشان حبالك الصوتية تجمد تقوم تقدر تنادي بصوت عالي لو وقعت وممكن يخليك تتعلم نجارة لان الحفرة فيها خشب وحاجات تخليك تعمل سلم حتقع والا لأ دي قدر انت مش عارفه ولكن انت في سكتك اجمد وتتعلم لان فيه حفر كتيرة كبيرة جاية ما تخليش النقر تبلعك

اكيد فيه مخ مصري في حتة ما قاعد يخطط يهد مين دلوقتي بدل ما يبني نفسه # ليه_اتعب_لما_اقدر_اتعبك

النهاردة نفسي كل ام من اصحابي تطلب تقعد مع اولادها وتقول لهم ان قسوتها عليهم طول حياتها هي علامة من علامات الحب اللي مكانتش بتقوله لهم وان لما كانت بتزعق لهم كانت علشان خايفة عليهم ولما كانت بتقسى علشان قسوتها كانت وسيلتها لتوصيل الخوف الشديد والرغبة العارمة في انهم ما يتأذوش في الحياة الدنيا ماليانة ناس حتلعب باولادكم وتؤذيهم على الاقل يشعروا ان اللي فات كله حب وان علاقتهم بأهلهم هي حجر الاسا س في الدنيا اعطوهم الامان دلوقتي حتى لو كانت عندها خمسين سنة بتبقى مستنية من مامتها كلمة وحضن يخلوها تشعر انها محبوبة حتى لو كان في اعلى درجات الحياة العملية ووصل الى قمة نجاحه في عمله هو مستني من امه الكلمة دي قولولهم النهاردة اكدوا على حبكم لهم الغير مشروط علشان يلاقوا مرسى في حياتهم ويقفوا قدام العالم كله وهم مرتاحين

اقوى انسان هو من لا تحركه مصالحه # مالوش_مالكه # طب_تذله_ازاي # طب_تسيطر_عليه_ازاي # طب_تلوي_دراعه_ازاي

بصوا بقى انا دخلت على اعياد ميلاد العقارب كلها اصحاب واولاد واخوات وقرايب وانا محظوظة اني كل دول في حياتي العقرب لما يحبك عمره ما يسيبك ابدا انت كدة عندك واحد في حياتك انت عارف انه ثابت وانك يوم ما تقول له عايزك تلاقيه العقرب بيبقى حد الامان في اي علاقة لانه مش حيتقلب عليك بسهولة ده هو ماسك فيه وبيحبك يمكن ما يقولش وتلاقيه ساكت مع نفسه كدة لكن هو عينه عليك وعمره ما حيسيبك وحيحميك في المواقف ا للي يقدر عليها واللي ما يقدرش كمان حبيب كبير وايديه اللي بتخاف منها علشان فيها مخالب هي اللي ماسكاك لتقع ممكن تكون صاحبتك عقرب من عشرين سنة لابده في الدرة وفي يوم تلاقيها في ظهرك لو عايزاها تعمل لك البدع علشان ترضيكي ممكن تقابله بعد عشرين سنة تلاقيه بيبتسم نفس الابتسامة وبيقول جواه بحبك قوي لكن ما يقولهاش علني لو قلت لواحد عقرب او واحدة عقرب انا باحبك وعملتله جميلة واحدة في حياته حتشتريه بيها مدى الحياة لانه مخلص وبالتالي بيشعر بالاخلاص بس خلوا بالكم من لدغتها لما تبيع خلاص يحق عليك العقاب انا سعيدة وممتنة لكل العقارب اللي في حياتي اللي دايما كانوا ومازالوا اماني وحبي في حياتي كل س

السياسة ما فيهاش قمص اللي يتقمص يقعد ما يتحركش انا مش بتاعة لا سياسة ولا قمص لكن مش مقموصة حاليا من السياسة الموضوع اكبر مني بكتير الصورة مش بتوضح معايا اكثر مع الوقت بالعكس بتتملي الوان والالوان بتدخل في بعض انا لا عمري باحب السياسة ولا شاطرة فيها انا بتاعة شغل انا بتاعة ما تقعديش لحسن حد يكون عايزك انا بتاعة الايد البطالة نجسة لما انزل بوست والناس تكلمني في السياسة بابقى عايزة اقولهم مش انا ياريس طول ما فيه حاجة تتعمل للبلد لازم تتعمل وكأن الدنيا في سلام دائم اللي بيقعد يتكلم عن ملفات داخل البلد وخارج البلد دي برضه مش بتفرق معايا لان انا مش قاعدة بافكر في الدنيا كلها انا بافكر في خطة تخلي الناس في البلد تقدر تعيش كويس وما تبقاش في حالة من الخوف والفقر المرض والجهل بيولدوا خوف والفقر بيدعم الخوف ده لانه بينزع الامل ويؤكد على الالم لو كان مفيش امل في البلد دي كنت قعدت اتفرج على التليفزيون واسلي نفسي بمسلسل ياخد دماغي زي الحشيش واقعد اشوف العلاقات الانسانية والمخططات بين اطراف المسلسل ولكن الدنيا فيها حاجات لو اتعملت فيه ناس كتيرة حتنام مش خايفة من بكرة ان

تنمية مجتمع مهمش يفرق عن تنمية مجتمع عشوائي مختلف عن تنمية منطقة خدمية يختلف عن مجتمع ريفي يختلف عن مجتمع بدوي يختلف عن مجتمع التجربة اللي عملتها مع نجع عون ان شاء الله حتختلف عن التجربة الجديدة في نجع يادم وبالطبع حتكون مختلفة عن زرزارة الفرق بينهم شايفاه قدامي ولكن التنمية هي انك تغيري الانسان وتفكيره التنمية انك تعرفي هو واقف فين وتحاولي تعليه التنمية انك تحطي للفرد اولا ثم المجموعة ثم المنطقة الرؤية اللي تخليهم في النهاية ماشيين في طريق هم عارفين انهم مستفيدين منه مائة في المائة ولكن بطريقة جماعية التنمية في الاماكن العشوائية اصعب لان مفيش بين الناس الروابط اللي تخليهم ينفذوا خطة عامة ولكن الشطارة انك تحول المجتمع لهذا انا مستعدة اعطي محاضرة في هذا # تنمية_للكل # رؤية_تخص_ورؤية_تعم # الانسان_هو_الاساس # البشر_قبل_الحجر

مساء التوت على عيونكم شكل الفدان حيتزرع والله ان شاء الله الفدان يعمل 7000 شجرة اول سنة يزرع تقريبا 8 علب دود يعني لان كل 3 قراريط تعمل علبة دود علبة الدود دي تعمل تقريبا 8 كيلو حرير السنة اللي بعديها تقريبا العدد بيتضاعف لان الشجر بيشد حيله ويطلع ورق اكثر بعد خمس سنوات تقريبا بيكون كل 30 شجرة بتعمل علبة حاسيبكم تفكروا كدة الفدان بتاع الوادي الجديد يعمل لنا كام كيلو حرير # توت_توت_قطر_صغنطوط # توتة_توتة_خلصت_الحدوتة # حلوة_مش_ملتوتة # يارب_مليون_شجرة_تقوم_مصر_من_كبوتها

النهاردة وصلني ثمن برج الحمام في نجع يادم برج الحمام ده مش رفاهية برج الحمام ده رمز الخير كله الحمام ده دورته الحمد لله شهر تقريبا يعني كل شهر بيزيد نقول شهرين حتى بيتضاعف ببركة ربنا كل شهر طيب حضرتك هو بس الحمام اللي بناخده المهم لا يا فندم احنا يهمنا كمان السماد اللي بينتجه لنا الحمام ده مصنع سماد عندك مصنع سماد جامد فيه كمية امونيا ولا شركة السماد الاهلية المهلبية طيب السماد احنا عايزينه ايوة طبعا في وحدات الهيدروبونيك يا باشا في وحدات الزراعة المائية يا بهوات # لاتنمية_بلا_زغاليل # مبروك_عليك_يانجع_يادم_الزغاليل

انت بتفضل فاكر نفسك تقدر وانك زي من عشرين سنة لغاية لما تقعد على بسكلتة وتسوق # اختبر_نفسك # انت_بتكبر_وانت_مش_حاسس

مش مسامحاهم و باطلب من ربنا ينتقم منهم دنيا وآخرة اي واحد يقتل واحد تاني غدر وبدم بارد يستاهل مش بس انه يتقتل بس ولكن يستاهل عقاب دنيوي غير عقاب الآخرة وهو تطبيق الآية اعوذ بالله من الشيطان الرجيم بسم الله الرحمن الرحيم إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الْأَرْضِ فَسَادًا أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلَافٍ أَوْ يُنفَوْا مِنَ الْأَرْضِ ۚ ذَٰلِكَ لَهُمْ خِزْيٌ فِي الدُّنْيَا ۖ وَل َهُمْ فِي الْآخِرَةِ عَذَابٌ عَظِيمٌ (33) المائدة يعني يتقطع رجله الشمال وايده اليمين ويعيش كدة

  ثاني سجادة تم الانتهاء من تجهيزها و هي مصنوعة بأيدي فتيات وصبيان نجع عون الجمال ده عمله اولاد منطقة كانت مهمشة لدرجة ان الاطفال كانت بتموت من سوء التغذية الجمال ده طالع من ورشة في نجع على أطراف البحيرة الورشة بتعلم أكثر من ٣٠ بنت وولد وثمن السجادة بيبقى ما بين خامات ومكافآت تكلفة السجادة للمتر المربع حوالي ١٦٠٠ او اكتر شوية مين عايز الجمال ده في بيته 127*202 16 عقدة /cm ٠١٠٦٣٢٦٠٦١٣

مطر ده والا شتا طلع تكييف الجيران هاهاهاها

الغرض من تعويم الجنيه انه يفضل يعوم يعوم يعوم واحنا نعوم على عومه # انا_عايم

عارفين الشكر ده ايه هو الصمغ اللي بيخلي النعمة تلزق فيك لو ما شكرتش اي شوية هوا يطيروها كل ما تشكر تلزق # انا_مش_عارفة_تعملوا_ايه_من_غير_الفلسفة_يتاعتي # صباح_الشكر

إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ

وَالَّذِينَ آمَنُوا بِاللَّهِ وَرُسُلِهِ أُوْلَئِكَ هُمُ الصِّدِّيقُونَ وَالشُّهَدَاء عِندَ رَبِّهِمْ لَهُمْ أَجْرُهُمْ وَنُورُهُمْ وَالَّذِينَ كَفَرُوا وَكَذَّبُوا بِآيَاتِنَا أُوْلَئِكَ أَصْحَابُ الْجَحِيمِ

اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الأَمْوَالِ وَالأَوْلادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلاَّ مَتَاعُ الْغُرُورِ

سَابِقُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَن يَشَاء وَاللَّهُ ذُو الْفَضْلِ الْعَظِيمِ

الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ وَمَن يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ

يَا أَيُّهَا الَّذِينَ آمَنُوا اتَّقُوا اللَّهَ وَآمِنُوا بِرَسُولِهِ يُؤْتِكُمْ كِفْلَيْنِ مِن رَّحْمَتِهِ وَيَجْعَل لَّكُمْ نُورًا تَمْشُونَ بِهِ وَيَغْفِرْ لَكُمْ وَاللَّهُ غَفُورٌ رَّحِيمٌ

سْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ أُوْلَئِكَ حِزْبُ الشَّيْطَانِ أَلا إِنَّ حِزْبَ الشَّيْطَانِ هُمُ الْخَاسِرُونَ

وَمَن يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ

وَلا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَؤُوفٌ رَّحِيمٌ

وَلا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ أُوْلَئِكَ هُمُ الْفَاسِقُونَ

لَن تَنفَعَكُمْ أَرْحَامُكُمْ وَلا أَوْلادُكُمْ يَوْمَ الْقِيَامَةِ يَفْصِلُ بَيْنَكُمْ وَاللَّهُ بِمَا تَعْمَلُونَ بَصِيرٌ

لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ

يَا أَيُّهَا الَّذِينَ آمَنُوا كُونُوا أَنصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنصَارِي إِلَى اللَّهِ قَالَ الْحَوَارِيُّونَ نَحْنُ أَنصَارُ اللَّهِ فَآمَنَت طَّائِفَةٌ مِّن بَنِي إِسْرَائِيلَ وَكَفَرَت طَّائِفَةٌ فَأَيَّدْنَا الَّذِينَ آمَنُوا عَلَى عَدُوِّهِمْ فَأَصْبَحُوا ظَاهِرِينَ

يَا أَيُّهَا الَّذِينَ آمَنُوا لا تُلْهِكُمْ أَمْوَالُكُمْ وَلا أَوْلادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ

وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ

وَمَن يَتَّقِ اللَّهَ يَجْعَل لَّهُ مَخْرَجًا

وَيَرْزُقْهُ مِنْ حَيْثُ لا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا

وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ

إِنَّ الَّذِينَ يَخْشَوْنَ رَبَّهُم بِالْغَيْبِ لَهُم مَّغْفِرَةٌ وَأَجْرٌ كَبِيرٌ

أَلا يَعْلَمُ مَنْ خَلَقَ وَهُوَ اللَّطِيفُ الْخَبِيرُ

فَاقْرَؤُوا مَا تَيَسَّرَ مِنَ الْقُرْآنِ

وَأَقِيمُوا الصَّلاةَ وَآتُوا الزَّكَاةَ وَأَقْرِضُوا اللَّهَ قَرْضًا حَسَنًا وَمَا تُقَدِّمُوا لأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا وَاسْتَغْفِرُوا اللَّهَ إِنَّ اللَّهَ غَفُورٌ رَّحِيمٌ

وَلِرَبِّكَ فَاصْبِرْ

وَمَا يَعْلَمُ جُنُودَ رَبِّكَ إِلاَّ هُوَ

كُلُّ نَفْسٍ بِمَا كَسَبَتْ رَهِينَةٌ

إِلَى رَبِّكَ يَوْمَئِذٍ الْمَسَاقُ

أَيَحْسَبُ الإِنسَانُ أَن يُتْرَكَ سُدًى

وَيُطْعِمُونَ الطَّعَامَ عَلَى حُبِّهِ مِسْكِينًا وَيَتِيمًا وَأَسِيرًا

إِنَّمَا نُطْعِمُكُمْ لِوَجْهِ اللَّهِ لا نُرِيدُ مِنكُمْ جَزَاء وَلا شُكُورًا

وبدأ عسكري المرور يعبث بصفارته داخل جنبات رئتي ينذرني بحساسية الخريف ويطلقها مع كل نفس # يدخل_الخريف_ونخرف # ما_تقداااارش # انا_ما_باخافش

في مصر تلاقي واحدة ست من اسكندرية ركبت اوبر مع واحد من المنيا واقترحت عليه يزرع شجر توت علشان تنتج حرير علشان الشباب المنياوي يفضل في المنيا ويجيب لأهله فلوس بدل الهجرة والمرمطة يقوم شاب من القاهرة ما يعرفوش ولا عمرها شافها يدفع ثمن 700 شجرة في غيط الراجل المنياوي ويبعث له منحل يزيد من انتاج التوت ويأكل اهل قريته العسل والشاب ده اساسا عمره ما شاف الست دي ولا الراجل ده ولكن كله بيعمل في معية الله # هي_دي_مصر_ياعبلة # اعيط_انا_والا_اعمل_ايه # مصر_محفوظة_بجمال_قلب_اولادها # يارب_احفظ_مصر

ويتطاولون في البنيان # مصر_في_عصر_الابراج

في الستينيات كان فيه برنامج تليفزيوني اسمه اعتقد كاتب وكتاب كان بيجيب كل مرة فصل من قصة يبدأها كاتب وتتعمل سيناريو وتتمثل وبعدين ييجي كاتب تاني يكمل عليها وتتمثل علشان تكمل قصة كاملة وكان الكتاب مين يوسف السباعي ويكمل عليه يوسف ادريس ويكمل عليه نجيب محفوظ وهكذا تخيلوا عمق البرنامج ده انما احنا نجيب واحدة تعمل لنا محشي ورق الخس علشان تكمل عليها باللحمة البانيه احط البيض الاول والا البقسماط # عصر_عمر_اديب # عصر_مرتضى_منصور # عصر_الاضمحلال

من كتر ما بافكر برة الصندوق عايزة ارجعله مش لاقياه # ما_تيجي_اغير_وافكر_في_الصندوق

وانا صغيرة كان نفسي اعدي بالعربية تحت نفق القطر ماشي عليه من فوق وبالذات كنت باحب الكوبري ابو عين واحدة اللي في محرم بك بعد عشرميت سنة وانا سايقة لقيت قطر في سموحة بيعدي فوق نفق الابراهيمية جريت جري بالعربية علشان اوصل واقف تحت القطر وهو معدي تصدقوا اني ما حسيتش بحاجة وحلم الطفولة طلع فاطشة كبيرة # ليه_يازمان_ما_سبتناش_صغيرين # قال_قطر_قال_ده_احنا_اتخوزقنا

وانا صغيرة كنت بافضل صاحية علشان اعرف حانام امتى واصحى من النوم زعلانة علشان ما شفتش لحظة النوم # ليه_يازمان_ما_سبتناش_اطفال # حلم_الطفولة_البريئة

تظل تستمع بعالم الاطفال الى ان يأتي يوم تجد انه لا مفر من دخولك الى عالم الكبار العالم الذي لن تجد فيه امك تقلق اذا لم تأكل افطارك جيدا او تعد لك الاكلة المفضلة عالم الكبار ليس فيه اب يقوم يقف في ظهرك ويحضر لك مستقبلا مبهجا العالم الذي تعيشه بنفسك مع نفسك لا تجد فيه هذا الشخص الموجود دائما حولك يرأف بحالك دخولك في هذا العالم يحتاج بعض الوقت لانك ستقاوم هذا الشعور بشدة ستبحث عن بديل للام والاب سيبحث الزوج عن ام تدلل ولا تطلب وتبحث الزوجة عن اب يرأف ويخطط ويصطدم العقلان بمسئوليات مطلوبة ليس لديك بها بديل في هذا العالم السعادة لحظات وليست دائمة تضحك مساءا وتستيقظ عليك ما عليك من شقاء ومعاناة الباحث عن السعادة الدائمة في هذا العالم هو الباحث عن السراب السعي في الدنيا هو المطلوب ولم يعدنا الله بجنة في الارض ادخل عالم الكبار وعش فيه راضيا حتى تصبح مرضيا ستجد النفاق والكذب والاستغلال والاستنطاع وانتهاز الفرص ولكن هذا هو متطلباته لن تجد عنه بديلا ولن تجد عنه تحويلا فهو الحجرة التي تسكن فيها الى تلقى الله تعاملك مع هذا العالم هو ما يدخلك عالم السعادة البحتة والفرح الاكيد لان ا

عايز تعيش راض عيش على الواقع مش المتوقع ما تبنيش عالم خيالي انت اللي راصص مكعباته انت تبص حواليك وتقدر وتشوف وتبني حكمك على ماضيك وماضي الناس اللي قبلك لان مستقبلك مش حيتغير علشان انت عايزة مثالي ولا صاحبك حيبقى زي خيالك # عش_بدون_توقعات # التجارب_مهمة # بص_حواليك

الله اكبر الله اكبر ما شاء الله لا قوة الا بالله النهاردة شفت بيت واحد من النجع وانبهرت انبهار فوق الوصف في البداية هو نجار مسلح لكن لازم بيته يتدرس في المدارس لأنه مثال المنزل المنتج سور البيت كله زهور متسلقة تدخل تلاقي على يمينك زرع مختلف ألوانه يعني ذرة مع بامية مع مورينجا مع ستيفيا مع كل أنواع الخضار تعدي تفتح باب تلاقي احواض فيها سمك قراميط مع ازولا ومتغطي ومياه السمك والازولا بتسقي الزرع بالمياه كسماد وبعدين شوية بط بياكل من الازولا وبعدين تطلع كام سلمة تلاقي حمام بلدي وتطلع السطوح تلاقي خمسين زرعة مختلفة كل واحدة في شوال وبيحاول يعمل هيدروبونيك على السطح ان شاء الله قولولي اعمل ايه في هذا الشخص شهادة تقدير والا اعمل وحدة الهيدروبونيك هدية # التنمية_لها_ناسها # انت_فخر_لمصر # عوض_اجدع_نجار # عوض_اجدع_مثال

توفي ابن خالي الحبيب بعيدا عني في المانيا حيث اختار ان يعيش رايته اول مرة بعيني بعد حرب اكتوبر حين جاء بفخر الى مصر ومعه زوجته وكان لقاءا جميلا وان كانت قصص امي عن اولاد اخيها كلهم وصورهم في الماضي تجعلني اراهم بعين الخيال كثيرا ظلت علاقتي به الكترونية وان كانت ضعفت بعد تطبيقات التواصل الاجتماعي لعدم استخدام البريد الالكتروني كمادة للقاء وبعض المكالمات القصيرة التي تشفي الحنين الى خالي الصغير او ابن خالي الكبير اولاد خالي الكبير هم في عمر قريب من عمر امي ولكنهم اخوتي وهو ك ان اخا كبيرا زوجته في يوم من الايام بعد ان تعدى الستين بمراحل طلبت منه ان يبحث عن كل العائلة لينضم اليها في كبره وتحدثت معي في التليفون عن الطريقة التي نجمع بها عائلة حافظ كلها وبالطبع هنا في مصر او في الاسكندرية الموضوع ليس بسهولة قوله اسرة امي كانت من الاسر العريقة في الاسكندرية وسمي شارع حافظ في غيط العنب باسم جدي لوجود املاكه به ولكن من فيهم اعرفه سوى اولاد الخال والخالة عائلة والدة امي وهي عائلة سالم التي لم ار منها فردا واحدا لسفر امي المبكر من الاسكندرية بصحبة ابي ولكن كنت اسمع ممدوح سالم

وراء كل مشكلة واحد عايز يستفيد السبوبة هي الطريقة التي يعيش بها العديد من الشركات الكبيرة ان شاء الله الشباب اللي طالع وحيمسك البلد باذن الله حيكون احسن لانهم عيونهم ماليانة عن الحاليين

النهاردة عايزة اتكلم على سيدنا ابراهيم شاب قعد يفلسف عقيدة اهله اللي كانوا بيعبدوا اصنام وبيربطوها بنجوم وكوكب في السماء ولما قعد يبص في السماء ويشوف الكواكب والنجوم وهي صغيرة قصاد القمر احتقرها ولما الشمس طلعت والقمر اختفى احتقر القمر ولما الشمس اختفت بالليل قالك مش ممكن اعبد اي حاجة من دول لانهم مش ثوابت وكل كبير منهم له الاكبر منه هذا الشاب بعقله وصل الى الله ووقف امام شعب وامة وعقيدة بالكامل اترمى في النار وطلع منها ساب البلد وقعد سنوات مش بيخلف ولما خلف ولد بعد شوقة ربنا طلب منه يسيب مراته وابنه البكر في الصحراء ولا فيش موبايل يطمن عليه وكانت زي ما يكون ربنا بياخد منه اغلى ما عنده ومش بس بياخدهم لا ده سايبهم بلا حول ولا قوة في نصف الصحراء ولما كبر ربنا طلب منه يذبحه وعلى فكرة اهل العراق في هذا الزمن دي كانت طقوس بيعملوها انه تقربا لالهته يذبج الابن البكر ولكن هو مكانش على عقيدتهم ولكن لما ربنا طلب منه كان اختبار كبير قوي اللي عايزة اوصل له ربنا سماه ابونا يعني اي واحد مسلم ابوه ابراهيم هه ايه الاخبار فين النار اللي حتتحطوا فيها بقى احنا خلال حياتنا ال

لكل عمر جمال الست الكبيرة اللي عندها شوية تجاعيد بيبقى شكلها حلو والله محدش يفتكر ان العمر بيبان من الملامح على فكرة النسب في الجمجمة بتختلف يعني جمجمة الطفل مش هي جمجمة الراجل بس على صغير لا نسبتها لبعض نفسا بتختلف واسألوا اللي بيرسم البورتريهات يقولك لما واحد كبير في السن بيصبغ شعره بيبان ان كبير وصابغ مش بيتقال ده شاب لما واحدة بتعمل البدع في وجهها علشان تبان اصغر مش بتبان اصغر بالعكس بتبان كبيرة في السن بس ممسوخة الطبيعة ان احنا نفرح بنفسنا زي ما احنا وبالتدرج اللي ربنا عمله

كل ما بنكبر بنحب الصور اللي فيها تفاصيل اكتر يعني التلوين بتاع الاطفال بيكون لون واحد التلوين بتاع الكبار بيكون كذا لون لاننا بنشوف الضوء والحياة بطريقة اعقد شوية والتلوين بتاع الفنان بيكون عشرات التكوينات المختلفة ده تطور طبيعي لنا احنا كمان واحنا صغيرين كل حاجة ناعمة وكانها لون واحد كل ما نكبر التفاصيل بتزيد لغاية لما تبدأ التجاعيد تكون جزء مننا التجاعيد بقى بتضيف بعد لصورتنا لان الضوء بيلعب كعامل مساعد في الصورة مش لازم نزعل ان التجاعيد ظهرت علينا ولكن لازم نشعر ان بكدة الصورة بتكمل وتبقى اعمق واجمل قد يختلف نظرتك للجمال وتتمنى ان تظل على صورة اخذتها منذ عشرات السنوات ولكنك لست هذا الشخص ولن تكون انت افضل منه الف مرة اقول هذا لسيدات يردن ان تظل صورتهن في العشرينات ابد الآبدين

عايز تعيش راض عيش على الواقع مش المتوقع ما تبنيش عالم خيالي انت اللي راصص مكعباته انت تبص حواليك وتقدر وتشوف وتبني حكمك على ماضيك وماضي الناس اللي قبلك لان مستقبلك مش حيتغير علشان انت عايزة مثالي ولا صاحبك حيبقى زي خيالك # عش_بدون_توقعات # التجارب_مهمة # بص_حواليك

ان شاء الله حنحاول نزرع 4000 شجرة توت في اسوان وتبقى بداية انتاج الحرير في الصعيد ان شاء الله طبعا علشان يبقى فيه صناعة حرير اكيد حنحتاج اكتر من 4000 شجرة ولكن البداية كويسة وباذن الله نشوف مع بعض احسن حرير من اجدع ناس في مصر # لعله_خير # يارب_احنا_بنزق_وانت_معانا # عايزين_نصف_مليون_شجرة_مش_اقل # اسوان_تكسب_ان_شاء_الله

سيبكم من الاكتئاب والهري انا امبارح رحت المركز الحرفي لقيت الطفل محمد موسى عطيته البسكلته وفرح بيها فرح السنين يا حبيبي وابتسامته ملأت وجهه ووصيت مدرب السجاد انه يخليه معلم كبير علشان ياخد نول في بيته لقيت بنات السجاد الله اكبر كل واحدة بتشتغل زي الفل وبعدين رحت الأشغال اليدوية لقيتهم بيشتغلوا في طلبات مطلوبة منهم طلعت على ورشة النجارة لقيت الصبيان بيصنفروا الكراسي وبيركبوا الترابيزات و الدنيا زي خلية النحل وقفت مكان الكانتين اللي حنعمله المركز علشان يتعلموا فيه أعداد وج بات ولقيته قرب على الانتهاء وكل ده و دكتورة Inas ElShazly inas بتعمل لهم محاضرة توعية علشان العدوى خصوصا ان فيهم واحدة جالها الصفراء و الدكتورة Malak Marmouch Malak بتكمل بيانات الايتام والجميلة Mai Farouk يترتب معاهم المعرض القادم فيه ايه ممكن يزعل بعد كدة يااافيش على رأي حفيدة يافيش حاجة تزعلني

اعوذ بالله من الشيطان الرجيم بسم الله الرحمن الرحيم سورة ص قَالَ أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ 76 .... المصيبة انه حيخرجنا من الجنة بنفس الطريقة ناس كتير بتقولها بس انا خير منه انا لابس من برة انا خير منه انا عندي عربية مرسيدس انا خير منه انا عندي فيلا في هايسيندا انا خير منه انا جبت تقدير انا خير منه انا شيك وسمارت انا خير منه انا عندي اولاد انا خير منه انا عايش في بلاد برة انا خير منه انا ... انا ... انا .... ثم قابلت الله وحدي ثم بكيت ثم تساقطت اطرافي

الشيطان مش بيروح كباريهات لكن ممكن يحضر مباريات علشان يدق اسفين بين فريقين الشيطان مش بيروح خمارة لكن ممكن يدخل جامع يزعل واحد واقف وراء من نظرة شافها في عين واحد قدام الشيطان بيروح الحته الطاهرة علشان يدنسها بأفكار هدامه ويكره الناس في بعض لما تلاقي الكلام بيسخن والأعصاب بتتحرق اجري اتوضأ علشان تطفيه لأنه نار وبعدين ولع فيه بالصلاة واقرأ فيها آية الكرسي لانها بتطفشه

بشرى لكل مريض سرطان من ا صدقائي السرطان ده ورم بيتكون داخل جسمك من جسمك يعني هو عبارة عن رد فعل داخلي انت بتكونه على سنوات وساعات مش بيكون ورم بيكون رد فعل مبالغ فيه زي تكسير للدم البشرى بتقول ان ده رد فعل منك على نفسك انت اللي عملته يبقى انت اللي تقدر توقفه اقعد كدة مع نفسك وكلم الورم وقل له انت مش حتغلبني انا اللي حاغلبك انا اللي عملتك وانا اللي اقدر ارجعك زي ما كنت خلية واحدة صغيرة لا حول لها ولا قوة اللي الطب بيعمله انه بيقضي عليه من براك وهو جواك عايز يدمرك وانت تسيبله القيادة ليه انت اللي تدمره عيد حساباتك واعتبر انها بداية وانك انت اللي حتقود جسمك بنفسك انت اللي حتبقى القائد لحياتك من هنا ورايح ادرس الجسم البشري علشان تعرف انت بتكلم مين في امريكا فيه مركز بيعلموا الاطفال تحارب السرطان زي البلاي ستيشن # سرطاني_وانا_حر_فيه # جسمك_محدش_يسيطر_عليه_غيرك_انت

الرفق من الحاجات اللي الرسول وصانا عليها ومن اسس ديننا اننا ما نتعاملش بالعنف حتى في المواقف الصعبة ونشوف اللي قدامنا ايه اللي خلاه عنيف علشان نرفق بحاله الرفق صعب توصل له بس حاول الرفق زينة للانسان وليس ضعفا كما يتخيل البعض او كما يزينه الشيطان

زهرة الاكونايت زهرة تساعد على التغلب من حالات الخوف الشديد والصدمات المسببة للخوف واعراض الخوف التي تساعدها زهرة الاكونايت .... خوف مضطرب .... هجمات شديدة من الخوف مساءا وقد يستيقظ من الخوف لمدة ساعة او اثنين .... خوف شديد من الموت .... قلق هائل بعد وقوع حادثة .... قلق كبير للآخرين ، وفرط حركة ، والخوف من التواجد في مكان مزدحم خوف مرضي من الأماكن المغلقة.