طفلة للابد

الدنيا سجن المؤمن وجنة الكافر المؤمن بيقضى العقوبة علشان ياخد حريته في الاخرة للايضاح الروح حين تنزل في الجسد تتحول الى انها لا تغادره الا بعد الموت الروح في الجسد عليها قيود يجب ان تقوم بها ضد رغبة الجسد مثل السجين ولكن الكافر لا يتقيد بالقيود بما فيها انه يمكن ان يقتل نفسه

خذ نصيبك من الدنيا ربنا مش عايزنا نسيب الدنيا خالص بس ما تبقاش هي همنا الاول و الاخير

زي بكرة الناس استقبلت سيدنا عيسى وهو داخل المدينة بتاعتهم بالزعف يعني زي ما استقبلوا سيدنا محمد بالغناء والشعر وقالوا طلع البدر علينا كل سنة وكل اصدقائي المسيحيين بكل خير وسعادة وفرحانين بوجود سيدنا عيسى في حياتهم بكل الخير اللي قدمه والاخلاق العالية اللي علمهالهم

بالنسبة للطريقة التعليمية اللي ان شاء الله بنفكر نعملها في المدرسة المجتمعية في نجع العون حنعمل فكرة الوحدة التعليمية زي السعرات الحرارية كدة يعني انت محتاج كام وحدة تعليمية علشان تبقى متعلم طيب اللغة العربية فيها كام وحدة تعليمية لو اعتبرنا ان المعلومة الواحدة تعتبر وحدة تعليمية يعني مثلا درس النكرة والمعرفة يعتبر وحدة تعليمية ولما يفهمها كويس يبقى كانه اكلها وحرقها وفي اي وقت ممكن يعرف الفرق وده انا لاحظته في التنوين مثلا ناس كتير مش بتعرف امتى احط التنوين وامتى احط الت شكيل وده مرتبط بالنكرة والمعرفة طيب لما انا درس النكرة والمعرفة اعتبره وحدة لازم يعرفها كويس وياخد عليها تدريبات ويفهمها وبعديها يعتبر عدت عليه وياخد ختم عليها في كراسة الوحدات التعليمية للغة العربية وبكدة يبقى عدى واحد من الف وحدة مثلا ساعتها الطالب حيبقى معاه كراسة للغة العربية كلها مربعات داخل كل مربعة اسم الوحدة وفيها مكان للمعلم علشان يختم ان اللي معاه الكراسة دي اتعلم الوحدة دي طيب تعالوا بقى اللغة العربية فيها كام وحدة مثلا لو الدرس فيه وحدة والاطفال بتاخد درسين عربي في اليوم يبقى في خلال ع

في سورة الحج اعوذ بالله من الشيطان الرجيم يَا أَيُّهَا النَّاسُ إِن كُنتُمْ فِي رَيْبٍ مِّنَ الْبَعْثِ فَإِنَّا خَلَقْنَاكُم مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ مِن مُّضْغَةٍ مُّخَلَّقَةٍ وَغَيْرِ مُخَلَّقَةٍ لِّنُبَيِّنَ لَكُمْ وَنُقِرُّ فِي الأَرْحَامِ مَا نَشَاء إِلَى أَجَلٍ مُّسَمًّى ثُمَّ نُخْرِجُكُمْ طِفْلا ثُمَّ لِتَبْلُغُوا أَشُدَّكُمْ وَمِنكُم مَّن يُتَوَفَّى وَمِنكُم مَّن يُرَدُّ إِلَى أَرْذَلِ الْعُمُرِ لِكَيْلا يَعْلَمَ مِن بَعْدِ عِلْمٍ ش َيْئًا وَتَرَى الأَرْضَ هَامِدَةً فَإِذَا أَنزَلْنَا عَلَيْهَا الْمَاء اهْتَزَّتْ وَرَبَتْ وَأَنبَتَتْ مِن كُلِّ زَوْجٍ بَهِيجٍ . فيه فعلا ناس حاليا لا تؤمن لا بالله ولا بالبعث ومنهم ناس في هولندا كان واحد زميل ابنتي في المدرسة وقعد يضحك علينا علشان فاكرين ان فيه حياة تانية وان فيه حور عين المهم ان ربنا هنا مش بس بيناقش الحياة التانية انما بيقول لهم انا خلقتكم حاليا بالتفاصيل اللي قالها في الاية خلوا بالكم اللي بيقول التفاصيل دي هو سيدنا محمد لناس من اكثر من اربعتاشر قرن وكلها بتبين الانسان وخلقه و

زيارة امبارح لنجع العون كانت جميلة جدا وكلها ناس حلوة بدون ذكر اسماء لانهم كانوا كتير وانا زي ما انتم عارفين مصحصحة وعارفة كل حاجة (ياريت افتكر اسمي الاول) النتيجة ان مجموعة من اللي كانوا معايا قالولي حيستمروا يعلموا الاولاد معايا اخذنا البنات والصبيان وقعدنا نشوف عندنا كام طفل وبيعرفوا ايه وحصرنا الاولاد اللي عايزين يتعلموا المفاجأة الكبرى كلهم تقريبا بدون مبالغة مش بيعرفوا قراءة وكتابة حتى اللي في مدارس كلهم تقريبا بدون مبالغة مش بيعرفوا الحساب حتى اللي في مدارس كلهم تقريبا وبدون مبالغة مش بيعرفوا في القرآن الا الفاتحة وكام سورة من قصار الصور والله اعلم الكام دول ممكن يصفصفوا على واحدة الكبار كلهم عايزين يتعلموا القراءة والكتابة ؟,::"؟.,..؟:!@#$% انا بقى الصراحة اتصدمت مع انها مكانتش مفاجأة ما يعرفوش مين الكتب السماوية ولا الرسل ولا الملائكة المهم قررنا سوا ان يكون كل واحد مسئول عن مجموعة من الاطفال يعلمهم القراءة والكتابة والحساب لغاية لما نعمل النظام التعليمي بتاعنا يا حبايبي انا قلتلهم اذا مش بتعرفوا تكتبوا وتقروا ده مش علشان انتم خايبين انتم اذكياء على يد

انا اجدع واحدة تهرب من الاحداث انا مش باحب لا المواجهة ولا العتاب ولا باحب اشوف انسان مريض وبالاخص لو حبيب او قريب انا واحدة خيالها واسع وتقدر تشوف الاحداث مرة واتنين وثلاثة يعني لو شفت حد مريض اقدر اعيش اللحظة دي طول حياتي يعني لحظة وفاة والدي قربت على اربعين سنة وانا شايفاها وبالتالي لما اعرف ان حد مريض بابقى مش عايزة اشوفه في فراش المرض ولو ابني تعبان او حفيدي ابقى عايزة احط سماعات في وداني علشان ما اسمعش التفاصيل باعتبر ان اللي اقدر اعمله هو الدعاء والصلاة واخلي الموضوع في ايد ربنا اؤمن جدا بان اللي بيراعي ربنا في حياته مش بيخذله في الدنيا ولا في الاخرة وبالتالي الموضوع لو في ايد ربنا انا مش باراجع عليه انا خلاص اعطيته لصاحب الامر وكاني باقول والامر مرفوع لكم الحمد لله الى الآن ربنا ما خذلنيش في حياتي ابدا طول حياتي وانا شاعرة انه معايا في كل خطوة والله والله والله ساعات بعد ما اعمل الحاجة اللي الناس بتستغرب انها اتعملت اقعد افكر هو مين كان معايا النهاردة وافكر والاقي اني كنت لوحدي لكن لا يمكن اللي اتعمل يكون بتاع واحدة في سني وحالتي الصحية ولكن باحس ان ربنا

يا حبايبي ملعقة صغيرة زيت حبة البركة قبل النوم بتوقف الاسترجاع اسال مجرب ولا تسال طبيب

اخويا حبيبي كان بيقول لي انتي عاملة زي الفار اللي ممكن من كتر ما بينقر في الجبل يهده وهو حتة فار اهو فيه موضوع لو تم ان شاء الله قريب في الشهرالجاي ابقى بالفعل فار وساعتها اسمح لكم تسموني ميكي ماوس بجد الموضوع ده بقاله كذا سنة وانا نفسي يتم عرفت النهاردة ان ممكن الاسبوع الجاي يتحرك لما نشوف برضه اخويا كان بيقول لي انتي بتفكريني بالفينيكس الطائر اللي بيرجع يعيش من الرماد بتاعه انا بقى باحب اخويا وتشبيهاته لانها بتحسسني ان مجهودي مستمر ومش بينتهي وده في حد ذاته دافع لي علشان اكمل يارب اطلع ميكي ماوس والا فينكس والموضوع بتاع الاسبوع الجاي ينتهي على خير

في سورة الحج اعوذ بالله من الشيطان الرجيم يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ - 1 يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ - 2 . الصراحة الايتين دول كفاية ان الواحد يعمل اللي عليه علشان ما يتزلزلش الزلزال ده وهنا بيوري ان الام اللي رضعت وحملت يوم القيامة حتذهل عما ارضعت يعني حتغيب عنه وتتلهي عنه صورة مخيفة ربنا يكفينا شرها وهنا ربنا مش بيقول القيامة هو بيتكلم عن الساعة يعني نقدر نقول انها قريبة من السعي لان الساعة الاسم من السعي وهنا بيورينا ربنا اللي ما سعاش للساعة سعيها حيبقى عامل زي السكران بيتطوح الصراحة انا ماشية بمبدأ وباقوله لكل اصحابي لم نمر كل يوم اجمع نمر تنجحك يوم القيامة صبح على كل اللي تشوفهم ابتسم للكل اعمل حاجة ولو حاجة واحدة كل يوم تحط لك فيها نمرة في كراستك يوم القيامة يالا نسعى علشان في الساعة نبقى على الاقل عندنا شوية نمر ينفعوا معانا

ما تفتكرش القرشين اللي معاك مكافأة من ربنا علشان انت احسن من الفقير كلا نو ابسلوتلي نوت ده اختبار اصعب بكثير بكتشيييير قوي ده امتحان من غير ورقة أسئلة ربنا يستر عليك انما المرض و الفقر ده امتحان على ورقة وانت بتجاوب وعارف # ربنا_يستر_عليك # جاوب_قبل_اللجنة_ما_تقفل

السورة الجاية سورة الحج سورة قوية وبدايتها بتزلزل اعوذ بالله من الشيطان الرجيم بسم الله الرحمن الرحيم يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ . اللهم اكفنا شرها

سورة الانبياء سورة البعد عن الغفلة ازاي نغفل عن الله وهو اللي بيده المقاليد كلها المهم ان الدنيا متاع الى حين ربنا يتقبلنا عنده يارب من الشاكرين المستغفرين المسبحين

الترس الصغير اللي في ماكينة كبيرة ممكن يوقف الماكينة كلها يعني الترس في اهمية الماكينة كلنا تروس في الحياة وكلنا مهمين اللي بيحط ارز للعصافير ممكن يكون ربنا ياعته رزق لهم اللي بيبتسم في وجه جاره ممكن ربنا يكون باعته رزق لجاره اللي شاعر انه مكروه من العالم # انت_ترس_عظيم

هل لوجودك سبب ايوة انت مش صدفة كونية انت موجود على الارض لسبب لو مش عارفة دور عليه ولو مش لاقيه شوف ايه اللي انت متيسر له يبقى بتاعك # انت_اهم_من_انك_تكون_صدفة # انت_متكرم_عند_ربنا # كل_ميسر_لما_خلق_له # ماتشتقلش_نفسك

سورة الانبياء اعوذ بالله من الشيطان الرجيم يَوْمَ نَطْوِي السَّمَاء كَطَيِّ السِّجِلِّ لِلْكُتُبِ كَمَا بَدَأْنَا أَوَّلَ خَلْقٍ نُّعِيدُهُ وَعْدًا عَلَيْنَا إِنَّا كُنَّا فَاعِلِينَ - 104 العلم الحديث اكتشف ان الكون ممكن يكون صفحات زي ما في الصورة باين https://www.space.com/20881-wormholes.html ...

في سورة الانبياء . اعوذ بالله من الشيطان الرجيم حَتَّى إِذَا فُتِحَتْ يَأْجُوجُ وَمَأْجُوجُ وَهُم مِّن كُلِّ حَدَبٍ يَنسِلُونَ . ربنا بيتكلم لما تتفتح يأجوج ومأجوج طبعا فعل فتحت يعني حاجة مقفولة واتفحت واحنا عارفين ان ذا القرنين كان قفل عليهم ولكن الفقل انهم هم اللي اتفتحوا مش اتفتح لهم زي ما يكون انهم حالة او حاجة مش ناس لما سمعت الشيخ الشعراوي كان بيقول ان لما بنبعد عن ربنا وبتاخدنا الدنيا بيسلط الله علينا حالة ياجوج وماجوج زي ايام التتار مثلا وانهم بيسيطروا علينا وعلى الامة كلها واننا لما بنلم بعض بنقف قصادهم وقال ان مصر وقفت قصادهم واننا ان شاء الله في كل مرة بنوقفهم والايام دي مع تكالب الناس علينا حاسة اننا في حالة ياجوج وماجوج وان كل الناس متكالبة علينا طبعا الحديث عن نهاية العالم وان سيدنا عيسى عليه السلام حيطلع ويوقفهم وان فيه دودة حتاكل عقلهم فكرني بجنون البقر اللي تسبب في عملية تاكل العقل بشكل يشبه الدودة وحسيت ان المرض اللي حيوقف ياجوج والماجوج ربنا ورانا منه علامات كلمة حدب هي الحاجة المحدبة اي المنبعجة لاعلى زي اللي عنده حدبة زي الاحدب اللي بيبقى عن

امي حبيبتي رحمها الله رحمة واسعة كانت السهل الممتنع كانت تضحك وقت الضحك وقت الجد ما تعرفيش تسلكي معاها كانت اللعب عندها جد والجد عنها جد برضه يعني الكوتشينة تبقى درس في الجمع والذاكرة والمذاكرة مالهاش دعوة بيها لانها مسئوليتنا مش مسئوليتها كانت سابقة زمانها وتفكيرها غير جيلها حبيبتي علمتني كتير في حياتي من اول ازاي اراعي جاري واخاف على مشاعر اللي حوالي وازاي محدش يكسرني وازاي اتحدى المصاعب وازاي اشيل مسئولية بيتي وازاي اعمل حساب الزمن كانت ساعة المشاكل تقوم تعمل حاجة في البيت او المطبخ زي ما تكون بتقول الموضوع ده عادي ما تقلقوش في وقت من اوقات حياتي كنت تعبانة جدا وما كلمتهاش لقيت اختي جايالي تقولي ان ماما حلمت اني محتاجاها وقالتلها روحي لاختك شوفيها عايزة ايه كانت بتعتبر اهل والدي هم اهلها بشكل اننا كنت حاسة ان عمتي هي خالتي زي ما خالتي هي عمتي لان بابايا برضه كان بيحسسنا اننا عائلة حبيبتي لما تعبت وكان عندها الممرضات على مدار اليوم كانت بنفس كرامتها وعزة نفسها لدرجة اذهلت الممرضات اتمنى من الله انها تكون عند ربنا راضية مرضية وانها تدخل جنته ويجمعنا معاها ومع الرسول ا

ونقول للربيع يا مرحب يا مرحب ناوي تخلص امتى حاول تزور وتخفف يا باشا احنا مش حمل الدوخة والبخار اللي لافف حوالين النافوخ

في سورة الانبياء . اعوذ بالله من الشيطان الرجيم وَاقْتَرَبَ الْوَعْدُ الْحَقُّ فَإِذَا هِيَ شَاخِصَةٌ أَبْصَارُ الَّذِينَ كَفَرُوا يَا وَيْلَنَا قَدْ كُنَّا فِي غَفْلَةٍ مِّنْ هَذَا بَلْ كُنَّا ظَالِمِينَ 97 . سبحان الله ربنا هنا بيقول ان اقترب الوعد يعني لسة القيامة ما قامتش لكن الظاهر ان اشراطها بانت والدنيا مقلوبة وبيصور لنا الذين كفروا وهم عيونهم مبرقة وكلمة شاخص يعني مركز تماما مش قادر يبص في حتة تانية طبعا اللي بيقولوه بيحدد اللي بيبصوا عليه لانهم بيقولوا قد كنا في غفلة زي نفس اللي بدات بيه السورة وهي الغفلة هنا هم بيشوفوا علامات ربنا بحيث بيولولوا ويقولوا يا ويلنا وبالتاكيد اللي بيغفل عن ربنا يبقى بيظلم نفسه انا زمان كنت خايفة من قيام الساعة لغاية لما عرفت ان هناك دخان بيملا الارض وبيموت كل من في قلبه ذرة من ايمان قلت يبقى الحمد لله مش حاشوفها وعرفت ان القيامة تقوم على شرار الناس قلت ربنا يكفينا هذا الشر وحرف الواو في اول الجملة بيعطينا الفكرة انها تكملة للجملة السابقة وهي وجود ياجوج وماجوج يعني ساعة ما يظهروا الذين كفروا بيعرفوا ان الوعد الحق اقترب الل

هناك بعض الافراد تعشق ان تعيش مثل النبتة التي تنتظر من يرويها ويشذبها وهناك بعض الافراد تعشق ان تعيش في عالمها تدور في مداراتها وهناك من يعشق ان يعيش حياة المغامرة والبحث عن الفريسة والاختباء من الخطر ايهم انت

من ضمن التجارب اللي حنعملها ان شاء الله في نجع العون الله هي التنقية للمياه باستخدام بذور المورينجا يقال ان بذرة المورينجا الواحدة قادرة على ترسيب شوائب لتر من المياه احنا بقى حنشوف ان شاء الله بعد ما نرسب الشوائب عايزين نشوف مدى نقاء المياه بتحليلها تابعوا معانا واوعوا تروحوا في اي حتة # الاعلام_نضح_علي

المخ هو العضو اللي بياخد برنامج التشغيل وعنده داخل البرنامج كل الاحتياطات اللازمة للحفاظ على الانسان وتطوره الى ان ينتهي اجله من برامج الحفاظ على النفس هو التاكد من القدرة التشغيلية لكل الاطراف طيب لو الاطراف مش بتشتغل كويس يبتدي يعمل برامج بديلة ولذلك لما بيكون واحد قاعد على مكتب طول اليوم وبيروح ينام وبعدين يقعد يتفرج على التليفزيون المخ بيقول له فين رجليك هي مش بتشتغل ليه مفيش اي رسائل جاية من الاقدام هل فيها مشكلة هل مش بتحس كويس طيب عموما احمل على الظهر على ما اعرف المشكلة ويلاقي هذا الشخص ضهره بيوجعه جدا وبعد شوية مش بيعرف يمشي كويس طيب الحل ايه لازم لازم لازم تخلي فيه رسائل توصل من القدم للمخ ازاي في اليابان بيخلوهم يمشوا على زلط ورملة وبلاط ساقع ومياه سخنة يعني بيخلوا القدم تبعت احاسيس كتيرة احنا بقى لازم نمشي على نجيلة او رملة وفي البيت لازم تستخدم المياه السخنة وبعدين الباردة في الوضوء او غيره يعني حاول تخلي دايما فيه احساس في قدم رجلك امشي على طرف القدم من الخارج امشي على طرف القدم من الداخل كل الحاجات دي بتنعش المخ وبتثبت له انك رجليك كويسة وقادرة تش

الولي اللي عايز ياخد باله منك المولى هو اللي فعلا واخد باله منك وبيشوف مصلحتك هو نعم المولى ونعم النصير # نعمان_علي_خان علشان كدة الشيطان بيحسس اولياؤه انه بياخد باله منهم ولكنه مش وليهم لانه عمره ما حيعمل لهم الخير

سورة الانبياء . وَتَقَطَّعُوا أَمْرَهُم بَيْنَهُمْ كُلٌّ إِلَيْنَا رَاجِعُونَ . تقطعوا امرهم بينهم يقال انه ما بين الرسل والاتباع او المعاصرين ولكنها تنطبق على حالة الناس في كل الازمان بيختلفوا على الصح والغلط ولكن مش بالحسنى ولكن بيقطعوا في بعض تحسها صورة جامدة جدا فيها صوت وحركة ولكن ربنا بيحسمها باننا كلنا راجعين له واخدين بالكم كلمة راجعين يعني كنا هناك وحنرجع مش رايحين احنا راجعين احنا اتخلقنا ووافقنا اننا نشيل الامانة وطبعا نزلنا وربنا يعيننا عليها وراجعين نتحاسب عليها يارب العفو والمغفرة لا اله الا انت سبحانك

النهاردة الطريق الى نجع العون يتم تسويته وردمه بالحصى ليساعد سالكي الطريق للوصول الى اعمالهم دون اصابات الطريق ده بيعدي فيه اولادنا للوصول الى المدرسة بتريسكلات مفتوحة وساعات بيقعوا يتعوروا لما يكون الطريق غير ممهد بعد عدة سنوات ودخول المقطورات الخاصة بتنقية المصارف اصبح لزاما ان نقوم بصيانته واليوم تتم صيانة جزء من الطريق بمقطورة حصى فيها عشرة متر مكعب الطريق كله محتاج اربعين متر مكعب حصى ان شاء الله نكمل الطريق علشان اولادنا يوصلوا بالسلامة

سمع هس هانمان بيتكلم وكنت بيعبر بيقول الكائن الحي هو كائن حي وله حكومته يعني له حاجة تسيطر عليه يعني ما ينفعش يفقد السيطرة على كل حاجة في الجسد والا حيبقى اجزاء مفككة يعني سيطرته على كل قطعة او عضو في الجسد وبالتالي المرض ما ينفعش يمسك جزء من الجسم من غير ما المسيطر على الجسم وهم الكائن الحي وهو مسميه القوى الحيوية او المادة البسيطة هو مش عارف لها مسمى ولكن احنا ممكن نسميها النفس يعني الروح في الجسد وبالتالي المرض بيصيب النفس مش اجزاء الجسد يعني ميكروب بيدخل الجسم فالنفس تحفز كل وسائل الدفاع بتاعتها علشان تقضي عليه ولما ما تقدرش تقضي عليه تمرض وتبتدي تظهر اعراض سواء بالم في عضو من اعضاءها او بارق او بسخونية ولكن فيه اعراض تانية الطب العادي مش بيحطلها اهمية لانه بيبص على العضو مش على الاجمالي من التغيرات يعني في الهوميوباثي لو واحد بدأ يشك في اللي حواليه مثلا ويخاف من السرقة ويبتدي يجيله توتر مساءي ده بيعتبره طبيب الباطني اعراض نفسية مالهاش دعوة بالمصارين مثلا وفي الهوميوباثي ممكن يكون الاعراض دي لو مصاحبها الم في الامعاء واسهال وقيء يبقى الشخص ده محتارج زرنيخ مثلا

عايزين نربط الاعياد بصفات جميلة الاولاد يعرفوا الصفة وتاثيرها على المجتمع كله يعني العيد الصغير عيد العطاء والعيد الكبير عيد التضحية وعيد الام عيد الرحمة وراس السنة الهجرية عيد هجر الذنوب وعيد العاشوراء عيد التوكل على الله ومولد الرسول عيد الصدق والامانة وهكذا ياريت

بما اني مهندسة فلازم اشارككم في الرؤية الهندسية لبعض الامور التحكم الالي بيقول ان كل نظام في العالم لما يتغير من حال لحال بيعدي على فترة من عدم الاستقرار وعادة بتنتهي الى الوضع الدائم للحال الجديد ولكن اذا لم تدرس جيدا ويتعامل معها بعلم ممكن يزيد الاضطراب زيادة تتسبب في اهلاك النظام كله سواء بالزيادة المطردة او النقصان المطرد حاعطي شوية امثلة يعني لو انا باوصل مصنع على شبكة الكهرباء الشبكة بيدخل عليها حمل كبير فممكن يسبب اضطراب في الشبكة ولكن في النهاية الشبكة بتتقبل الحمل الجديد لو كان الانتاج يكفيه او مثلا لا قدر الله لو واحد عمل عملية كبيرة زي استئصال طحال مثلا فالجسم يضطرب لغاية لما ياخد على عدم وجود الطحال ويتاقلم او مثلا مجتمع حصل فيه وباء ومات منه كتير فهناك بعض التأثير على الاعمال المختلفة وكل مصنع بيرتب نفسه على الموجود لغاية لما يستقر حالة الاستقرار دي لها دراسات كثيرة في علم التحكم الالي ولها معادلات كتيرة تعتمد على شكل الوضع والنظام قبل الاضطراب يعني مثلا ساعات تولع النور تلاقي الفيوزات ضربت والدنيا ضلمت وده لان دائرة البيت دخلت في النظام وتواءمت مع الدائرة

لكل اللي فرح ان نجع العون فيه ناس بتنتج منتجات جميلة وخضار عضوي ولبن وكريمة انا كمان فرحانة بس لسة النجع عايز شغل كتير علشان نقدر نقول ان حصل له تنمية مستدامة ونشيل ايدينا منه ونقعد نتفرج على النجاح هم بينتجوا بس لوجستيات المنظومة غير موجودة تعليم الحرف لسة في اوله اقتصاديات المشاريع لسة ما اكتملتش العنصر البشري في التسويق والادارة لسة في الحضانة اعطونا من 3 الى 5 سنوات علشان النجع يكون مثل للتنمية التنمية لسة في المرحلة الثالثة لسة فاضل لها مرحلتين علشان يبقوا النموذج الكامل للتنمية المستدامة صحيح حصل تنمية كبيرة واتنقل المجتمع من حال لحال اللي فاضل اصعب مرحلة احنا بنبني انسان وده مش في يوم وليلة # لسة_فاضل_كتير # ما_تستعجلوش # ان_شاء_الله_حنوصل

الامومة عندي رحم ورحمة مش ان يكون عندك اولاد فيه امهات ما عندهمش امومة خالص وفيه ستات ما عندهاش اولاد وفيها امومة تغطي بيوت كتيرة وفيه راجل بيمارس الامومة اكتر من مراته وفيه بنت بتبقى ام لوالدتها الام هي الرعاية والحب بلا حدود هي التضحية بالنفس والنفيس بلا تردد اكتر ام اتأثرت بيها وانا صغيرة وكنت نفسي ابقى زيها السيدة مريم الام مسئولية كبيرة اكثر الرجالة مش عارفينها ولا حاسين بيها هو فاكر الطفل طول ما هو مش بيعيط ولا يطلب يبقى زي الفل الناحية العاطفية والامن الروحاني مش بيكون بالاكل والشرب الطبطبة والشعور بالامان بوجود الام جنب اولادها ده له ميزان تاني ما يعرفوش الراجل خالص ومش بيحس بيه الحضن والبوس للطفل والتلامس ده جزء كبير من منظومة نموه في الدنيا رعاية الام لاولادها تستلزم ان اعصابها كلها تكون متحفزة زي اللبن اللي على وشك يفور انا لما كان اولادي صغيرين وكنت اسمع بكاء من بعيد وهم مش معايا كنت باهز رجلي كانهم على رجلي وباحاول اهديهم كنت بالليل ممكن اقوم من غير اي محفز لمجرد اشوف هم بخير درجة التحفز دي عن الام عالية ولذلك بترهق من الرعاية اضعاف الرجل لان الرجل بيعتبر

ي سورة الانبياء اعوذ بالله من الشيطان الرجيم وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ - 89 فَاسْتَجَبْنَا لَهُ وَوَهَبْنَا لَهُ يَحْيَى وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ - 90 . سيدنا زكريا قصته تدور حول ال يعقوب لانه من احفاده وهو من الانبياء ال اتقياء ومن الذين كانوا يحملون هم الرسالة والدين يقال انه زوج خالة السيدة العذراء مريم ويقال انه زوج اختها وايا كان فانه كفلها في صغرها زوجة عمران والدة السيدة العذراء حين حملت بمريم وكانت معجزة ارادت ان توهبها لله تعالى وذلك بانه لكن كان ولدا فسيكون خادما في المسجد الاقصى ولكن حين وضعتها انثى لم تعلم ماذا تفعل فارادت ان توهبها للمسجد فاختلف عليها الجميع لحبهم لسيدنا عمران وارادوا ان ياخذوها ولكن سيدنا زكريا اراد ان يتكفلها وخاصة انها متزوج من احدى قريباتها قام الجميع بعمل قرعة وهي رمي الاقلام في النهر فمن طفا قلمه فله ان يتكفلها وبالفعل طفا قلم زكريا فقط ولذلك كانت في كفالته مدى

الحكاية الجاية مهمة قوي وهي قصة سيدنا يونس كل رسول ربنا عطاله رساله يعملها ويحققها يخبر الناس عن ربنا وعن الدين سيدنا يونس لم يكمل الرسلة وساب قومه وهو زعلان قوم يونس الوحيدين اللي بعد ما كتب الله عليهم العذاب خافوا واستغفروا ووقف العذاب عنهم ولكن كان سيدنا يونس سابهم غضبان يونس هو الرسول الوحيد اللي ساب رسالته من نصفها ولذلك ربنا كان غضبان عليه يقال انه ركب سفينة علشان يسيب المكان أما يونس عليه السلام فقد ركب في سفينة ، و ما إن ابتعد عن الشاطئ هاجت الامواج و عصفت بها الأعاصير ، فأدرك الركاب أن سوء هذا المصير سببه عصيان أحدهم ، فاقترعوا على إلقاء العاصي في البحر وطلع سيدنا يونس والناس ما صدقوش لمعرفتهم انه انسان صالح و كرروا القرعة ثلاث مرات الا انها في كل مرة أصابت يونس فألقوه في البحر و إلتقطه الحوت و التقمه عرف سيدنا يونس ان ربنا غضبان عليه وفضل يسبح داخل الحوت وفي النهاية ربنا خرجه من الحوت وراح كمل الرسالة اعوذ بالله من الشيطان الرجيم . وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لّا إِلَهَ إِلاَّ أَنت

طبعا مفتقد اللي راحوا منك سهلة صبح عليهم كل يوم بصدقة تطلعها لهم جيب كدة كرتونة مياه باسم والدك او والدتك وحطها جنب الباب وانت خارج خد في ايدك زجاجة ونيتك انها صدقة لحد من اللي راحوا منك وواحشينك والدك او والدتك او حتى اصحابك اللي عند ربنا خلي في العربية في الشنطة كرتونة بسكوت او قرص بالعجوة لانها مغذية وكل ما تلاقي غلبان او منادي واقف في الشمس بينتع في قلبه اديله واحدة وانت من الاول عامل نيته ا للي واحشك خلي صباحك لفرد الامن او البواب في نيتك ثوابه رايح للي مش معاك في رمضان فطر ناس باسمه او اسمها في ايام التشريق اعمل وجبة باسمهم تبنى طفل وعلمه ودربه باسمهم ازرع شجرة باسمهم اعمل صلاة نافلة كدة تدعي لهم فيها قبل ما تنام اقرا قرآن وادعليهم لكن ما تزعلش انهم مش معاك وان ربنا اختارهم ده قدر ومحتوم والبعد من سمات الحياة الصدقات تطفئ النار اللي بيولعها ابليس في صدوركم علشان تعترضوا او تزعلوا على قضاء الله يا حبايبي اجمل حاجة الصدقات حتى لو كانت ابتسامة في وجه غلبان انا حاعمل مشروع مخصوص لزراعة شجر باسم اشخاص علشان الناس اللي مقهورة وتبقى كل سنة لما تكبر وتطرح تعرفوا ان ذ

ذكر الله انبياء كثيرون في سورة الانبياء ومنهم من عاصر معاناة شديدة في حياته ذكرها الله بتفاصيلها ومنهم من لم يذكر التفاصيل ومنهم من نعلمه ومنهم من لا نعلمه يقينا مثل ذا الكفل اعوذ بالله من الشيطان الرجيم وَإِسْمَاعِيلَ وَإِدْرِيسَ وَذَا الْكِفْلِ كُلٌّ مِّنَ الصَّابِرِينَ - 85 . ربنا ربط ثلاثة مع بعض انهم صابرين سيدنا اسماعيل وسيدنا ادريس وذا الكفل اللي هو تضارت الاقوال عن نسبه ومن هو الاسرائيليات بتقول انه ابن سيدنا ايوب واسمه حزقيل ومن الناس اللي بتقول انه كان يتكفل باعمال الناس وانه تكفل انه يصلي لواحد كان مداوم على الصلاة مائة مرة فاصبح يصليها هو بعد وفاته وقيل انه كان يكفل الناس ويتكفل بهم وقيل انه عاصر فتنة كبيرة تختص بامرأة وانه رفض ان يكمل ما بدأ لمعرفته بانها ذات حاجة وتحتاج المال فوهبها المال دون ان يستغلها وكتب لن اعصي الله ابدا ومات ليلتها فغفر له وغيرها قصص كثر ولكن اللي انا شايفاه ان ربنا ربطه باثنين من الانبياء المعروفين عندنا باعمال شديدة ذات وقع يعني سيدنا اسماعيل كان موافق ان والده يذبحه لمجرد انه اخبره بكدة واحنا حاليا بنذبح الذبائح فدو لاولادنا

لانسان لازم يعمل حاجة علشان يرتاح في حياته يرسم دائرة كبيرة جواها اربع دوائر جوة بعض الدائرة الداخلية خالص يكتب فيها انا اللي وراها يكتب امي وابي واولادي اللي وراها يكتب اخوتي واخواتي اللي وراها يكتب صلة الرحم الدوائر دي هي اللي يكتئب بسببها فيه دوائر تانية ارسمها لوحدها الجيران اصدقاء المدرسة اصدقاء الجامعة زملاء العمل اصدقاء في حب الله معارف صاحب مصلحة ممكن دوائر منهم تخش في بعض يعني جارك وكان معاك في المدرسة ودخل معاك الجامعة واشتغلتوا سواء وعملتوا خير مع بعض يبقى ده ممكن يتحط في الدوائر اللي رسمتها الاول وحسب ما تحطه في درجة الاخوة او صلة الرحم كانه قريبك بالاقي ناس بتكتئب علشان احد المعارف اذ فجأة حطه في دائرة امي وابي واولادي بعد ما اتقابلوا باسبوع ده ما ينفعش لانه هو مش حاطك في الدائرة دي عنده لما الدوائر اللي عندك ما تكونش منطبقة على الدوائر بتاعته بيحصل اللخبطة انا معتبره اخويا بس هو مش معتبرك اخوه يبقى انتم الاتنين مش منطبقين في نظرتكم للصداقة وبالتالي حيحصل اختلاف دائرة المعارف ممكن تاخد فيها بدل الخازوق عشرة وبدل المقلب عشرين عادي ما هو مش فارق مع

ثل بيقول الايد الشقيانة شبعانة انما الايد البطالة نجسة

اقرأ كتاب جميل اخذته من حبيبتي Samaah Zohair اسمه 101 healing Stories لازم يتدرس للاهل بتحاول الخص المهم منه ويمكن اترجمه في محاضرات صغيرة بيقول الحكايات بتعمل علاج الأطفال وأنها مهمة ولازم نستخدمها في التربية والعلاج اصل لقيت 7 دقائق فاضية ما يصحش كدة قلت املاهم

قصة سيدنا ايوب أن الله سبحانه وتعالى أراد أن يختبر صبر سيدنا أيوب عليه السلام فابتلاه بمرض لم يبقه سليما إلا في قلبه ولسانه ، كما أنه فقد أبنائه وخسر أمواله الطائلة التي كان يمتلكها حتى أصبح رجلا ضعيفا لا حول له ولا قوة ، ولم يعد أحد يزوره من أقاربه وأصدقائه سوى زوجته التي كانت له زوجة صالحة وبارة به ظلت ترعاه طيلة فترة مرضه وعملت في خدمة الناس بمقابل مادي حتى تستطيع أن تطعم زوجها وتخدمه ، وظل نبي نا عليه السلام مريضا وفقيرا طوال ثمانية عشر عاما ، وبالرغم من كل المصائب التي حلت به عليه السلام فلم يتوانى عن حمد الله وشكره وازداد صبره صبرا كثيرا إلى أن أصبح يضرب له المثل في صبره . لم يشتك سيدنا ايوب من المصائب اللي اصابته في جسمه واهله وماله ولكن في سورة الانبياء برضه نلاقيه بينادي ربنا ينادي في العادة بيكون بصوت عالي وغالبا بيكون وصل بيه الحال انه عايز يكلم ربنا بصوت يطلع بيه زعله او خوفه ان المه هنا سيدنا ايوب من ادبه ما طلبش من ربنا يشفيه اشتكى لربنا تعبه . وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ . بعد ثمانية عشر سنة قال

علاقة سيدنا سليمان بسيدنا داوود علاقة مختلفة عن الاب وابنه لانهم الاتنين انبياء ولكن كل واحد مختلف عن التاني خالص سيدنا داوود روحاني وبيسبح والجبال تسبح معاه وفي نفس الوقت كان عنده مهارات يدوية شخصية يعني كان الحديد بيلين بين ايديه وبيعرف يعمل ملابس الحرب من الحديد وكان بيضرب بالمقلاع اللي هو النبلة وده اللي خلى اليهود كسبت الحرب ضد اهل العراق وقتها اللي كانوا بيعيثوا في بلدهم فسادا وبيعذبوهم عذاب كبير جدا منه انهم كانوا بيقطعوا ايديهم ويرموها للسمك ياكلها قدامهم وغيرها من الحاجات الشنيعة سيدنا سليمان كان له ملك كبير وخدم من الجن والانس وكان مسخر كل ممالك الحيوانات والطيور وفي سورة الانبياء وضح موقف فيه حكم لسيدنا داوود في قضية ولكن سيدنا سليمان كان له راي مختلف وفي الاخر رأي سيدنا سليمان بيمشي الحكاية ان ناس عندها غنم دخلت على غيط عنب واكلت كل الثمار ويقال الورق كمان سيدنا داوود حكم ان صاحب الغيط ياخد الخرفان له عقاب لصاحب الخرفان انه سابها سيدنا سليمان قال ان صاحب الغيط ياخد الخرفان لغاية لما صاحب الخرفان يرجع له غيطه زي ما كان وياخد غنمه مرة تانية الفكرة هنا ان سيدنا د

    نزلت البرنامج عقبال الباسوورد محدش له عندي حاجة # تمام_يامعلم # فيشت_الهوامش # امنع_الضحك

خالد من فريق عمل نجع العون وذراع رجب اليمين كان في قناة ten النهاردة وكانوا بيتكلموا عن تجربة نجع العون فرحت قوي قوي قوي الحمد لله النجع وصل للدرجة ان التجربة باذن الله بتعرض وتتكرر ان شاء الله # يافرحة_قلبي # اجدع_ناس

اشتريت برنامج بتاع هوميوباثي اصلي من اللي هو بتاع بلاده وجالي على فلاشة ومعاه الدونجل بتاعه زي الناس المحترمين وحطيته على اللابتوب ورحت اجيب كوباية الشاي علشان ابدأ انزله قوم لقيت الفايروول مسح ملفين اللي بيشغلوه ومن غير ما يسأل قال ايه حضرته خايف على الجهاز بتاعي ياخي جتك ستين خيبة مين قالك تخاف على الجهاز ده بتاعي مش بتاعك ومسحهم من غير اذني قعدت ازعق للجهاز واقول له انت مالك انت ومش عارفة ا ضحك دخل علي جوزي فيه ايه قلتله الملفات اللي بتشغل الفلاشة اتمسحت طبعا مش عايزة ابص ناحيته لانه عارف ان البرنامج قرب على العشرتلاف ومش طالباها تنبيط على اني مش .... ولا انا باخد بالي من .... ولا المفروض اكون حريصة على .... بس لقيته هادي قوي وقال لي انتي استعجلتي وخرج من الاوضة بهدوء بقيت باصة للجهاز ومش عايزة اتلفت قال يعني عادي مش مشكلة واتعشينا واتفرجنا على فيلم ولا كأن قعدت اعمل نفسي باكح علشان اصعب عليه وحركات بتاعة الاطفال اللي بيضحكوا على اي حاجة علشان يداروا على اللي حصل المهم مش عارفة هل هو الهدوء الذي يسبق العاصفة والا الهدوء بتاع مفيش فايدة مهما عملت وا

في سورة الانبياء اعوذ بالله من الشيطان الرجيم وَجَعَلْنَا فِي الأَرْضِ رَوَاسِيَ أَن تَمِيدَ بِهِمْ وَجَعَلْنَا فِيهَا فِجَاجًا سُبُلا لَعَلَّهُمْ يَهْتَدُونَ . لو حياتنا هي الارض فلازم يكون عندك رواسي يعني حاجة ثابتة متماسكة عميقة لا تهتز ساعات فيه ناس بتعتبر ان والدها او والدتها او اسرتها هي الرواسي وبالتالي ساعة الوفاة بيشعروا ان الارض بتميد بهم ولذلك لازم يكون فيه رواسي اعمق من الاشخاص ممكن تكون علاقتك بربنا هي الرواسي اللي ضاربة في عميق تكوينك وبالتالي مفيش حاجة تهزك وبعديها ندور على فجاجا سبلا يعني احنا بنمشي في حياتنا صح لما بيكون عندنا مرسى او هلب راميينه وحاسين اننا ثابتين ارمي الهلب وامسك في علاقتك بربنا علشان ما تتهزش في حياتك وتميد بك الارض

في سورة الانبياء ربنا وقف جنب الانبياء كلهم ومنهم نوح اعوذ بالله من الشيطان الرجيم وَنُوحًا إِذْ نَادَى مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ حنلاقي ان النبي بينادي ربنا يناديه يعني وصل للدرجة اللي بيطلب منه بصوت عالي وربنا بعديها على طول يقول فاستجبنا له فنجيناه دايما اللجوء الى الله بقوة يتبعها استجابة بقوة لما تتخنق قوي نادي على ربنا هو سامعك حتى لو همست لكن في الزنقة الانسان بينادي بصوت عالي وعندها يستجيب الله لنا وينقذنا وينجينا من الكرب والكرب هو الغم اللي بيقفل عليك ويقفل على قلبك والكرب بيتقال على الحبل اللي ماسك الدلو في البئر يعني الزعل اللي بتحس انه ماسك فيك ومش سايبك كمان بيتقال على الحتة الناشفة اللي في زعفة النخل يعني الزعل الشديد الجامد وطبعا سيدنا نوح قعد اكتر من 900 سنة بيحاول مع اهله ولما يأس ونادى ربنا اغرق الناس دي كلها ونجاه من الكرب العظيم

في سورة الانبياء ربنا سبحانه وتعالى بيعرض علينا الاحداث اللي اتعرض فيها الانبياء للفتن وان ربنا وقف جنبهم في قصة سيدنا ابراهيم بعد ما اتعرض للحرق ونجى كان معاه قريبه لوط وهربوا وراحوا في الغالب منطقة فلسطين لان ربنا بيقول اعوذ بالله من الشيطان الرجيم وَنَجَّيْنَاهُ وَلُوطًا إِلَى الأَرْضِ الَّتِي بَارَكْنَا فِيهَا لِلْعَالَمِينَ والارض اللي ربنا بارك فيها كانت على ما اعتقد مكان المسجد الاقصى المهم ان ربنا نجاه هو ولوط وبعدها خلف اسحق ويعقوب وَوَهَبْنَا لَهُ إِسْحَاقَ وَيَعْقُوبَ نَافِلَةً وَكُلا جَعَلْنَا صَالِحِينَ هنا كلمة نافلة بيقال ان اسحق ابن ويعقوب حفيد كلنا عارفين ان اسحق جاء لسيدنا ابراهيم على كبر وان السيدة سارة كانت مش متوقعة انها تحمل وتخلف ولكن بشارة الملائكة اللي كانوا رايحين لعذاب قوم لوط بلغوها بالخبر وفي القرآن بيذكر سيدنا يعقوب وكانه ابن وانا اعتقد والله اعلم ان سيدنا اسحق تزوج بدري وانجب في سن صغير بحيث بالنسبة لسيدنا ابراهيم كان الفرق بينهم مش كبير المهم انهم الاتنين كانوا مع سيدنا ابراهيم وكلمة نافلة يعني حاجة زائدة وممكن هدية في الاخر ربنا بيقول

من ضمن وسائل الريجيم الجميل انك لما نفسك تهفك قوي على حاجة وهي ماليانة كالوريز حاول تدور على حد ياكلها معاك يعني شاركه او تصدق بنصفها لعل وعسى الكالوريز تتشارك وانت تخس وفي نفس الوقت تطعم الطعام بس مش عارفة الكلام ده ينطبق على الشكولاتات والا مكروه

من اعظم المعجزات ان القرآن يقعد اكتر من الف وربعمائه سنة ولا تجد فيه تغيرا مش بس في الكلام ولا الحروف انما كمان في التشكيل كنا بنلعب لعبة اسمها تليفون مكسور وهي اننا نقول كلمة للي جنبنا ما يسمعهاش غيره وهو بالتالي يقولها للي بعده وتلف الكلمة الى ان تصل لمن قالها ويجدها مختلفة ومن كام يوم حطيت لعبة بالحركة الاول يوري التاني حركة ما يشوفهاش غيره وتفضل تنتقل من واحد للتاني ويورينا ازاي وصلت للاخير ونلاقي الفرق شاسع بين البدايات والنهايات المعجزة ان كل النقل ده من واحد اللي هو سيدنا محمد ومعاه من الصحابة مئات ومع ذلك لو رحت في قرية في اليمن او في نيويورك حتلاقي الفاتحة هي الفاتحة والبقرة هي البقرة سبحان الله هو اللي حفظه

في سورة الانبياء جزء من حياة سيدنا ابراهيم لما اهتدى وقرر ان يعمل وقفة مع المجتمع كله كان مش مصدق ان الناس بتعبد اصناما الاصنام على فكرة كانت رمز يعني هو بيبعد حاجة مش شايفها بس بيمثلها بتمثال ومع الوقت التمثال بياخد قدسية والناس بتتعود على وجوده وبتتكلم معاه وبتعتبر ان الاله معاهم في المكان وده من قصور العقل انه يربط القدسية بشيء او الربوبية بشيء محدود ولكن التطور الطبيعي للعقل البشري انه يبت دي يعرف ان الخالق مش متشاف ومش موجود وانه اكبر من مخك وادراكك ويعبد هذا الاله المسيطر على كل شيء واللي بيشوفه في خلقه يعني انا مثلا باشوف ربنا كتير في اعادة التدوير وازاي الورقة اللي بتقع من شجرة بتتحلل وتبقى غذاء مرة تانية وربنا عارف الورق الميت اللي نازل من الشجر وعارف حيبقى ايه في الاخر لو الدنيا ما فيهاش تحلل وفناء كنا زماننا مش عارفين نعيش من كل ما اتبنى في الدنيا من يوم ما اتخلقت سبحان الله سيدنا ابراهيم اخذ على عاتقه انه يعرف الناس ربنا مش يسيبهم على عماهم وبالتالي كان بيتكلم عن ان ربنا رب السموات والارض وما بينهما وانه هو اللي خلق اللي انتم فاكرينهم الهة يعني ضم كل الغ

في سورة الانبياء وَلَقَدْ آتَيْنَا إِبْرَاهِيمَ رُشْدَهُ مِن قَبْلُ وَكُنَّا بِه عَالِمِينَ سيدنا ابراهيم كان فتى في وسط ناس بيبعدوا الهة يعني عندهم تماثيل بيعتبروها مثل لمن يعبدون يعني عندهم اله معين وغالبا بيكون في السماء واكثر اله كانوا بيبعدوه كان اول نجمة تظهر في السماء وهي كوكب الزهرة بيطلع قبل القمر وبيلمع في السماء وعاملين له تمثال تحت علشان يرمز للاله ده ولد طلع في العالم ده لكن شغل عقله وقف يتفرج عليه ولما افل يعني نوره راح قال اله ايه ده اللي نوره بيروح ما ينفعش يبقى اله ودور على حاجة اكبر واحسن وهي القمر ولكن له وقت وبيروح قال طب الشمس برضه بالليل بتختفي والشاب ده ما قالش هو كدة ابويا ادرى مني بالعكس اشتغل على المسلمات وفكر فيها واهتدى وفي السورة ربنا بيقول اتينا ابراهيم رشده بيقول لسيدنا محمد ان هداية ابراهيم لما دور عليها قربناهاله وجبناهاله يعني بحث عن الحقيقة فاتيناها له وكنا به عالمين سيدنا ابراهيم باعتبره رمز للبحث عن الحقيقة وعدم تقبل المسلمات بدون اعمال العقل ما ينفعش اني اسمع كلام اهلي عمياني لازم ابحث عن الحقيقة وبتكمل القصة بتاعة سيدنا ابراه

صباح الجمعة المباركة في سورة الكهف ربنا سبحانه وتعالى كان بيرعى الشباب اللي هرب بدينه من المجتمع ونبص في الاية اعوذ بالله من الشيطان الرجيم وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ وَهُمْ فِي فَجْوَةٍ مِّنْهُ ذَلِكَ مِنْ آيَاتِ اللَّهِ مَن يَهْدِ اللَّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُ وَلِيًّا م ُّرْشِدًا فيه ناس بتقول ان ربنا خلى الشمس تدخل عليهم مخصوص وفيه ناس قالت ان الكهف فيه فتحات في اتجاه شرقي غربي بحيث تدخل من الشرق ومن الغرب ولكن في النهاية ربنا بيقول ذلك من ايات الله يعني ربنا بيقول انه هو اللي ظبط لهم الموضوع ده دول شباب يعني في سنهم الشباب عايزة فورمة الساحل وعندهم مارينا والا هايسيندا والا اي موضة من الموضات ولكن دول كانوا غيرانين على ربنا وعلى ان الناس بتعبد غيره وقرروا البعد عن الناس والفتنة راح ربنا هيئ لهم من امرهم مرفقا وكان لهم وليا مرشدا الخلاصة لو هربت لربنا من الناس حيبعتلك الشمس تدفيك من اليمين ومن الشمال وحيكون لك وليا مرشدا

خطبة لازم الشباب يسمعها لنعمان علي خان ولو فيه حد يترجمها ربنا يبارك له لأنها بتتكلم عن الاستخفاف اللي مارسه فرعون لشعب مصر و بيقول الشباب ازاي محدش يستخفك Making people feel weak احاول اشوف اللينك بس ممكن تدوروا عليها لأنها من اجمل الخطب في التنمية البشرية للداعية Nouman Ali Khan

عم عادل قصة نجاح كبيرة كان عنده دكانه صغيرة فيها كيسين شيبسي وزجاجة فانتا كبيرة وكيس سكر وزجاجة زيت عليه ديون للتجار الناس بتشتري منه ومش بتسدد مفيش بضاعة تحرك المكان ولله الحمد نتيجة انتعاش النجع وتوفبق ربنا في المشاريع اللي عملها فانتعش كمان عم عادل # يارب_يتم_فضله_ويوسع_رزقه # قصة_نجاح

سورة الانبياء وَلَقَدْ آتَيْنَا مُوسَى وَهَارُونَ الْفُرْقَانَ وَضِيَاء وَذِكْرًا لِّلْمُتَّقِينَ . في السورة ربنا سبحانه وتعالى بيوصف الرسالة اللي نزلها على سيدنا موسى وهارون انها فرقان وضياء وذكر فرقان لانها بتفرق بين الباطل والحق وبين الخطأ والصحيح وضياء لانها بتنور القلوب بوجود الله وبتنور للانسان طريقه في الدنيا وذكر لان الانسان في الدنيا لازم يذكر الله سواء بقلبه او بلسانه وقد يكون الذكر ف ي الصلوات كمان اللي ربنا بيطلبها مننا اننا نصليها كل يوم سيدنا موسى وسيدنا هارون هم اول الانبياء اللي ذكروا في سورة الانبياء اللي ماليانة بالانبياء ولم يذكر فيها قصة سيدنا موسى ولكن ايتين بس الاية اللي وراها على طول الَّذِينَ يَخْشَوْنَ رَبَّهُم بِالْغَيْبِ وَهُم مِّنَ السَّاعَةِ مُشْفِقُونَ وهي جمع مش مثنى يعني ممكن تكون عن بنو اسرائيل مش بس سيدنا موسى بالنسبة للخشية هي الاستعداد للأمر والتحذير من الغفلة يعني تبقى خايف بحذر بحيث دايما فاكر وهم خايفين بحذر من ربنا من غير ما يشوفوه وبالنسبة لكلمة مشفقون يعني كلمة أنا مُشفِق من هذا الأمر : خائف منه خوفًا يُرِقّ ‏ القلب ويبلُغُ

نعمان علي خان ده واحد داعية كستاني يجنن وافكاره وطريقته جديدة وكلها تعمل مع العقل بشكل هادئ وعلمي ولغوي جميل كان بيتكلم عن الفلسفة وان الانسان المتشكك بطبعه دايما يقولك what if وكل ما تقوله حاجة يقولك ما يمكن غلط وبيحكي انه مرة واحد شافه في الجامعة وقال له انت مسلم قاله ايوة قاله انت مصدق ان فيه حصان بيطير وبياخد نبيك للسماء فوق فبيقول في المحاضرة اللي بيتكلم فيها عن الفلسفة ان الواحد مننا مش مؤهل او متوقع انه يتحط في المواقف دي ان واحد ييجي ويخبطه في حاجة هو حتى مش بيفكر فيها المهم انا استنيت يقول لي رد عليه بايه فهو بص للراجل وقال له ايوة انا مؤمن ان فيه حصان بيطير وواخد الرسول لفوق ولو عايز اقولك ليه انا مؤمن تعالى اقعد معايا كدة ونتكلم راح الولد مشي وسابه نعمان بيقول اي واحد بيشك او يشكك عادي ما تعتبرهاش اهانة اسمع منه وقول له لو عايز اسمع مني انا كمان ليه انا مؤمن بالحاجات دي الصراحة كانت محاضرة جامدة انا ادمنت محاضرات نعمان على خان الولد ده حكاية ربنا يحفظه ويحميه

لما الشيطان يوزك تعمل حاجة غلط يبقى انت لسة كويس وفيك امل لان لو مفيش امل فيك وخلاص بقيت انسان وحش مش حييجي جنبك الشيطان زي الحرامي ما يسرقش الا من اللي معاه فلوس مقتبسة من مقدمة كتاب نبوءة محمد من الشك الى اليقين

زلت مع البنات اشتري خامات للشغل وواحدة منهم كلمت الشيخ رجب على جنب وبكسوف وفي الاخر عرفت منه طلبها البنت العروسة ما جالهاش شبكة دهب وبالتالي يوم الفرح حتبقى مكسوفة وكانت صاحبتها عايزة تجيب لها حاجة دهب صيني شكله زي الطبيعي علشان ما تتكسفش قدام عيلتها وعيلةجوزها اخذتها ودورنا على دهب صيني لقيت محل اشترينالها غويشة وخاتم وجبت للبنات خواتم كل واحدة تختار اللي هي عايزاه واحدة منهم قالتلي انا مش ح البسه الا في في فرحي التانيين كاني باجيبلهم شبكة بحقيقي او خواتم حقيقية الفرحة اللي شفتها معاهم عيشتني احلى يوم صاحبتها قالتلي ده احلى يوم عندي العروسة حتفرح لما اوريها الغويشة الموضوع كله لم يتعدى عدد من المئات التي يمكن ان تدفعها في سوبرماركت لشراء شوية مقرمشات والا سندويتشات الفرحة مش فلوس الفرحة انك تعرف ايه اللي يتجاب امتى ان شاء الله المكافآت بتاعة البنات دي حتكون من هذا الصنف طالما بيسعدهم قد كدة انا من يومين جوزي كان بيكلمني على العمرات وازاي بقت غالية قلتله انا باروح اعمل العمرة في نجع العون وبارجع غاسلة كل ذنوبي وجايبة فرحتي انا لما باشوف البنات وهي بتتعلم وبتفرح وبتنت

ما جبت بنتي الجميلة ماهينور كان باخاف عليها لان الدنيا كلها شرور لدرجة اني قبل ما اتجوز كنت فكرت ما اجيبش عيال لان حيعملوا اهي في الدنيا دي وده ايه لما كنا في الزمن الجميل زي ما الناس بتدعي ما بالك اليومين دول وحتى كنت اطلب من ربنا انها تبقى تحت رعايته ونذرتها له وهي في بطني من خوفي كنت كل يوم وانا بانيمها اقرا لها قصار الصور بعد ما اغنيلها اغنية واياميها كان الحذيفي منزل القران كامل فكنت افتح له ا شريط للحذيفي في الجزء الثلاثين واسيبها اللي عملته جاب نتيجة جميلة بدون ما اقصد بنتي اتكلمت كلام صحيح بدون اخطاء اسرع من الاطفال التانية وكانت حافظة قصار الصور كلها في سن ثلاث سنوات المقصود من القصة دي اولا : اما تخاف سيبها على اللي ممكن يحفظ لانك مهما كنت مش حتقدر ثانيا : سماع القرأن كل يوم بيحسن اللغة والقدرة على استيعاب كلام كتير من العربي ثالثا : مفيش سن تقول ده بدري على حفظ القرأن انا مكنتش عارفة انها حفظت الا بعد ما حمايا الله يرحمه قال لي بنتك حافظة كل قصار الصور ياكوكا ازاي يا انكل جابها وخلاها تقرا وهي بتقول وقال لي شايفة راحت قايلاله لا يا جدو لسة اية الكرسي رابعا :

قُلْ مَن يَكْلَؤُكُم بِاللَّيْلِ وَالنَّهَارِ مِنَ الرَّحْمَنِ بَلْ هُمْ عَن ذِكْرِ رَبِّهِم مُّعْرِضُونَ . كلأَكَ اللّه كِلاءة أَي حَفِظَك وحرسك بعد فترة من مشاهدة نعمان على خان وخطبه الجميلة لقيت انه دايما بيذكر ان اسماء الله في المكان المذكور فيه بيكون له ناحية مهمة جدا يعني هنا الرحمن هو اسم الله المحبب اليه وهو اشتق من الرحم والرحم هو ما توضع فيه البويضة الى ان تصبح طفلا وهو يرعاها والكون كل ه رحم لنا والله الرحمن اللي مش بيسيبنا لا ليل ولا نهار احنا عندنا اجهزة اعاشة متوصلة بالله وعندنا الحبل السري اللي بينا وبينه وعلشان كدة الصلاة كانها الممر اللي بيعدي منه الاكل الروحي والحياة المتصلة بالله بتكون عن طريق الصلوات دي هو من يرعانا ولكن اللي اللي محتاجين الرعاية يعني لازم السكة تكون دايما سالكة علشان الدعم ييجي والا ايه ممكن كمان ان ربنا في الاية دي بيقول من اللي يقدر يحرسنا او يحفظنا من ربنا لو اراد لنا الاذى

المعصية مش بس انك تعصي ربنا المعصية انك تخلي واحد يعصي ربنا وتسهلهاله وتقوله خليها علي انا قريت انها ممكن وبعدين الله غفور رحيم اتخدتم عند الله عهدا ولن يخلف الله عهده ام تقولون على الله ما لا تعلمون

مرة واحدة انجليزية في اواخر السبعينات كنت اعرفها وما كنتش محجبة ولا حاجة وكنا في رحلة مع بعض وبعدين قعدت تكلمني عن الحجاب وايه لازمته هي كانت انسانة ناشطة انسانيا في كل المجالات الخاصة بحقوق الانسان وغيره قعدنا نتكلم عن الحجاب هل هو ضرورة للمجتمع والا للفرد وصلنا مع بعض ان الحجاب ضرورة للمجتمع وعبء على المرأة وصلنا ان العلاقة بين الرجل المرأة يجب ان تكون عادلة والا يكن مظهر السيدة فيها سببا في ظلم لاي طرف واعطتها مثالا في مجال عملها لو ان هناك فتاة جميلة وفتاة جادة وفتاة قبيحة وفتاة رقيقة ناعمة وكلهن يعملن في مصنع مع مئات الرجال هل نعومة وجمال الفتيات يمكن ان تؤثر في العمل هل نعومة ورقة وجمال الفتيات يمكن ان يؤثر في نظرة الرجل لزوجته في المنزل بعد المقارنة هل جدية الفتاة او قبحها يؤثر على ايجاد شخص يجدها عروسا للمستقبل وكلنا نعلم الاجابة بعد عدة سنوات شاهدت برنامج قام به بعض الدارسين في الانسانيات قاما بعمل دراسة على تأثير جمال المرأة في قرار الرجل ومنها انهم في غرفة انتظار وضعوا شاشة عرض لبرنامج اخباري وكانت المذيعة سيدة رائعة الجمال ووجدوا بعد مشاهدة البرنامج وسؤالهم

فيه واحد نفسه ياكل ايس كريم وهو عنده سكر قام قعد يدور في كل الكتب ان الايس كريم مش مضر ولقى كتاب بيقول كدة قام قرر انه ينشر الكتاب وافكاره للناس كلها وان كل اللي عندهم سكر لازم ياكلوا ايس كريم والا يبقوا جهلة وبينفذوا كلام غلط ياعم كل زي مانت عايز بس مش لازم نقنعني اني غلط انت تاكل وتموت والا تعيش دي مشكلتك لكن مش لازم تقرر ان الناس كلها لازم تعمل زيك طبعا انا باتكلم على حاجة تانية خالص ما تفهمونيش صح

قرأت من فترة على لقاء بين قلبين قلب ملئ بالندوب والقطعات والكدمات وقلب سليم لا تشوبه شائبة قام القلب السليم بمعايرة القلب المصاب بانه كامل الاوصاف وانه لم يتعرض لطعنة واحدة فرد عليه القلب المصاب انت لا تعلم ان كل ندبة اخذتها من شخص اعطتني خبرة لطريقة اتعامل بها مع شخص اخر مثله وكل قطعة تراها ناقصة من عندي ستجدني اعطيتها لشخص اخر كانت تنقصه فاصبحت موجودا في قلبه ان كنت امامك ناقصا فانا ارى نفس ي اكبر من ان يحتويني انسان انا اعطي من نفسي لكل من اراد مني قطعة فتراني موجودا حتى بعد ان افنى انا اعيش ولكن اراك ميتا . وانا الان ارى العديد من السيدات يشعرن بان هناك تجارب مرت عليهن اثقلتهن بالهموم وعليهن اما ان يبعدن عن الناس التي قد تسبب لهن الالم او ينتقمن ويواجهن الانسان المتسبب في الالم ومحاولة اعطاءه درسا او غيره انا اقول انك اذا اردت ان تظل بقلبا سليما بعيدا عن الالم فانت كمن اشترى حذاءا ولم يرد ان يلبسه خوفا عليه من الطين في الارض وانتهى انه لم يستمتع به لحظة ولم يعلم ان سعادة الحذاء فان يلمس الارض وان يتسخ وينظف وانه بذلك يعتبر حيا واستخدامه فيما جاء به يعتبر حبا وليس

ل ما تمر به في حياتك يمكن ان تجعله نقمة او نعمة فالجمال لو سيطر عليك وحولك الى شخص نرجسي محب لذاته فهو نقمه خاصة وانه لن يدوم طويلا فسيضطر الانسان ان ينغمس في طريقه تجعله دائم الجمال الخارجي ونحن نرى الان سيدات قمن بعمليات تجميل متكررة اصبحوا بها مسخ بشرية وهم لا يدرون اما نفس هذا الانسان الجميل اذا لم يكتف بالجمال الظاهري وقرر ان يضيف الي جمال جسده ووجهه ، جمالا للروح والنفس والعقل بالثقافة و الحب والتضحية فانه بالتاكيد سيصبح نعمه لانه سيجلب له حبا اعملق من الناس وسيجد ان جمال الوجه والجسد بعد فترة قد ذوي وانه اصبح انسانا جميلا يشع الجمال من حوله والقبح او سيطر عليك وحولك الى انسان غاضب حاقد غير راض كاره ما يراه في المرآه وانغمس في تشويه الآخرين لكي لا يكون قبيحا بذاته فان القبح سيكون نقمة عليه اما اذا كان الانسان قبيحا من الخارج وعمل على ان يطبب كفة الجمال الداخلي وقام بتجميل داخله بتضحيات ومساعدات وقام بمعادلة القبح بفكاهة او خفة ظل او علم ينتفع به ولم يسيطر عليه شكله واصبح محبوبا من الاخرين سيصبح القبح طريقا له في حياته وبعد الوقت لن يكن شكله عائقا في اي مناسبة

الناس اللي شايفة اننا في ازهى العصور وليس في الامكان ابدع مما كان ويكون ييجوا على اليمين والناس اللي شايفة اننا في عهود الظلام واننا تحت الصفر بالف سنة وان مقيش احض من الحضيض اللي عايشين فيه ييجوا على الشمال والناس اللي قاعدة مشغولة بنفسها وعمالة تولول على اللي عمل فيها مقلب واللي ما ردش على التليفون خليها قاعدة مركزة تنتقم من اللي مزعلها ازاي وسيبوا الناس اللي شايلة هم بلدها تشتغل وسعولها السكة واضربولها سلام وعلى فكرة دول كتار قوي ولله الحمد # مصر_ولادة # اقلع_نظارة_الحب_والكره_وانت_تشوف

بافكركم وبافكر نفسي تاني باننا نلتزم بالمنتج المصري شكرا لوطنيتكم اصلي افتكرت مرة خبر سمعته عن ان امريكا كانت عندها مشكلة مع اليابان لان الميزان التجاري بينهم كان لصالح اليابان لان مفيش ياباني كان بيشتري منتج امريكاني والحكومة كانت بتتحايل عليهم يشتروا امريكاني لظروف سياسية تصلح من الميزان وافتكرت حماتي الله يرحمها كانت في انجلترا بعد الحرب العالمية وكان الانجليز يقفوا بالطوابير على الخضار الانجليزي وكان الخضار المصري ارخص واحلى وهي من دافع حبها لبلدها سألت واحدة واقفة في الطابور علشان تشتري طماطم انجليزي تعبانة والطماطم المصري منور فردت بثقة انها لازم تدعم الفلاح الانجليزي مش المصري احنا الحس الوطني بتاعنا برضه بالزم نعليه ونبص للمنتج المصري انه دعم لواحد مصري طالع عينه علشان يوصل لك بالشكل ده

الانسان بيكون اقوى لما بيكون له هدف قدام عينيه وهو بيمشيله كل يوم اقوى من الانسان اللي ماشي حسب ما تاخده الرياح اقوى لانه بيعرف امتى ماشي مع الهدف وامتى ماشي عكس الهدف اذا كان عندك فريق عمل لازم تحط له هدف وتقنعه بيه وتخليه يتمسك بيه وبالتالي حتعرف تجمعهم كلمة واحدة طالما في اتجاه الهدف ولكن لو الفريق لم يجتمع على هدف فسيظل تحكمه الاهواء الى ان يتفرق وكل يبحث عن ليلاه طبعا فيه ناس هدفها دنيوي بحت وبتجري وراه وساعات بتوصل له لكن بتبقى متسلط عليها نفسها فلا تشعر بالشبع ولا بالاكتفاء المهم ان الهدف ده في الاخر بيجمعك باللي لهم هدف زيه او مشابه له او في نفس الاتجاه بتاعه احنا لو قدرنا كشعب مصري يكون لنا هدف واحد وهو تغيير واقع مصر للاحسن اكيد حنقدر نعمله

حارجع تاني اطلب منكم انكم تعلموا اولادكم اللعبة اللي اسمها civilization بتعرفهم ازاي تقوم الحضارات وازاي ان البلد لو عايزة حضارة لازم تكون متصلة شرقها بغربها وشمالها بجنوبها ازاي ان التراث بعد كدة بيكون له مردود حضاري ومالي وازاي العلم المبكر بيتسبب في تغيير المستقبل وكلما امتلكت اسس العلم فانك تمتلك الطريقة التي تحافظ بيها على نفسك من سلاح وتحافظ على حضارتك من الوسائل الحديثة للمعيشة بعد ما يكتر العدد داخل الحضارة بتاعتك بجد قوية جدا ولو اتعلمها اولادنا حتعطيهم بعد لتكوين الحضارة وحتخليهم يشوفوا الصورة بشكل اشمل

كل رصاصة بتتصنع في مصنع في حتة من العالم حتلاقي واحد ياخدها في صدره او طفل ياخدها في راسه كل اللي بيتكلموا عن الارهاب لازم يوقفوا النزيف اللي تسببوه بتصنيع الاسلحة والرصاص يعني الواحد منهم لو ما لقاش اسلحة حيعمل ايه لازم نخلي اولادنا تتفرج على فيلم THE LORD OF WAR بطولة نيكولاس كيج اقوى جملة قالها خلال الفيلم I can not afford peace وده لانه تاجر سلاح وبيعتبر السلام خسارة له وبالتالي قال انا لن استطيع ان اتحمل خسارة السلام اعتبر ان السلام بالنسبة له خسارة لا يستطيع تحملها بداية الفيلم قوية بتجيب تصنيع الرصاص وبتنتهي المقدمة بالرصاصة طايرة لغاية لما وصلت لراس طفل ووصلت له في مقتل

تعبنا سلبيات خلينا في الايجابيات في كل صورة فيه كل الالوان لو كل واحد بص على الاسود حيبوظ الصورة كلها ولو بص على الابيض برضه مش حيشوف جمالها التنوع هو الجميل المسيرة هي اللي مطلوبة منك السعي المطلوب لكن يعني النتائج زي ما تطلع طالما انت عملت اللي عليك وكل مازاد لون في اللوحة كل ما كانت اغنى انا امبارح لقيت واحد بيتكلم عن ان مصر دي مكرهاه في حياته وانه عايز يسيبها عملتله بلوك كتبتله الاول انت بتتكلم على حبيبتي كلام وحش وانا مش حاقدر اسمع كلامك تاني

سورة الانبياء بسم الله الرحمن الرحيم وَجَعَلْنَا السَّمَاء سَقْفًا مَّحْفُوظًا وَهُمْ عَنْ آيَاتِهَا مُعْرِضُونَ . ساعات بالاقي ربنا سبحانه تعالى يقول السماوات وساعات يقول السماء وهنا ربنا بيقول السماء جعلها سقفا محفوظا احنا عارفين ان السماء الارض متكونة من طبقات وان الطبقات دي بتحمينا وتحفظنا من الاشعة الكونية وكمان مع وجود الاكسجين اي شهاب بينزل بيتحرق في طريقه للارض وغيرها من الحاجات اللي رب نا حطهالنا تحفظنا المقالة بتتكلم عن بس التهديد من الشمس لوحدها ممكن تمحي الحياة في الارض لو حصل لها نشاط اشعاعي سبحان الله وهم عن اياتنا معرضون

        سورة الانبياء بسم الله الرحمن الرحيم وَجَعَلْنَا فِي الأَرْضِ رَوَاسِيَ أَن تَمِيدَ بِهِمْ وَجَعَلْنَا فِيهَا فِجَاجًا سُبُلا لَعَلَّهُمْ يَهْتَدُونَ . الرواسي في الارض المقصود بيها الجبال والصورة جايبة ايسبرج او جبل ثلج وواضح الكمية اللي تحته علشان اللي فوق يثبت والحاجة لما تعلى لازم لها اللي يثبتها اضافة الى ذلك فربنا سبحانه وتعالى بيقول ان جعل في الارض فجاجا يعني طرق واسعة و سبل وهو جمع سبيل وربنا بيعتبر اننا بنهتدي بالسبل والفجاج خلي الدنيا فيها طرق وعلامات تخلي الارض ممكن السير فيها او بمعنى اصح خرائط نهتدي بيه

انا باشوف زيادة الوزن من منظور مختلف الهوميوباثي عنده صورة كاملة لكل نوع من المعادن او النباتات او الحشرات او الحيوانات يعني كل حاجة درسوها ودرسوا تأثيرها على الانسان وشافوا الصورة الكاملة لتأثريها في الناحية الجسمانية العضوية والعاطفية الروحانية والعقلية العصبية وكتبوا الدراسة دي في كتب اسمها الماتيريا ميديكا كانها كتب الادوية مثلا البصل بيخليك تدمع ومناخيرك تسيب ولكن دي اقل تاثير علشان واضح و كلنا شايفيه ولكن لما تدخل في تفاصيل البصل تلاقيه مثلا ممكن تصحى بالليل الساعة اتنين بالذات مش تلاتة ولا اربعة مثلا بينفع في الصدمات العصبية نتيجة البتر او النحلة مثلا لما تقرصك تورم وتحمر ولكن فيه تاثيرات تانية زي انها بتخليك عايز تتفوق وتخليك تحب تشتغل كتير ما تونش زي ما يقولوا والوجع يكون في المفاصل الكبيرة مثلا وهكذا انا بقى باشوف اللي وزنه زايد انه شخص كالسيومي يعني شخص يعتمد عليه وبيشيل الهم وبيخاف على اللي حواليه وعايز يحمي الاهل والاحباب والاصحاب وانه دايما بيكون زي البيت اللي بتلجأله لما تدور على مكان يحبك صحيح زيادة الوزن مش مطلوبة لكن هي موجودة بسبب ما وهي ان

ابايا كان جابلنا حزام كهربائي علشان يقلل من الدهون على الوسط وحاجة كدة كبيرة وتنفع في مركز رياضي وكان احسن شماعة لاخواتي الصبيان مع ان الدولاب كان على بعد سنتيمترات ودي كانت نهاية الخسسان في بيتنا قريت اقتراح من حد على الفيسبوك انهم يجيبوا في الجهاز ست كراسي بدل الدولاب

لو مسكت ميكروسكوب وبصيت على طبق بتاكله مش حتاكله لان التفاصيل اللي حتشوفها مش حتخليك مبسوط الانسان لازم يحدد التفاصيل اللي يدخل فيها في حياته من غير ما تنغص عليه حياته لما ربنا سبحانه وتعالى يقول "يا أيها الذين آمنوا لا تسألوا عن أشياء إن تُبد لكم تسؤكم" يبقى فيه حدود للتبحر والسؤال انا شفت في حياتي ناس كان ممكن تعيش سعيدة ولكن كثرة السؤال عن اشياء معينة خلاها سابت حاجات كتير كانت ممكن تكون سبيلها للسعادة شفت ناس من كتر السؤال تعبت نفسها وعملت حاجات ممكن ما تكونش مهمة ولكن دخلت في تفاصيل بوظت على نفسها بلاش الميكروسكوب كل يوم الميكروسكوب بس لو انت عيان وعايز تعرف سبب المرض ولكن في حالة الصحة مفيش داعي تدخل في تفاصيل مالهاش لازمة

في سورة الانبياء أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالأَرْضَ كَانَتَا رَتْقًا فَفَتَقْنَاهُمَا وَجَعَلْنَا مِنَ الْمَاء كُلَّ شَيْءٍ حَيٍّ أَفَلا يُؤْمِنُونَ . ايه عجيبة قوي لانها بتتكلم على ان السماوات والارض كانوا حاجة واحدة متخيطة في بعض وربنا سبحانه وتعالى فتقهم يعني فكهم من بعض وبعدهم عن بعض قعدت افكر فيها كتير قوي ازاي كانوا حاجة واحدة وبعدين افتكرت الانفجار العظيم والنظرية اللي طلعت عن بداية الكون وان الكون كان كله حاجة واحدة متماسكة وبعدين اتفككت الى سحابات كبيرة واصبح عندنا الكون بشكله الحالي ده التفسير العلمي الوحيد اللي متخيلاه عن انهم كانوا متجمعين وتفتقوا عن بعض

The Greatest Verse: Ayalul Kursi Tafseer by Ustadh Nouman Ali Khan youtube.com في اللغة العربية لديها اكثر من عشرة درجات من الحب وكل واحد منهم لديه كلمة تدل عليه منها الحب اللي مش عايز حد يعرفه وباين عليك ومنها اللي بتقطع فيه الاكل والشرب ومنها اللي ما بتشوفش غيره ومنها اللي بيوجع قلبك ويتعبه ويبقى مشكلة علشان مش قادر تخبيه اكثر درجات الحب اللي ممكن تعيش فيه وهو حياتك هو الوله ومنه اشتق اسم الله الذي لا اله الا هو يعني ربنا بيقول ما ينفعش يتحب حد بالدرجة دي الا ربنا اسمعوا خطبة نعمان علي خان