طفلة للابد

في سورة هود تلاقي ايات عن نبي من انبياء الله الاقيه بيقول لهم وَيَا قَوْمِ لا أَسْأَلُكُمْ عَلَيْهِ مَالاً إِنْ أَجْرِيَ إِلاَّ عَلَى اللَّهِ زي ما قال سيدنا نوح او يَا قَوْمِ لا أَسْأَلُكُمْ عَلَيْهِ أَجْرًا إِنْ أَجْرِيَ إِلاَّ عَلَى الَّذِي فَطَرَنِي أَفَلاَ تَعْقِلُونَ. زي ما قال سيدنا هود موضوع انك تعمل ولا تسأل الاجر بيعطي قوة لقضيتك وبيخلي اللي قدامك مش عارف ايه مصلحتك في الحكاية دي خلي في حياتك حاجة كدة بتعملها من غير مصلحة معينة بتعملها في تجارة مع الله ده طبعا غير الزكاة خليها عمل او لو حتى فلوس خليها من خارج فلوس زكاتك خلي اجرك على الله

تاني التوبة ومعاها استغفار وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَارًا وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْا مُجْرِمِينَ زي ما قال سيدنا هود لقومه او وَإِلَى ثَمُودَ أَخَاهُمْ صَالِحًا قَالَ يَا قَوْمِ اعْبُدُواْ اللَّهَ مَا لَكُم مِّنْ إِلَهٍ غَيْرُهُ هُوَ أَنشَأَكُم مِّنَ الأَرْضِ وَاسْتَعْمَرَكُمْ فِيهَا فَاسْتَغْفِرُوهُ ثُمَّ تُوبُواْ إِلَيْهِ إِنَّ رَبِّي قَرِيبٌ مُّجِيبٌ زي ما قال سيدنا صالح لقومه او وَاسْتَغْفِرُواْ رَبَّكُمْ ثُمَّ تُوبُواْ إِلَيْهِ إِنَّ رَبِّي رَحِيمٌ وَدُودٌ زي ما قال سيدنا شعيب لقومه

في قصص انبياء سورة هود باشوف ان كل نبي منهم كان فيه جدال بينه وبين قومه وبتتكلم على قضية مهمة جدا في ان المقاومة للخير ساعات الشيطان بياخدك فيها لحاجة جانبية ممكن توديك في داهية وانت مش حاسس يعني قضية قوم نوح اللي في هود بتتكلم عن الناس اللي اتبعوه قال ايه انت اللي اتبعوك اراذلنا يعني هو مش عايز يؤمن بواحد علشان اللي سمعوا كلامه هم الناس اليااااي مش من الطبقة وبالتالي انا مش حامشي مع الناس دي اطردهم والا ابعدهم علشان نبقى معاك ويكلمهم سيدنا نوح ان ازاي اطردهم . وَيَا قَوْمِ لا أَسْأَلُكُمْ عَلَيْهِ مَالاً إِنْ أَجْرِيَ إِلاَّ عَلَى اللَّهِ وَمَا أَنَاْ بِطَارِدِ الَّذِينَ آمَنُواْ إِنَّهُم مُّلاقُوا رَبِّهِمْ وَلَكِنِّيَ أَرَاكُمْ قَوْمًا تَجْهَلُونَ - 29 . وَيَا قَوْمِ مَن يَنصُرُنِي مِنَ اللَّهِ إِن طَرَدتُّهُمْ أَفَلاَ تَذَكَّرُونَ -30 . وَلاَ أَقُولُ لَكُمْ عِندِي خَزَائِنُ اللَّهِ وَلاَ أَعْلَمُ الْغَيْبَ وَلاَ أَقُولُ إِنِّي مَلَكٌ وَلاَ أَقُولُ لِلَّذِينَ تَزْدَرِي أَعْيُنُكُمْ لَن يُؤْتِيَهُمُ اللَّهُ خَيْرًا اللَّهُ أَعْلَمُ بِمَا فِي أَنفُسِهِمْ إِنِّي

رب همة احيت امة عايزين الهمة اللي تحيي الامة يا جماعة مش عايزين انتخة مصر محتاجة ناس تحرك ناسها الشاب من دول قضى حياته بيذاكر علشان يجيب نمرة في الامتحان لحسن اهله يطلعوه سنسفيل جدوده ولما اخذ الشهادة واعتبر ان حقق لهم اللي نفسهم فيه وقف ومش عارف يعمل ايه احنا لازم نوري الشباب السكة محدش يعيب عليهم هو اتربى كدة قاعد على المكتب يذاكر مش بيشيل هم غير الامتحان واهوه جابلكم الشهادة اعملوله درس خصوصي يعني ايه مسئولية يعني ايه انتماء يعني ايه اجري على رزقي دي مادة ما اتعلمهاش في المدرسة ولا الجامعة

كتبت عن المقلقات كما تخيلت ان يكون اسمها وهي في الهوميوباثي يطلق عليها اسم الميازم وهي موروثات نحملها عن اجدادنا واهلنا انطبعت على اجسادنا من الامراض التي مرت ولم يتغلب عليها الجسد الامراض الجلدية في الماضي السحيق كانت هي اكثر الامراض تواجدا وكانت تنتقل بسهولة من الاهل للاطفال وحين بدأ الطب الحالي المعتمد على المادة الكيميائية في العلاج قام في كثير من الاوقات بكبت الاعراض وليس علاجها بمعنى انه يستخدم الكورتيزون في منع الجسد من اظهار الحكة وتهيج الجلد على الرغم من ان الجسد يظهر تلك الحكة ليطلب المساعدة في انه يحتاج الى مادة الكبريت ليتغلب على ما يحيكه سواء من الداخل او الخارج لا ينتبه الطب الحالي من ان هذا الشخص الذي لديه حكة في جسدة يشعر بنفس الحكة داخله وتجده يتحرك او يريد ان يتحرك ويتحدث بسرعة اعلى قليلا وتوتر مختلف عن الاخر الذي ليس لديه تلك الحكة في الجسد كبت الاعراض ادى الى دفنها وليس علاجها دفن الاعراض يؤدي دائما الى تطورها وتعميق اثرها وتتحول من الجلد الى احد الاعضاء الاكثر اهمية مثل الكحة لاحظت اننا عندما كنت طفلة كانت الامراض الجلدية منتشرة وان العيادات الجلدية

يحاسبك الله على الوقت الذي تقضيه في حياتك ليعطيك حياة بلا وقت بجواره تنعم فيها للابد

رب همة احيت امة عايزين الهمة اللي تحيي الامة يا جماعة مش عايزين انتخة مصر محتاجة ناس تحرك ناسها الشاب من دول قضى حياته بيذاكر علشان يجيب نمرة في الامتحان لحسن اهله يطلعوه سنسفيل جدوده ولما اخذ الشهادة واعتبر ان حقق لهم اللي نفسهم فيه وقف ومش عارف يعمل ايه احنا لازم نوري الشباب السكة محدش يعيب عليهم هو اتربى كدة قاعد على المكتب يذاكر مش بيشيل هم غير الامتحان واهوه جابلكم الشهادة اعملوله درس خصوصي يعني ايه مسئولية يعني ايه انتماء يعني ايه اجري على رزقي دي مادة ما اتعلمهاش في المدرسة ولا الجامعة

فيه مقلق اخير وهو الكفاح فيه شخص لازم يعيش حياة المكافح عايز يشتغل ليل ونهار زي ما يكون وراه كرباج حاسس ان الدنيا كلها حتقف لو وقف وانه شايل همها على كتافة الشخص ده بيشعر بثقل الحياة وبيشعر انه ما يقدرش يستريح ولازم يفضل على طول يكافح ده مفيش حاجة توقفه علشان هو حاسس انه لازم ليل ونهار يعمل اللي عليه وفي الغالب بيشعر بالتقصير يقولك تعبان وتقول له بطل يقولك ما ينفعش انا لازم اكافح انا لازم اشتغل مين اللي بيقول له لازم ولاحد هو عايش في هذا المقلق اللي بيشعره انه يتحتم عليه العمل الدائم والكفاح الدائم هو عايز يبقى موجود عايز الناس تحس بيه عايز يؤثر في كل اللي حواليه بيشعر بنفسه لما الناس تتكلم عليه وتحس بيه بيحب يفكر برة الصندوق وبيبحث عن هويته يحب يتعلم لانه بيكون ساعتها مختلف  تجده في الشاب المتمرد صاحب الافكار الدينية والمجتمعية المختلفة والذي لا يسير على خطى اهله يشعر باختلافه ويحبذه في الغالب تنتمي طاقته للاملاح والاحجار المعدنية واكثر طاقة قريبة لتلك الشخصيات هي طاقة الكبريت وبعض المعادن الاخرى مثل الحديد والنحاس والنيكل وهي معادن تساعد في بناء الانسان ويدور عمله

المقلق الخامس هو اللحظي شخص عمره ما يرتب ولا يخطط وعايش اللحظة بلحظتها وعلى طول بيعمل ردود افعال ما عندوش افعال يعني كانه واقف على حرف سور وانت ماسك الطوبة في كلامه بيرد على كلامك وساعات بيبقى زي المراية من خوفه بيمشي وراء الناس وكلام الناس وفعل الناس علشان على الاقل شافها بتحصل قدامه واطمئن انها ممكن تتعمل شخص في حالة من الخوف من المجهول ومهدد في كل لحظة في حياته مهدد في المدرسة والشغل والبيت عيونه في الغالب مشتته وحركته فجائية هذا الشخص يحب يمشي مع حد هادي لانه بيعطيه الفرصة للاطمئنان مشاعره وقتيه يحب بسرعة وينسى بسرعة ولكن اللي بيشعر معاه بالامان مش بيحب يسيبه خالص طفولي في مشاعره مش بينضج بيخاف يكبر بيخاف يسيب اهله عنده تلقائية في ردوده انفعالية في ساعتها برضه ارجع اقول ان ممكن بالهوميوباثي او التدريبات على تقوية مسارات الاعصاب او العلاج النفسي الاجتماعي

ربنا يغضب عليك ويزعلك امتى مش لما تمشي غلط لا لما تبقى عارف الصح يبقى ايه وتسيبه

ما ينفعش تحط كل فلوسك في بيت عارف انه حيتهد بعد عشر سنين ولا عشرين سنة استثمر في اللي يستمر # لا_تستثمر_في_جمالك_فهو_الى_زوال # لا_تستثمر_في_حياة_الدنيا_فهي_الى_زوال

الصويت دايما يغلب الوشوشة

مَثَلُ الْفَرِيقَيْنِ كَالأَعْمَى وَالأَصَمِّ وَالْبَصِيرِ وَالسَّمِيعِ هَلْ يَسْتَوِيَانِ مَثَلاً أَفَلاَ تَذَكَّرُونَ . . هو احنا فريقين يا اعمى واصم يابصير وسميع ربنا يستر ونبقى من اللي بيشوف اصل الشوف مش بس شعاع ضوء واصل للمخ الشوف ان المخ ياخد الصورة ويستوعبها ويحللها ويعني بصير دي اكتر من انه مش اعمى سميع اكتر من انه مش اصم بيسمع ويترجم ويوصل لنتيجة

أُوْلَئِكَ لَمْ يَكُونُواْ مُعْجِزِينَ فِي الأَرْضِ وَمَا كَانَ لَهُم مِّن دُونِ اللَّهِ مِنْ أَوْلِيَاء يُضَاعَفُ لَهُمُ الْعَذَابُ مَا كَانُواْ يَسْتَطِيعُونَ السَّمْعَ وَمَا كَانُواْ يُبْصِرُونَ . . سورة هود شايفاها عمالة تاخدني باعمالي كدة لربنا ياما قاعدة في الدنيا ماليش لازم بيعدي علي ولا باسمع ولا باشوف وفي الحالة دي حاخسر كتير لان في النهاية رايحة لربنا الصراحة انا باخاف من اللحظات دي وعمالة استف ملفاتي وورقي علشان لما اقابل ربنا اقول له انا كل اللي باعمله علشان وانا لو غلطت ما اقصدش وانا باحاول هنا في الاية دي بيتكلم على الناس اللي فاكرين جايبين التايهة مالهمش الا الله تلاقي واحد رئيس مجلس ادارة وبيتكلم عن المصنع ازاي جاب وعمل وبثقة شديدة يقول لولاي ولو قلتله ربنا يقول ايوة ايوة وربنا طبعا ويتكلم بثقة شديدة عن انه هو اللي عمل ياعم مش اعجازك ده ربنا فقط قرر انك انت اللي تعمل وسخر لك في حياتك حاجات كتير تسندك يمكن انت مش حاسس ان مامتك وباباك كانوا في المعادلة بتاعتك وانت حاططهم على جنب ربنا يجمعنا معاه واحنا ان شاء الله محسنين يارب

المقلق الرابع الراسي اللي ما تعرفش دماغه فيها ايه يبقى قاعد كل حاجة لازم تبقى تحت سيطرته ويحب يعرف كل حاجة هو حياته مبنية على انه مسيطر على الامور ما يحبش حاجة تطلع من تحت ايده ولو الموضوع طلع من سيطرته ما عندوش مانع يهد الدنيا كلها ويخسر كل حاجة المهم انه يكون عارف ومسيطر على الامور لما يقعد في القاعدة عينه على الداخلة والخارجة وعارف منافذ المكان لما يتعرف على واحد لازم يعرف اصله وفصله لما ياكل اكله لازم يعرف بتتكون من ايه السيطرة السيطرة ثم السيطرة بلا سيطرة لو يفقد هو سيطرته ويتحول الى وحش كاسر ياكلك

المقلق الثالث هو الشخص اللي ما بيقعدش على حاله عايز يتحرك عايز يغير يسافر يروح شغلانة يسيبها عنده مليون حاجة في دماغه وكلهم عايزين يتنفذوا الشخص ده عامل زي الكحة اللي مش بتبطل هاها في المكان ما تعرفش تتكلم منه يقاطعك هو حاسس انه لازم يتحرك انه لازم يعمل حاجة انه لازم يغير مكانه تلاقيه قبل ما يبتدي اليوم عامل برنامج الاسبوع كله ولما يوصل للمكان عايز يروح يقلب كيان مراته لانها بطيئة وما عملتش كتير زي الولعة الشخص ده برضه ممكن يتظبط بالهوميوباثي او العلاج النفسي او التدريبات الخاصة بتحسين مسارات الاعصاب

اما اتكلم معاكم عن المقلق الثاني برضه المقدمة نفسها انه توارث في الناس حسب الامراض اللي اتعرضت لها المنطقة او الشعب او الوقت وبالتالي بيكون مولود بيه زي البصمة المقلق التاني هو التوتر والشعور بالترقب وردود الفعل المبالغ فيها الشخص ده تلاقيه لو الدنيا مطرت يلبس اولاده الدولاب لو راح الشغل يبقى شايل هم حيقابل مين والا مين لو خلف يبقى الدنيا حيفلس ومش حيعرف يربي ابنه يعني ممكن اول يوم شغل يبقى شايل هم لما يرفدوه حتى جسمه لو اتعور يورم واللي يخلص في يوم يقعد اسبوعين عادة ما يحبش يغير عاداته وبيبقى حذر دايما مفيهوش التدمير بتاع المقلق الاول ولكن بيبقى عنده ترقب طول الوقت ممكن الناس تعتبره مغرور او مش متناغم مع الباقي وممكن تعتبره مزودها حبتين بس هو عايش في هذا النوع من التوتر وردود الافعال المبالغة ما يحبش حد يعرف نقطة ضعفه وده لانه برده قلقان بيخبي على عيوبه باستماتة حتى لو كان فيها غلظة بشكل عام تجد أن الأنانية هي تغطية لافتقاره الشخصي للثقة بالنفس، تماما كما أن حذره المفرط هو تغطية أو رد فعل مفرط لقلقه الاستباقي او ترقبه للكوارث التي يمكنها ان تحدث في مخيلته الكحة تقلب

لا نستطيع ان نحتكر رايا واحدا في شخص فكل منا له نظرته وخبرته وحياته مع هذا الشخص فقد يكون مثال الحنان مع احدنا وقمة القسوة مع الاخر والشخصيات العامة دائما لها وعليها لانها تحتك بشعب بكل اتجاهاته وميوله وسياساته بالنسبة لعبد الناصر فانا لم اكن في مصر وقت ان كان في قمة مجده ولم اعاصره مراهقة فمراهقتي كانت في طرابلس ليبيا حين كان والدي مستشارا للنائب العام هناك كل ما كنت اعرفه ان والدي ترك مصر في عهده وانه لم يتحدث عنه كثيرا ولكن حين كنت في مصر في فترات متقطعة في مدارس مختلفة كان يرجوني الا اتحدث في السياسة لئلا يطالني الاذى وحدث انه في عام من الاعوام تم سحب الباسبورات الخاصة بالعائلة كلها ونزلنا فجأة فقط لان احد العاملين في السفارة لم يكن ابي من المفضلين لديه مصر وقت عبد الناصر كانت في حالة مختلفة وحين جاء السادات واصر ان يكون هناك سيادة للقانون لم يستمر بعدها كثيرا لينعم بتلك السيادة ما اقوله ان عبد الناصر لم يكن شيطانا ولم يكن ملاكا عبد الناصر كان مميزا بشخصية هزت العالم كله من اول الامريكتين الى اسيا كان له رؤية واسعة كبيرة عليه وعلى مصر وكانت اتجاهه لتحقيق تلك الرؤية

في التفسير هنا بيقول ان قرية سيدنا يونس لانه غضب منهم وسابهم من غير اذن ربنا فربنا ما عذبهمش زي القرى التانية لانه لم يكمل رسالته على بعض والبعض بيقولوا انهم بعد ذهابه امنوا زعل منهم وسابهم والتقمه الحوت من هنا حسيت ان ربنا بيقول اولا انت لو لك رسالة تعملها في حياتك ما تيأسش وتسيب المكان لان ساعتها ممكن تتحبس في بطن الحوت بتاعك يعني في بطن زعلك وغضبك ثانيا وفي نفس الوقت الموقف اللي زعلك ممكن اصحابه يرتد لهم عقلهم والموضوع يتحل من غير زعل اوعى تمشي مغاضبا وتسيب مهمتك اللي ربنا باعتك لها

انا في حياتي متصالحة مع العالم طبعا بالنسبة للي دمه حامي باجيبلهم شلل من كتر الشعور اني باردة انا وصلت للموضوع ده بعد ما عييت واتبهدلت وجهازي المناعي ضرب المهم ان انا دلوقتي عندي هذا الهدوء النفسي والسلام مع العالم بس لو لم يلمس المحرمات استحملوني شوية انا عندي اصحاب غالبا حيضربوني بالرصاص قريب

احذر من امنياتك تلك جملة تقال بالانجليزي وللاسف لا تدرج في ثقافتنا على الرغم من خطورتها احذر مما تتمنى قد تتمنى شيء ويأتي معه مشاكل لا تستطيع درءها سيدنا يوسف لما حوطوه الستات قال السجن احب الي وساعتها اكيد قال ده انا لو رحت السجن يارب احسنلي راح السجن بالفعل ساعات الانسان في لحظات بيشعر انه يقدر يعمل حاجة ولكن وقت الجد بيبقى فيه عوامل كتيرة تانية يعني انا وانا صغيرة طلبت من ربنا انه يطهرني في الدنيا علشان لما اقابله ما يكونش علي ذنوب وفي فترة المرض زاد علي جدا وكنت مش باقدر امشي الا باني اسند على حد جنبي والحمد لله كنت مبسوطة ان ربنا بيعمل معايا كدة طب الحمد لله وانا استحملت ممكن غيري ما يستحملش ويبقى هو اللي طلب وما قدرش يكمل انا باقول ان دايما ما تطلبش من ربنا اي حاجة مخصصة ولكن اطلب الخير وبس او القوة او القدرة او حاجة تساعد بيها نفسك امنياتك قد تكون جميلة ولكن العلم عند الله

عايزة اتكلم عن الميازم او المقلقات في حياة الانسان بمعنى اصح هانيمان باشا الالماني لما اكتشف علاج اسمه الهوميوباثي اكتشف ان فيه حاجة بتتولد مع كل انسان وهي زي البصمة في شخصيته بتتسبب في اضطرابات في القوة الحيوية القوة الحيوية هي الطاقة اللي بتشدك الصبح من السرير علشان تعمر الدنيا الميازم ده يا حبايبي قالك بيتكون من اي مرض عضوي لم يتم الشفاء منه وبالتالي هو ربط المقلقات بالامراض وغالبا في القرن الثمانية عشر ربطها باشهر الامراض حواليه واللي كانت خلال القرون السابقة له وكانت امراض سيئة السمعة انا مش حاتكلم بطريقة علمية وانما حاتكلم بطريقة عملية ومش حاسميهم باسماء الامراض ولكن حاتكلم عن واحد النهاردة وهو المقلق الاول اليأس الذي يقود للتدمير اي واحد بيعتبر ان مفيش فايدة بيتجه دائما الى التدمير اما تدمير الذات لو سلبي في انفعالاته او تدمير الاخرين لوانفعالاته سيئة مباشرة او تدمير المجتمع هذا الشخص هو اكثر شخص يمكن ان يصل الى حالة الانتحار او القتل الانتحار مش لازم يموت نفسه والقتل مش لازم يموت خصمه الانتحار من اشكاله انه يترك الحياة وينسحب منها والقتل من اشكاله انه يدمر

دايما ربنا بيقول يهدي من يشاء وكلنا بنحطها ان المشيئة بتاعة ربنا بس يعني ربنا لما يحب يهدي بيهدي ولكن لو بصينالها ان ربنا بيهدي من يشاء ان يهتدي يعني ممكن انت تكون مش عايز وعمال ماشي غلط وبتعاند او مش عارف ومش عايز تعرف لازم تعرف ان رغبتك في الهداية بتخلي المشيئة في سكتك انت اللي لازم تدور تهتدي ازاي ما تستهلش وتقول يهدي من يشاء يمكن ربنا مش عايزني اهتدي بالتأكيد ربنا عايزك تهتدي ده حتى لما بتغلط بيسامحك وبيقولك توب وانا اتوب عليك لكن انت ماشي ومش عايز يبقى بتصعب العملية على نفسك الله يهدي من يشاء ان يهتدي على فكرة مش بيقف قدام هدايته يمكن ساعات بيصعبها عليه علشان لما يدخل سكة الهداية يكمل لكن اكيد ربنا مش حياخد من عذابنا حاجة

هل هناك عبث اكثر من ان يخلقك الله وبنفخ فيك من روحه ويسجد لك الملائكة ثم تكتفي بالحياة الدنيا وتنتهي بك الحياة بالتراب انك اكبر واقيم وافضل واحسن عند الله من ذلك قم بمهمتك في الحياة ولا تستكثر من الحياة الدنيا لانها ستأتي شئت ام ابيت وستأتي بالقدر الذي اراده الله شئت ام ابيت وستتركها في حينها شئت ام ابيت عمر الدنيا بطاقاتك كلها وقابل ربنا وانت بتبني مش بتهد

اي يوم ما طلعتش منه بحسنة واحدة تبقى خسرته الحسنة تبدأ من ابتسامة في وجه انسان لشربة مياه لواحد عطشان لكلمة حاضر تريح انسان مش عايز غير انه يسمعها حتى لو ما اتنفذتش لكلمة مريحة في تليفون لواحدة زهقانة لطبطبة لطفل بيبكي على لعبة اتكسرت لغض بصر # لم_نمر # الحق_نفسك

وَاتْلُ عَلَيْهِمْ نَبَأَ نُوحٍ إِذْ قَالَ لِقَوْمِهِ يَا قَوْمِ إِن كَانَ كَبُرَ عَلَيْكُم مَّقَامِي وَتَذْكِيرِي بِآيَاتِ اللَّهِ فَعَلَى اللَّهِ تَوَكَّلْتُ فَأَجْمِعُواْ أَمْرَكُمْ وَشُرَكَاءَكُمْ ثُمَّ لاَ يَكُنْ أَمْرُكُمْ عَلَيْكُمْ غُمَّةً ثُمَّ اقْضُواْ إِلَيَّ وَلاَ تُنظِرُونِ سيدنا نوح بالنسبة لي رمز عدم اليأس والمحاولات المستمرة والمميتة وتغيير الاسلوب يعني واحد قعد سنوات طويلة قوي يقنع اهله بكل الوسائل وده اللي المفروض نعمله في العمل العام انت اخترت تعمل حاجة مش حتعود عليك بمكسب (طبعا المفروض ولو ان ناس كتير بتاخدها سبب للمكسب والمنفعة ولكن انا باتكلم على المثالي اللي قرر بالفعل انه يعمل كدة ) يبقى ما تقطعش المحاولات لان مكسبك هو مع الله وده مكسب دائم ومستمر

محدش يتضايق ان في الفقة الشيء وعكسه وده من رحمة ربنا ممكن في وقت او مكان او ظروف حاجة تكون غلط لكن في مكان تاني او وقت تاني تكون صح التصحيح مطلوب ومن غير ما المصحح يشعر انه بيعمل حاجة غلط لو سألت عن البنوك خمسة حيقولوا حرام وواحد حيقول حلال وممكن انت تاخد برأي الحلال واجرك على الله لانك سألت واستفتيت قلبك اللي عملته السعودية الان محمود الست تسوق افضل من انها تبقى تحت رحمة السواق لو كان فيه افتاءات بعكس كدة في الماضي وتم تغييرها خير وبركة مبروك الخطوة السليمة في الوقت السليم

مصر بعون الله حتفضل مصر ولو كره الناس كلها هم كانوا عايزينها حتت بقى النوبة تعمل استفتاء والمسيحيين يعملوا استفتاء والصعايدة يعملوا استفتاء والاسكندرانية يعملوا استفتاء وكل حتة تاخد بعضها كدة هاهاها احنا بقى كل مصري فينا فيه كل الحتت دي وما تقلقوش احنا حنفضل حبايب وجيران وكلنا في بعض خلية اسمها الخلية المصرية انا بقى في الخلايا كلها يعني انا اللي ممكن اثبت ان مصر حاجة واحدة بس متجمعة في

ناك دائما في التعامل المتبادل بين الناس حاجة اسمها touch the limits بمعنى بيشوف اخرك يعني واحد كدة تلاقيه بدون اي داعي شتمك او واحدة تجرأت معاكي باسلوب مش حلو الناس دي بتحاول تشوف انت اخرك فين علشان تكسرك او اخرك فين علشان تاخده لان فيه ناس تحب قوي تاخد اكتر ما تستطيع منك ده مش بس بيحصل للبني ادمين ده بيحصل للمجتمعات وبيحصل في السياسات بين الدول المهم انت تعرف دايما الحدود اللي لا يتعداها اللي قدامك فيه حدود اقتصادية يعني اخري مائة جنيه فيه حدود في الوقت يعني اخري الساعة 11 او 10 في حدود في الادب المهم حاسب من الناس اللي واقفة مستنية اخرك عرفهم اخرك ايه بدون كسوف هم مش بيتكسفوا هم عايزين يجيبوا اخرك

مصر ربنا بيحميها بالناس الحلوة اللي فيها اسألوني انا الشغل في العمل الخيري والمجتمعي خلاني اقابل واعرف ناس زي البرلنت والالماظ ناس جواهر قاعدة شايلة هم الدنيا والبلد ناس زي النور في الظلمة اللي بيحصل الايام دي هي حرب هوية شديدة الاخوان ايام الثورة قالت هويتنا الاسلامية دلوقتي العلمانية بتقول احنا الليبراليين اللي عايزين الهوية الغربية المجتمع المثقف ما بين اتضايق من الطريقة الشديدة وعدم التقبل من الاتجاه الديني المتشدد وعايز الشياكة بتاعة الغرب الطبقة المتوسطة والمتوسطة العليا التعليم السيء اثر فيها وما اعطاهاش دعم ثقافي كافي يخليها تبتدي تفرض العلم والمعرفة والادب والفن والمسرح والثقافة العالية على المجتمع احنا بنكون بلد بشكل جديد اللي مطلوب مننا اللي نحبه نتكلم عليه اللي نرفضه نتكلم عليه نبتدي نعرف ان لولا تنوع مصر لذابت من الاف السنين في كل اللي احتلوها مصر متنوعة وعميق عمق الدهر وعمرها ما حتتغير احنا نتقبل التنوع بس القيم لا تمس يعني حقوق الشواذ والكلام الفاضي ده بتاع الغرب ما ياكلش معانا لانه ضد الدين والطبيعة البشرية والموضات دي حتنتهي لو احنا كنا حازمين ا

النهاردة لازم اتكلم على اختبار يقين موسى في عاشوراء واحد جاي ينقذ شعب واخذه وراح ناحية بحر لا معاه مركب ولا مقداف الناس اللي معاه متعبة وتعبانة ومجادلة وهو معاه فقط يقين ان الهداية من الله الشخص ده وصل للبحر اتشق البحر نصين وعدى اللي معاه عدوا ووراه جيش جاي يموته البحر بعد ما عدى بلع العدو انت بقى اكيد عندك ناسك ورايح لبحرك اللي لازم تعديه لو انت متيقن بالله يبقى حتبقى عارف ان لو ما لقيتش مركب البحر حيتشق يقينك بوجود الله ودعمه حيشق لك البحر

هُوَ الَّذِي جَعَلَ الشَّمْسَ ضِيَاء وَالْقَمَرَ نُورًا وَقَدَّرَهُ مَنَازِلَ لِتَعْلَمُواْ عَدَدَ السِّنِينَ وَالْحِسَابَ مَا خَلَقَ اللَّهُ ذَلِكَ إِلاَّ بِالْحَقِّ يُفَصِّلُ الآيَاتِ لِقَوْمٍ يَعْلَمُونَ الكلام هنا برضه على الزمن وفي اختلاف الشمس والقمر واحد بينور والتاني بيعكس بس الاتنين بيعملوا تقويمين الزمن من الحاجات المهمة اللي في خلق الله بيسندها وبيوضحهالنا لازم نعرف ان الوقت احنا بنتحاسب عليه الناس في شغلها بتضيع وقت وما تعرفش ان تضييع الوقت ده سرقة المرتب اللي باخده علشان الشغل لما ما اشتغلش واضيع وقت يبقى المرتب بتاع الوقت الضايع ده حرام علي يعني اللي يبقى بياخد في الصلاة الواحدة اضعاف وقتها في الشغل وهو في البيت بيستعجل علشان يقول لنفسه انا في شغلي مش حانسى ربي ده ويخلي الصلاة تاخد اكتر من نصف ساعة علشان اربع ركعات تفتكر ان ربنا حيبارك له فيها او يتقبلها قبولا حسنا وهو في مقابلها اخذ من شغله وقت اللي هو فلوس بدون ما يعطيهم حاجة في المقابل سورة يونس بتتكلم عن الزمن والعودة الي الله كتير

إِلَيْهِ مَرْجِعُكُمْ جَمِيعًا وَعْدَ اللَّهِ حَقًّا إِنَّهُ يَبْدَأُ الْخَلْقَ ثُمَّ يُعِيدُهُ لِيَجْزِيَ الَّذِينَ آمَنُواْ وَعَمِلُواْ الصَّالِحَاتِ بِالْقِسْطِ وَالَّذِينَ كَفَرُواْ لَهُمْ شَرَابٌ مِّنْ حَمِيمٍ وَعَذَابٌ أَلِيمٌ بِمَا كَانُواْ يَكْفُرُونَ في الاية دي ربنا بيركز على اعادة الخلق يعني العودة للحياة الابدية يعني الرجوع الى الله بيقول حترجعولي وده وعد حق يعني مفيهوش شك ولكن مش حتجيلوا زي اول مرة لما خلقتكم لا انتم حتجولي بعد ما تعملوا حاجات في الدنيا واللي عرف انه جايلي لازم يكون عمل شغل وانا اديله على قدي شوفوا بقى قدي دي كبيرة قد ايه لكن هنا ظهرت كلمة القسط والقسط دي موال كبير لان العدل والقسط الاتنين بيدوني نفس الشعور ان مفيش ظلم لكن اعتقد ان الفرق هو الحالة اللي باعمل فيها العدل يعني اتنين قدامي عايزين نصيب من حاجة القسط اني اعظيهم زي بعض بالظبط والعدل اني لازم ادرس بحيث ان نصيبهم يخليهم يعملوا نفس الحاجة مثلا لو اتنين جايين عايزين ياخدوا كباية مياه يعطوها لواحد كبير في السن وهو لازم يشرب كوب ماء واحد منهم رزين ولو اعطيته كوب الماء حيمشي بالراحة

من انتم طبعا لما قلت للناس في الملجأ اني ماشية كانت بالنسبة لهم صدمة لان بقالي سنين وطلع من تحت ايدي عيال وكان المفروض انهم متوقعين انهم يمتصوني وهاتي بياضك يا شابة واحنا اللي نعمل بالذات ان كان فيه الورشة بدأت تطلع شغل حلو والشئون الاجتماعية بدأت تشوف نشاط للجمعية وحتى انهم اخذوا اللوحات وراحوا يعطوها للاسر المنتجة علشان تبيعها وشوية شغل حلو كدة المهم ان امين الصندوق قال لازم نشوف حتاخدي وايه وتسيبي ايه ومكانش عندي مانع اسيب كل حاجة بس المهم ان الاولاد ما يشعروش بالتهديد ا لمستمر انهم حيمشوا لان ده كان اسلوب الادارة ان اللي يعمل مشكلة يقولوله حنمشيك من عندنا وده منتهى عدم الامان يعني الطفل لازم ما يتهددش بحاجة فيها عدم امان لان ده اسلوب خطر يخليه دايما شاعر ان ما بين السماء والارض مهما كان الطفل بيعمل لازم تبلغه ان اللي بتعمله ده هو حب حتى القسوة حب حتى الزعيق حب احنا بنحبك علشان كدة خايفين عليك وكل ما نحبك ونخاف اكتر كل ما تلاقينا بنزعق اكتر وانا سبب اني سبت المكان ان لقيت اني فقدت الخصوصية اللي كنت فيها وهي اني مع الاولاد وبس وبقيت مع مجلس الادارة اللي كل انجازاته اي

بالنسبة للعمل الخيري لازم اقر واعترف انه خداع يعني الناس بتفتكر اننا باعمل لربنا فكل حاجة لازم تكون سالكة لانها سكة خير وان الناس اللي فيها لازم يكونوا طيبين وحلوين لانهم ناس بتعمل خير والحقيقة ان سكة الخير هي السكة اللي دايما محفوفة بمخاطر السكة دي اللي بيقف فيها كل ابليس شيطان مارد الله مش هم دول اللي لازم يبعدهم عن الجنة امال حيبعد الخامورجية الحرامية السكة دي للي بيسلكها لازم يبقى عارف ان الجهاد فيها مختلف وان اللي حيقابله حاجة تانية ملخبطة مش عارف هي صح والا غلط والا لازم والا مش لازم الحكمة فيها انك توصل للمعادلة الصح انا باعمل لله اسكتوا بقى واشتغلوا اول ما تلاقي نفسك دخلت في حرب سلطة والا حرب نفوذ اعرف انك بدأت تطلع برة السكة اقفل السكة دي خالص وروح سكة تانية وسيب الشيطان براحته يدور على حد غيرك اول ما تقف في مكان وتلاقي نفسك اتقفلت علشان حد عاملك وحش والا قال عليك حاجة والا ما عطاش وضعك اعرف ان الشيطان بيلعب سيبله الملعب اصل مش وقتها تضيع مجهودك تحاربه سيب الملعب وقول له مش انا ياريس مش انا اللي ممكن تضيع وقتي والا مجهودي علشان احس بنفسي والا بانجازاتي انا

كل ميسر لما خلق له الناس اللي عدت علي في حياتي في العمل الخيري كتير قوي واغلبها رقيقة القلب لا تحتمل الصدمات الكبيرة يعني اللي تيجي وتقعد تعيط طول ما هي في وسط الاولاد يا ست انتي مش وقته دول حيصدقوا انهم غلابة وحيقرطسوكي وتلاقي الاولاد راحت جنبها وهات طلبات انا نفسي في لعبة يا ابلة انا عايز اشرب حاجة ساقعة والعيال دي متربية في الشارع يعني تلف بميت ست من دول وفيه ستات جاية تقول انا حاعرف اربيهم صح وتلاقيها واقفة امسح ايدك اغسل وشك البس نظيف ما تشتمش ما تزعقش ما تضربش والاولاد عارفين انها ساعة وماشية وتلاقيهم بيهاودوها بكل الطرق بس المهم بالنسبة لهم الهدية اللي جايباها حياخدوها امتى وعيونهم على الكيس اللي فيه بسكوت والا اكل والا لبس ومستنيين توزع وكل ما تقول حاجة تلاقيهم بيقولولها حاضر بشكل يضحك وفيه اللي جاية ونفسها تساعد وتلخمني وانا بابقى عايزة اوزع بشكل معين الاقي الحاجة اتنظرت في كل مكان علشان بتساعدني في التوزيع كل ده انا كنت بافرح بيه كفاية انها خرجت من بيتها وسابت حياتها علشان الساعة اللي قاعداها معايا وطالما انا عارفة انا باعمل ايه كفاية اني افتح باب الخي

هم شيء في العمل الخيري او العمل العام هو الاستمرار الهوجة والموضة بتنتهي وبيستمر العمل المستقر زي الفرق بين المطر وبين النهر المطر بييجي ويملا الدنيا مياه ولما الشمس بتطلع بينشف انما النهر المستمر بيسقي ويعمر ما تستقلوش الحاجة بس داوموا عليها يعني مثلا لو في امكانك انك تطلع ساندويتش واحد في الاسبوع ده في خلال كام سنة حتلاقي نهر طلع من الساندويتش ده مش حتتخليه بس داوم اللي خلى فيه انجاز في المكان اللي عملته هو اني استمريت في العمل مدة طويلة وبدون يأس وبرغبة في الاستمرار ده غير اني عملت على اساس ان مش مهم مين بيهد جنبي ومش مهم مين معايا انا ماشية بالراحة وخلاص هو ده المهم الاستمرار في العمل مهما كانت النتائج

امبارح كلمني احد الشباب اللي كان من الاطفال اللي في الصور دي وهو من الشخصيات الجادة الجميلة اللي بتحاول تشق طريقها الشاب ده لما وصل الملجأ كان شكله نشاز وسط الاطفال لانه كان مهذبا خلوقا وبعيد عن العنف وكنت احب فيه نظرته اللي كلها عطف وكنت اراه في مكان لا يليق به واكتشفت مع الوقت ان والده موظف وانه على خلاف مع والدته وبعد الطلاق اصر ان ياخذ هذا الطفل ويتركه لعمته القاسية التي اخافت الطفل وتعاملت معه بكل قسوة وان العمة تسببت في هرب الطفل لانها كانت تهدده بالموت لو لم يفعل او ل و فعل وهو لا يعلم انه تهديد فقال لي لو لم اهرب لكانت قتلتني وعلمت انه هرب من شبرا الى محطة القطار الى الاسكندرية هذا الشاب الخلوق عندما كان في الثانية عشر من عمره مرة اخبرني انه يشعر بالسوء لانه يحسد الاطفال الذين يمسكون بايدي امهاتهن وانه كان يتمنى ان يمسك بيد والدته ووفتها كنت اجعلهم يصنعون اللوحات الموزاييك واشتريها منهم واخبرته ان يشتري شيء بالمال المحفوظ لدي فطلب لاب توب فقلت له انت ستشتريه بمالك وبالطبع لم يكن المال الذي لديه يشتري ولا كالكيوليتور ولكني اخبرته اني وجدت احدهم بمبيلغ لقطة واخذته

نجاحي في الفترة اللي فاتت في التأثير على العمل الخيري انا باعتبر انه طبعا بعد توفيق الله ودعمه لي الدائم انه كمان في السلوك غير الصدامي اللي باتبعه في الاعمال الخيرية الاسلوب الصدامي انا باعتبره ضروري لما يكون فيه خطورة معينة وبالتالي يجب ان اخرج عن دائرة الراحة النفسية والخروج الى الصدام علشان اوقف الشر ولكن في جلب الخير المفروض ما يكونش فيه تصادم يستغله الشيطان المتربص ويقعد يلعب في العبرات والنظرات ويخلي الناس تخسر بعض النصيحة اللي باقدمها النهاردة ان التصادم يخسرك العمل الخيري لما تدخل اي حتة ادخل مشاهد ومعاون ما تدخلش عايز تغير من اول دقيقة او تفرض رؤية انت حاسس انها صح المكان تدخله بأدب جم تقدم بلا مقابل ولكن بشرط يعني حاجيبلكم بس انا اللي اوزع حاقعد معاهم بس يكونوا نظاف حاعطيكم بس الولاد الاول اي حاجة انت عايزها تقولها وتفرضها ولكن دون ان تغير من المكان او الناس بعد عدة اشهر وقد تصل الى سنوات وكسب الثقة المتبادلة تطلب بادب ان حاجات معينة تتعمل ولو وافقوا كان بها وان رفضوا من حقهم وبرضه تستمر تعطي الى ان تستطيع ان تغير نصيحة النهاردة بلاش صدام ابن الثقة الاول

نفسي السنة الجاية اجيب حمامة بيضاء يوم راس السنة الهجرية واقف في الشارع اطير الحمامة اللي ربنا سخرها تحمي الرسول ايه رايكم ان راس السنة الهجرية يبقى موسم نشتري حمام علشان الستات اللي في الريف تربي الحمام قبلها علشان عارفة ان حيكون له سوق ونعمل شوية حركة في الدنيا تخيلوا كدة نطير الحمام في الميادين

هجرة الرسول بالنسبة لي هي عيد الصداقة ما هاجرش لوحده سيدنا ابو بكر الصديق كان معاه كان مستعد انه يتقتل بس يسند صاحبه في اكبر تغير في حياته كنت نفسي اكون هذا الصديق مع هذا الرفيق خليك دايما تبقى ابو بكر لكل صاحب رسالة

انا علشان بادرس هوميوباثي فعقيدة المعالج الهوميوباقي تختلف تماما عن الطب التقليدي زي ما قلت ان الهوميوباثي بيقول ان احنا بنعالج مريض مش بنعالج مرض وان ايا كان الاعراض فما هو الا علامة من علامات المرض والمرض يأتي من الداخل الى الخارج وبالتالي لا يوجد شيء اسمه تخصص جلدية ولا صدرية لان التخصص يعني انه لا يوجد تواصل داخلي بين الاعراض وهذا خطأ شائع بين الاطباء لان الاعراض الظاهرة في الصدر يكن معها اعراض جلدية او في البطن وكلها تنبع من نفس المريض وكلها تتبع نفس الشكوى ولكن طبيب الجلدية يعالج الجلد والصدرية يعالج الصدر والباطني يعالج البطن وكل منهم يعطي دواء له اثار جانبية تدمر الجلد والبطن والصدر ويدور المريض بين الاطباء وفي النهاية تتغير انماط الاعراض ويظل مريضا

كتير من الناس بتقول لي انا عندي حالة لا مبالاة واني بقيت مش باشعر بالانجاز واني مش حاسة لا بالحلو ولا بالوحش تعلوا اقولكم تحليلي للموضوع ده اتفقنا ان الروح بتمرض وده من امراض الروح وهو وضع الشرنقة الروح بتعمل اللي ربنا طلبها خلال فترة حياتها الى ان يتوفاها الله وهي بتستفيد من الجسد انه بيوصل العمل ده على هيئة افعال طيب الروح دي لازم تاخد بالها من الجسد لغاية لما تسلمه لربنا طيب الجسد ده ممكن يكون له طلبات كتيرة وهي مش قادرة عليه يعني عايز ياكل عايز يلعب عايز يتحب ويلمس ويبوس هي مش عايزة تحقق له طلباته لانها حاسة ان الطلبات دي ضد اللي هي نازلة علشانه تقوم ترفض وتقاوم وفي النهاية يا اما تنسحب وتجري يا اما تقاوم وتحارب يا اما محلك سر وتحتاس اللي بينحسب ده حاسس انه مش قادر على المطلوب منه وبيعمل شرنقة يقعد فيها هي حد امانه وبيقول ماليش دعوة بالدنيا خليني في بيتي في حياتي مع اولادي وهو ده مقدرتي هل فيه حل للموضع ده ايوة فيه حل كبير قوي قوي قوي الحل ان لازم المخ يطمئن انه قادر على مواجهة التحديات نعم يا ماما تحديات ايه ده انا مش قادر اقوم من السرير ايوة التحديات ممكن

النهاردة قايمة بافكر في الفرق بين حدثين كبار والاتنين فيهم مياه وبحر وعوم وغرق سيدنا نوح وسيدنا موسى الاول قعد يبني مركب في جبل مافيهوش امل ان المياه توصل له علشان ما يغرقش والتاني اخذ امة لا اله الا الله ناحية البحر ولا معاه مركب ولا معاه مقداف الاول قالهم حتغرقوا الا لو ركبتم المركب تعالوا معايا التاني قالولوا انت رايح ناحية البحر قالهم ان معي ربي سيهدين الاتنين مؤمنين وعندهم العقيدة الكاملة بس المواقف تختلف وكل واحد مننا بيعدي في حياته الحاجتين انه عايز حبايبه بخير وكويسين وبيحاول يؤمن لهم حياتهم وبيبني سفينة نوح علشان المخاطر لما تيجي يكون عامل حسابها وانه يحل المواجهات المباشرة والضرب الشديد في الحالتين الحل الاتي : ابني المركب يعني ابني ايمانك بالله صح واعمل اللي قالك عليه واعرف ان لحظة الاهوال مركبك معاك وروح للبحر وانت عارف انه حيتشق نصين وحتعدي بمعنى ابني ثقتك بالله وبانه مدبر الامور وان عليك السعي وعليه الوسائل صباحكم عمل وامل واتقان وتوكل على الحي القيوم

كانت اول ليلة في الملجأ الموجود بمحرم بك هي السبب في ان استمر في العمل المجتمعي فقد شعرت ان هؤلاء الاطفال يحتاجون الرعاية وعلي ان اتحمل بعض المسئولية على الرغم من انني ام ولدي بنت وولد في المرحلة الاعدادية والابتدائية ولكن كان يجب ان اجد الوسيلة التي يوافق عليها زوجي لانني كما اعتدت اقوم باقصى ما استطيع في كل مجال اعتنقه فقد كنت ام متفانية على الرغم من عملي كرئيسة قسم كمبيوتر في معهد تدريب المواني بالاكاديمية العربية للعلوم والتكنولوجيا والنقل البحري والذي تطلب تفرغا اضافة الى انني كنت يد زوجي اليمنى في اعداد المحاضرات بشكل الكتروني كانت الليلة التي قررت الذهاب الى المكان والدخول اليهم هي ليلة عيد الفطر واحضرت معي بعض الكحك والبسكوت والحلويات لكي يمر عليهم العيد وهم في بهجة وكان معي بعض النقود للعيدية ومعي ابنة اخي كان القصر مفتوحا من الباب الخارجي ولكن بعد ان دخلت ومررت من الحديقة وصلت للباب الداخلي وهو باب خشبي كبير مليء بالاشغال الحديدية وطرقت الباب عدة مرات وفي كل مرة اجد من ينظر الى من الشرفة في الدور الاول نظر لي مشرف فاستأذنته ان اوزع بعض الكحك على الاطفال فدخل وبعد