طفلة للابد

بدأت تظهر بوستات تتحدث عن سوزان زوجة حسني مبارك الرئيس الاسبق على انها قامت بالعديد لهذه البلد وكثرت البوستات ما اراه انها وسيلة لقبولها مرة اخرى داخل مجتمعاتنا انا من الاشخاص الذين استفادوا بنشاطها في مجال القراءة والكتب واخذت بعض القصص المصورة المتقدمة بها في جائزة سوزان مبارك جوائز عدة مرات وذلك حين كانت المكتبة العربية يتم البحث عن وسائل لنشرها ولكن سوزان مبارك كانت ومازالت لم تحاسب على اشياء قامت بها واولها حساب مكتبة الاسكندرية التي كانت من الاشخاص المسئولين عنها انا ضد الاقصاء الا لو كان بسبب ما وانا من الناس الذين لا انسى وان كنت اغفر احيانا ولكن النسيان يفقدك القدرة على التعلم من الاخطاء انا ضد ظهور سوزان مبارك مرة اخرى على الساحة يكفينا الماضي وعلينا بالمستقبل

المصيبة عندنا ان المال العام حلال ان ما ليس له صاحب ابقى انا اولى به النهاردة واحدة حبيبتي كانت عايزة تحط ثلاجة علشان تحط فيها الاكل الزيادة وقلتلها حتتاخد من الشارع لازم تتحط في مكان تحت رعاية حد قلتلها عندنا ما دام صاحبها مش جنبها يبقى مش عايزها يبقى انا اولى من الشارع

يلاحظ في القرآن ان احيانا يقال اهل المدينة واحيانا يقال اهل القرية فسر البعض ان ما يطلق عليه قرية هي ما الف كل من في المكان على ثقافة واحدة وائتلف قلبهم على اخلاق متشابهة ولكن ان اختلف اهل المكان واصبحوا باخلاق متباينة ولم يتفق الجميع على صفات متشابهة ولم يألف قلبهم على شيء فهي مدينة وحين يرسل الله عذابا يرسلها على اهل قرية ربنا يسترها معانا ولازم لما نشوف الغلط نتواصى بالحق وبالصبر ولا نترك الخطأ ولا نواجهه كنت انا واخويا دايما نقول ان لازم يكون في اي مكان اكثر من واحد اخلاقه كويسة وبيراعي ربنا علشان ما ينزلش عقاب جماعي على المكان زي قوم لوط وكان فيه احد الاساتذة في الكلية مشهور بالاخلاق الحميدة واحنا طلبة كنا نقول لازم نحافظ عليه علشان يساعدنا في ان العقاب ما ينزلش علينا لاننا كنا وقتها حاسين ان الدنيا وحشة والاخلاق مش كويسة تعالى شوف دلوقتي لازم نحافظ على كام واحد علشان ربنا يسترها معانا وما يحصلش معانا العقاب الجماعي

تمنت فتاة جميلة ممتلئة ان ينقص وزنها عدة كيلوجرامات قبل مناسبة مهمة في حياتها ظلت تطلب من الله ان يجعلها تنقص تلك الكيلوجرامات بحرقة قبيل المناسبة بعدة ايام اصابتها حمى شديدة وامتلأ جسدها بالطفح الجلدي وانقطعت عن الطعام وفقدت الكيلوجرامات ويزيد لم تحضر المناسبة المهمة في حياتها لانها لم تشفَ من الطفح الجلدي ولكنها فقدت الكيلوجرامات التي طلبتها

ايه الجمال ده ما شاء الله الاولاد عملوا ارضية الفصل بتاعة محو الامية والتعليم والتوجيه والوعي لان احنا ان شاء الله الفترة الجاية عايزين نمحي امية الكبار في النجع الصغيرين ولله الحمد فيه مدرسة موجودة ولكن اللي عدى عليه الوقت وقطر التعليم فاته ما ينفعش نسيبه اول ما الفصل يخلص ان شاء الله ونجيب الكراسي والسبورة وحيبقى فيه فصل للكمبيوتر كمان ان شاء الله حنحط سوا الجدول التعليمي علشان مش عايز حد في نجع عون يبقى امي عايزين كله يقرا ويكتب ان شاء الله بمساعدة  Maha Moheb  والفريق اللي كان معانا من الاول ان شاء الله تحية للمعلمين اولادنا اللي طولوا رقبتي وعملوا الحاجات دي لوحدهم وان شاء الله ارضيات الموزاييك تملا الساحل الشمالي يالا بينا

بكرة ان شاء الله في نجع يادم سيتم تدريب بنات وستات على النول الشرائط و الرائع  Osama Shaaraf  لنجع يادم و لنجع عون وان شاء الله ربنا يردها له صحة وعافية و يظل العلم اللي بيعلمه في ميزانه يوم القيامة

في صناعة السجاد اللي انتم شايفينه ده اسمه السدا وهو اعداد النول لاستقبال العقد لتصنيع السجادة والخطوة دي مش اي معلم بيعلمها لانها لو اتعلمتها خلاص يبقى تقدر تعمل السجاد اللي انت عايزه لو بتعرف تعقد وتقرا الرسم الخطوة دي اتعلمها نجع عون والبنات والاولاد دلوقتي بيسدوا السجادة لوحدهم ان شاء الله المصنع ده حيكبر ويبقى اكبر مصنع في البحيرة وطبعا بتوفيق من الله ثم بدعم من كل اللي عايز مصر تكبر انا باشكر الاستاذ / سامح الشهاوي اللي ما سابناش من اول لحظة ولسة معانا بيساعدنا وبيعملنا وبيبعث اللي يعلمنا وبيدعمنا في كل خطوة شكرا جزيلا Sameh Elshahawy فيه ناس بتبني وفيه ناس قاعدة تنعي وتنتقد وتوقف المراكب

ربنا مش بيحاسب المخطيء علشان اخطأ ربنا بيحاسب اللي عارف الصح واختار انه يعمل الخطأ اللي عارف انه حق وبيفضل الباطل لما يكون الشخص بهذا الغباء وهذا الظلم لنفسه انه مصر يغلط ومصر يعلم الناس الغلط ويؤكد على خطأه الانسان ده ربنا بيقول له خلاص انا وريتك الحاجة الصح عرفتك ان فيه صح وانت رفضته حاولت ابعتلك كل اللي يخليك تعلم الصح انت عرفت الصح فين ورفضته انت عارف الحق فين وبتفضل الباطل يقوم ربنا يحط من بين ايديهم سدا ومن خلفهم سدا ربنا ساعتها خلاص بيغضب عليهم وبيحط بينهم وبين الماضي سد ما يخليهمش يشوفوه تاني وبيحط بينهم وبين الحق سد خلاص ربنا بيسيبهم في الضلال اللي بيمر عليك او على اصحابك او على امتك او على الدنيا كلها دروس بنستفيد منها لو ما استفدتش من الدروس واستمريت في ضلالك وظلمك حيبقى فيه سد بينك وبينه وعمرك ما حتتعلم يارب انر قلوبنا واجعلنا ممن يستمعون القول فيتبعون احسنه من الهامات نعمان على خان في تفسير سورة يس

جلس فرعوني قديم يعمل في بناء المعابد بجوار فرعوني يعمل في التحنيط وهم يدخنون ال مي عا سيل على شاطئ النيل المقدس وقال له الناااهااارداا جالي واااح يد عااا يز ني اعا لي موه يب ني معا بد از اي (النهاردة جالي واحد عايزني اعلمه يبني معابد ازاي) طب عاااا ن ماا ما را ضي تش مع ابد تكتر مش يجي جان بنا (طبعا ما رضيتش علشان لما تكتر المعابد وناس كتير بتعرف تبتني محدش حييجي جنبنا علشان احنا كدة مش حنلاقي ناكل) اجابه المحنط اقصد الحانوطي اقصد اللي بيحنط عف ارم ا نا كا مون قول نو ( برافو عليك انا كمان مش ممكن اعلم حد التحنيط لحسن ما الاقيش اكل ) مرت الاف السنين واندثرت الحضارة وجاء المصري الحديث وجلس نجار ارابيسك بجوار عامل موزاييك وجلسا ومعهم حجر معسل وتكرر الحوار وبذلك تندثر كل مهاراتنا اليدوية

اصغر كائن هو الخلية واصغر مكون في الخلية هو الذرة يعني كل شيء في الكون بيتكون من ذرات الذرة عبارة عن قلب وحوليه اعضاء بتلف وهي الالكترونات لف الالكترونات هو اللي بيخلي الذرة كلها تبقى شيء موجود ومنها بتتكون كل الاشياء الحية والميته الذرة دي معظمها فراغ يعني الموجود منها هو رقم ضئيل وهو يقال عنه انه طاقة سلبية او ايجابية ربنا خلق الكون كله والكون كله عبارة عن طاقة الطاقة دي لها برنامج ربنا وضعه وكل شيء له البرنامج بتاعه البرنامج الصح هو البرنامج اللي مش بيدمر الاتجاه الصح للدوران هو الاتجاه اللي لازم تمشي فيه لو مشيت عكس الاتجاه كام عربية حتضربك لكن لو مشيت في الاتجاه الصح انت او غيرك اللي مكن تضربوا العربيات لو اتصرفتم غلط لو مشينا صح مفيش تصادمات لو لفينا في الاتجاه الصح مفيش تصادمات لو عملنا ما هو مطلوب مننا و ما يناسب فطرتنا السليمة نبقى في الامان لكن اللي بيشرب خمرة مثلا بيمشي يخبط لانه مش ماشي زي الفطرة الملحد ماشي في عكس الاتجاه وعمال يتخبط هو عامل نفسه سليم هو بيتصرف زي مايكون انه كويس بس هو ماشي عكس الاتجاه وبالتالي عمره ما حيكون كويس هو حيكون حطام فقط ومتماسك وعامل نفسه بيفهم

سخرية النساء من بعض مختلفة عن سخرية القوم من بعض الستات عليهم كيد مختلف وتريقة مختلفة وطريقة تحرق دم بعض بيها مختلفة وعلشان كدة ربنا سبحانه وتعالى في سورة الحجرات وهي السورة اللي بتحط قواعد الاداب العامة والاخلاق في السورة دي ربنا صنف سخرية القوم واخص بالذكر سخرية النساء لان المفروض ان النساء من القوم لكن لازم ربنا يخص النساء ويقول لهن ما تتريقيش لانها ممكن تكون احسن منك اعوذ بالله من الشيطان الرجيم بسم الله الرحمن الرحيم يَا أَيُّهَا الَّذِينَ آمَنُوا لا يَسْخَرْ قَوْمٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ صدق الله العظيم

لما تروح تقابل مديرك بتظبط قميصك لما تروح تقابل رئيس القطاع بتتأكد انك مش مبهدل لما تروح تقابل رئيس مجلس الادارة بتلبس اشيك ما عندك لما تروح تصلي بتخطفها لو تعرف قد ايه قيمة الصلاة في حياتنا وان ربنا لما كتبها علينا مش علشان نتعسف ونجري نعملها في وسط اشغالنا بالعكس ده الصلاة دي اطمئنان انك مش لوحدك وان فيه مليار واحد بيبصوا على بيت ربنا في نفس الوقت وبيتكلموا معاه وبالذات بعد الحوار بتاع الفاتحة اللي بينا وبين ربنا ما تخطفش الصلاة خذ نفس عميق في وسط النهار وقول لنفسك لازم ادخل الصلاة هادي وعارف قيمتها لازم اصلي وانا عارف اني حاتكلم مع ملك الملوك خذ نفس عميق وقول لنفسك دي بالذات مش حاستعجل فيها ربنا يقدرنا ونخلص في عبادتنا وفي صلاتنا

في سورة الكهف ذو القرنين اتكلمت عنه السورة تقريبا صفحة كاملة عنه وازاي راح من اقصى المغرب الى اقصى المشرق وتعددت الحكايات عن انه كان في اسيا في منطقة شبه مغلقة من الشرق للغرب وفيه العين الحمئة اللي هي طينية وانا اللي قعدت افكر فيه هي العظة من حكاية الراجل ده ربنا خلاه بدون اسم يعني ينطبق على اي حد له نفس الخواص والمقومات اللي ربنا قال عنه انه مكنه في الارض واعطاه من كل شيء سببا وهي دي القصة الاسباب ربنا بيعطينا مساحة واسباب السبب حاجة مش محددة ولكنها وسيله انا باروح الكلية بالعربية مثلا يبقى السبب هو وجود العربية علشان اروح بيها ولكن ممكن اروح مشي ولكن انا اخذت بالاسباب ممكن اسافر مصر بالبسكلتة وممكن بالقطر لكن انا حاخد بالاسباب وحاخد القطر كل واحد فينا ربنا اعطاه الاسباب يمكن ذو القرنين اسبابه اكتر لان ربنا قال اعطاه من كل شيء سببا يعني من كل حاجة عنده وسيلة يستخدمها والاية اللي بعيدها فاتبع سببا يعني مشي وراء الاسباب ما استهانش بيها اخذها واتبعها وفي قصته ثلاث اماكن راح فيها واحدة في المشرق وواحدة في المغرب وواحدة بين سدين كل واحدة فيهم خاض تجربة واحدة كان عليه يحكم بين ناس ظلمة ونا

العقل البشري من يوم ما الطفل بيتولد وهو فيه برنامج داخلي انه يحافظ على هذا الجسد ويساعده على المحافظة على نفسه وهي غريزة بيسموها غريزة البقاء وتلك الغريزة بتخلي الطفل يحاول يمص اللبن ويبلعه ويمسك بايده وكل ما يكبر فيه حاجات في المخ بتخلي الجسم يعملها زي يتحرك علشان مسيره حيعتمد على نفسه ومش على طول حياكل من مامته ويحبي وبعديها يمشي ولازم يمسك الاكل بايده المخ بيحب يطمئن على كل حاجة فيه تساعده على البقاء والحماية والتطور وبالتالي اي جزء في الجسم بيضعف او يقل المخ او العقل بيج يله نوع من الخوف وبيدخل في حالة الدفاع عن النفس والحالة دي بتعمل حاجات كتيرة قوي قوي فيه ناس بتدرس التطور البشري لحالة البقاء وبتعرف تطمئن المخ ان كله كويس علشان ما يحصلوش ذعر وخوف ودخول الى عالم من الدفاع عن النفس سواء بالقسوة او الهروب او الجمود العلم اللي نزل على ماسجوتوفا وربنا فتحه عليها بيتكلم مع العقل البشري بلغته اللي ربنا باعتها وبالتالي بيقدر يطمئن العقل ويعمل له تدريبات معينة تحسن من اداءه ماسجوتوفا لسة بتطور في العلم بتاعها وبتعمل دورات على ايد متخصصين في العلم بتاعها في العالم كله الدورات دي حتيجي هن