طفلة للابد

مذكراتي 85 انا فنانة ، وفنانة كبيرة ، كبيرة قوي ده اللي باقنع بيه نفسي لما الاقي نفسي غير منظمة و مهرجلة و مش مركزة انا لما اتجوزت و عاشرت نوع تاني من البشر طبعا انا كنت فاكرة ان انا الطبيعية ولكن كلما مر علي الزمن اكتشف ان انا و اهلي من المريخ غالبا السيدات المصريات معظمهم مرتبات يقدسون الحياة الزوجية و كل واحدة بتعرف تمسك مصروف وتعمل جدول وتعرف ايام الاسبوع وايه اللي موجود في الدواليب وبتسرح شعر بناتها وكل يوم تعمل سندويتشات للاولاد المهم مش حنخش في تفاصيل انا زوجة كويسة و الا لأ لكن كنت باتعقد من اخت جوزي لأنها منظمة جدا جدا وعارفة مكان كل حلجة و مرتبة الدواليب بحيث تعرف لبسها كله و مش بتلم صيغتها و اكسسواراتها من المطبخ و الحمام كنت مسافرة في رحلة لأمريكا و كان بنتي صغيرة و جميلة و انا كل ما ألاقي لبس حلو اجيبهولها بعد ما وصلت من السفر سألتني اخت جوزي جبتي حاجات حلوة لبنتك من امريكا ولما عرفت ان انا جبت الحاجات الجميلة قالت حاجي اشوفها انا طبعا لازم اطلع مرتبة لها فقلت يا بنت لمي الحاجات في اكياس ووضبيها قبل ما تيجي و ما كدبتش خبر و جاءت وراحت تبص رحت جبت كيس قلت لها د

lمذكراتي 86 انا طول عمري باحب اشعر بالتفاؤل و الانبساط ولكن دوام الحال من المحال تخيلوا ان والدي كان يمنعنا من لبس الاسود والاحمر ، طب الاسود وفهمنا لكن الاحمر ، اصل كان مستشار و اللي بيتحكم عليهم بالاعدام بيلبسوا احمر المرض كلمة لا ننطق بها ، ده تفويل و قلة ذوق الموت كلمة ما سنعتهاش انما قريت عنها و على البخت ما حصلتش حالة وفاة الا زوج خالتي لغاية لما اتجوزت لما الظاهر كنت فاكرة الناس بتخلد ولكن والدي اتوفى ومامتي لغاية لما اتوفت وهي مش بتقول الله يرحمه لحسن نحسبه مات والا حاجة المهم عند وفاة والدي مفيش حاجة واحدة سوداء البسها تصوروا استقبل الناس بالاصفر و الا الخضر و الكلام ده في السبعينات يعني فضيحة ممكن الناس تتكلم وتقول ما زعلتش على باباها المهم بعد وفاة والدي وخطوبتي لزوجي العزيز عرفت حاجات كتيرة منها ان الناس ممكن تتعب وتدخل المستشفى وده عادي وان الناس ممكن تموت من غير ما تقول وده موجود في بيوت كتيرة اللون الاسود موضة اللون الاحمر ممكن يتلبس على فكرة التربية القديمة برضة غير دلوقتي وانا حاولت بطريقتي اعمل نوع من التوازن بين تربيتي و تربية الجيل الحالي ويمكن اكون نجح