طفلة للابد

مصر طول عمرها ناس جدعة وولاد حلال وبتدي عينيها للكل أو ناس وصولية وولاد لذين متسلقة ومنهم بلطجية أو ناس سلبية ومالهاش دعوة باي حد المهم تعيش الناس الجدعة طلعت في التحرير الناس السلبية فضلت تتفرج لغاية لما الدم سال فجزء منها نزل مع الناس الجدعة الناس الصايعة و الوصولية قرروا عمل ثورة مضادة وضربت وحرقت الناس السلبية اللي نزلوا كتروا اكتر لغاية لما الثورة قامت الناس الجدعة في الجيش وقفت مع الشعب الجدع الناس الوصولية حاولت تاني تعمل فتن و فشلت الناس السلبية رجعت بيوتها تتفرج الناس الوصولية و الصايعة ما بطلتش و بتغير في لونها وجلدها كل شوية الناس الجدعة شافت دم رجعت تاني ولكن المرة دي فتنة فتنة فتنة الناس السلبية بتزيد الناس الجدعة بتقل لو الناس الجدعة ماعرفتش توقف الناس الصايعة عند حدها الناس السلبية حترجع سكاناتها والصيع حيعيشوا حياتهم فتن والثورة تجيب ضرفها ونرجع للقمع تاني طب والحل الناس الجدعة توعي الناس السلبية الناس الجدعة تبطل جدل وتبدأ في العمل الناس الجدعة تبطل ترابط في التحرير وتبدأ في جمع ادلة تدين وترفع قضايا الناس الجدعة تفهم الفتن من اولها الناس الجدع

لما يفتح بقال وينجح تلاقي عشرين بقال جنبه علشان يكسبوا زيه لما تفتح مغسلة تلاقي خمسين مغسلة لما شركة كمبيوتر ، لما مصنع سيراميك ، احنا نحب نقلد وبلد الموضات الثورة بقى موضة 2011 الشباب طلع في التحرير الناس شافت القتل دمها فار وراحت تحمي اولادنا في التحرير عدت يناير وفبراير والثورة نجحت ولكن فيه ناس ما نزلتش تعمل ايه بقى اشمعنا الائتلاف هو الي ياخد الجو والناس تتكلم عنه سبعين ائتلاف وكل اسبوع عايزين ثورة نفسي نرقى بنفسنا ويكون لكل واحد مننا خطة يمشي عليها لتحسين نفسه وطنه دينه مستقبله وبلاش نقلد الكل كدة

اشتريت كتابا ثقافيا يعلم الاولاد و البنات الثقافة العامة وفيه معلومات عن الدول المختلفة و كل دولة فيما هي متميزة عن غيرها وللأسف الشديد لم اجد مصر من المصنفين عالميا في اي من المهارات او الرياضات او الصناعات سألت من حولي عن تميزنا عن غيرنا من الشعوب   فوجدت اننا الآن مصنفون من الاوائل على العالم في الفساد و الرقص البلدي ، ولما سألت عن القطن المصري الذي تربيت على انه الافضل في العالم قيل لي ان البلاد الاخرى لا تأخذ مننا إلا الغزل او القماش الابيض غير المصبوغ لان نسيجنا معيوب وملابسنا غير مناسبة من حيث الذوق و الجودة بل ان حتى القطن المصري الذي كان من منتجاتنا المتميزة في الماضي لم يعد من الجودة التي تجعل المصريين انفسهم يفضلونه في ملابسهم و لم يعد احد في العالم يصنف ملابسنا القطنية بين البلاد الاخرى مثل تركيا و الهند و الشرق الاقصى نظرا لذلك و لاننا شعبا عريقا يمكنه ان يتميز في مجالات شتى ، فارجو ان نقوم بعمل استفتاء على المجالات و المهارات و الرياضات التي يمكننا ان نتبناها و نصبح فيها الافضل على العالم و نحن كشعب عريق يمكننا بالفعل ان نتفوق بها لو قررنا ذلك ووضعناها في استراتيجياتنا

الثورة كانت على الفساد .. لا كلنا مكناش نعرف حجم الفساد الثورة كانت على التوريث .. لا كلنا كنا مستسلمين والاهالي بتقول لاولادها اهو اللي نعرفه احسن من اللي مانعرفوش الثورة كانت على الريس ... لا كلنا عارفين انه عجوز وبيسلم نمر امال الثورة كانت على ايه على الظلم اللي اتعرضله الشباب على ايدين امن الدولة اللي بتمثل الحكومة على القتل العشوائي اللي تم في ميادين مصر كلها على شباب اعزل على المواجهات و الترويع اللي قامت به الشرطة ايوة الثورة قامت على الشرطة والشرطة مش حتسكت لانها كانت يتشوف شغلها زي ما الكتاب الملون بيقول (أكيد من الكتاب الاخضر بتاع القذافي ولا الكتاب المقدس ولا الدستور ) اكيد الشرطة عندها كتاب مخصوص بتعرف فيها تتصرف ازاي في المواقف دي ايوة الثورة قامت على امثال العادلي من اللواءات اللي كانت مستحلة اعراض ودم الناس ايوة الثورة قامت على الضابط اللي بياخد رخصك ويسيب العربية اللي جنبك علشان بتاعة فلان باشا ايوة الثورة قامت على الضابط اللي مش بيمسك الحرامي ولا بيفض خناقة ولا بيجيبلك حقك ولا بينفذ الاحكام اللي بتطلع ايوة الثورة قامت على امين الشرطة اللي مش امين وبيبرر س

ربنا خلق ادم وبعدين اخترله عدو يقعد معاه علشان يوسوسله علشان يغلط علشان يدخل النار الدنيا قانونها ان كل واحد فينا عنده عدو ولكن مش هو اللي بيختاره لكن انا باقولك ان انت قدامك حاجات كتيره كلها نيران صديقة وعندك عدو واحد حاول تميز ما بين عدوك اللي بيبكيك و يضحك عليك و ما بين حبيبك اللي بيبكيك و يبكي عليك انا ممكن اديك اختيارات وانت اختار العدو مرض اهل ما ربكوش اصحاب سوء سفه وسطحية طموح جامح بلا نهاية حقد على الآخر عدم ثقة في النفس وممكن يكون كل ما سبق وممكن يكون ليس مما سبق النهاردة اقعد مع نفسك وقول ياترى انا ايه اللي بيرجعني لورا ويبعدني عن ربي ويؤذيني انا عرفته هو ده العدو

اول مادة يجب ان نعتني بها في الفترات القادمة هي التاريخ فهو من يعطينا العظة اولا ويجب ان نجعل مادة التاريخ مادة خصبة للاذكياء ليقوموا بتحليل المواقف ومعرفة ما حدث والسيناريوهات المختلفة لكل قرار وبما اننانصنع التاريخ الآن فالسيناريوهات تتضمن وجود قائد للثورة مثل جيفارا الذي كان مثال الثائر ولكنه قتل او مثل كاسترو الذي استفاد من كفاح جيفارا وعاش اكبر ديكتاتور في عصور كوبا ولم تتضمن خططه النهوض بها او مثل عبد الناصر الذي عاش ومات عينه على العالمية وترك مصر نهبا لمراكز قويت على حساب المصري الغلبان او غاندي الذي قام باعظم ثورة سلمية في العالم و زهد في الحكم و كانت عينه على الهند وتطورها وهاهي الهند تتطور وتصبح من اكثر الدول ديمقراطية الثورة المصرية يجب ان تستعين بصديق للثورة يساعدنا على تحقيق اعظم ثورات التاريخ ولا يجب ان يكون ثائرا يقفز حولنا ويرشقنا بكلمات رنانة و لكننا نريد شخصا وطنيا يريد مصلحة وطنه و يضعنا على اول عتبات الحرية واذا كنت من يطلب فانا اريد البرادعي صاحب المواقف والثابت في آراءه و الذي احب وطنه ولم يتردد لحظة في الوقوف مع الشباب  لم يقفز قفزة كبيرة لكي يتربع في وس

عيب ثورة 52 انها اكتفت بالجيل الثوري وحجبت من جاء بعدها واستمتعت ايما استمتاع بالمدح والنفاق في اعياد الثورة و الاغاني التي كتبت لعبد الناصر ومجدته بحيث اعتبرت  ان ج م ا ل اجمل حروف في الكلام  ثورة 2011 ولأنها بلا قائد فكل الهتيفة محتاسين مش عارفين يمدحوا مين لما قالوا الشباب الناس قالت لا ثورة شعب ولما قالوا الجيش قال ماشي ولما قالوا شرف مانفعش معاه طيب والحل الظاهر ان الهتيفة حتمسك في الاعلاميين وتنفخ فيهم لان هم دول الامل الوحيد للمنفعة في الوقت الحالي

ثقافة مصرية متوارثة من ايام الحملات التركية و الباشافات والخديفيهات (الباشاوات و الخديويهات) ان كل ما ارتفع شأنك قل عملك واستمرت لما بعد الثورة الاولي في 52 على الرغم من انها جاءت لتقضي على الباشاوات والتمييز العنصري بين طبقات الشعب المصري الا انها استبدلت الباشاوات بسوبر باشاوات كما قيل و كتب وتغيرت الثقافة فاصبح كلمة من الاعيان في السبعينيات يعني انه مازال لديه ارض يمتلكها و لا يعمل و لكن الاجير يعمل لديه تغيرت الثقافة وذهب العديد من المصريين الى البلاد العربية و اصبح الشكل المقبول الذي اراد الجميع الامتثال به هو الشيخ العربي المزواج الذي يمتلك المال ولديه الفليبينية والاندونيسية والحبشية ولكنه لا يعمل بل يصرف ببذخ على الطعام والقيل و القال و تلبس زوجته العباءة السوداء و يرتدي هو الذقن العيرة بعد ثورتنا العميقة يجب ان نوجد مثلا اعلى جديد للطفل المصري و الشاب المصري وهو الانسان المصري الذي يعمل ليحصل على كرامته وليس قوته الثقافة الجديدة يجب ان يتربى فيها الطفل على ان العمل هو المعيار ويجب ان نزرع في المدارس ان الشخص الذي لا يعمل بلا كرامة

يمارس الاخوان الآن نوع من الارهاب الفكري التعنت في المواقف المختلفة مثل اقصاء اصحاب الآراء المختلفة معهم مثلما حدث مع يحيى الجمل في الاسكندرية هذا ما يجعل الشعب قلق من ناحية ان يمسك الاسلاميين الحكم لان هذا يعني اقصاء كل الافكار المخالفة لهم وبحجة الدين ربنا يستر ربنا يستر ربنا يستر

لما كتبت شعر اهو الناس قريته لما كتبت تهريج ناس اكتر اتفرجت وساعات علقت لما كتبت جملة فيها تلميح باشاعة هجووووووم يعني لازم اعمل زي اليوم السابع ورصد واكتب بهارات سياسية حزبية تولع الدنيا لا انا على مبدئي لكن لو الصفحة ماتت يبقى ذنبي في رقبتكم علشان ما شجعتوش الملل

من الواضح ان الموضوع لن ينتهي ابدا الا بموت الرئيس او محاكمته و الانتهاء منها او وصول رئيس جديد للبلاد لان المهزلة التي يقوم بها الاولاد الغير شرعيين للرئيس مبارك الذين يدعون انه اباهم وراءها اقوام اعتادوا الفساد ويخافون من يوم الحساب

الاتصال الايام دي في مصر سيء جدا ومعيوب لو اعترضت عليه تكن اما جاهل او مهاجم او بينك وبينه تار لو موافق على ما يقول يبقى ما ينفعش تقول لا بعدين على اي حاجة تانية بيقولها والا تبقى بتغير رايك لو معترض وبعد الاقتناع وافقت تبقى بتركب الموجة لو موافق وبعد كدة اقتنعت بالعكس تبقى بتتباع لو مش موافق لان مقتنع بعدم الموافقة تبقى بتعاند لو موافق ومقتنع بالموافقة على موضوع مش موافق عليه الكل تبقى فلول لو معترض على موضوع موافق عليه الكل تبقى اسفين ياريس لو مش بتتكلم خوفا من انك توافق او تعترض تبقى من حزب الكنبة لو مش بتتكلم علشان محدش بيسألك تبقى سلبي لازم يكون عندنا وسائل اتصال جديدة علشان لو اعترضت على اللي بتقوله تسمعلي وتشوف الاعتراض صح والا غلط و تصلح نفسك لو موافق على موضوع ممكن اختلف في موضوع تاني عادي ملهاش دعوة باحبك او باكرهك لو وافقت بعد الاعتراض مش رمز لضعف الشخصية لو اعترضت بعد موافقة مش معناها انك كسبت وانا خسران حاول تتعامل مع المواقف مش الاشخاص والهجوم يكون على الفكرة مش الشخص حاول تتعامل بهدوء لان الموضوع مش بيمسك شخصيا هو محاورة بين اتنين انت انسان ممتاز ولكن مم

تحيا مصر التي في خاطري وفي فمي فانا احبها من كل روحي و دمي انظر الآن الى الاخبار المتداولة بين الشباب فاجد استقالة يحيى الجمل من الاخبار الاكثر انتشارا وارجع للوراء عدة شهور لاجد ان آخر ما يمكن ان يثير شعرة في راس اي شاب هو استقالة نائب رئيس مجلس الوزراء خاصة وان كلمة نائب لم تكن دارجة في السياسة المصرية انا احب الثورة التي اعطت شهادة للشباب بانه مثقف واعطت الشيوخ الكارت الاحمر واعطت ليحيى الجمل كارت اصفر

على ايامنا الجواسيس كانت جيمس بوند وعربية فيها كل ما تتخيل من امكانيات اشي مدافع على صواريخ على نفاثات لكن دلوقتي ياعيني على الجاسوس اللي بيصور بالموبايل و يقف يسقف قدام كنيسة مولعة والا ينام في جامع علشان حران انا باحيكلكم ذكرياتي مع عمليات الجاسوسية وهي ان انا و اخواتي قررنا ان احنا ننفصل عن اهلنا باننا نعمل جهاز يصلح للتجسس وقعدنا بتاع اسبوعين مع التصميمات الرهيبة لاخويا وقال لنا ان الجهاز حيعرفنا لو متراقبين وكان عبارة عن علبة اصغر شوية من علبة الجزم وتحطها على كتفك وفيها مراية تشوف فيه اللي وراك ولازم يكون وراك بالضبط وياريت يوسطن نفسه شوية علشان المراية تجيبه طبعا مشروع فاشل ولكن افضل من الجاسوس اللي عمل اهبل وحط نفسه على الفيسبوك المهم انا باقولكم ان الجواسيس حتفضل جواسيس الغرض من وجودها انها توصل اخبار بس جاسوسنا الحالي مكانش جاي علشان الاخبار، كلا نو بالعكس كان جاي يعمل ثورجي ويضربنا في بعض زي ما بنشوف في الافلام العربي و احنا جايين نهدي النفوس لما حطيت صورة اسرائيل بين الجامع و الكنيسة المسيحيين قالولي انتي بتضحكي على نفسك ولما الثورة قامت وشافوا ان الشعب كان في ايده يد

ذكريات 74 كلنا عارفين المنخل طبعا كله خروم ومحدش بيعرف يحط فيه ميه لانها بتنزل ده انا مع الاسرار منخل كان اخويا يقعد الليل يحكيلي على البنت الجميلة اللي عينه عليها ومش بعيد تاني يوم اشاور عليها واقول له دي ومامتي وهي مسافرة اشوفها بتحط جهاز تسجيل في السبعينات لما كانت الحاجات دي ايه لازم نبلغ عنها وفي الجمرك يسألها الراجل معاكي اجهزة كهربائية تقول له لا ابص لها باستغراب واقول لها مش التسجيل ده جهاز كهربائي وطبعا ما بتعلقش لان تربية مامتي اننا ما نكذبش وبعد كدة مامتي عمرها ما كانت بتعبي شنط قدامي ابدا والا لو كنت جاية من السفر والراجل ما سألنيش اقول له هو كذا.. عليه جمرك والا اعدي عادي يعني واكع زي الشاطرة ولو اتخانقت مع جوزي ممكن لو حد سالني ازيك اقوله متخانقة ويطلع بياع الجرايد انا مش حابطل اقول اللي في قلبي ومش عايزة حد يزعل مني كلمتي الحكمة اللي دايما باقولها لكل الناس اللي مش عايز السر يتقال عمر ما يقولهولي وعلى راي المثل لو اي حد عرف سر يبقى اكيد عدى علي في البيت والحل محدش يسألني ازيك

ننجب الطفلة البنت فتشعر بجمالها منذ اللحظة التي رصدت فيها مرآة واصبح شغلها الشاغل في الحياة ان تبهر الناس بشكلها الى ان تكبر والله اعلم دور الاسرة في كبت تلك الرغبات او توجيهها توجيها سليما الى ان تتزوج وتنشغل باسرتها وننجب الطفل الولد فيشعر بقوته منذ اللحظة الاولي التي حمل فيها شيئا ثقيلا واصبح شغله الشاغل اثبات رجولته ثم فحولته الى ان يكبر ويتزوج وينشغل باسرته تتباين رؤى الاهل في تلك اللحظات لماذا ننجب هل ننجب ليساعدنا اولادنا في الكبر وقد لا يفعلون هل ننجب لنثبت اننا قادرون و مكتملون من هذه الناحية هل ننجب لنتسلى بالاطفال بدلا من الوحدة وفي النهاية لا يجب ان نشغل انفسنا بسبب الانجاب فلا الولد ولا البنت اتوا الى هذه الدنيا بارادتنا الحرة ولا مهمتهم في الحياة تنص على وجودنا دعنا نربيهم على ان يملكوا حريتهم و كرامتهم والا يكونوا تابعين لكي يظل نسلنا في بلاد حرة للابد

عيب المصري انه ملك النقد ولا يملك ادوات البناء الكافية بم يعلمه المعلم ان يفكر في المدرسة بل تعلم ان يقرا و يكتب ما قرا وبالتالي فيقرأ الشعب المصري المقال من دول وهاتك يا زعيق ده غلط وما ينفعش ويكلم جاره او زميلة في الشغل والتاني تركبه الحماسة وفي التاكسي يكلم السواق عن المقال اللي ما قراهوش انما سمع من زميله وسواق التاكسي ما يكدبش خبر كل ما واحد يركب لازم يسخنه على الموضوع اللي في المقال اللي سمعه من واحد سمعه من واحد قراه وكل واحد من اللي ركبوا التاكسي ياخدوا الموضوع بعلاته مع فكرة القارئ مع فكرة المستمع مع فكر اللي بيحكي والتويتر يتملي كلام عن الموضوع اللي كان اتكتب وواحد قراه وقاله لواحد سمعه قاله لواحد ردده الموضوع ده بيتكرر كتير كتير كتير لكن كان في الفنانين والسياسيين ودلوقتي بقى في الدستور والانتخابات والفلوس اللي برة وكله عايز ينام ويقوم يلاقي مصر فل الفل ازاي ومصر دي زي بابور الزلط علشان تتحرك ولا الف واحد يزقوا مين اللي بيزق اللي ماسكين الحكم ياعيني عليهم ومين اللي بيتفرج الثمانين مليون وعليهم كام عيل بيرضع لازم نبطل ننقد من غير ما نفهم علشان بابور الزلط يتحرك البابور مش حيت

الاسد العجوز by Kohinour Ahmed Osman on Tuesday, 04 January 2011 at 21:26 مرة كان فيه اسد عجوز خاف من الحيوانات فجاب الذئاب تحميه قامت الذئاب بقت تاكل في الحيوانات وكل ديب اخذ له عظمة جزء من الحيوانات خافت طفشت وسابت الغابة باللي فيها وجزء استخبى في مغارات وقال اعيش من سكات وجزء تجرأ و وقف قدام الديابه جرت وراه تقطعه وجزء من زهقه موت نفسه واولاده معاه الغابة معادتش غابة بقت خرابه وكل اللي له نفس في حاجة بيعملها والناس برة الغابة مستنية يا اما اسد جديد ييجي ويعرف يلم الحيوانات علشان توقف الديابه عند حدها يا اما يهدوها عاليها واطيها وفي الاخر مش حيعيش فيها حد والغابة مليانة حيوانات اشكال و الوان وكل واحد عايز ياخد صف الديابه علشان تحميه ااااااااه ااااااااااه وسايبين اللي بيقطع شجر و ياخد واللي بيسرق حيوانات يبيعها المهم ان الغابة ما عدلهاش كبير يحميها واللي بيولع في صاحبه علشان مضايقة واللي جرى يدور على حد يحميه مش من الغابة وكل ديب بيحمي سنانة و ياكل من اي حتة و في اي حته حسألكم سؤال يا ترى مين الفيل؟

ربما لا يتمتع الرجل بجاذبية الشخصية مثل جمال عبد الناصر أو طلاقة لسان هتلر و لا بجبروت ستالين أو مبارك by Kohinour Ahmed Osman on Sunday, 20 March 2011 at 16:19 ربما لا يتمتع الرجل بجاذبية الشخصية مثل جمال عبد الناصر أو طلاقة لسان هتلر و لا بجبروت ستالين أو مبارك و لكن حملة الهجوم عليه من أنصار النظام المخلوع و غيرهم تمتليء بالأكاذيب. بقلم: نبيل العربي 16 فبراير 2010 09:10:40 م بتوقيت القاهرة من هو محمد البرادعي؟ ترددت كثيرا فى كتابة هذه السطور لأنه لم يسبق لى أن كتبت فى أمور تدخل فى إطار الشئون الداخلية، فقد شرفت بتمثيل مصر فى الخارج لأكثر من أربعة عقود، وجل اهتمامى كان دائما الشئون الدولية. ولكن التطاول الذى نال الدكتور محمد البرادعى قبل أن تطأ قدميه أرض الوطن دفعنى إلى الخروج عن هذه القاعدة. وكلى أمل أن يقابل وصول محمد البرادعى إلى مصرنا العزيزة بالترحاب والتقدير. فالتصريحات التى أدلى بها حول رؤيته لمستقبل مصر كانت مثار ضجة كبرى فى بداية شهر ديسمبر الماضى، وسببا فى حملة غير مفهومة وغير مسبوقة فى التهجم على شخص فى قامة ومكانة وقيمة محمد البرادعى، حاز تقدير وإعجاب واحترام جميع

ماما زمانها جاية by Kohinour Ahmed Osman on Saturday, 02 April 2011 at 03:03 الاغنية تصور رجل يهدهد طفل ويقول له ماما زمانها جاية وهذا ما يحدث لنا في الاوقات التي لا نعرف ماذا نفعل ليهدأ من حولنا اننا نشعره ان هناك ما هو ات وهو جميل و معه لعب و حاجات وانا اريد ان اعرف من سياتي و ما هي لعبه التي سياتي بها انا اريد ان يعرف كل منا ما هي اللعب التي سياتي بها المجلس الموقر الجديد و الذي تمكن في لحظة غيبوبة ان يفصل دستور ويجدد حالة طوارئ ويمرر الاعيب والشعب يهلل لهدف و يلعن الفرق الكروية العربية التي تسببت في الفرقة و لا زلت ارى ان ما تم في العقود الماضية ليس ببعيد في العقود القادمة و لما لا الشعب المصري شعب سريع الانفعال سريع النسيان سريع الحب سريع الكره وتنتقل فيه الاخبار باسرع ما تنتقل العدوى و الميكروبات يا ترى حينما تهدا الثورة و تعود حركة الانتاج و يبحث كل رجل عن لقمة العيش و كل شاب عن المستقبل و كل فتاة عن العريس هل عندها سيتمكن المجلس الموقر من تمرير قوانين و تعديلات من تحت ذقون المسلمين و المسيحيين و من وراء الستائر انا اعتقد اننا يجب ان نقوم بتغيير سياسة ماما زمانها جاية و نبدأ ف

هل سيتم اغتيال الرئيس الجديد ؟؟ by Kohinour Ahmed Osman on Tuesday, 05 April 2011 at 16:44 فيلم الفتنة بين المسلمين و المسلمين بدأت بعدما لجأ السادات الى سيادة القانون و تراخت الشرطة عن اداء واجبها لاشعار الشعب ان القانون يؤجل العدالة و يزيد من الفوضى و اصبح ضابط الشرطة يتعلل بان القانون لن يجعلني امسك باللص الا باثبات و هذا مستحيل ثم ألقوا بالفئات المتطرفة في الشارع و كانت السرقة باسم الدين و الاغتيالات باسم التكفير كثيرة و الهجوم على السياح لضرب السياحة و كان مخططا كبيرا ولكننا لم تشعر انه من الدولة بل تخيلنا في وقتها انه من الجماعات الاسلامية و نجحوا وقتها ان يشعروا الناس بقسوة وغلاظة قلب هؤلاء المتشددين وانهم يمكنهم ان يصلوا بنا الى حالة من التخلف و الانقطاع عن العالم ثم وصلوا لنهاية الملحمة باغتيال السادات انتهى بعدها عصر سيادة القانون وجاء رئيس جديد وظهر ضرورة قانون طوارئ من جديد اتدبسنا فيه 30 سنة ولكن الايام دي الموضوع مختلف و الجيل مختلف فنحن جيل كنا نصدق ان العصفورة تقول لماما انا عملت ايه في المدرسة و ان العيش المحروق يخلي الشعر حرير ولكن الجيل الحالي يحلل و يبحث

لن اعيش في جلباب ابني by Kohinour Ahmed Osman on Sunday, 10 April 2011 at 03:13 كنت في طفولتي انبهر بامي وهي تعرف اشياء كثيرة لا اعرفها و تخبرني بقصص الانبياء و تحيك و تصول و تجول في المطبخ و يعود ابي من عمله و معه كتب اقرأها و يقص لنا عما حدث في المكتب و المحكمة و القضايا و افتح فمي وانا مبهورة بكل تلك الخبرات اللانهائية التي اسمعها وكبرت وانا اجلهم واحترمهم تمر السنوات و ارى التليفزيون و ابدأ في تلقي اخبارا عن العالم اكثر مما اسمعه منهما و لكن ما ظل كلا من ابي و امي المثل الاعلى و القوى الكبرى اكبر أكثر واتزوج بعد ان انجب اسأل امي كيف هذا و لم ذاك و استمع و اقرر بان الخبرة تسبق العلم و اسمع كلامها دون تمحيص في الكثير من الاوقات و ان لم تكن كلها ولو اختلفت معها اناقش بأدب لئلا تشعر ان اقلل من شأنها او خبرتها انجبت اولادي في زمن الانترنت و كان الانترنت من المصادر الهامة لهم في حياتهم و من صغرهم لم تكن معلوماتي هي المصدر الوحيد بل كانت المناقشات تتم ان لديهما مصادر اخرى لا يتشكك فيها و انهم في احيان كثير على صواب و انا على خطأ لم اسمع كلمة حضرتك في كثير من مناقشاتهم معي سمعت "

by Kohinour Ahmed Osman on Sunday, 10 April 2011 at 03:42 بص يا لواء منك له هو احنا بس الحيطة الميلة بتاعة الشعب يولعوا في عربياتنا و يضربوا ضباطنا انا باقولك الاول تحطوا عينيكم على المجلس كل ما يعمل حاجة كويسة تقولوا للناس لا فيه حاجات تانية ما عملهاش يبقى كل حاجة بتمشي بالراحة ثانيا قبل اي جمعة من اياهم تكون مطلعلك كام كذبة على حبة اشاعات عن قادة الجيش علشان الناس تشك فيهم و تفتكرهم عملاء ثالثا كام واحد من اللي مشيوا من الجيش على كام واحد من الشخصيات المنقادة تفهمهم انهم ابطال ولازم يقفوا مع الشعب على القادة اياهم اللي ماشيين بالراحة رابعا نطلع الناس دي معاهم يوم الجمعة علشان ناخد منهم الجمعة و تبقى بتاعتنا و نضرب في الجيش خامسا الجيش دمه حامي مش حيسيبنا و لا يسيبهم ، اول ما يضرب احنا يا فكيك و سيبهم يمسكوا في بعض وياريت نحرقلهم كام عربية و نموتلهم كام واحد علشان ما يبقاش حد احسن من حد واشوفكم الجمعة الجاية ياللا باي نسيت اقولكم ما تنسوش تبلغوا الفلول لان البلطجية بتوعنا لمهم الجيش و عاطيهم خماشر سنة سجن وأهو يشيلوا معانا شوية ما احنا ياما زورنا معاهم و القفة ام ودنين لازم نشيلها

انا مخاصم الجيش على فكرة by Kohinour Ahmed Osman on Sunday, 10 April 2011 at 04:57 بجد بجد بجد انا مخاصم الجيش يعني مش كفاية ان انا خليته يسيب سكناته و يمسك في الناس الحرامية و يمسك في البلطجية ويقعد يسمع كلام ماسخ من اللي يسوى واللي ما يسواش ويفضل يطبطب ويدادي في كل ناحية و كمان لما ما اسمعش كلامه و اقعد طول الليل سهران اخد بالي من الضباط الهربانين و اللي بيشتموا فيه و بعدين يضربني صحيح مكانش العشم انا حاروح ادور على جيش تاني واديله الهدية دي بس يا ترى الاقيه فين الجيش ده .... فين .... فين للاسف مفيش بس برضه لازم يعتذر الامضاء الائتلاف

هل انت فلول by Kohinour Ahmed Osman on Monday, 11 April 2011 at 05:02 تعرف ازاي اذا كنت انا فلول و الا لأ السؤال الاول تسألني كنت فين يوم 25 ولو كنت في مظاهرة يبقى براءة السؤال التاني تسألني كنت فين يوم الجمل لو قلت التحرير ترد على طول راكب والا ماشي لو ماشي يبقى براءة ولو راكب ترد على طول عربية مصفحة و الا حيوان لو عربية مصفحة تسأل على طول ودست على حد لو قلت آه على النائب العام على طول ولو لأ النائب العام و لو ما ردتش النائب العام برضه السؤال الثالث تسألني كنت فين يوم لما قال حاموت في مصر لو قلت التحرير يبقى براءة ولو قلت مصطفي محمود ترد على طول كنت واقف والا قاعد لو قاعد تبقى في كافيه و الا حاجة يعني براءة لو واقف يبقى ممكن تشك السؤال الرابع انت تعرف واحد اسمه شفيق ببلوفر كحلي لو قلت لا تشك على طول ان انا باخبي لان مفيش حد فيكي يا مصر ما يعرفش البلوفر الكحلي السؤال الخامس تسأل عن الحزب الوطني حيكمل بعد الثورة و الا لأ لو وشي احمر و اتلجلجت تشك على طول ولو شتمت ابقى براءة السؤال السادس تسأل عن لو دخلت امن الدولة قبل كدة لو قلت لا تشك لان مفيش حد ما دخلهاش باي حجة ولو قلت آه ترد على

السلف ما يشتموش على فكرة by Kohinour Ahmed Osman on Monday, 02 May 2011 at 22:55 Kohinour Ahmed Osman يا جماعة انا ارى ان السلفي ولانه يحاول التقرب الى الله بكل ما هو صواب و بكل ما هو متشدد فيعتبر انه المسلم الحق وان اي انتقاد لهذا المسلك ضربا من الايمان المتزعزع او الاسلام الناقص او الاختلاف الجذري في العقيدة و لكن اقول ان الانسان لا يمن على انسان بالايمان لان الله يمن عليكم بان هداكم وان النبرة المتعالية و الهدم في الاراء الاخرى و اعتبار اي انسان غير سلفي هو علماني لا يعتقد في الاسلام و هذا من الخطأ الشديد الايمان بالله لا نتنازع عليه و الفقه المتغير لصالح الاسلام و المسلمين و اذا كان الشيوخ السلفيين الذين يرجع اليهم السلفي ولا يسمع لاي شيخ اخر فهذا ضيق في الافق لان من اللازم ان اسمع للجميع و اعمل عقلي في كل ما اسمع و اتبع الافضل حسب ما ارى وذلك بعيدا عن العقائد طبعا ولكني ارى ان كل ما ينطق اي من الاعلاميين عن السلف يبدأ العديد من الآراء بالتسفيه والسب و تراها في مقالة فهمي هويدي الذي انتقد بعض التصرفات التي قامت بها مجموعات نسبت الى الحركة السلفية وانا اريد ان يبدأ كل منا في تثقيف

مارد محبوس في قمقم by Kohinour Ahmed Osman on Tuesday, 03 May 2011 at 09:39 مارد محبوس في قمقم ثار كسر القمقم في ثانية وطار اتاري القمقم من ورق قطّعُه وقال انا كنت مارد بس ازاي فهموني اني فار صدقتهم لما قالولي لا وافتكرت ان عندهم حق افتكرت اني فار و الا صرصار لازم افضل جوه قمقم اكل فرافيت واستناهم يضربوني بالشبشب ويولعوا في قمقمي نار خفت عليهم من الدخان لو موتوني وولعوا في ، خفت على الشبشب من الوجع والرك على النيه لكن لما شفتهم ظلموا اهلي نسيت كل حاجة نسيت اني صرصار وجريت ورا الظالم حسني كان والا بشار كوكا هانم

by Kohinour Ahmed Osman on Friday, 06 May 2011 at 03:15 فاكر اني لوحدي لقيتني بقيت كتير في يوم كان متغيَّر و غيَّر المصير رحت لشارع بلدنا اطالب بالتغيير لقيت العالم واقفة وماسكة ميت نفير بيقولوا ارحل امشي سيب زق عجلك وطير رد عليهم افندينا وقال من غير تشهير انا رئيسكوا ياولاد الايه يا شلة الطراطير انا مش سايب بلدي لياخدها واحد شرير مش زيي بيحبكم ومالي بلدكم خير الناس بلمت بصت حاولت تلاقي تفسير لكن في ثانية بغدر مالوش تبرير فتح علينا كلنا عش ماليان دبابير وسمعنا صوت عالي وفرقعة دي والا زمامير بصيت حواليَّ لقيت نار دخان رصاص و دم كتير من طلقة والا ضربة رصاص لا و الا رفصة بعير كبير كل ما الضرب يكتر شبابنا يكتر كتير واللي فينا صغير في ساعة لقيناه بطل كبير يخليك لنا يخليك لنا ياللي لَمِّتنا سوا وخلِّيت الظلم خير

by Kohinour Ahmed Osman on Monday, 09 May 2011 at 14:42 حلمت ان بعض المسيحيين المتطرفين فكروا يرجعوا لفكرة تقسيم مصر الى الجنوب المسيحي و الشمال المسلم زي ما البابا طلب من السادات زمان مصر واحدة ومش ممكن تتقسم وحتى لو ده حلم لازم المسيحي المعتدل يرفضه لانه اهله هم جدودنا واي مصري صميم كان جده فرعوني ثم مسيحي ثم مسيحي او مسلم وانا مسلمة من جد مسيحي من الصعيد لا يمكن اوافق ان مصر تتقسم ابدا وصحيت من النوم خلاص

by Kohinour Ahmed Osman on Wednesday, 18 May 2011 at 13:06 الحرية مش بس بالدم الحرية بالجوع بالترهيب لكن اللي له راي ما يتزحزحش عن طلبه الحرية وقدامنا حلين يا نشيل كل الوساخات اللي رسبها النظام السابق حتى لو جعنا واللي موقف الاقتصاد هو السياحة والتحويلات اللي في البلاد العربية اللي نصها في مشاكل يا جماعة مش لازم نخاف على الاقتصاد احنا في حالة حرب و العيش حينقص مش مشكلة المهم ان واحد زي زكريا عزمي اللي هرب الراجل بتاع العبارة لانجلترا و خطف اللي نجوا علشان ما يرفعوش عليه قضية ده يتحاكم ويبقى عبرة علشان ما تتكررش واذا كانت دولة قانون يبقى القانون يقول كلمته من النهاردة الحرية تمنها كبير واحنا لازم ندفع الثمن علشان البلد دي ترجع لاصحابها ونكون حضرنا اول مرة في عصور مصر تتحرر من الملك و الفرعون و الرئيس الواحد وتبتدي عصر نتخانق فيه مش مشكلة بس بعد كدة لا يصح الا الصحيح و نعيش دولة العدل اللي تقوم على المساواة بين الحكومة و الشعب ويصبح فيها الرئيس في خدمة وطنه كل حركة بنعملها في اتجاه العدل مش مضيعة للوقت ولا للاقتصاد لان الناس كانت بتستثمر هنا علشان بترتب اوراقها مع الريس واولاده و الاقت

by Kohinour Ahmed Osman on Tuesday, 24 May 2011 at 02:14 الناس مش مصدقة ان المجلس العسكري له يد في اللي بيحصل وقد يكون صحيح هم مش بيحركوا وراء الكواليس ولكن اللي بيعملوه اوحش لانهم قاعدين بيتفرجوا من كرسي الرئاسة على عدالة واقفة و بوليس عميل وامن وطني لا يختلف عن امن الدولة في شيء واصبح اللي الناس بتعمله في الاعلام والجرائد هو نوع من التسلية التي اعطاها لنا الرئيس السابق وكل اللي بيقول قضاء مصر العادل يبص على اللي بيحصل من التحقيقات اللي كلها بتقف علشان محدش بيدقق في الكلام و لا بيستخدمة والست الكبيرة تعيط و تقول خدوا فلوسي و الكسب غير المشروع يقول يا عيني معهمش حاجة ويزعق في الناس والناس في الشارع قرفانة اكتر من الاول لان الاول كان فيه حجة ان العميل الكبير هو راس الدولة ولكن دلوقتي المفروض ان راس الدولة مش عميل طيب ازاي و الشهداء كانهم عايشين والظباط سايبين علينا الهمج المحليات كانها مش موجودة و الفوضي في الشارع هل المفروض ناخد حقنا بدراعنا يبقى نروح على لوءات امن الدولة و كل واحد يطخله واحد يارب زي ما نجحت الثورة مالناش غيرك تحميها معانا و تقدرنا نقومها على رجلها واللي يمسك المحليا

احنا اسفين يا مجلس ومش اسفين يا ريس by Kohinour Ahmed Osman on Wednesday, 25 May 2011 at 02:59 احنا اسفين يا مجلس مش حنشتكي من ان التطهير ما تمش ولا ان الامن مارجعش ولا ان القوانين بتصدر من غير ما حد يعرفها ولا ان الانتخابات حتيجي قبل ما الاحزاب تتعمل و لا ان الريس بيتدلع ويكتئب و يتمطع على حسابنا ولا ان الشهداء لم يكرموا كفاية ولا ان سوزان ياعيني طلعت من الحبس مامعهاش حق الفستان اللي عليها ولا ان الامن الوطني حيبقى نسخة اقذر من امن الدولة لان اللي فيه حيخافوا على نفسهم اكتر فحيطيحوا ولا ان الكيل بمكيالين في القضايا بيتم على الشباب ولا ان الحكومة اضعف من الشرطة ولا ان الاولويات الحالية مش مظبوطة ولا ان المحليات زي قلتها و لا ان الفاسدين في معظم الاماكن كما هم ولا ان العادلي بيحافظوا عليه من العين ولا ان فيه كلام على فساد في القضاء ولم يتم التحقيق ولا ان القضاء لم يستقل بعد ولا ان مجلس الشعب الجاي حييجي من الفلول لانهم لهم قاعدة عريضة و مسموح لهم بممارسة السياسة احنا بنشكرك على ان مباريات الدوري رجعت تاني وان الزمالك يمكن يتصدر الدوري بنفسك معانا

الملابس الأيزو by Kohinour Ahmed Osman on Sunday, 29 May 2011 at 17:50 في العالم المتقدم ، يوجد مرجعية ( benchmark ) لكل شيء ، و ذلك للتقييم أو حتى كنوع من الإرشاد و التوجيه لفعل الشيء ، و قاد ذلك العالم إلى وضع مواصفات لكل شيء ، ثم أصبح معيار الجودة هو أن تسير وفق للمواصفات ، و نجد أن الإسلام فعل ذلك في كل شيء و لكن لكونه دينا عالميا يصلح لكل البشر و كل الأوقات ، فقد وصف بالتفصيل كل ما يمكننا أن نفعله و نؤثم إذا لم نقعله بنفس الطريقة ، مثل الميراث والوضوء و لكن ترك أشياء نقوم بفعلها كما فعلها الرسول ( عليه الصلاة و السلام ) و ذلك ليعطي العذر لمن لم يستطع فعلها بحذافيرها ، فلو كان السجود منصوص عليه في القرآن لقام بالسجود المريض و الصحيح ، و من لم يفعل ذلك لأقام عليه بعض الأخوة الحد . أما بالنسبة لملابس الرجل و المرأة و هنا أقول الرجل أيضا فهناك عورة للرجل أيضا ، فقد وضع الله لها حد ، بالنسبة للرجل أن يغطي عورته و ذلك أفضل و بالنسبة للمرأة فقد وضعها الله سبحانه و تعالى بطريقة لطيفة ، أراد بها شيئا ووضع هذا الشيء و ذلك لأن الأعراف و التقاليد تختلف من مكان لمكان و الجو و البرودة والحر أ