هنا اذاعة الغرق الاوسط

-


مذكراتي 71
كان فيه مرة ولدين و بنت عايشين في طرابلس ليبيا وكانوا في الصيف مقضيينها لعب
وفي سنة 69 قامت ثورة سبتمبر المجيدة و حصل منع تجول و كل واحد قعد في بيته
كان ابو الولدين و البنت من كبارات القضاء هناك و لقى الثورة هبا ياللا بتقفش في كل من له دعوة بالملكية
ومرت الايام و كل حاجة لها دعوة بالملكية انمحت من بيت البنت و الولدين
و في يوم من ذات الايام كان الولدين و البنت بيلعبوا بلعبة الكترونية تعتبر متقدمة جدا وقتها بتعلم الاولاد ازاي يعملوا محطة اذاعة
وقعدوا طول اليوم يوصلوا اسلاك و يحطوا مكونات و في النهاية على الساعة ثمانية مساءا خلصوا الدايرة وهيصوا
وقالوا يللا نشغلها
حطوا البطارية
اتكلموا في الميكروفون
هجصوا هيصوا
وبعدين قالوا هو احنا المفروض كمحطة اذاعية لازم يكون فيه راديو بيسمعنا
الولد الصغير لونه اصفر
وقال هو احنا كنا عمالين نقول ايه من الصبح
وفي الآخر مسك الميكروفون و قال
هنا اذاعة الشرق الاوسط
وراح مغني اغنية
وراح فاكك الاسلاك كلها
وعلى فكرة ليلتها كان فيه فيلم امريكاني كان البطل عامل محطة وجاسوس في المانيا و اتقبض عليه و البنت و الولد الكبير قضوا الليلة بيقولوا
هنا اذاعة الشرق الاوسط

تعليقات

إرسال تعليق

المشاركات الشائعة من هذه المدونة

مين عايز شكولاته الا كوكا

-
انا طول عمري باحب اخواتي زي عيوني اختي الكبيرة مثل اعلى احب ابقى زيه بنت ناس بصحيح اخويا الكبير ده لوحدة حتة من الجنة سعادتي كلها وانا معاه اخويا الصغير حنية الدنيا فيه كله عاطفة وباشعر معاه بالامان ولكن اخويا الصغير كان دايما بيزعل مني زي ما ناس كتير ممكن تزعل مني من غير قصد وانا لما كنت ازعل منه ساعات افتكر وساعات لما انام تاني يوم انسى كان لما يزعلني بعد الظهر وانا اتنطط من الزعل واقوله مخاصماااااك عمرك ما تكلمني تاني ابدا ويعدي بعد الظهر وانا مكشرة وانام بعد النوم الجميل والساعات المريحة اصحى تاني يوم واقوله صباح الخير ما يردش صبااااااح الخير يا جميل ما يردش فيه ايه يبص لي ويقول لي مش انتي مخصماني احاول افتكر هو كان عمل ايه مزعلني ويدخل يغسل وشه وانا سرحانه في السقف هو كان زعق والا اخد مني حاجة ما رجعهاش والا يمكن كسر لي لعبة المهم بعد المدة الطويلة والسرحانة الاقي نفسي مش فاكرة اقول له خلاص انا مش مخصماك صباح الخير ما يردش اقول له فيه ايه يقول لي انتي صالحتيني لكن انا مش مصالحك ليه يا عم فيه ايه اهو كدة انا مش مصالحك الله اذا كان انا اللي زعلانة اهو ...
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب...
قراءة المزيد

يامرايتي يا مرايتي

-
يامرايتي يا مرايتي مين اجمل واحدة في الدنيا دي اللي قالته الملكة ولما المراية قالتلها سنو وايت و بياض الثلج قررت قتلها فيه ناس مش بتشوف نفسها في المراية لكن بتشوف المراية تقول لها ايه فيه كتير من الناس بتستنى تشوف الناس تقول لها ايه عن نفسها وتعتمد على الكلام ده في انها تشوف نفسها اعرف بنت صغيرة المدرسة كانت بتتكلم عن التميز في الشكل واشارت الى حجم انف الفتاة انها تتميز بانف كبيرة والله اعلم ان انفها جميل ومتناسق مع وجهها وان تلك الفتاة كانت جميلة ولكن هذا الوصف حول في حي اة الطفلة وافقدها الكثير من الثقة في النفس . ياريت نشوف نفسنا في المراية زي ما ربنا خلقنا نشوف انسان جميل سجد له الملائكة وغضب الله على ابليس لانه لم يسجد له نشوف خلق الله الجميل اللي مهما شعرنا ان فيه عيوب لكنها مش عيوب ده تميز نشوف قلبنا قبل وجهنا مفيش داعي تعتمد على رؤية الناس لك علشان تعرف انت مين لازم تعتمد على رؤيتك ولو شفت حاجة مش عاجباك حليها باخلاقك وعطفك وحنيتك صباحكم زي الفل والياسمين
قراءة المزيد