طفلة للابد

  يضاعف لمن يشاء لا خوف و لا يحزنون هو ده الكلام ما تخافش هو الرزاق ذو القوة المتين و بيقولك الغنى بالاستغنى

  ربنا سبحانه وتعالى قال على اهل الجنة انه نزع ما في قلوبهم من غل ما قالش زعل و لا غضب ولكن قال غل لان الغل يختلف عن الزعل انه فيه رد فعل يعني الانسان المغلول بيرغب في الانتقام بيرغب انه يشوف تأثير الزعل او الغضب على الانسان اللي اتسبب فيه الغل ده احيانا بياكل فينا بياكل في قلوبنا وفي قوتنا الحيوية بيخلي الانسان يعيش منتظر اللحظة انا واحدة من الناس مش باحب الغل اقول للناس في وشها او اسيبها وامشي او اشيلها من حياتي لكن لا انتظر لحظة انتقام وده من اسباب السلام النفسي اللي انا عايشة فيه

  الغل لو دخل القلب بيربط فيه و يعقد نفسه و بصعوبة بيطلع علشان كدة ربنا سبحانه وتعالى لما قال عن اهل الجنة انه نزع ما في قلوبهم من غل قال كلمة نزعنا يعني اخذها بالعافية ما تخليش الغل يدخل قلبك ويلف عليه وتبقى مستني الانتقام علشان ترجع زي ما كنت بالعكس اعط لاخيك سبعين عذرا علشان ما تغلش منه يعني علل وبرر وقد تكون معظم التبريرات ان الشخص المؤذي هو شخص ضعيف معقد مش عارف يمشي لوحده في حياته و بيحاول ينتقم من ظروفه اللي مر بيها في صورة الناس اللي حواليه اجمد كدة و سيب المنتقم هو اللي ياخد حقك وحقيقي حياخد حقك تالت و متلت لانه هو المنتقم الجبار

قصة سيدنا موسى وسيدنا الخضر حاجات كتير بنتعلم منها اكتر اولا : سيدنا موسى كان رسول و كليم الله و ملك ومع ذلك راح علشان يتعلم من سيدنا الخضر وقال حاروح له ان شاء الله اخر الدنيا ( ما تستكبرش على التعلم حتى لو كنت في اعلى درجات العلم و المكانة ) ثانيا : سيدنا موسى لما قابل سيدنا الخضر استأذنه انه يتبعه علشان يتعلم منه ما قالش انا فلان الفلان وعايزك تعلمني والا طلبه منه درس مخصوص له بالعكس قال له اتبعك على ان تعلمني مما علمت رشدا ( اطلب العلم بأدب و لازم تكون مستعد على ان تصبح تابع للعالم علشان تتعلم منه) ثالثا : رد سيدنا الخضر ان سيدنا موسى مش حيصبر على العلم وده لانه عارف ان علمه فيه غيبيات لا تظهر في وقت حدوثها وان النتائج يجب الصبر عليها و لم يرفض بس قال له مش حتصبر على اساس انه ساب له التقدير وقال له انا حاقولك الدرس اللي تطلع منه وقت ما يكون مناسب ( مش كل حاجة حتعرف تعملها ما دام معاك المدرس لان امكانيات قد تكون اقل من المطلوب للعلم و التعلم بيكون بعد الانتهاء من كل المعطيات ) رابعا : رد سيدنا موسى عليه وقال له حتلاقيني صابر ان شاء الله و مش حاكسر لك كلمة وده ادبا من سيدنا موسى ورغب

  التوكل على الله له شروط دايما الناس تقول لك انا متوكل على الله وفي نفس الوقت تضايق لما يحصل مشكلة بشكل مبالغ و تفرح لما يحصل حاجة و تنسبها لمجهود و ادارة وعقل التوكل على الله غير التواكل او الاتكال لانه انت في الحالة دي بتنسب الفضل لله ولكن بتشتغل كان الموضوع معاك كله لكن نتائجه مش معاك يعني بتلعب كويس قوي في الملعب و بتحاول تجيب اجوان على قدر امكانك و لكن النتيجة النهائية دي مش بتاعتك التواكل انك ما تلعبش على اساس ان النتيجة هي اللي تهمك و طالما الموضوع مش بايدك فعلى ايه التعب لو قلقان دايما راجع توكلك على الله وحاول تجاهد نفسك و في الاخر كل ما تقلق قل توكلت على الله على الحي الذي لا يموت هو نعم المولى ونعم النصير قلها كتير في كل موقف قلقان منه

  مصر ما ينفعش فيها ثورة جياع ما ينفعش والله ما ينفع المصري بيشبع بطبطة و كلمة حلوة و ابتسامة وضحكة لو معاك ساعد ولو معاكش طبطب و ابتسم

  الاختبار ممكن يكون علشان تفوق و تذاكر أو علشان تحسن نمرك أو علشان تظهر تفوقك انا باتكلم على اختبارات الحياة زي المرض و غيره

  إنت جاي الدنيا تمتحن وتمشي. هيجيلك امتحان في اليُسر وآخر في العسر، هيجيلك امتحان في الصبر وامتحان في الفقد، هتُختبر في أخلاقك و مبادئك وطموحك ومشاعرك، هتتحط في مواقف محيرة محتاجة قرار، وهيتعرض عليك أمور سهلة ومغرية لكنها مهلكة. الشطارة مش إنك تكسب فلوس ولا تاخد منصب ولا تطلع الأول ولا تتشهر بين أهل الأرض... ولا تغيّر الناس حواليك وتهلك نفسك .. الشاطر اللي هينجح في الامتحان اللي بجد. ركز هنا: [ أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ .. مَّرَّةً أَوْ مَرَّتَيْنِ .. ثُمَّ لَا يَتُوبُونَ وَلَا هُمْ يَذَّكَّرُونَ.] إبعد عن مواطن فتنتك.. إبعد عن مواطن سقوطك.. وخذ الكتاب بقوّة... والسلام") الدكتور احمد الموجي

  What if ماذا لو فلوس الكباري من ميزانية الدولة و كانت بتدخل جيوب ناس في العهد الماضي و دلوقتي بتتصرف على البلد #what_if

  المليارات اللي خلت فيه ناس فاسدة مليارديرات زي جيمي و غيره من زمان بقت في الميزانية و شايفينها مصاريف

  كل الدنيا بكل شقائها. و تعبها و عياها و احباطاتها و انبساطها و ضحكها و حزنها و سعادتها في يوم القيامة بيقولوا يوما أو بعض يوم يعني ساعات ما حصلتش يوم تاخد قصاد صبرك فيها جنة عرضها كعرض السموات و الارض كله بيروح في أول دقيقة في الجنة و بتاخد بالباقي سعادة و ارتياح و هناء و سكينة و دلع #انشف

  سورة الكهف من كل جمعة تقيك فتنة المسيخ الدجال و لكنها ايضا تضعك امام امثلة حدثت و تحليل لمواقف تقيك فتنة نفسك ففيها مثال لصبية آثروا دينهم على الكفر و استتروا في كهف فأصبحوا مثلا حتى ان بعضهم قال نشيد مسجدا لهم وفيها مثال لرجل شعر بالفخر لما فعله في حديقته او جنته كما ذكرت لدرجة انه ادعى ان الله سيعطيه غيرها ( شعورا منه بأنه يستحق ) و في النهاية سحب الله منه الناتج وتركها له خضراء لا ثمار و لم يجد ما يساعده في تلك المصيبة و علم ان الله حق و هناك مثلا اخر لرسول من اولى العزم حين شعر انه اعلم اهل الارض فوضعه الله في اختبار مع احد الصالحين و الذي اشعره ان هناك علم اكثر يعلمه علام الغيوب وان الله له اياد في الارض لا يعلمها الا من اراده الله حتى ولو كان رسولا و هناك مثلا اخر لرجل اعطاه الله اسباب يجول ويصول بها حول الارض و خيره فيما يفعل بالناس و لكنه لم يظلم و ترك الحكم في النهاية لله و ايضا من الاسباب التي اعطاها له ما يمنع الفتن الكثيرة التي ستأتي من يأجوج ومأجوج حين منعهم عن اهل الارض الى وقت معلوم السورة كل يوم جمعة تنعش ذاكرتنا في ان الحياة ستنتهي و سيكون هناك وقتا نرى الله فيه و نع

  على فكرة انت ما تستاهلش بس ربنا هو اللي كريم

  عارف لما تبقى عايز تعدي الشارع و انت عندك اربع سنين و خايف فتلاقي ابوك مسك ايدك و عداك الشارع أو كنت بتلعب و حران ووقعت في الطين و لقيت مامتك قدامك أعطتك المياه و نظفتك و لبستك لبس نظيف ده الشعور اللي تشعر بيه لما تقرأ القرآن و تلاقي ربنا - ولله المثل الأعلى - بياخدك من الدنيا و تعبها و مشاكلها و الخوف اللي بتتعرض له و يكلمك و يطمنك و يفوقك و يوعدك بالجنة

  منقول من Kohinour Ahmed Osman عايزة اتكلم عن الميازم او المقلقات في حياة الانسان بمعنى اصح هانيمان باشا الالماني لما اكتشف علاج اسمه الهوميوباثي اكتشف ان فيه حاجة بتتولد مع كل انسان وهي زي البصمة في شخصيته بتتسبب في اضطرابات في القوة الحيوية القوة الحيوية هي الطاقة اللي بتشدك الصبح من السرير علشان تعمر الدنيا الميازم ده يا حبايبي قالك بيتكون من اي مرض عضوي لم يتم الشفاء منه وبالتالي هو ربط المقلقات بالامراض وغالبا في القرن الثمانية عشر ربطها باشهر الامراض حواليه واللي كانت خلال القرون السابقة له وكانت امراض سيئة السمعة انا مش حاتكلم بطريقة علمية وانما حاتكلم بطريقة عملية ومش حاسميهم باسماء الامراض ولكن حاتكلم عن واحد النهاردة وهو المقلق الاول اليأس الذي يقود للتدمير اي واحد بيعتبر ان مفيش فايدة بيتجه دائما الى التدمير اما تدمير الذات لو سلبي في انفعالاته او تدمير الاخرين لوانفعالاته سيئة مباشرة او تدمير المجتمع هذا الشخص هو اكثر شخص يمكن ان يصل الى حالة الانتحار او القتل الانتحار مش لازم يموت نفسه والقتل مش لازم يموت خصمه الانتحار من اشكاله انه يترك الحياة وينسحب منها والقتل من اشكا

  لما ربنا بيدخل قلبك و يملأه مش بتقدر تدخل حد معاه الصراحة

  لو انتظرت من يوقد لك الانوار فستظل في الظلام بالبلدي ما تستناش حد يقيد لك النور لانك حتفضل في الضلمة

  انا صاحبت اولادي من ساعة ما كنا بنرش مياه على بعض و نحرق كتب المدرسة في احتفالية الهنود الحمر و صاحبت احفادي من ساعة ما كنا بنرسم على الحيطة و بنستخبى تحت الترابيزة

  البني ادم مننا بيفتكر انها بذكاءه وشطارته وتلاقيه وقع الوقعة من دول لا شطارته نفعته ولا ذكاؤه الخط اللي ماشي فيه لما ربنا بيسترك بتمشي فيه صح والله والله لا بذكائك ولا بشطارتك #افهمها_صح #خلي_ربنا_في_المعادلة_حتظبط

  كلما قلت حجتك وثقتك بما تقول كلما علا صوتك و انفعلت الصوت العالي و استخدام الالفاظ الشديدة لا تدل على قوة ولا على سيطرة ان استخدام المنطق والحجة لا يحتاجان مساعدة اذا لم يفهم الناس المنطق فلا عناء اتركهم مع منطقهم و اهرب بسلامك النفسي

  لازم ترسم حدود ولازم تقبل حدود الاخرين فيه ناس المنطقة المريحة بالنسبة لهم واسعة و مش عايزين حد يدخلها الا ناس معينة وده لا يعني ان الاخرين ليسوا ذو اهمية ولكن وجودك في المنطقة المريحة للاخرين بدون استئذان ليس من الكياسة والذوق الحدود بتاعتك كمان محدش يناقشك فيها تعدي الحدود دائما ما يكون في شكل اهتمام قد لا يرغبه البعض مثلا ليه بتحب تبقى لوحدك لا لازم تيجي معانا وتقعد وتسمعنا لازم تحبني زي اخويا وتخرج معايا كل يوم وناكل سوا لازم تحبيني زي اختي وتسلفيني دهبك احضر بيه عيد ميلاد صاحبتي انتي فين مش معبراني ليه انا ممكن احبك زي اختي بس انا واختي مش بنستلف من بعض انا ممكن احبك زي اخويا بس انا واخويا كل واحد له اصحابه حاول تعرف الحدود الموجودة عند الناس علشان تعطيهم مساحة يحتاجونها للشعور بالاطمئنان الناس بتحبط لما تلاقي ان اللي قدامه مش بيشاركه المشاعر ولكن في الحقيقة هو مش بيشاركة المنطقة المطمئنة بس هو له حدود عايز الناس تقف عندها

  6 اكتوبر بعد الساعة 2 كنا كلنا جنب التليفزيون بنتنطط واحنا بتشوف الدب..ابات بتعدي القناة من المعابر بعد سنوات من حرب الاستنزاف اللي شعورنا فيها ما يتخيرش عن واحد عنده مواد ما نجحش فيها وهو شاطر و مش قادر يبص في عيون الناس حرب رفعت راسنا بعد ما كان الصها..ي.نة فهموا العالم أن خط بارل...يف ساتر منيع لا تستطيع الق..نابل النووية إن تبيده كنا في سعادة غامرة و حب و رغبة في أن تسترد ما ضاع من بلدنا و كرامتنا كل ستة اكتوبر و انتم في بلدكم و أرضكم و لا يهزكم ريح

  مصر هل تستطيع؟ نعم ،  لماذا تتوقف؟ للقيل والقال وكثرة السؤال

  في مثل هذا اليوم من كل شهر و كل عام و كل اسبوع تسير إلى الامام و انت مقيد بالخلف تحاول السباحة للشاطئ و تحذفك الأمواج لعمق المحيط تنتظر الوصول و ما عليك أن تصل فلا تنشغل بالوصول أكثر من انشغالك باللحظة

  تجربة نجع عون تجربة عميقة احبها الاعلام و يعترض اصدقائي كثيرا على عدم ذكر اسمي في الاعلام و بالاخص من كانوا معي منذ لحظة دخولي النجع الى الان و للعلم ان هذا يتم بناءا على طلبي الاساس هو الاخلاص في العمل لوجه الله و بالتأكيد وجود اسمي مقرون بتجربة ناجحة يوجه البعض لان اكون انا سبب نجاح التجربة وهذا خطأ بالتأكيد التنمية لها عناصر كثيرة جدا و التنمية المستدامة لها عناصر اكثر من اكون لكي اجمع العناصر بيدي عدم وجودي في الاعلام عن النجع جعل النجع محط الاهتمام و جعل النتائج على الارض تعود الى من عمل و تحرك و بنى و تابع وراقب و دفع و دعم و خصص و اطعم قد اكون مخطط جيد و داعم للافكار ولكن لا تقوم التنمية على افكار فكم من الافكار ذهبت ادراج الرياح بعد تطبيقها ولا تقوم التنمية على الاموال فكم من الاموال انفقت على مشاريع و فشلت المشاريع بعد انشاءها التنمية منظومة كاملة متكاملة و توفيق من الله لجمع العناصر معا بشكل متناغم واتمنى لنجع عون ان يصل الى عنان السماء و يصبح مثال حي على ان العمل الجاد والفكر المتطور و المتابعة والقيادة و الحب بين فرق العمل هو من يصلك في النهاية الى النتائج المبهرة التي ير

تكافل خلاصة المشروع يقوم المشروع على ان يتم تنمية مصر كلها بمشيئة الله خلال سنوات قادمة بخطوات مدروسة ، ذلك عن طريق بناء انسان واع عاقل منتج راق مبدع يضع التنمية على اكتافه ويبعد عن شعوره بالعجز وقلة الحيلة ولا يقلق على طعامه و بيته ويستطيع ان يكون مستقبل اولاده بيده فتصبح مصر في مصاف الدول العظمى باولادها وثرواتها وبالاخص الثروة البشرية التي يعتبرها البعض عبء على مصر على الرغم من ان المصريين من اذكى وامهر شعوب العالم حين يتم توظيفهم بما يناسب طاقتهم مقدمة يقوم المشروع على عدة محاور ويتم العمل فيه تدريجي حيث ان ما تم هدمه في عشرات السنوات لا يتم بناؤه في اشهر وبناء الانسان وتغيير مفاهيمه تحتاج الوقت والقدوة والفكر و ذلك بمصاحبة الدعم المادي ولكن على ان يطبق الفكر بشكل مدروس مع اتاحة الوقت في ايجاد القدوة المناسبة لدفع التغيير داخل المجتمعات تتميز مصر دون غيرها من الدول بالتنوع المميز في شعبها وتجد ان الشخصية المصرية الغنية تختلف من السواحل للصعيد ومن البدو في الصحراء الى اهل المدن و من الحرفي الى العلمي البحت ولذلك فان الاستفادة من التنوع البشري مهم جدا في ان يتواكب الفكر التنموي حسب ا

  الشخص المصري الصميم يحب يعيش في جملة واحدة "لازم ابهرك" مع انه لو ما ابهرنيش حانبهر والله

  التجاعيد في وجه المرأة عمق يجب ألا تهمله والتجاعيد في وجه الرجل حكمة يجب ان يستخدمها الشعر الابيض عند المرأة تاريخ يجب ألا تهمله والشعر الابيض عند الرجال مواقف يجب ان يستخدمها #انا_مش_عارفة_باجيب_الكلام_العميق_ده_منين #علي_النعمة_انا_فيلسوفة

  بداية السلام النفسي انك تعمل للناس من غير طلب و ما تستناش رد الجميل بالطريقة دي لا حد حيبقى ناكر جميل لانه ما طلبش منك تعمل له و لا يبقى قليل الذوق لانك مش طالب منه شكر

عاش الأرنب في الغابة يجري و لم يحاول أن يصادق أحد من الحيوانات . كانت أم الأرنب تخاف على الأرنب وكانت تنصحه دائما قائله : " يجب أن يكون لك أصدقاء من الأرانب لتلعب معهم ووقت الحاجة يمكنهم أن يساعدوك ". فكان رده دائما يردد : " أنا سعيد ولا أريد أصدقاء و أنت عندي أحسن صديق ". تضحك الأم وتقول : " ولكنني أكبر منك ولن أظل معك على طول ". لم يقتنع الأرنب بكلام أمه وذهب إلى الغابة يلعب ويجري . في يوم من الأيام سمع الأرنب صوت بكاء من داخل الغابة فذهب إلى مكان الصوت فوجد دب صغير له نظرات بريئة و كان يبكي فسأله الأرنب : " من أنت ولماذا تبكي ؟ ". رد الدب : " أنا دودو ولا أعرف أين ذهبت ماما الدبة ". قال له الأرنب : " لا تبكي تعال نلعب سويا ونبحث عنها فأنا أعرف أين بيت الدبة وقد تكون هي ماما الدبة ". قال دودو : " لا إن إسمها ليس ماما الدبة ولا تستطع أن تقول لها كذلك ولكني أنا فقط أقول ماما الدبة ". ضحك الأرنب وأخذ دودو وجرى وطلب من دودو أن يجري خلفه . جرى دودو ببطء فضحك الأرنب وانتظره وظل يلعب معه حتى وصل إلى الكهف الذي تعيش فيه ما

  لا تبك على حالك لانك يجب ان تعلم ان الكون كله معك الله سخر لك الانعام و الارض جعلها مستقرا و مقاما الله اسجد لك الملائكة فلا تستهن بنفسك قيمتك في عطاءك ان اعطيت فسيعطيك الله وان افدت الناس افادك الله حين تعلم ان الحياة كانت لك مهمة يجب ان تعلم ما هي و تنفذها تسترح واعلم انك اذا لم تستوعب فكرة ان عليك ان تؤثر فيمن حولك بالايجاب فستجد في كل مرض عقاب وفي كل مشكلة اهانة و تعب ورقة الامتحان اتسلمت لك من ساعة ما فهمت الدنيا وحتسلمها يوم ما تخلص من الدنيا

  يضاعف لمن يشاء لا خوف و لا يحزنون هو ده الكلام ما تخافش هو الرزاق ذو القوة المتين و بيقولك الغنى بالاستغنى

  ربنا سبحانه وتعالى قال على اهل الجنة انه نزع ما في قلوبهم من غل ما قالش زعل و لا غضب ولكن قال غل لان الغل يختلف عن الزعل انه فيه رد فعل يعني الانسان المغلول بيرغب في الانتقام بيرغب انه يشوف تأثير الزعل او الغضب على الانسان اللي اتسبب فيه الغل ده احيانا بياكل فينا بياكل في قلوبنا وفي قوتنا الحيوية بيخلي الانسان يعيش منتظر اللحظة انا واحدة من الناس مش باحب الغل اقول للناس في وشها او اسيبها وامشي او اشيلها من حياتي لكن لا انتظر لحظة انتقام وده من اسباب السلام النفسي اللي انا عايشة فيه

يا ماشي فوق ارض مصر  حاسب وانت بتدوسها  لو التارخ حكى  كنت حتوطي وتبوسها  دي مصر ارض الانبياء  وربك دايما بيحرسها منقولة 

  الغل لو دخل القلب بيربط فيه و يعقد نفسه و بصعوبة بيطلع علشان كدة ربنا سبحانه وتعالى لما قال عن اهل الجنة انه نزع ما في قلوبهم من غل قال كلمة نزعنا يعني اخذها بالعافية ما تخليش الغل يدخل قلبك ويلف عليه وتبقى مستني الانتقام علشان ترجع زي ما كنت بالعكس اعط لاخيك سبعين عذرا علشان ما تغلش منه يعني علل وبرر وقد تكون معظم التبريرات ان الشخص المؤذي هو شخص ضعيف معقد مش عارف يمشي لوحده في حياته و بيحاول ينتقم من ظروفه اللي مر بيها في صورة الناس اللي حواليه اجمد كدة و سيب المنتقم هو اللي ياخد حقك وحقيقي حياخد حقك تالت و متلت لانه هو المنتقم الجبار

  قصة سيدنا موسى وسيدنا الخضر حاجات كتير بنتعلم منها اكتر اولا : سيدنا موسى كان رسول و كليم الله و ملك ومع ذلك راح علشان يتعلم من سيدنا الخضر وقال حاروح له ان شاء الله اخر الدنيا ( ما تستكبرش على التعلم حتى لو كنت في اعلى درجات العلم و المكانة ) ثانيا : سيدنا موسى لما قابل سيدنا الخضر استأذنه انه يتبعه علشان يتعلم منه ما قالش انا فلان الفلان وعايزك تعلمني والا طلبه منه درس مخصوص له بالعكس قال له اتبعك على ان تعلمني مما علمت رشدا ( اطلب العلم بأدب و لازم تكون مستعد على ان تصبح تابع للعالم علشان تتعلم منه) ثالثا : رد سيدنا الخضر ان سيدنا موسى مش حيصبر على العلم وده لانه عارف ان علمه فيه غيبيات لا تظهر في وقت حدوثها وان النتائج يجب الصبر عليها و لم يرفض بس قال له مش حتصبر على اساس انه ساب له التقدير وقال له انا حاقولك الدرس اللي تطلع منه وقت ما يكون مناسب ( مش كل حاجة حتعرف تعملها ما دام معاك المدرس لان امكانيات قد تكون اقل من المطلوب للعلم و التعلم بيكون بعد الانتهاء من كل المعطيات ) رابعا : رد سيدنا موسى عليه وقال له حتلاقيني صابر ان شاء الله و مش حاكسر لك كلمة وده ادبا من سيدنا موسى ور