طفلة للابد

يذهب الملايين يشاهدون مصارع الثيران وهو يلاعب الثور ويقتله بالتدريج و يصفق كل منهم حين يغرز رمحه في جسد الثور وينتظر الجميع الرمح الذي سيتهاوى بعده هذا الحيوان القوي رياضة سادية لا أرى لها تبريرا يسعدني بها حين قرات ان الوحوش حشرت شعرت بألم المصارع حين يطلب الله من الثور ان يقتص لنفسه منه

تفتكر ان ربنا اللي عطاك الرزق يحب انك تحجبه عن الناس او تميز حد معاك عن حد تاني ما هو لو انت عايز كدة يبقى الاولى ان ربنا ما يعطيكش الرزق ده سبحان الله عما يصفون ولله المثل الاعلى في سورة النحل بسم الله الرحمن الرحيم وَاللَّهُ فَضَّلَ بَعْضَكُمْ عَلَى بَعْضٍ فِي الرِّزْقِ فَمَا الَّذِينَ فُضِّلُواْ بِرَادِّي رِزْقِهِمْ عَلَى مَا مَلَكَتْ أَيْمَانُهُمْ فَهُمْ فِيهِ سَوَاء أَفَبِنِعْمَةِ اللَّهِ يَجْحَدُونَ . . ربنا اعتبر ان اللي بيرد الرزق بتاعه وبيمنعه عن الناس اللي تحت امرته ومسئول منهم كانه بيجحد بنعمة الله

ضَرَبَ اللَّهُ مَثَلاً عَبْدًا مَّمْلُوكًا لاَّ يَقْدِرُ عَلَى شَيْءٍ وَمَن رَّزَقْنَاهُ مِنَّا رِزْقًا حَسَنًا فَهُوَ يُنفِقُ مِنْهُ سِرًّا وَجَهْرًا هَلْ يَسْتَوُونَ الْحَمْدُ لِلَّهِ بَلْ أَكْثَرُهُمْ لاَ يَعْلَمُونَ . لو حد عنده غير ربنا هو اللي بيعمل حسابه يبقى يخاف يصرف لانه مش واثق من انه حيعطيه كمان مرة العبد غير العابد احنا بنعبد ربنا عبادة العابد واحنا عبيده ولكننا عباده العبد المملوك لغير الله اللي هو الاهه هواه مثلا واحد ماشي وراء نزواته او واحد خايف على مستقبله الخوف المرضي او واحد عمل صفقة جاب منها ملايين وحطها جنبه وافتكر ان هو اللي جاب الملايين دي بحداقته وشطارته وذكاءه كان المال هو اللي ملكه مش هو اللي ملك المال كل الناس دي اللي مش رابطة الرزق بربنا هي عبيد مملوكة لشيء اخر غير الله وتلاقيهم مش بيصرفوا من اموالهم على سبيل الله خوفا من ان الفلوس دي ممكن تخلص ولكن عباد الله اللي رزقهم رزق حسن وعمال يصرف منه في السر والجهر وفيه ناس بتصرف لا تخشى فقرا واولئك يغنيهم الله بفضله عمن سواه هما اكيد مش زي بعض

في مسند الإمام أحمد عن عبد الله بن عمرو قال رسول الله صلى الله عليه وسلم : وَالَّذِي نَفْسُ ‏ ‏مُحَمَّدٍ ‏ ‏بِيَدِهِ إِنَّ مَثَلَ الْمُؤْمِنِ ‏ ‏لَكَمَثَلِ النَّحْلَةِ أَكَلَتْ طَيِّبًا وَوَضَعَتْ طَيِّبًا وَوَقَعَتْ فَلَمْ تَكْسِر ولم تُفْسِد .ْ صححه الشيخ أحمد شاكر والشيخ الألباني . بمناسبة اننا في سورة النحل الرسول عليه الصلات والسلام بيحلف ان المؤمن زي النحلة وورانا هي بتعمل ايه انها بتاكل الطيب وتضع الطيب ولو وقعت لم تكسر ولم تفسد انا سمعت محاضرة نعمان على خان بيتكلم على الحديث ده وكانت محاضرة من اجمل المحاضرات اللي تنفع في الدراسات الاجتماعية والتنمية البشرية المحاضرة بتتكلم ازاي الانسان ما يبقى في جمال اخلاق النحلة انصحكم تسمعوها هي للاسف مش مترجمة باللغة العربية وانا حاحاول لو ربنا قدرني اترجمها هي بالانجليزية

وَمَا أَرْسَلْنَا مِن قَبْلِكَ إِلاَّ رِجَالاً نُّوحِي إِلَيْهِمْ فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ . . اسألوا اهل الذكر ان كنتم لا تعلمون من هم اهل الذكر يقال عن القرآن الذكر انا نحن نزلنا الذكر وانا له لحافظون يعني اللي اسأله على الاقل يكون عارف القرآن وجايبه كله من الاول للآخر بطريقة تخليه يعتبره زي اهله يعني عارفة كويس قوي اهل الذكر ممكن يكون اهل له يعني مؤهل له او يقدر يشيل همه ويشيله للاسف انا باشوف ناس بتسأل ناس غير مؤهلة لمجرد انهم بيواظبوا على الصلاة ومظهرهم يعطي الايحاء بانهم متدينون والمشكلة ان اللي بيتسأل ساعات يرد من واقع خبرته او حدود علمه مش من اساس ديني وساعات يتسبب في ان الناس تتضايق وانا لسة سامعة في الانترنت على واحد باكستاني قاعد جنب واحد تاني وبص ليه وقال له اللي انت عاملة حرام التاني استغرب وقال له عامل ايه قال له دقنك مش زي ما الرسول قال انت لازم تطولها شوية كان في الجلسة واحد شيخ عالم جليل ساب اللي في ايده وقال للي بيعترض على دقن الراجل وقال له اخبرني بالحديث الراجل قال انا مش فاكر بس ما معناه وبدأ يقص اللي فاكره قال ل

وَلَهُ مَا فِي السَّمَاوَاتِ وَالأَرْضِ وَلَهُ الدِّينُ وَاصِبًا أَفَغَيْرَ اللَّهِ تَتَّقُونَ . . واصب يعني دائم او ثابت يعني زي ما السماوات والارض ما هم موجودين وكل اللي فيهم لله فالدين لله دائم وموجود ايا كان طريقته يعني اتفرجت على محاضرة بتاعة "زاكر" الداعية الهندي بيتكلم عن كتب في الديانات بتاعتهم وبالاخص السيخ اللي بنشوفهم رابطين راسهم ودول عندهم كتاب مكتوب فيه ان الاله واحد وليس له مثيل وانه لا يمكن وصفه ولا يوجد له صورة ولا تمثال ولا اي شيء يدل عليه وبالتالي الكتاب بيتكلم عن اله واحد يعني التوحيد موجود عندهم وكمان في كتاب بتاع الهندوس الاصلي نفس الحاجة بيتكلم عن اله واحد مالوش مثيل ولا يمكن تمثيله ولا بصورة ولا تمثال واحنا عارفين ان ربنا بعث في كل امة رسول ولكن الناس مع الزمن والتغيير بيتغير عليهم الكلام وهنا في سورة النحل ربنا بيقول لنا ان الدين دايما موجود وهو لله وبالتالي ما ينفعش نتقي غير الله ماينفعش نعمل حساب لحد في الدنيا غير الله حسبنا الله ونعم الوكيل

الصفة تمسك في صاحبها لما يصر عليها يعني لما واحد يكذب علشان خايف او يكذب علشان محرج حاجة ولما واحد بيكذب في كل موقف يبقى كذاب حاول قدر امكانك ان الصفة السيئة ما تلبسش فيك بحيث يتقال عنك انها صاحبها وحاول تخلي الصفة الكويسة تلزق فيك زي ما الرسول عليه الصلاة والسلام قبل ما يبقى رسول كان يقال عنه الصادق الامين امسك في صفة كدة من الصفات الحلوة وفي كل تصرف افتكرها علشان تفضل ماشي معاها لغاية لما تلبس فيك يعني الكرم علشان تبقى كريم الصدق علشان تبقى صادق الرحمة علشان تبقى رحيم الرأفة علشان تبقى رؤوف

وَالَّذِينَ هَاجَرُواْ فِي اللَّهِ مِن بَعْدِ مَا ظُلِمُواْ لَنُبَوِّئَنَّهُمْ فِي الدُّنْيَا حَسَنَةً وَلَأَجْرُ الآخِرَةِ أَكْبَرُ لَوْ كَانُواْ يَعْلَمُونَ . . الله الله اللي اتظلم وساب الدنيا وراح لربنا اهوه ربنا بيقولهم في الدنيا حسنة ولكن في الاخرة اجر اكبر كمان لو كانوا يعلمون الهجرة ساعات مش بتكون هروب من واقع ساعات بتكون هجرة في الله من ارض الله الى ارض الله ما تقلقش لو هاجرت في الله

هالوين ايوة - رمضان لا احفادي عمالين يطبعوا صور جماجم وهياكل عظمية ومصاصي دماء ومومياوات وقطط سوداء وخفافيش وساحرات شريرات وزومبي (اللي مش لاقيالها ترجمة) يقطع الفرنجة وسنينها وانا علي بايه اعيش في الرعب علشان المدارس بتعتبر انها لو ما عملتش الهالوين زي ما الكتاب بيقول يبقوا ياي مش مستوانا انا لو ما عملوش في رمضان فوانيس وجم قالولي اعمليلنا طبلة نصحي النايم واسمع منهم وحوي يا وحوي حاعمل لمدرستهم حفلة على الانترنت

أَفَأَمِنَ الَّذِينَ مَكَرُواْ السَّيِّئَاتِ أَن يَخْسِفَ اللَّهُ بِهِمُ الأَرْضَ أَوْ يَأْتِيَهُمُ الْعَذَابُ مِنْ حَيْثُ لاَ يَشْعُرُونَ . . سهلة على الله ان يخسف بهم الارض على فكرة خسف الارض ساعات باحس انه مش لازم يكون بحقيقي الارض هو ما يرتكز عليه يعني الارض اللي واقف عليها ممكن يكون منصب كبير واقف عليه يقوم فجأة يلاقي الدنيا وقفت وهو وقع من على الكرسي افتكروا حسني مبارك في يناير 2011 اهوه ده ربنا خسف به الارض فعلا

يا جماعة الافكار كتير قوي والله ومالية الكتب والمكتبات والامخاخ والعقول ولكن المشكلة في التطبيق لأن التطبيق له تحدياته لازم اللي يفكر في فكرة يكون محضر نفسه انه يطبقها ومحضر نفسه انها ممكن خمسين في المائة تفشل فشل ذريع وثلاثين في المائة تشتغل على خفيف المهم الهدف يكون واضح والوسائل تختلف حسب الفكرة بتطبق ازاي وفين لو هدفك وطنك او دينك او ربك اعرف ان حتلاقي تساهيل عجيبة بتطلع من كل ناحية المهم انك ما تقفش بعد اول عقبة ولا تاني عقبة ولا الثالثة ولا المائة # اليأس_ممنوع # التطبيق_اهم

أَتَى أَمْرُ اللَّهِ فَلاَ تَسْتَعْجِلُوهُ سُبْحَانَهُ وَتَعَالَى عَمَّا يُشْرِكُونَ . سيحان الله الشرك حاجة ممكن تلعب بينا جامد اوحش شرك هو الشرك الخفي هو اني اعتبر ان مدير شركتي هو اللي محافظ على رزقي وهو اللي في ايده مرتبي هو اني اعتبر ان جوزي هو اللي معيشني لان ماليش دخل هو اني اعتبر ان الدكتور او الدواء هو اللي خففني هو اني اعتبر ان شطارتي هي اللي منجحاني في حياتي هو اني اعتبر ان الشيخ الفلاني هو اللي دعوته نجحتني او رجعت لي صحتي لازم ارجع الامور لاصلها لو الموضوع مربوط ببشر او اشياء كان القاعدة تعممت يعني لو انت ذكي علشان كدة نجحت يبقى كل ذكي لازم ينجح ويبقى نسخة منك لو الدكتور هو اللي خففك يبقى كل اللي بيخش العيادة لازم يخف احنا لازم نبقى عارفين ومقتنعين ان الاسباب اللي في الدنيا دي جاءت وستستمر وستحقق هدف بارادة الله فيه ناس بتاخد العكس ترفض الاسباب ترفض تتعالج وتقولك الشفاء بايد ربنا زي ما يكون ربنا بيشفي بمعجزة من السماء ربنا بيشفينا لما ناخد الاسباب ونروح للدكتور وناخد الدواء ربنا امرضك علشان الدكتور ياخد رزقه منك والصيدلي ياخد رزقه منك الشرك الخفي اوحش

وَعَلَى اللَّهِ قَصْدُ السَّبِيلِ وَمِنْهَا جَائِرٌ وَلَوْ شَاء لَهَدَاكُمْ أَجْمَعِينَ . ربنا هنا بيقولك هو مش منزلك علشان يغششك في الامتحان انت نازل وموافق من الاصل ان ربنا يحملك الامانة ايا كان السبب اللي خلاك تحملها انما انت قلت انا حاحملها ومسيرك في يوم تفتكر ازاي قلت اه انا حاشيل الامانة الجبال والسموات قالوا ما نقدرش انما انت قلت حاقدر الامانة انك تحمل هم خلافة الارض دي مش سهلة لكن احنا بغباءنا افتكرنا نفسنا حنقدر الامتحان انك كل يوم تصحى تقول حاعمل ايه للارض والناس اللي عايشين معايا اطبطب على زعلان والا ازور عيان والا اخد بخاطر حزين والا اعطي اكل لجعان والا اشغل واحد مش لاقي شغل والا اعلم واحد جاهل والا اشتغل انا علشان الدنيا تبقى احسن المهم ما تقعدش في السرير والا في البيت من غير حاجة واحدة بس تغير في الدنيا للاحسن ربنا لو شاء كان من الاول دخلنا في زمام الملائكة الملائكة ممكن تسبح بس ويتقبل منها لكن انت لازم تتحرك وتملا الدنيا عمل

الانسان لو شعر انه لا حقوق له فلن يقوم بواجباته ولو وجدنا شعب لا يقوم بواجباته فمن الطبيعي ان يسقط في نظر التاريخ ابسط حقوق الانسان هو ان يجد ما يقيم حياته طعام منزل امان ولا اقول مستقبل فهو لا يشعر بحاضره العديد ينظرون الى جزء من المدينة التي يعيشون بها ويعتبرون ان مصر هو الدقي او مصر الجديدة الحقيقة ان القاهرة هي جزء من مصر وليست مصر كلها الاسكندرية هي جزء من مصر وليست مصر كلها لكن الاعلام الذي يدخل المنازل والاصوات التي تكتب في وسائل الاعلام كلها تعيش ما بين القاهرة والقاهرة والقاهرة ولذلك ترى قصور رؤيتها على ان مصر ليس بها مشاكل واننا بخير وان الشباب لا يعمل وان العمال كلهم لا يعتمد عليهم انا اقول لصاحب مصنع الملابس الجاهزة خذ مصنعك وتعالى في عمق البحيرة واقم هذا المصنع هنام بين ستة او سبعة قرى الارض ارخص الناس متوفرة العمالة لن تتلاعب بك الاهالي ستجد ما يوفر لها الدخل ابعدوا عن القاهرة والاسكندرية والمدن الكبيرة واعملوا في الصعيد او في عمق الريف وستجد ان هناك رجالة في مصر

انا عملت جروب في الفيسبوك اسمه محاضرات كوكا هانم وفيها المحاضرة اللي كانت عن الاتزان المحاضرة مهمة جدا بالنسبة لكتير من الناس اللي العلاقات الشخصية والعائلية بتسبب لهم عدم توازن وشعور بالظلم والتعسيف ارجوكم اقروها ولو عايزين اعيدها تاني لانها مهمة قوي

سورة النحل سورة ماليانة صور لنعم انعمها الله علينا بسم الله الرحمن الرحيم وَإِن تَعُدُّواْ نِعْمَةَ اللَّهِ لاَ تُحْصُوهَا إِنَّ اللَّهَ لَغَفُورٌ رَّحِيمٌ صدق الله العظيم ربنا بيحط النعم ويوريهالنا واحد ملحد مرة سأل واحد داعية ويقول له القرأن بيتكلم عن معجزات وحاجات علمية ولكن انا ما شفتوش بيتكلم عن الجاذبية او حاجات علمية تانية كتير رد الداعية قال له ده مش كتاب علوم سيادتك ده كتاب بيحطلنا فيه علامات مختلفة نتدبرها قال هو كتاب signs مش كتاب science هنا في سورة النحل ربنا بيكتب عن بعض النعم اللي انعمها علينا احنا مع بعض في سورة النحل نتدبر سوا قدرة الله تعالى

المرض هدية ولكنها مغلفة بغلاف منفر يجعلنا لا نقدر قيمته

وَاعْبُدْ رَبَّكَ حَتَّى يَأْتِيَكَ الْيَقِينُ . دي ايه جامدة قوي لان انا باعبد ربنا لاني موقنه بوجوده ولكن ربنا بيقول اعبدوني لغاية لما يأتيكم اليقين كل ما اقول لحد ربنا موجود و سيب كله على الله او توكل على الله وما تقلقش على طول يرد طبعا انا متوكل على الله وموقن ولكن للاسف الاقيه اخره عارف ان ربنا موجود ولكن اليقين ده درجات فيه علم اليقين عين اليقين وحق اليقين يعني اني ابقى عارف ان ربنا موجود ده اسمه علم اليقين يعني ممكن اكون عارف من حد ومتأكد من انه اللي بيقوله صحيح ولكن ده يفرق يعني لو قلت لناس ان فيه نار جوة بحر وانت عندك مصداقية حيصدق لكن ده يسمى علم اليقين لو شاف فيلم بيوري النار طالعت من بحر تسمى عين اليقين لانه شافه بعينه ولكن لو اخذ تذكرة سفر ووقف قدام المكان اللي فيه النار طالعة من بحر لدرجة انه ممكن تلسعه ده اسمه حق اليقين يبقى اليقين بالله هو انهي درجة ولله المثل الاعلى يعني لو مثلا انا قلت لمرات ابني انا جاية اساعدك في العزومة الجاية سيبيها علي ممكن تصدق بس حيكون عندها شك ولكن انا قلتلها لما اجي البيت ممكن ساعتها تصدق لكن لما اقف في المطبخ وابتدي اطبخ

كَمَا أَنزَلْنَا عَلَى المُقْتَسِمِينَ (90) الَّذِينَ جَعَلُوا الْقُرْآنَ عِضِينَ (91) فَوَرَبِّكَ لَنَسْأَلَنَّهُمْ أَجْمَعِينَ (92) عَمَّا كَانُوا يَعْمَلُونَ (93) . في سورة الحجر ربنا بيتكلم على المقتسمين مين المقتسمين بيقولك اللي بيقسم الدين اقسام ياخد قسم ويسيب قسم او القرآن ياخد ايات ويسيب ايات وكانه بيقسمه اعضاء المقتسم اللي مش بياخد الحاجة على بعضيها وفي الاخر بيقول حيجوني وانا احاسبهم ما تقسمش الدين والقرآن ما ينفعش

ما تزنقش واحد مستبيع

وَمَا خَلَقْنَا السَّمَاوَاتِ وَالأَرْضَ وَمَا بَيْنَهُمَا إِلاَّ بِالْحَقِّ وَإِنَّ السَّاعَةَ لآتِيَةٌ فَاصْفَحِ الصَّفْحَ الْجَمِيلَ . احنا اتفقنا ان الجنة سينزع من قلوبنا الغل طيب ما بالكم اللي ما عندوش غل في الدنيا ولما بيصفح بيصفح صفح جميل من غير عتاب من غير ما يفكر الشخص اللي اخطأ انه تسبب في زعله او غضبه المفروض ان الساعة قربت خلينا نشيل الغل والزعل ونصفح صفحا جميلا

فَأَسْرِ بِأَهْلِكَ بِقِطْعٍ مِّنَ اللَّيْلِ وَاتَّبِعْ أَدْبَارَهُمْ وَلاَ يَلْتَفِتْ مِنكُمْ أَحَدٌ وَامْضُواْ حَيْثُ تُؤْمَرُونَ . سيدنا لوط كان قريب سيدنا ابراهيم واقتنع بالدعوة وان مفيش غير رب واحد مش ارباب كثيرة وكان ايام سيدنا ابراهيم بيرمزوا للنجوم في السماء والكواكب بانهم ملائكة او ارباب وبيعبدوهم وبيعملوا لهم تماثيل ترمز لهم واخذ اهله وراح يكمل دعوة سيدنا ابراهيم تخيل انه كان في قرية مفيهاش انسان سليم كلهم فسق وبطريقة غير مقبولة وشذوذ واستحلال الحرام قعد يحاول معاهم وفشل وصل لدرجة ان زوجته كانت معاهم عليه ربنا بعث له اثنان من الملائكة يبلغوه بالخلاص وان عليه انه يسيب المكان اهل قريته كانوا عايزين يمارسوا الرزيلة مع الملائكة ووصل به اليأس انه قالهم خذوا بناتي بدالهم وهو عارف انهم مش عايزين بنات ولكن دي حالة من اليأس الشديد طبعا الملائكة كانوا جايين ينقذوه منهم لان حق عليهم العقاب من قصة سيدنا لوط بالاقي العبرة لو انت انسان صالح ممكن تنقذ اهلك يعني لو كان في القرية عائلة اخرى غير سيدنا لوط كان انقذ القرية من الدمار لان من اسباب العقاب الجماعي ان مفيش ناس

يارب رطب على قلب ام مات ابنها وهو بيؤدي واجبه وارحم قلبها من الوجع هو في حضن ربنا تحت عرشه بيطلب من ربنا ينزل كمان مرة علشان يموت كمان مرة علشان يرضي ربنا اكتر لكن الام اللي ابنها راح بتحاول تمسك على قلبها علشان ما يتقصمش نصين من الوجع على فراقه يارب رطب على قلب زوجة مات زوجها وسابها في الدنيا من غير الكتف اللي تبكي عليه لما تزعل ولا القلب اللي كان شايل همها وبيطلع الصبح علشان يرجع لها ويسكن بين ضلوعها يارب رطب على قلب ابن او ابنه فقدوا ابوهم وكانوا فاكرين انه معاهم للابد وانه ظهرهم في الحياة يارب رطب على قلب اخ واخت راح صديقهم واخوهم اللي كانوا بيضحكوا معاه من قلبهم وعارفين انه هو اللي حيلاقوه ساعة ما الدنيا تلخبط معاهم الله يرحم رجالنا اللي راحوا ويصبر قلب اهلهم

في سورة الحجر ربنا سبحانه وتعالى ذكر ان ابوا ب الجحيم سبعة . من السنة انهم فوق بعض يعني اسخن واحدة اللي فوق ربنا يكفينا شرهم كلهم زي ما في الحديث منها ما ذكره القرطبي عن علي بن أبي طالب رضي الله عنه أنه قال: هل تدرون كيف أبواب جهنم؟ قلنا: مثل أبوابنا. قال: لا. هي هكذا بعضهم فوق بعض -زاد الثعلبي- ووضع إحدى يديه على الأخرى. وأن الله وضع الجنان على الأرض والنيران بعضها فوق بعض، فأسفلها جهنم وفوقها الحطمة وفوقها سقر وفوقها الجحيم وفوقها لظى وفوقها السعير وفوقها الهاوية. وكل باب أشد حراً من الذي يليه سبعين مرة.

وَنَزَعْنَا مَا فِي صُدُورِهِم مِّنْ غِلٍّ إِخْوَانًا عَلَى سُرُرٍ مُّتَقَابِلِينَ . . تلاقي كلمة نزعنا تدل على ان الغل ده مش سهل يطلع من الصدر الحياة الدنيا بنقابل فيها كتير من الناس عندهم غل كبير في قلبهم ومش بيقدروا يطلعوه انا اعتقد ان الموضوع ده محتاج شغل على النفس كتير قوي

إِنَّ الْمُتَّقِينَ فِي جَنَّاتٍ وَعُيُونٍ (45) ادْخُلُوهَا بِسَلامٍ آمِنِينَ (46) . . طول عمري كنت بافكر في كلمة التقوى على طول بتيجي معايا اني اتقي غضب الله انا باحب ربنا قوي ومش باحس اني عايزاه يغضب مني ولكن مع الوقت حسيت ان تقوى الله هو الرغبة العارمة لارضاءه يعني مش بس اخاف انه يزعل او يغضب لكن كمان ابقى عايزه اعمل كل حاجة تخليه دايما راضي عني كثرة التقوى فعلا بتعمل سلام نفسي يعني دخولهم الجنة بسلام لانهم وصلوا انهم بقوا في سلام مع الدنيا ومع نفسهم دي مكافأة لهم على انهم اتقوا الله في الدنيا

إِلاَّ عِبَادَكَ مِنْهُمُ الْمُخْلَصِينَ . ابليس بيقول انا حاغويهم الا المخلصين بفتح اللام وده معناه اللي ربنا خلصهم مش المخلصين جاية من الاخلاص لا جاية من الخلاص ربنا بيستخلص ناس مننا الرسل مثلا او الانبياء او بعض الناس الله اعلم بهم دول ما يقدرش عليهم ابليس يمكن هو حاسس بكدة علشان هو كان مميز والله اعلم هل ربنا كان مخلصه لنفسه وواضعه مع الملائنكة الله اعلم المهم انه مش حيقدر على بعض العباد طب ما نحاول نبقى منهم نحاول نقرب من ربنا بالقدر اللي يخليه يخلصنا له ويخلي ابليس ما يقدرش علينا نحاول نخلي كل حياتنا في اتجاه واحد ونيتنا فيها ويمكن نكون السبب في اننا نكون من المخلصين

قَالَ رَبِّ بِمَا أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ . الكبر عند ابليس كبير قوي بيعتبر ان طلب السجود كان مقصود بيه غواية له رغم انه ما طلبش منه ربنا طلب من الملائكة ومن هنا نلاقي سيناريو الخلق في الارض الارض اللي حتبقى فيها المنافسة بين الانسان وموافقته على حمل الامانة وهي الخلافة في الارض وما بين الشيطان اللي اعتبر اننا سبب نزوله في المنزلة وسبب انه حيدخل النار السيناريو بتاع الاختبار بس ربنا عطالنا نقط زيادة الحسنة بعشرة ايه ده يعني الجون بتاعنا بيتحسب عشرة السيئة لازم تنفذ علشان تتحاسب عليها يعني اللي يخسر في الدنيا ده الصراحة يبقى يستاهل ده واخد advance في كل حاجة

وَإِذْ قَالَ رَبُّكَ لِلْمَلائِكَةِ إِنِّي خَالِقٌ بَشَرًا مِّن صَلْصَالٍ مِّنْ حَمَإٍ مَّسْنُونٍ (28) فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُواْ لَهُ سَاجِدِينَ (29) فَسَجَدَ الْمَلائِكَةُ كُلُّهُمْ أَجْمَعُونَ (30) إِلاَّ إِبْلِيسَ أَبَى أَن يَكُونَ مَعَ السَّاجِدِينَ (31) . ربنا خلقنا من صلصال قال للملائكة اسجدوا فسجدوا كلهم الا ابليس لم يكن من الملائكة لكنه اخذ الامر معاهم هل هو منهم بالتأكيد لا لان ربنا قال كلهم سجدوا هل هو مش منهم طيب ليه الامر اعتبره له ولما ما سجدش ربنا غضب عليه الامر ده فيه كتب بتتكلم عليه وبتقول ان ابليس كان من الجن اللي عبدت ربنا بالقدر اللي ربنا وضعه مع الملائكة طيب ايه الفرق بين الملائكة والجن ان الملائكة لا تخير في امرها هي بتنفذ اوامر ربنا الجن زينا مخير يعني له القرار يقدر ينفذ او لا وفيه ناس بتقول ان ابليس قال لربنا انا زي الملائكة اي حاجة حتقولهالي حانفذها يعني انه بنفسه سلب ارادته وقال انا حاعمل بدون ما انقش وفي الاختبار بتاع ادم ناقش قال لا هل قال لا علشان مش قادر او قال لا علشان حد اقنعه او قال لا اعتراض على ام

وَالْجَانَّ خَلَقْنَاهُ مِن قَبْلُ مِن نَّارِ السَّمُومِ . . الاية دي فيها حاجتين ان الجن اتخلق قبلنا وده احنا عارفينه لان عارفين ان ابليس من الجن وانه رفض يسجد للانسان اذا هو موجود قبل الانسان والحاجة التانية انه مخلوق من نار السموم يقال انها النار اللي بلا لهب وتدخل المسام او الريح الحارة جدا او الساخنة جدا اللي بتدخل الى المسام

وَلَقَدْ خَلَقْنَا الإِنسَانَ مِن صَلْصَالٍ مِّنْ حَمَإٍ مَّسْنُونٍ . . الحمأ المسنون هو الطينة الخمرانة اللي تشمي ريحتها طبعا احنا المفروض من تراب ولكن علشان نتشكل لازم نحط على التراب ماء علشان يبقى طينة او صلصال وبعدين نسيبه يخمر ويبقى له ريحه اسنة وهو ده الحمأ المسنون في القرآن ايات كتيرة بتتكلم عن الانسان اتخلق من ايه وابليس بيقول علينا اتخلقنا من ايه وكلهم بيدوروا في نفس مجال التراب وتحوله الى انسان

وَأَرْسَلْنَا الرِّيَاحَ لَوَاقِحَ فَأَنزَلْنَا مِنَ السَّمَاء مَاء فَأَسْقَيْنَاكُمُوهُ وَمَا أَنتُمْ لَهُ بِخَازِنِينَ . . الرياح اللواقح دي معجزة اساسا لان الرياح بتنقل حبوب اللقاح من مكان لمكان ربنا بيخلط بين الزرع بان الرياح تاخد حبوب لقاح من مكان لمكان تاني او لزرع تاني اما كلمة اسقينا كموه كلمة جميلة قوي لان كلمة واحدة فيها الفعل والفاعل والمفعول به والمفعول لاجله انا لا اعتقد ان فيه لغة تقدر تحطها في كلمة واحدة نعرف منها ان ربنا احنا بيسقينا الماء اللي نزل من السماء

وَإِن مِّن شَيْءٍ إِلاَّ عِندَنَا خَزَائِنُهُ وَمَا نُنَزِّلُهُ إِلاَّ بِقَدَرٍ مَّعْلُومٍ . . لو مسكت زجاجة ماء ودلقتها في زورك اكيد حتشرق لان فيه كمية مناسبة لكل شيء في حياتنا القدر المعلوم اللي ربنا بينزل لنا بيه رزقه من خزائنه اعرف ناس اهلها قعدوا طول عمرهم بيحوشوا ومش بيصرفوا عليهم ولما مات الاب وفجأة الابن بقى معاه فلوس كتير مش عارف يصرف ازاي وفسد الابن مرة واحد تاني كان بيقول لأصحابه انا لو ربنا عطاني فلوس كتير انا حاعمل حاجات ابليس نفسه ما فكرش فيها ربنا اعطاه من اوسع ابوابه وفجأة جاء له مرض يمنعه عن اشياء معينة وهي كانت مفتاح الفساد عنده بالتالي ما عرفش يعمل اللي كان نفسه يعمله الراجل ده انتهى معاه فلوس لا تعد ولكن قاعد قدام باب جامع طول الوقت يدعي ربنا ويستغفره احنا نتمنى من الله انه لما يعطينا من خزائنه بالقدر اللي ما يبوظش علينا لا دنيتنا ولا اخرتنا

بيقولك لو انت مش شاطر في شغلك على الاقل اهتم بشكلك وخليك رياضي او لك اهتمامات تحسن من شخصيتك يعني ما تخليش الموضوع قلب وقالب # تنمية_بشرية

وَالأَرْضَ مَدَدْنَاهَا وَأَلْقَيْنَا فِيهَا رَوَاسِيَ وَأَنبَتْنَا فِيهَا مِن كُلِّ شَيْءٍ مَّوْزُونٍ . في سورة الحجر ربنا اتكلم عن الرزق في عدة ايات ومن غير الرزق اللي ربنا بيبعته لا نعيش ولا نقدر نكون مثلا الجبال هنا ربنا سماهم الرواسي هم اللي ماسكين الارض اللي بنمشي عليها ومخلينها راسية وفيها ربنا بيتكلم عن الوزن كل شيء موزون ما هو يا اما بالحجم يا اما بالوزن وربنا كل شيء عنده بقدر معلوم سواء بالوزن او بالحجم ربنا انت القادر وانت بيدك كل شيء انبت لنا الارض ووزنها لنا

نحن بين جسد من طين وروح نفخها الله من روحه فايهما تريد ان تنتمي وايهما تساند بالتأكيد من تغذيه اكثر فمن يغذي روحه يقويها على جسده ومن يغذي الجسد فقط يقويه على السمو في الروح ابحث عمن يغذي روحك فتستعيد سيطرتها على جسدك ولا تنسى ان تحافظ على جسدك ولكن لا تعطيه ما يجعله اكثر سيطرة من روحك

وَلَقَدْ عَلِمْنَا الْمُسْتَقْدِمِينَ مِنكُمْ وَلَقَدْ عَلِمْنَا الْمُسْتَأْخِرِينَ . . اية تضم كتير فالانسان حين يقدم على شيء بحب تجده يسرع اليه والمستقدمين قالت فيهم التفاسير الكثير ما بين من مات ومن لم يمت وقيل من جاء متقدما في القتال او متاخرا وغيرها كثير وهو ينطبق على المكان والزمان يعني ممكن اكون في الامام في المكان او اكون السابق في الزمان والمهم انه يكون قبل شيئا او شخصا اخر ولكن في الاية تجد ان الله فصلهم في ان هناك مستقدمين وهناك مستأخرين تجد بعض الناس لا يبدأ الشيء فهو يهاب ان يفشل ويتأخر من يعلم ان الله حق فلا يتأخر في طاعته ويتقدم في كل ما يطلبه واستقدم ايضا يعني طلب ان شيء يأتيه او يقدم اليه واحنا كلنا بنحب نستقدم الخير ونستأخر الشر على الرغم من اننا مش عارفين الخير فين والشر فين وانهي منهم الاحسن لنا ربنا عالم كل ده وعارف اللي بيحري بسرعة يرضيه ويبقى قدام الناس كلها وعارف اللي بيتأخر وعايز كل الناس تجرب وهو ييحي في الاخر وانا اتمنى من الله دايما ان اكون من السابقون في طاعة الله

لا فرق بين صوت المهرجانات التي تصدر من سواق توكتوك وبين ديسباثيتو وهي تصدر من سيارة بي ام دبليو ولا فرق بين DJ في حفلة يعرض فيها موسيقى مهرجانات يتراقص فيها شباب بالسيوف واخرى يعرض فيها احدث فرق العالم كلاهما ليس لديه الرقي الكافي لان يحتفظ بموسيقاه لنفسه او انه لا يزعج الاخرين اتمنى من الله ان تصمت اصوات الDJ الذي يتحفنا كل عدة ايام بموسيقى تدخل بلا استئذان الى كل حجرات المنزل بموسيقى صاخبه لا اتميز فيها اذا ما كانت موسيقى راقية او موسيقى نارية تتلفظ بافظع الالفاظ

  بسم الله الرحمن الرحيم وَلَقَدْ جَعَلْنَا فِي السَّمَاء بُرُوجًا وَزَيَّنَّاهَا لِلنَّاظِرِينَ (16) سورة الحجر. . الصورة دي بيسموها pillars of creation صورة اتاخدت من التليسكوب هابل وممكن تقروا هنا عنهم https://en.wikipedia.org/ wiki/Pillars_of_Creation سبحان الله

واضح جدا ان مأساة الروهينجا هي تطهير عرقي داخل بلد وادخال اللاجئين الى بلد اخرى تدين بدينهم مثل الباكستان

https://www.youtube.com/watch?v=bI9jKZBDfYg&t=449s

https://www.youtube.com/watch?v=synWzKQLWjM

https://www.youtube.com/watch?v=XFA9c3Gwjfg

https://www.youtube.com/watch?v=eXk7yCAoAPU

https://www.youtube.com/watch?v=JWv1-Ckpy8k&t=51s

نحن بلد الزعيم الواحد وان تعددت الزعماء والرؤية الواحدة وان تعددت الرؤى نحن نسلم انفسنا بانفسنا لمن يقود ركك الطالعة الاولانية

مش كل الناس بتشتغل خوفا من العقاب او طمعا في المرتب فيه ناس بتشتغل رغبة في اثبات الذات والتميز دول اللي بيطفشوا بسرعة لان كتير من الادارات بتعتبر انك حتشتغل علشان محتاج المرتب او حتشتغل علشان خايف من الخصم او الرفد لازم تعرف اللي قدامك بيخدمك ليه علشان تعرف تتعامل معاه بانهي عملة عملة الخوف والا الطمع والا تحقق له طموحه في عمله وتحسسه باهميته

ما تطلبش من ربنا حاجة انت مش قدها الفلوس لو جاءت لك وانت مش حتصرفها فيما يرضي الله وتعطي الله حقها وتنقذ بها نفسك وغيرك يبقى مجيئها نقمة الصحة لو جاءت لك واستخدمتها في ما يغضب الله او شعرت بقوتك واستعنت بها على خلق الله فهي نقمة المنصب والجاه اذا لم يكن في ارضاء الله فهو نقمة اطلب من ربنا ما يضعكش في اختبار انت مش قده احنا ما نعرفش ساعة الراحة بتحسب علينا ايه احنا نطلب من ربنا يورينا الطريق ويخلينا نمشي فيه صح

لِيَجْزِي اللَّهُ كُلَّ نَفْسٍ مَّا كَسَبَتْ إِنَّ اللَّهَ سَرِيعُ الْحِسَابِ سرعة الحساب مش بالزمن بتاعنا خلي بالك ان يوم ربنا مختلف الساعة جاءت اشراطها يعني يوم القيامة على الاعتاب ربنا يقينا شرها نحن واهلنا واصدقاءنا واحبائنا وكل من في قلبه ذرة من الخير وحب الله

اصعب حاجة في الدنيا ان الموت ما يكونش راحة اي كان الموقف اللي بتبقى فيه بتشعر ان الموت هو في النهاية المطلوب ساعات الحياة بتضيق لدرجة ان الموت بيكون افضل الحلول تخيلوا بقى لما يبقى حتى الموت مش موجود اهو ده من ضمن العقاب اللي ربنا عمله في الاخرة بيتعذب وحتى الموت مش موجود

صباح الخير النهاردة قاعدة بافكر في السيدة هاجر واسماعيل لما جوزها قالها انا حاسيبك هنا هي مصدقة انه نبي واكيد ربنا مش حيسيبها لكن ابنها بيعيط وعطشان وجعان هي في ازمة كبيرة لدرجة انها عمالة تلف وتروح من اليمين للشمال علشان يمكن تلاقي حاجة او حد فين في وسط الصحراء احنا ساعات بنبقى كدة بنجري يمين وشمال وفاكرين الدنيا قفلت الصراحة هي دي اللحظة اللي لازم نقف شوية نرفع راسنا لفوق نستنى شوية الفرق بقى في اليقين لو عندك يقين كافي حتعرف ان الجاي ده من عند الله سواء عين انفجرت عند اسماعيل او ملايين البشر تعتبرك الملهم وتسير على نفس طريقك تدعي ربنا سيدنا ابراهيم لما ساب اسرته قال لله : بسم الله الرحمن الرحيم رَّبَّنَا إِنِّي أَسْكَنتُ مِن ذُرِّيَّتِي بِوَادٍ غَيْرِ ذِي زَرْعٍ عِندَ بَيْتِكَ الْمُحَرَّمِ رَبَّنَا لِيُقِيمُواْ الصَّلاةَ فَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَارْزُقْهُم مِّنَ الثَّمَرَاتِ لَعَلَّهُمْ يَشْكُرُونَ . دعاءه ان افئدة من الناس تهوي اليهم وبالفعل الناس كلها نفسها تعتمر وتحج اذا زمزم ما انفجرتش يبقى يكفيك انك تلهم الاخرين

مصلحة الوطن قبل مصلحتك انت مش عارف ليه انت مش عارف ان وطنك لو علي حتعلى معاه مش عارف ان لو عملتك عليت حتلاقي الحاجة ارخص للاسف في العمارة الناس مش بتدفع في المنافع العامة مش بتساهم في الترميم كله فاكر انه وفر وبيفاجأ ان الشقة ثمنها رخص وان العمارة ممكن تتهد المصلحة العامة هي المصلحة الشخصية بس للي بيفكر في بكرة المصلحة الشخصية اللي تضر المصلحة العامة مسيرها تنتهي احنا لازم نعرف الناس ان الضرر بالمصلحة العامة بتتحاسب عليه عند ربنا برضه انت عارف انك لما بتكسر اشارة بتعمل سيئة والا لأ للأسف لأ انت عارف ان القوانين الوضعية التي لا تتعارض مع الشرع انت ملزم بانك تلتزم بيها وعدم العمل بها سيئة الله ازاي هو مش ربنا طلب مننا طاعة اولي الامر الطاعة في ايه في القوانين الوضعية اللي بتنظم حركة الحياة وتمنع الضرر يعني الاشارة دي لو مش ملتزمين بيها بتعمل حادثة يبقى لو كسرت وعملت حادثة مش بتتحاسب قتل خطأ يا باشا عند ربنا حيقولك انا قلتلك وبصراحة تسمع كلام اولي الامر هم حطولك اشارة انت ما سمعتش كلامهم ليه وقيس على كدة انك تعلي عمارة وتسد الشمس عن الناس والاطفال تمرض وقيس على ك

فيه ناس الشيطان يدخلها بمدخل انت مش عاملها صح فاستنى لما تعملها صح وبالتالي يترك العمل كله انتظارا لان يصل بما يفعله للكمال المفروض اني احاول مش استنى بمعنى انتظارك للكمال يوقف تحركك للامام ما لا يدرك كله لا يترك كله اللي تقدر تعمله طالما في الاتجاه الصح اعمله ما يهمكش انه مش كامل ومش صحيح 100 في المائة يا سيدي لو 10 في المائة في الاتجاة الصح افضل من صفر ويمكن كمان كام شهر تعلى 15 في المية والمفروض كمان لما تلاقي واحد بيعمل 20 في المائة من حاجة ما تتريقش عليه علشان انت وصلت 50 في المائة لانه ممكن يكون بيحاول اضعاف ما بتحاوله وان المقاومة اللي بيلاقيها اضعافك # امشي_في_الطريق_ما_تستناش_الكمال

ربنا سبحانه وتعالى عنده 99 اسم ولما نفخ فينا من روحه نفخ فينا من كل اسم لو ربنا عايز كان خلى له اسم واحد العادل مثلا مين يكره العدل لكن الرحمة ساعات بتسبق العدل او المقسط ومين يكره القسط ولكن ساعات بيحتاج الرأفة المفروض اننا نستدعي اسماء الله فينا ونخليها معانا في حياتنا وما نتمسكش باسم واحد ونتجنب الاسماء الثانية الله جل جلاله هو الاسم اللي بيجمع الاسماء كلها الجمال والجلال وعشان كدة بسم الله تجمع كله لكن ربنا حط البسملة فيها الرحمن الرحيم لان ربنا يفضل ان نعيش بالرحمة ونصل الرحم صباح الرحمة

انصح الشباب في اي انتخابات اي واحد كبير في السن نازل ينتخب روح جايب انت ثلاثة قدك وروحوا انتخبوا ما تسيبوش البلد لينا نحدد اللي احنا عايزينه احنا انسحبنا من السياسة لاننا كنا في حالة حرب مع الصهاينة وكانت البلد واقعة انتم بقى ما تسيبوهاش لينا نحدد لكم مستقبلكم خلي البلد في بالك وخلي صوتك يتخاف منه

مرة واحد رجع من انجلترا بعد سنوات من الجهاد والكفاح والدراسة ورجع شغله اللي في الشغل طبعا غايرانين الله ده جاي حيتنطط ويعمل خواجه بدأوا يحاربوه واللي يشتغل معاه يرجع يقول ده بياخد مجهودي وانا اللي باشتغل راح قاعد معاهم وقال لهم تعالوا نتفق احنا حنحارب بعض وكل واحد يطلع عيوب زميله المكان حياخد سمعه اننا كلنا وحشين ما هو حيسمعلك ويسمعلي وفي الاخر مش حيقول فينا حد كويس احنا نتفق اننا ما نغلطش في بعض ونتعامل على الاقل قدام الناس اننا حبايب ومع بعض نموت بعض مش مشكلة لاننا زمايل وممكن يكون فيه خلافات وممكن يكون فيه توافق واللي صاحبك النهاردة يضربك بكرة ممكن لكن قدام الناس بلاش نصغر نفسنا الناس حتكره المكان باللي فيه لما عملوا كدة المكان اتحسن والاداء اتحسن ومعادش حد بيضرب في حد بره مهما عملوا في بعض جوه ده بقى ينطبق علينا كعرب احنا عرب اخوات يعني فينا واحد خرج واتصرف تصرفات هوجاء نحاول باقصى ما نستطيع اننا ندخله جوه السرب مفيش داعي نحارب بعض في المحافل الدولية حنصغر قدام الكل واحد في بلجيكا او امريكا او تايوان لا يعرف الفرق بين قطر ولا عمان هو عنده دول عرب مش بعيد يعتبر ا

نقعد اكتر من 1400 سنة في امان وسلام وييجي المسيحي والاجنبي ويعيش في مصر وهو آمن على نفسه وفجأة يتحول الاسلام الى ارهاب والناس تصدق ان الاسلام هو الارهاب يقعد الرسول في المدينة ومعاه المسيحي واليهودي والكافر والمشرك ويعيشوا في امان وفجأة يتحول الاسلام الى دين الارهاب والناس تصدق يقعد الازهر الف سنة بيدرس الدين والناس اللي بيتخرجوا منه ينشروا الاسلام والسماحة في العالم كله وفجأة يتحول المسلم الى ارهابي والناس تصدق ايوة العالم كله بيحارب بعضه ومفيش بلد في الدنيا ما حصلش فيها حروب ولكن مصر ربنا عافاها وما وقفناش بالسلاح قصاد بعض والكام سنة اللي فاتت من الثمانينات تبدأ حاجات تظهر فيها دم وعنف ويتبناها ناس لهم فكر متطرف وفي الاخر يعتبروا ان الاسلام هو الارهاب الناس اللي بيحولوا دينهم الى ارهاب هم الارهاب مش الدين الاسلام طول عمره بيحتوي داخله كل الاديان لا نؤمن دون ان نؤمن بكل الانبياء اللي قتل القسيس لازم يعدم ويقتل الفكر اللي متبنيه لازم يتحط على الملأ ويتناقش الفكر يناقش بالفكر مش بالحلول الامنية اللي بتلم الحابل بالنابل وتعتبر ان اي صوت حيبوظ الدنيا لازم الاعلام يعمل منا

حاحكيلكم موقف لطيف عائلة والدتي تتميز بالطول وفيه برضه جينات طول في عائلة والدي ولكني اقصر واحدة في اسرتي كانت بالنسبة لي دي نقطة اسخر فيها من نفسي وكنت دائما ما اقول القصير مكير واحيانا القصر قيمة ودي عادتي اني اسخر من عيوبي قبل ان يسخر منها الآخرون وفي يوم كنت في الكلية ومعايا مجموعة من البنات في دفعتي وبتكلم وفي النصف جاء موضوع جعلني اشير الى ان القصر قيمة وان القصير مكير وفوجئت برد فعل احدى الفتيات بصت لي وقالتلي علشان ما انتي طويلة بتتريقي على القصيرين نظرت ووجدتني اطول واحدة في البنات اوووو هي جت فيكم انا اقصد نفسي العبرة من القصة دي انك لما تحط نفسك في قالب بتصدقه ما تفتكرش ان اللي ينطبق عليك في حاجة ينطبق عليك دايما اطلع برة ثوابتك وانظر حتلاقي كل حاجة بتتغير # القصر_حيفضل_قيمة_بالعند_في_الطوال # اسخر_من_نفسك_قبل_الاخرين # صفاتك_تميزك_ولا_تعيبك # تحيا_جمهورية_القصيرين # انا_قصيرة_حتى_لو_اطول_منك

سورة ابراهيم أَلَمْ تَرَ كَيْفَ ضَرَبَ اللَّهُ مَثَلاً كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء (24) تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ (25) . الحتة دي من السورة جميلة جمال فوق الوصف بيصور الكلمة شجرة اوباااا كلمة قلتها اتزرعت على طول اتزرعت في الدنيا شوف قد ايه اهمية الكلمة وطبعا اتزرعت شجرة يعني فروع وورق وثمار كلمة طيبة قلتها لحد الله ينور لصنايعي بيدهنلك الحيطة ايه الجمال ده لواحدة صاحبتك ايه الحلاوة دي لجوزك وهو راجع من الشغل جايب بطيخة هاهاها او نصيحة لحد محتاجها او مواساة لحد في مصيبة المهم الن الكلمة دي اتزرعت شجرة اصلها ثابت لانها جدرت في الارض وثبتت وفرعها في السماء كل ما تأثيرها يزيد كل ما تطلع في السماء يعني اللي قلتيله الله ينور او تسلم ايدك ده فرح ورجع البيت يقول لمراته انا النهاردة الناس كانت مبسوطة مني وده خلاه تاني يوم عند ناس تانية يعمل احسن علشان يسمع كلمة ا حسن تؤتي اكلها كل حين يعني تأثيرها بيطلع كل شوية لما ربنا ي

وَقَالَ الشَّيْطَانُ لَمَّا قُضِيَ الأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ . لعبة الشيطان يقولك اعمل الغلط وبعدين وقت الجد يقول هو انا كنت ضربته على ايده يارب انت اعطيته الفرصة ان يقول لا ولكنه ضعيف انا اقوى منه ولهذا لم اسجد له حجته قدام ربنا انه لم يجبرنا على فعل الخطأ انما الانسان بيمشي وراء وساوسه ويغلب عليه الضعف امام رغبات جسده ونفسه وفي النهاية بيخذله الشيطان قدام ربنا ويقول له ما كان لي عليك سلطان انا مكنتش بالزمك انت اللي مشيت وراء كلامي وعايزة اقولكم وسوسة الشيطان دائما تتغير من طريقة لطريقة يعني اعمل كذا ما نفعش اعمل غيرها ما نفعش طب جرب الضعف النفسي بيكون وراء حاجة واحدة ويفضل وراها وراها عايزها عايزها لما تلاقي ان شكل المعصية عمال يتغير تعرف ا

وَبَرَزُواْ لِلَّهِ جَمِيعًا فَقَالَ الضُّعَفَاء لِلَّذِينَ اسْتَكْبَرُواْ إِنَّا كُنَّا لَكُمْ تَبَعًا فَهَلْ أَنتُم مُّغْنُونَ عَنَّا مِنْ عَذَابِ اللَّهِ مِن شَيْءٍ قَالُواْ لَوْ هَدَانَا اللَّهُ لَهَدَيْنَاكُمْ سَوَاء عَلَيْنَا أَجَزِعْنَا أَمْ صَبَرْنَا مَا لَنَا مِن مَّحِيصٍ . . دايما في الدنيا فيه ضعفاء وفيه مستضعفين وفيه المستكبرين اللي بيستضعفوا الضعفاء دايما الضعيف عايز ينتمي للكبير علشان يلاقيله سند وغالبا ما بيحسش ان ربنا سنده وده من اسباب ان المستكبرين بياخدوهم تحت جناحهم ويستفيدوا من ضعفهم الضعيف يقلد المستكبر وهو بيستكبر بيه يعني يشعر بانه كبير بكم الناس الضعيفة اللي حواليه بتعطيه هذا الشعور وبالاقي في القرآن مواقف كتيرة ربنا بيحطهم سوا وبيشعر الضعيف انه اتضحك عليه انت رايح لغير ربنا يحميك طب تعالى يوم القيامة ولما ربنا يحاسبك هم فين اللي بيحموك بخ في سورة ابراهيم قالولهم ما احنا زيكم وانتم قلدتم ناس على ضلال وخلاص مفيش مخرج الناس اللي بتقلد الكبير علشان كبير وبتفسد لما يفسد دي شفتها ايام حسني مبارك ناس كانت تتمنى تقترب منه وتبقى من العائلة الكريمة

الحرب تنتهي بهزيمة وانتصار ولكن الصراع ينتهي بهزيمتين وشعب مكسور وجيل من الاطفال المعاقين نفسيا بالاضافة الى خسارة الاموال والانفس والثمرات

Ihab Imam نقدم لك فى هذه المقالة فكرة جديدة زراعية لبدء العمل والانتاج او الاستثمار فى زراعة نبات الاستيفيا , وسنقدم فى هذة الموضوع شرح كافى ووافى عن كل ما تحتاج الى معرف ته و دراسة جدوى زراعة الاستيفيا لمساعدتك فى اتخاذ القرار المناسب , ويكفيك قولا ان الفدان الواحد من نبات الاستفيا ينتج حوالى 1-3 طن اوراق جافة , ويصل سعر الكيلو الواحد الى 10 دولار , اى ينتج الفدان ما قيمته 10 الاف الى 30 الف دولار فى العام الواحد . ورقة العسل نبات الاستيفيا ‏Stevia rebaudiana نبات الاستيفيا أو ورقة العسل من النباتات الساحرة,وهى أحد كنوز العالم الجديد, فموطنه الأصلي امريكا الجنوبية, وهو من النباتات العشبية المعمرة, وتوجد فى اوراقه مادة الاستيفيوزايدز وهى المسئولة عن الطعم الحلو. �لماذا نبات الاستيفيا؟ �1. له قوة تحلية فائقة تصل لاكثر من 300 ضعف تحلية السكر العادي المستخدم في الطعام.�2. لا يحتوي على اى سعرات حرارية فى اوراقه, وبالتالي تعتبر مثالية لتحلية الأطعمة المستخدمة من قبل مرضى السكر, كما تستخدم فى انظمة الريجيم والرشاقة. �نبذة تاريخية: �تعتبرامريكا الجنوبية خاصة ” دو

مَّثَلُ الَّذِينَ كَفَرُواْ بِرَبِّهِمْ أَعْمَالُهُمْ كَرَمَادٍ اشْتَدَّتْ بِهِ الرِّيحُ فِي يَوْمٍ عَاصِفٍ لاَّ يَقْدِرُونَ مِمَّا كَسَبُواْ عَلَى شَيْءٍ ذَلِكَ هُوَ الضَّلالُ الْبَعِيدُ . الكفر بالرب غير الكفر بالنعمة يعني الانسان لو حاسس ان مفيش ربنا يبقى بيعمل الخير ليه الصراحة لولا اننا الفطرة بتاعتنا عارفة ان فيه اله واننا بندور عليه كان الاسهل الفتونة وكان الضعيف يرمي نفسه من اعلى جبل الصورة هنا بيوري اعمال اللي كافر بربنا كانه كل اللي بيعمله رماد في يوم هواء شديد ولا حيقدر يلمهم خلاص اللي كسبوه وعملوه طار

يَتَجَرَّعُهُ وَلاَ يَكَادُ يُسِيغُهُ وَيَأْتِيهِ الْمَوْتُ مِن كُلِّ مَكَانٍ وَمَا هُوَ بِمَيِّتٍ وَمِن وَرَائِهِ عَذَابٌ غَلِيظٌ , الماء الصديد لما يتحط قدام الشخص اكيد حيبقى مش قادر حتى يبصله يعني كلمة يتجرعه دي لوحدها معبرة جدا صورة للآخرة مميتة واحد قاعد في مكان كله نار وبيتعذب والمياه صديد لا يقدر يشربه وعمال زي ما يكون بيرجعه والموت حواليه من كل مكان ولا هو ميت ولا هو عارف يعيش وكمان في الاخر ورائه عذاب غليظ لا حول ولا قوة الا بالله ربنا يكفينا الشر ويحرّم علينا النار ويحّرم علينا جهنم

وَفِي الأَرْضِ قِطَعٌ مُّتَجَاوِرَاتٌ وَجَنَّاتٌ مِّنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَى بِمَاء وَاحِدٍ وَنُفَضِّلُ بَعْضَهَا عَلَى بَعْضٍ فِي الأُكُلِ إِنَّ فِي ذَلِكَ لَآيَاتٍ لِّقَوْمٍ يَعْقِلُونَ . . من المعجزات اللي مكتوبة في سورة الرعد ازاي المياه نفسها والزرع مختلف

وَإِن تَعْجَبْ فَعَجَبٌ قَوْلُهُمْ أَئِذَا كُنَّا تُرَابًا أَئِنَّا لَفِي خَلْقٍ جَدِيدٍ أُوْلَئِكَ الَّذِينَ كَفَرُواْ بِرَبِّهِمْ وَأُولَئِكَ الأَغْلالُ فِي أَعْنَاقِهِمْ وَأُولَئِكَ أَصْحَابُ النَّارِ هُمْ فِيهَا خَالِدُونَ . . معجزة اعادة الخلق وان الكفر باعادة الخلق ويوم القيامة فيه عذاب كبير

اللَّهُ يَعْلَمُ مَا تَحْمِلُ كُلُّ أُنثَى وَمَا تَغِيضُ الأَرْحَامُ وَمَا تَزْدَادُ وَكُلُّ شَيْءٍ عِندَهُ بِمِقْدَارٍ . . ايه كمان والاية الاكبر هي المقدار كل شيء عنده بمقدار ياااه انتم عارفين اللي كنت باقوله لو عايز تنقل حاجة من مكان لمكان تحتاج قد ايه مثلا للنقل تحديد المقدار المناسب ده علم كبير يعني نسبة الستات للرجالة نسبة الاكسجين في الهواء نسبة الاكسجين في الدم مقدار كل شيء عنده يااااه الله اكبر

يامرايتي يا مرايتي مين اجمل واحدة في الدنيا دي اللي قالته الملكة ولما المراية قالتلها سنو وايت و بياض الثلج قررت قتلها فيه ناس مش بتشوف نفسها في المراية لكن بتشوف المراية تقول لها ايه فيه كتير من الناس بتستنى تشوف الناس تقول لها ايه عن نفسها وتعتمد على الكلام ده في انها تشوف نفسها اعرف بنت صغيرة المدرسة كانت بتتكلم عن التميز في الشكل واشارت الى حجم انف الفتاة انها تتميز بانف كبيرة والله اعلم ان انفها جميل ومتناسق مع وجهها وان تلك الفتاة كانت جميلة ولكن هذا الوصف حول في حي اة الطفلة وافقدها الكثير من الثقة في النفس . ياريت نشوف نفسنا في المراية زي ما ربنا خلقنا نشوف انسان جميل سجد له الملائكة وغضب الله على ابليس لانه لم يسجد له نشوف خلق الله الجميل اللي مهما شعرنا ان فيه عيوب لكنها مش عيوب ده تميز نشوف قلبنا قبل وجهنا مفيش داعي تعتمد على رؤية الناس لك علشان تعرف انت مين لازم تعتمد على رؤيتك ولو شفت حاجة مش عاجباك حليها باخلاقك وعطفك وحنيتك صباحكم زي الفل والياسمين

كل شعرة بيضاء على رأس بشر تتويج لخبرة مرت به وحياة ذاقها بحلوها ومرها الحياة لو لم يكن بها المر لما استطعمت حلوها مرحبا بالشيب ده مش انا طبعا دي حتة كده على الصبح للناس العواجيز اللي مش زيي

لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ . . المعقبات اللي هي الملايكة اللي بتتعاقب علينا كل واحد بنوباتشيته ما بين النهار والليل وما بين بيحافظوا علينا وكلمة من امر الله الشيخ شعرواي بيقول بسبب امر الله مش بيحفظوه من اللي ربنا امر بيه علشان دي ممكن تعمل لخب طة للي مش عارف لغة عربية كويس حتة ان الله لا يغير ما بقوم حتى يغيروا ما بانفسهم دي بقى جامدة بشكل غير عادي دي من اقوى الايات واكثرها استخداما في حياتنا وبيكملها سورة العصر اولا ربنا سبحانه وتعالى قال بقوم مش بفرد او بمؤمن يعني التغيير للقوم يعني مصر مش حتتغير الا لما المصريين يقرروا يغيروها طيب تتغير من ايه اكيد ان القوم او الناس او المجتمع او المصريين بيعملوا حاجات بتتسبب ان الوضع مش كويس يعني مثلا سمعتنا برة اننا بنشتغل بالفهلوة واننا متسيبين او ايا كانت السمعة فهي بسبب عمل ولكن ليس فردي عمل

هُوَ الَّذِي يُرِيكُمُ الْبَرْقَ خَوْفًا وَطَمَعًا وَيُنْشِئُ السَّحَابَ الثِّقَالَ . الاية التالية البرق بس هنا حط الخوف مع الطمع باحس ان ربنا بيكلمنا على الحاجات اللي بتجيلنا فجأة والواحد ما بيبقاش عارف حتيجي تاخده والا تجيبله الخير واية انشاء السحاب كمان لما يقول الثقال واحنا في الطيارة بنشوفها زي الضباب من فين ثقال يعني محملة المطر معاها سبحان الله

وَيُسَبِّحُ الرَّعْدُ بِحَمْدِهِ وَالْمَلائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَن يَشَاء وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ . من آياته الرعد وتسبيحه ده لوحده اية وهنا بدل البرق موجودة الصواعق بيتكلم عمن تصيب يعني الخوف في الاية اللي فاتت من الصواعق والطمع في المطر ربنا يارب يصيبنا بالخير ويمنع عنا الشر كله

أَنزَلَ مِنَ السَّمَاء مَاء فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَّابِيًا وَمِمَّا يُوقِدُونَ عَلَيْهِ فِي النَّارِ ابْتِغَاء حِلْيَةٍ أَوْ مَتَاعٍ زَبَدٌ مِّثْلُهُ كَذَلِكَ يَضْرِبُ اللَّهُ الْحَقَّ وَالْبَاطِلَ فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللَّهُ الأَمْثَالَ . هنا بقى الاية في الزبد اللي على الوش يعني شوية الرغاوي اللي بتاخد القذارة وتبعدها عن الاصل يعني لما بيعملوا الذهب بيغلوه يطلع على وشه الخبث اللي هو شوية الرواسب اللي مالهاش لازمة ربنا بيورينا انه بينزل المياه وتروح في الاودية وبرضه بقدرها يعني القدر اللي ربنا عايزه لما تشوفوا كمية المطر اللي بتنزل على الارض واللي بتتجمع واللي بترجع المحيطات والبحار تلاقي ميزان كبير بيخلي كل حاجة نازلة بحساب ولا البحار خلصت ولا الناس غرقت كله بقدر المهم ان ربنا لما بينزل المياه على الارض بيبقى على وشها الزبد زي الزبد اللي بيبقى على وش الذهب لما تصيغه او الحديد في المصانع هنا بقى ربنا بيقول لنا الحق والباطل ان الحق بيفضل

تعظيم سلام لمحمد بك صلاح باشا قائد القوات الكرة قدمية سيادة العقيد عميد لواء اركان حرب الاجوان تم ترا لا لم تم تم

لَهُ دَعْوَةُ الْحَقِّ وَالَّذِينَ يَدْعُونَ مِن دُونِهِ لاَ يَسْتَجِيبُونَ لَهُم بِشَيْءٍ إِلاَّ كَبَاسِطِ كَفَّيْهِ إِلَى الْمَاء لِيَبْلُغَ فَاهُ وَمَا هُوَ بِبَالِغِهِ وَمَا دُعَاء الْكَافِرِينَ إِلاَّ فِي ضَلالٍ . ما تدعيش الا لربنا غيره ما ينفعش ما ينفعش تشرب مياه من ايدك وهي مفتوحة مش حتشيل المياه

وَالَّذِينَ يَصِلُونَ مَا أَمَرَ اللَّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ . . من اعظم ما وصانا به ربنا والرسول هو صلة الرحم الرحم هو ما نشأنا فيه ومنه اشتق اسم الرحمن الرحم اعظم حاجة في الوجود تبدأ فيه الحياة ونتشارك فيه مع اخواتنا الذين ينشئون رحمهم مع اسرهم ونحن نشأنا من رحم الام التي نشأت في رحم امها تخيلوا لو وصلنا كل الارحام يبقى اكيد اللي له جذور تركية مثلا كان زمانه عارفهم او جذور ايرانية او انجليزية صلة الارحام امر وتكون في العادة لمن قطعك وفي ده بنقع في الغلط معظم الناس مش بتصل من قطع بالعكس بتتواصل مع من اوجد الصلة اللهم اجعنا ممن يصلون الارحام ولا يقطعونها ابدا

اللَّهُ يَبْسُطُ الرِّزْقَ لِمَنْ يَشَاء وَيَقْدِرُ وَفَرِحُواْ بِالْحَيَاةِ الدُّنْيَا وَمَا الْحَيَاةُ الدُّنْيَا فِي الآخِرَةِ إِلاَّ مَتَاعٌ . . الحياة الدنيا عبارة عن شنطة هدومك وانت رايح تتحاسب في الاخرة يا عالم حتملاها ايه حاجة تسترك والا تفضحك

وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الأَرْضُ أَوْ كُلِّمَ بِهِ الْمَوْتَى بَل لِّلَّهِ الأَمْرُ جَمِيعًا أَفَلَمْ يَيْأَسِ الَّذِينَ آمَنُواْ أَن لَّوْ يَشَاء اللَّهُ لَهَدَى النَّاسَ جَمِيعًا وَلاَ يَزَالُ الَّذِينَ كَفَرُواْ تُصِيبُهُم بِمَا صَنَعُواْ قَارِعَةٌ أَوْ تَحُلُّ قَرِيبًا مِّن دَارِهِمْ حَتَّى يَأْتِيَ وَعْدُ اللَّهِ إِنَّ اللَّهَ لاَ يُخْلِفُ الْمِيعَادَ . . الاية دي حيرتني كتير وقريت تفسيرها لان حسيت ان فيه تساؤل ومش عارفة اجابته ولكن لله الامر جميعا هو الاجابة لكل حاجة وحسب التفسيرات ان بعض الناس قالوا للرسول هات لنا معجزات زي سيدنا سليمان او سيدنا موسى او سيدنا عيسى ولكن الرسول جاب لهم قرآن وفيه ناس بتقول ان كلمة قرآن تمشي على كل الكتب السماوية من انجيل وتوراة المهم انا في الاية دي حسيت ان ربنا بيقول ما عادش معجزات ولكن قرآن يعني حاجة تعرفك الصح من الغلط وكلمة افلم ييأس الذين امنوا ان لو يشاء الله لهدى الناس جميعا باحس ان ربنا بيقول لنا ان العبرة مش كام واحد ربنا هداه العبرة كام واحد من المؤمنين بيعمل اللي ربنا عايزة لا

يَمْحُو اللَّهُ مَا يَشَاء وَيُثْبِتُ وَعِندَهُ أُمُّ الْكِتَابِ . . انا موضوع القدر اخذ من حياتي كتير ما بين تفكير وما بين تحليل وكنت كتير اقول ادعي ازاي وربنا قرر كل حاجة وارجع اقول لا لازم ادعي لان لا يرد القضاء الا الدعاء الله يعني القضاء في ايد ربنا بيغيره وكل ده من سن ما عرفت افهم في المراهقة لغاية دلوقتي ودايما افكر واشوف بعض الافكار ان ربنا سبحانه وتعالى مش حيخلق الكون ويسيبه لنفسه هو بيخلقه وعارف رايح فين ولازم كل حاجة اتخلقت تكون محطوطة في ناموس الكون طيب بالطبع ربنا قادر انه يغير وبالتالي كل حاجة تترتب على التغيير ترصد برضه وتتحط الاية دي بتقول ان ربنا بيشيل ويثبت اي حاجة لانه هو عنده ام الكتاب يعني الاصل اللي فيه يحدد يغير او ما يغيرش عنده وبالتالي ربنا بيحدد لما عملوا برنامج اكسل وكله خانات وكل خانة ممكن تخليها معتمدة على خانات تانية وبالتالي ممكن الخانة الاولى لو فيها قيمة والسادسة مثلا معتمدة عليها يبقى لو غيرتي في الاولى اتغيرت السادسة تلقائي ولو عندك الاف الخانات وكل واحدة منهم معادلة من التانيين يبقى التغيير في واحدة يغير الاف الخانات ساعة ما اتعل

أَوَلَمْ يَرَوْا أَنَّا نَأْتِي الأَرْضَ نَنقُصُهَا مِنْ أَطْرَافِهَا وَاللَّهُ يَحْكُمُ لاَ مُعَقِّبَ لِحُكْمِهِ وَهُوَ سَرِيعُ الْحِسَابِ . . برضه آية من آيات الله المفسرون القدماء طبعا ما بصوش عليها علمي وحاليا العلماء وبعض المفسرون الجدد قالوا فيها ان الارض بتنقص من اطرافها يعني تبقى زي البيضة وقالوا ان الشمس بتنقص في حجمها لانها بتطلع طاقة فلازم الارض تنقص في حجمها قد ما يبقى فيه توازن وانا مش حادخل لا في التحليل ولا في التفسير انا اللي عندي ان حكم الله لا معقب لحكمه طبعا ربنا لما بيحكم محدش يقول ليه وازاي محدش يتكلم ويحلل هو حكم بحاجة احنا السمع والطاعة انا شفت في عزاء واحدة استغفر الله بتكلم ربنا وتعاتبه انه اخنار اخوها دون عن الناس وبتتكلم كلام كله كفر والعياذ بالله ربنا ما ينفعش نعقب على حكمه لو حكم ونعم بالله

نبحث في حياتنا عن شخصية اسطورية نضع لها معاييرها ونسير معتمدين علها شخصية الام التي لا يجب ان تفكر في نفسها شخصية الابنة التي تترك كل شيء لتكون تحت اقدام امها شخصية الزوج المتفاني المخلص المتدين المحب شخصية الزوجة المتفانية المخلصة المتدينة المحبة الشاطرة اللي بتغزل برجل حمار شخصية الصديق الذي يترك حياته دعما لصديقه شخصية الزميل المتفاني الذي يقف معك حتى لو مخطئ وغيرها من الشخصيات الوهمية كلنا لسنا مثاليون ومن حقنا ان نخطئ ونتعلم من اخطائنا وكل من حولنا من حقهم ان يخطئوا ويتعلموا من اخطائهم من ضمن الشخصيات الوهمية الزعيم الذي يحل كل المشاكل ويتعامل مع كل القضايا بحنكة وخبرة وزراء محنكون وطنيون يعرفون كل الملفات ويتعاملون معها بكفاءة كل هذا من وحي الخيال تعاملوا مع الواقع انه واقع وان من امامي ليس منزه عن دوافع الشخصية وعلينا ان نتعامل معه بحذر لانه ليس الصورة التي وضعتها له اعتبر كل شخص امامك صورة ضبابية توضح كلما تعاملت معاه وعليك ان توضح الصورة باستفتساراتك معه عمن خفي عنك وتسأله بأدب هل قصدت هذا او ذاك ومن اجابته ستتضح اكثر واكثر الصورة حتى لا تعيش في اطار صورة انت

الحمد لله خلصت سورة الرعد وداخلة على سورة ابراهيم سيدنا ابراهيم ده مثلي الاعلى في الحياة ده حبيبي وقلبي من جوة ساعات كنت بازعل اني لازم احب سيدنا محمد اكتر منه لكن انا باحبه زي ما يكون جدي وابويا السورة ان شاء الله ابتدي فيها النهاردة ونعدي عليها وعلى اياتها الجميلة

سورة ابراهيم سورة جامدة بتهز المشاعر فيها كتير عن عقاب الكفر بالله والاخرة بصور تقشعر ويوم القيامة بشكل مخيف ربنا يكفينا شره يارب اتكلمت عن اتنين من الانبياء بس سيدنا موسى وسيدنا ابراهيم بس فيها الايات اللي بتتكلم عن الكلمة الطيبة والكلمة الخبيثة وهي من اقوى التشبيهات عن قيمة الكلمة الطيبة وآثارها ان شاء الله نعدي عليها مع بعض على فكرة انا قاصدة اتكلم عن السور كل سورة مع نفسها علشان نساعد بعض في اننا نفتكرها يعني السورة اللي بنتكلم عليها بتحس بعد كدة كانها بيت ورحت زرته وفاكر التقسيمة بتاعته والعفش اللي فيه على الله يكون فعلا ده بيحصل ونعرف السور ونستأنس بيها

الر كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ . . اول ايه فيها بتبين ان الكتاب اللي ربنا نزله يخرجنا من الظلمة للنو وبالتالي للصراط المستقيم ربنا يهون علينا القيامة ويخلينا من اللي يعدوا على الصراط بسرعة البرق انا ساعات باتخيل انه سيف مقلوب بالعكس واحنا حنعدي على الناحية الحامية وساعات احس انه شعره زي ما مامتي ما كانت بتقول لي وعلى اللي يوسعه علينا نقدر نعدي واحنا اسوياء

وَلَقَدْ أَرْسَلْنَا مُوسَى بِآيَاتِنَا أَنْ أَخْرِجْ قَوْمَكَ مِنَ الظُّلُمَاتِ إِلَى النُّورِ وَذَكِّرْهُمْ بِأَيَّامِ اللَّهِ إِنَّ فِي ذَلِكَ لَآيَاتٍ لِّكُلِّ صَبَّارٍ شَكُورٍ . قصة سيدنا موسى فيها كل الدروس فيها انك ممكن تتربى بعيد عن اهلك ولكن ممكن انت اللي تنقذهم فيها انك ممكن اللي يربيك يكون في يوم من الايام عدوك فيها انك ممكن تخطئ خطأ كبير (سيدنا موسى قتل ) لكن ده لا يعني ان حياتك حتنتهي وانت وحش بالعكس ممكن الخطيئة دي تكون طريق نجاتك فيها انك لازم تكون مصحصح للي يجرك للخطأ فيها ان مساعدتك للضعفاء (ابنتي عمران) ممكن تفتح لك باب كبير وسند عظيم فيها اكتر من كدة كتير وفي سورة ابراهيم بتقول ان ربنا ارسل موسى بآياته وكانوا كتير وكلهم ايات كبيرة مذهلة وكانت علشان يخرج بنو اسرائيل من مصر وهنا وصف الخروج انه من الظلمات الى النور بس بيطلب ربنا منه انه يذكرهم بآيام الله ايام ما كانوا مظلومين ايام ما سابوا الظلم ايام ما هم ظلموا انفسهم وربنا عاقبهم ايام ما ربنا سامحهم وعلشان كدة قال ان الايام دي ايات للي صبر على الشدائد وللي شكر على النعم فالانسان ما بين الصبر والش

وَإِذْ قَالَ مُوسَى لِقَوْمِهِ اذْكُرُواْ نِعْمَةَ اللَّهِ عَلَيْكُمْ إِذْ أَنجَاكُم مِّنْ آلِ فِرْعَوْنَ يَسُومُونَكُمْ سُوءَ الْعَذَابِ وَيُذَبِّحُونَ أَبْنَاءَكُمْ وَيَسْتَحْيُونَ نِسَاءكُمْ وَفِي ذَلِكُم بَلاء مِّن رَّبِّكُمْ عَظِيمٌ . . كان فرعون حلم ان واحد من بنو اسرائيل بيرميه من على عرشه ان حياخد ملكه وهو خاف وقرر يموت كل الصبيان ويخلي البنات لان كلمة يستحيون فيه ناس بتختلط عليها بكلمة يستحلون يستحيون يعني يسيبوهم احياء

وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ . من اسباب العذاب الكفر بالنعمة الآية دي من زمان وانا واقفة قصادها اولا ربنا بيؤكد فيها انه حيزود الانسان الشكور يعني اشكر وانا حازودك وتأكيد من رب العالمين وعلى فكرة الشكر بيكون لله بس عن طريق البشر يعني ربنا دايما يقول اشكروا لي مش اشكروني احنا بنحمد الله بس بنشكر لله يعني حد وصلك نعمة تشكره علشان الشكر بيوصل لله فعلا لو شكرنا كتير حياتنا حتتحسن لو الست شكرت جوزها على تعبه ومجهوده في انه بيوفر حياة لها ويحميها ولو الراجل شكر مراته انها بتوفر له السكن والحياة السهلة وبتتعب نفسها علشانه ولو الزميل شكر زميله في كل حاجة بيعملها معاه شوفوا الفرق في العلاقات وشوف ربنا حيزودك ازاي عايزين نكثر من ثقافة الشكر لله علشان ربنا يزودنا

وَقَالَ مُوسَى إِن تَكْفُرُواْ أَنتُمْ وَمَن فِي الأَرْضِ جَمِيعًا فَإِنَّ اللَّهَ لَغَنِيٌّ حَمِيدٌ . واضح ان فيه كلام بين موسى وبين اهله وان اللي بيعملوه يدرج تحت بند الكفر مثلا لما بنو اسرائيل كانوا في سيناء وربنا بعث لهم طيور السلوى والمن ودول من نعم الله قال طلبوا فول وبصل وعدس وغيرها من الطلبات ودايما كانوا في جدل وطلبات ولم يقوموا بشكر الله على انه انقذهم من الفرعون واهله

أَلَمْ يَأْتِكُمْ نَبَأُ الَّذِينَ مِن قَبْلِكُمْ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ لاَ يَعْلَمُهُمْ إِلاَّ اللَّهُ جَاءَتْهُمْ رُسُلُهُم بِالْبَيِّنَاتِ فَرَدُّواْ أَيْدِيَهُمْ فِي أَفْوَاهِهِمْ وَقَالُواْ إِنَّا كَفَرْنَا بِمَا أُرْسِلْتُم بِهِ وَإِنَّا لَفِي شَكٍّ مِّمَّا تَدْعُونَنَا إِلَيْهِ مُرِيبٍ . . القرآن هنا عطاني صورة اشوفها وهي ان الانبياء لما بيجوا لناس تقريبا كلهم بيعملوا نفس الحاجة بيرفضوا وبيشكوا وبيكفروا هنا بس قال انهم بيحطوا ايديهم على بقهم يا اما بيقولولهم اسكتوا او من الاندهاش والانكار او ايا كان السبب او الشكل اللي بيعملوه المهم انهم مش عايزينهم يتكلموا مش عايزينهم يقولوا انما واضح ان دي حالة عامة في كل نبي من الانبياء اللي جم يغيروا منطق وحالة هم فيها ومتعودين عليها ومستريحين فيها

دايما الانسان بيشعر ان الصح هو اللي حواليه واللي نشأ عليه وبيتشكك في نوايا الناس اللي بتطلب منه التغيير القرآن هنا دايما يقولك استخدم عقلك وابعد عن الثوابت مفيش حاجة اسمها اعمل زي ابويا او اكون زي اهلي انت لازم تفكر وقبل ما تشكك في اللي بيطلب منك التغيير فكر الاول في اللي بيقوله يعني رسول جاء قال لهم ان فيه ربنا هو اللي خلق السموات والارض وعايزكم تعبدوه وحيغفر لكم ذنوبكم وحيحاسبكم بس في الاخر بعد ما تموتوا علشان يديكم الفرصة تتوبوا ويغفر لكم الرد انتم بشر زينا بامارة ايه انتم اللي تقولونا يبقى انتم عايزين تخلونا ما نبقاش زي اهلنا التشكيك في النوايا ياريت نسمع ونعقل وبلاش نحط الانسان اللي بيقول الفكرة طرف في المعادلة نسمع ونعقل ولو الموضوع كويس اشوفه واعمله حتة بقى مين اللي قال دي خليها على جنب

لما في القرآن الاقي جملة قالها نبي ولكنها اتحطت لوحدها باحس ان ربنا بيقول دي تنفع للكل يعني الآية دي في سورة ابراهيم . وَمَا لَنَا أَلاَّ نَتَوَكَّلَ عَلَى اللَّهِ وَقَدْ هَدَانَا سُبُلَنَا وَلَنَصْبِرَنَّ عَلَى مَا آذَيْتُمُونَا وَعَلَى اللَّهِ فَلْيَتَوَكَّلِ الْمُتَوَكِّلُونَ . باحس ان ربنا بيقول لنا لو اتأذيتوا من حد قولوها وفعلا التوكل على الله هو المهم هو اللي بيهدينا الطريق ولازم نصبر على الاذى ونتوكل على الله يعني انا في عمل الخير لما رحت منطقة بعيدة وعملت معاهم شغل طلعوا ستين اشاعة عني وانا ما كنتش باعتبرها اذى ولكن لما هددوني انهم حيؤذوا الدليل اعتبرت انه اذى وبالتالي توكلت على الله وسمعت كلامه وقرآت القرآن وعملت اللي قال لي عليه والله الدنيا نورت لوحدها وهديت التوكل على الله هو اهم حاجة في الدنيا وبالذات ساعة الاذى

عايزين تعرفوا السياسة ماشية ازاي اتفرجوا على حلقات اسمها yes minister او yes prime minister حتعرفوا التصويت اللي بيتم بيبقى ازاي وان الاساس ان اللي عايز يكسب بيتكلم مع مين وازاي الحلقات دي بتتكلم على العاملين في السياسة الانجليزية ودول ملوك السياسة وان الكراسي الخلفية تأثيرها اكبر من الكراسي الامامية وان التواءمات وازاي نطلع ملف ايه امتى ومين نفس الحكاية بتنطبق على الوظائف العالمية والجهات اللي فيها مال وسلطة عمرها ما كانت بتمشي زي ما احنا بنتخيل دول في الغالب بيكونوا محضرين للمعركة الانتخابية والدخول فيها من بدري وعارفين صوت مين حييجي معانا وصوت مين علينا وخصوصا ان عدد الدول الناخبة مش كتير يعني ممكن يتم تحييد والتعامل مع الملف بحنكة تخلص الموضوع انا لا باعتبر ان مصرية اخذت المنصب يعتبر ان مصر كسبت ولا قطري اخذ المنصب يعتبر ان قطر كسبت اليونسكو منظمة كبيرة وبتمشي بالصف التاني من زمان قوي والريس الكبير بتاعها بيوصل له اللي عايزين يوصله ولكن علاقة قطر باسرائيل المباشرة الجميلة الودودة بتخلي الواحد دايما يشعر ان فيه اجندة خفية وخصوصا ان اسرائيل عايزة تهد المسجد وبالت

مِّن وَرَائِهِ جَهَنَّمُ وَيُسْقَى مِن مَّاء صَدِيدٍ . . هي دي الصور الذهنية بتاعة جهنم ربنا يكفينا شرها الاية دي لما اقراها الصراحة باشوف قدامي كوباية مياه لونها اصفر ريحتها وحشة الصراحة من الصور اللي بتخوفني من جهنم اكتر من النار النار والصريخ والالم ده عقاب جسدي يمس الجلد والاحساس لكن الماء الصديد ده عذاب نفسي تخيلوا هو ده المياه اللي بنشربها اعوذ بالله من غضب الله ربنا يقينا شر انفسنا ويقربنا منه ويحرم علينا جهنم يارب

لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ . . المعقبات اللي هي الملايكة اللي بتتعاقب علينا كل واحد بنوباتشيته ما بين النهار والليل وما بين بيحافظوا علينا وكلمة من امر الله الشيخ شعرواي بيقول بسبب امر الله مش بيحفظوه من اللي ربنا امر بيه علشان دي ممكن تعمل لخبطة للي مش عارف لغة عربية كويس حتة ان الله لا يغير ما بقوم حتى يغيروا ما بانفسهم دي بقى جامدة بشكل غير عادي دي من اقوى الايات واكثرها استخداما في حياتنا وبيكملها سورة العصر اولا ربنا سبحانه وتعالى قال بقوم مش بفرد او بمؤمن يعني التغيير للقوم يعني مصر مش حتتغير الا لما المصريين يقرروا يغيروها طيب تتغير من ايه اكيد ان القوم او الناس او المجتمع او المصريين بيعملوا حاجات بتتسبب ان الوضع مش كويس يعني مثلا سمعتنا برة اننا بنشتغل بالفهلوة واننا متسيبين او ايا كانت السمعة فهي بسبب عمل

التربية يا جماعة مش انك تجيب لأبنك اغلى لبس واشيك جزمة وتوديه اغلى مدرسة وتقعد قدام الناس توريهم انت صارف عليه قد ايه التربية انك تطلعه يعرف ان مش كل حاجة عايز ها لازم يجيبها التربية انك تلعب معاه بلعبه مش انك تشتريله كل يوم لعبة التربية انك تعلمه انه يتحكم في نفسه وغرائزه مش انه يؤمر يجاب التربية انه يتعلم يراعي الناس اللي حواليه مش انه يكون محط اهتمام كل اللي حواليه التربية انه يعرف امتى يطلب وامتى يعطي التربية انه يحترم الناس مش يتعالى عليهم التربية انه يعطي ربنا وقت ويعطي متعته وقت ويعطي اهله وقت التربية انه يعرف ان الحرية مش كاملة وحدوده هي حرية الاخرين التربية انه يعرف ان الانسان مش بملبسه وشكله وهيئته الانسان بعطائه التربية موضوع كبير محتاج منك وقت مش مصاريف اغللى مدرسة مش بالضرورة احسن مدرسة اهتم بالناس اللي حيكون ابنك وسطيهم لان حيشرب منهم كتير والمدارس الغالية غالبا بيكون فيها ناس كتير من اللي جاءت لهم الفلوس على شوقة وبيكونوا بتوع مناظر اكتر وفي حالة من التنافسية المقيتة اللي بيلف حياتهم حوالين ازاي الناس تعرف ان عندي فلوس اتقوا الله في اولادكم واعرفوا انكم

المعجزة التانية في سورة الرعد . وَهُوَ الَّذِي مَدَّ الأَرْضَ وَجَعَلَ فِيهَا رَوَاسِيَ وَأَنْهَارًا وَمِن كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ يُغْشِي اللَّيْلَ النَّهَارَ إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ . مد الارض يعني انك تمشي تفتكرها مسطحه وهي كورة عارفين في الهندسة كنت سمعت مرة الدكتور بيتكلم عن نقل المعلومات عطانا مثل لو عندك بانيو ماليان مية وعايز تنقل المياه لحجرة او لناس او لمكان تستخدم ايه جردل والا ملعقة والا تجيب طلمبة التصميم في كل حاجة بياخد وقت وعايز تدبير ومعرفة ومفيش بيعرف اكتر من ربنا احنا حجمنا ايه بنسبة لحجم الارض والافق يبان على بعد قد ايه وكل ده ادخل فيه عنصر الجمال كمان سبحان الله