طفلة للابد

قُلْ هَلْ نُنَبِّئُكُمْ بِالأَخْسَرِينَ أَعْمَالا (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا (104) . الآية مرعبة انك تيجي يوم القيامة وانت رايح تحسب نفسك عامل اللي عليك وتفاجأ من ان ده كان من الاصل مش صح ربنا سبحانه وتعالى حطها في شكل استفسار يعني اقولكم مين الاخسرين اعمالا وهنا مش بيتكلم عن القلب ولكن عن العمل اللي انت بتعمله علشان تاخد بيه نمر في الاخر وتطلع بيه درجات عند ربنا دول بقى بيسعوا في الدنيا وبيعملوا كتير ولكن هم ماشيين في سكة مش صح ساعات ناس علشان تريح نفسها تعمل حاجة وهي مظبطاها لنفسها وتقول انا باعمل كدة علشان امنع غلط اكبر وتمشي في حياتها وفي الاخر تقابل ربنا يقول لهم اللي عملتوه كان غلط وبالتالي اللي فاكرينه صح ده ماشي غلط ربنا يسترها معانا ونكون ماشيين في الاتجاه الصح

ما هو انا لازم اشارككم في اللي حصل انا صحيت من النوم وانا كنت باحلم اني ماشية في جنازتي وقال ايه لما صحيت من النوم وكنت فرحانة قوي و قلت يارب ما اموتش قبل ما احضرها ده اسمه ايه بقى

سورة الكهف ان شاء الله حتخلص خلاص باحلى الكلمات قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلا صَالِحًا وَلا يُشْرِكْ بِعِبَادَةِ رَبِّهِ أَحَدًا ومن بكرة ان شاء الله سورة مريم حبيبة قلبي السيدة مريم العذراء دي من يوم ما عرفت الدنيا كنت باحبها قوي باحس انها ربانية ورامية كله على ربنا وقاعدة في محراب معاه لدرجة ان خالها زكريا كان بيزورها ويلاقي عندها دايما رزق كتير وعندها ربنا وعده انه يجيب ابن يعني كلها بركة كل سورة وانتم طيبين

باسمع بيتهوفن في سوناتا ضوء القمر وعاملة منها دماغ عالية وانا باكتب لكم وباترجم محاضرات كنت في الهوميوباثي وهي ريتمها هادئ وجميل وباحب اسمعها خصوصا اني بقالي سنين ما ضربتهاش على البيانو وافتكرت موقف حصل لي في القرن الماضي كدة من اكتر من اربعين سنة اني كنت باعزفها لواحد من قرايبي وفرحانة قوي علشان اخذت مني شهرين على ما عزفتها واتقنتها وكنت فاكرة اني باعمله حاجة حلوة وانه مبسوط والمشكلة انه بعد عشرين دقيقة وقف وجاء جنب البيانو انا قلت الراجل عجبته المقطوعة وجاي يشوفني من قري ب لكن الحقيقة انه جاء وقال لي مش حتقلبي الصفحة بقى طبعا انا فهمت الرسالة ضحكت وقلتله فكرني المرة الجاية اربط ايدك في الكرسي بالسيلوتيب علشان تشربها للاخر

جاء رجل لخالد بن الوليد فقال له إن فلانا شتمك .. فقال: تلك صحيفته فليملأها بماشاء 🔘 🔘 🔘 🔘 🔘 🔘 🔘 قال رجل لوهب بن منبه: إن فلانا شتمك .. قال: أما وجد الشيطان رسولا غيرك 🔘 🔘 🔘 🔘 🔘 🔘 🔘 قال أحدهم لرجل .. فلان شتمك فقال: هو رماني بسهم ، ولم يصبني فلماذا حملت السهم وغرسته في قلبي 🔘 🔘 🔘 🔘 🔘 🔘 🔘 جاء رجل إلى الشافعي فقال له فلان يذكرك بسوء .. فأجابه: إذا صدقت فأنت نمام ، وإذا كذبت فأنت فاسق فخجل وانصرف 🔘 🔘 🔘 🔘 🔘 🔘 🔘 لا تخبرني عمن يكرهني أو يتكلم عني .. اتركني أضحك وأضحك مع الجميع وأشعر أن الجميع يحبني ، ولنترك القيل والقال .. فرسول الأمة يقول لا تنقلوا لي شئ عن أصحابي ، فإنني أحب أن أخرج إليهم وأنا سليم الصدر - 👍 جميلة جداً 👍 -- دنيا فانية -

مفيش حاجة اسمها براءة فيه حاجة اسمها حسن نية فيه حاجة اسمها اعط لاخيك سبعين عذرا فيه حاجة اسمها خارج توقعاتي ما تعتبرش ان اللي بيصدقك ده بريء اي بمعنى ساذج او بمعنى اوحش عبيط اعرف انه لوصدقك وانت غير سليم النية يبقى العيب في نيتك مش فيه

سورة مريم بسم الله الرحمن الرحيم كهيعص (1) بدايتها بحروف النور حروف كل المفسرين لم يعطوا فيها رأيا محددا وبالتالي حين يضعها الله غير مفهومة فيعطينا الحرية ان نفكر والتفكير فيهم حيرني كثيرا ولكن قرأت كتاب اهداه لي اخي الحبيب والقارئ والمثقف Ashraf Ahmed Osman وكان اسمه الهيروغليفية تفسر القرآن وفيها كان مؤلفه يضع نطق الكلمات بما يماثلها بالرسوم المصرية القديمة لنطق الكلمات كما اكتشفت في حجر رشيد وبدأ في ربط الرسوم بمعاني ووجد ان تلك الطريقة تصل به بين الحروف الغير مفهومة وبين السورة التي تليها ايضا فصل في نظريته البحثية بين الحروف حين تكن في اية منفصلة وبين الحروف اذا اكملها جملة مثل ن والقمر وما يكتبون وايضا اعتبر ان نطق حرف ك يكتب كاف وهذا يعني انه كلمة كاملة اسمها كاف وبالتالي الرسوم المصرية القديمة للحرف تمثل الكاف والمد والفاء في سورة مريم وضع المعاني للكلمات المكونة ل كهيعص التي توجد في اية في بداية السورة وترجمها انها سنكشف لك النقاب عن سر منزل اليك من السماء ، فانتبه ، اليك القصة الحقيقية ويوضح المؤلف عن انها قصة سيدنا زكريا الذي كان اخر نسل ذكر لسيدن

وانت بتزرع ما تستناش الشجرة انت ازرع علشان البذور اللي حتنزل من الشجرة دي تعمل الف شجرة تانية تضلل على الناس وتطعمهم

لما تعمل من غير ما تستنى الثواب حيتعمل لك من غير حساب

الحكيم هو انك تعيش لما تشوف الحاجات اللي بتسمعها وهي بتحصل قدامك وتقولها لغيرك ويصدقك

عايز توصل لربنا امسك اسماء الله الحسنى واللي تقدر تتخلق بيه ما تتأخرش كل اسم ينطبق عليك منهم يقربك منه خطوة

سويسرا فكت الفلوس المجمدة الحمد لله كدة بقى خلصنا اخر امل في ثورة يناير فلوسنا حتروح لهم يتفسحوا بيها بالهنا والشفا يا حسني انت واولادك واصحابك لا اقصد بالسم الهاري

شريف عامر اكثر مذيع محترم وحلقته لا تثير الاعصاب ولا تثير الفتنة ولكن تزيدك معرفة بما يدور في مصر وبطريقة لطيفة ده الاعلام النظيف والا بلاش

التركيبة المصرية بتقول ما تعاندنيش ما تؤذينيش يعني اللي بيفجر هنا وهناك ولو فاكر ان المصري حيخاف والا يلوم حد علشان اتفجر فيه ما يعرفناش اللي فجر في المطار بيخلينا نحب الجيش اكتر ونخاف على اولادنا اكتر ونقول له ولو فجرتنا كلنا احنا مع بعض وحنفضل مصريين اللي بيؤذينا مش بنخاف منه احنا بنتلم ونقرر ندافع عن انفسنا بشراسة مفيش حرب بتخوفنا ولا عدو بنخاف منه احنا مصريين لو كنا مش قادرين على عدونا الحالي بسهولة ده لانه جبان مش بيواجه هو خايف يواجهنا لاننا حناكله الف رحمة على شهداءنا في مطار العريش ولازم تعرفوا اننا بندعيلكم بالرحمة واحنا عارفين انكم احياء ترزقون وان الشهيد منكم كل يوم ربنا بيقول له عايز حاجة يقول له انا عايز ارجع واموت تاني علشانك يارب الف رحمة لكم ويابختكم بالشهادة والقرب من الله وبالنسبة للجبان اللي فجر من الخلف وطعن انت بتجعنا اكتر مع بعض مش بتخلينا نخاف منك

في سورة الكهف ثُمَّ أَتْبَعَ سَبَبًا (92) حَتَّى إِذَا بَلَغَ بَيْنَ السَّدَّيْنِ وَجَدَ مِن دُونِهِمَا قَوْمًا لّا يَكَادُونَ يَفْقَهُونَ قَوْلا (93) . تكلمة قصة ذو القرنين وهو بياخد السبب اللي وداه بين السدين المكان اللي هو فيه واضح ان له ثلاث علامات واضحة اولها ان الشرق فيه بحر مثلا علشان مفيش بيه وبين الشرق فاصل والغرب ناس كان فيها مشاكل وفيهم الكويس والوحش اللي راح يؤدبهم وفيه مكان يمينه وشماله حاجة بتسد الطريق وبيهم مكان بييجي منه يأجوج و مأجوج المهم اللي مش فاهماه القوم اللي ربنا وصفهم انهم لا يكادون يفقهون قولا قعدت افكر كَادَ بنَفْسهِ : قاسى المشقَّةَ عند نَزْعِهَا يعني انهم بيفهموا بمشقة اللي هو بيقوله هم مش بيفهموا لكن بيفهموه بمشقة . قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الأَرْضِ فَهَلْ نَجْعَلُ لَكَ خَرْجًا عَلَى أَن تَجْعَلَ بَيْنَنَا وَبَيْنَهُمْ سَدًّا . طبعا يأجوج و مأجوج دول لوحدهم فتنة كبيرة والواحد مش عارفهم وانا ساعات باحس انهم الشعوب الي بتعمل فتن في الارض وكانوا بيدخلوا على الناس دي من بين السدين وطلبوا

هو الدعاء بيرد البلاء ايوة يا فندم ايوة والله # جربتها_ونفعت_كتيييييير هو الصدقات بتعالج المرضى ايوة يا فندم ايوة والله العظيم #جربتها_ونفعت_كتيييييير اللي يخاف على اولاده يتق الله هو بيفرق ايوة يا فندم ايوة والله العظيم #جربتها_ونفعت_كتيييييير

سورة الكهف رحلة مطلع الشمس وذو القرنين . حَتَّى إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَى قَوْمٍ لَّمْ نَجْعَل لَّهُم مِّن دُونِهَا سِتْرًا (90) كَذَلِكَ وَقَدْ أَحَطْنَا بِمَا لَدَيْهِ خُبْرًا (91) . من التفسيرات قالوا انه وصل لنهاية الارض قبل المشرق وده ممكن يكون في اخر بلاد الشرق وممكن يكون في اخر حتة في المنطقة بتاعته ومفيش جبال بينه وبين المشرق وبيشوف الشمس وهي بتشرق او ممكن يكون في جزيرة وبيشوف الشمس لان اخر الجزيرة ماء والشمس باينة من وراها او ممكن يكون شبه جزيرة برضه ومنطقة الشرق ما فيهاش جبال ايا كان هو وصل بالاسباب اللي ربنا اعطاهاله الى مشرق الشمس وكان هناك ناس ولكن في الرحلة دي ربنا سبحانه وتعالى ما طلبش منه اي حاجة الا انه يعرف ويحيط بالخبر في تلك المنطقة احطنا به يعني مش بس يسمع او يعرف لا يعني كل ما يمس هذا الخبر اعرفه و كلمة خُبرا : علما شاملا يعني رحلة استكشافية عن الناس والمكان والاعمال وكل حاجة لها دعوة بالمنطقة دي هل حيعمل حاجة بيها ما نعرفش ربنا بيكلمنا عن واحد عنده اسباب وبيروح اما يتصرف يشيل ظلم او يجمع اخبار وقصة ذو ال

الفيسبوك حيكون وعي جمعي جديد خلي الرقي في التعامل في الاختلاف يترسخ يعني كل واحد مننا ما يقعدش حتى بالضحك يتكلم على انك لو زعلان اتفلق والكلام المشابه احنا لازم نهتم ببعض لان ربنا عايز كدة ربنا خلق الملائكة ولكن فضل الانسان وافضل خلق الله الرسل لانهم كانوا بيهدوا الناس للخير والتسامح والحب والعدل والتراحم والتعاطف خلي دايما بوست كدة حلو يخلي الناس تحب تعمل زيه علشان الاولاد تتربى على حب الخير وعمله ولو بالكلمة الطيبة

مش كل اللي يحبك يقدر يقولهالك انا ساعات باحس ان فيه ناس في قلبها حب كبير قوي ولكن مش بتقدر تقوله او تعبر عنه اللي ربنا مقدره على التعبير ده الدنيا سهله عليه الخوف على اللي مش قادر يقول لك انه بيحبك قوي وعايش وانت مش حاسس بيه الحب بيبان في التصرفات حاولوا تطلعوا الايريال وتلقطوا علامات الحب من اللي حواليكم

سورة الكهف ذو القرنين والعين الحمأة حَتَّى إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِندَهَا قَوْمًا قُلْنَا يَا ذَا الْقَرْنَيْنِ إِمَّا أَن تُعَذِّبَ وَإِمَّا أَن تَتَّخِذَ فِيهِمْ حُسْنًا (86) من الاقوال اللي ممشياني في حياتي كل ميسر لما خلق له وبمعنى اننا كلنا بيبقى مخلوقين لهدف وربنا دايما بيسر لنا اننا نعمل الحاجة اللي مخلوقين علشانها يعني اللي ربنا خلقه علشان يبني بيسر له الهندسة واللي خلقه يشفي بيسر له الطب وهكذا وذو القرنين ربنا يسره الاسباب واتبعها ممكن تكون طريقة للحركة السريعة او طريقة للحرب المهم اعطاه اسباب وهو اخذ سبب وراح لعين حمأة كنت فاكرة حمأة يعني حامية وسخنة لقيت ان حمأة يعني ماليانة طين يعني بمعنى اصح مطينة واعتقد انه وصل هناك بالاسباب اللي ربنا بعتهاله وهو مش عارف حيعمل ايه وصل للعين اللي لونها غامق من كتر الطين وشاف ناس ربنا اعطاله الفرصة انه يعمل معاهم زي ما هو عايز وده اول اختبار واضح ان السبب اللي وصَّله لحتة ما يعرفهاش ولا يعرف ناسها وهو رد على اللي ربنا طلبه منه قَالَ أَمَّا مَن ظَلَمَ فَسَو

في سورة الكهف قصة ذي القرنين دي الصراحة بتحيرني كتير طبعا ما دام ما قالش حاجة عنه الا انه ذو القرنين يبقى دي اما علامة على شيء او هو فعلا فيه واحد اسمه كدة في التاريخ ما قبل الرسول عليه الصلاة والسلام لانها في سورة الكهف عجيبة لانه بيتكلم عن ملك عنده كل الاسباب والوسائل المختلفة وان اخذ بيها ايه هي الاسباب مفيش معرفة إِنَّا مَكَّنَّا لَهُ فِي الأَرْضِ وَآتَيْنَاهُ مِن كُلِّ شَيْءٍ سَبَبًا (84) ولكن نقدر نقول ان ربنا بيقول لنا انه استخدم الاسباب المختلفة اللي ربنا عطاهاله واستغلها انه يروح في كل حتة من مطلع الشمس الى مغربها فَأَتْبَعَ سَبَبًا (85) فيه ناس قالت انه اسطورة كبيرة وانه راح من الاقطاب المختلفة للارض فيه ناس قالت العين اللي وصلها هي في اسيا الوسطى عند القرم او في منطقة هناك ووضحوا بالصور ان فيه بحيرة طينية عاملة زي العين في المنطقة دي المهم اهمية حكايته انها حكاية ايجابية وسط فتن كتيرة احنا اتفقنا ان فيه فتنة اهل الكهف وانهم بالعكس لم يفتنوا وهربوا من الفتنة فتنة صاحب الجنتين وانه سقط في الفتنة وشعر انه حاجة تانية لما ربنا فوقه باللي ضيع كل ثماره وفتنة ا

فيه نا س كتير بتفكر في الصدقات الجارية وبترجع لما مارسه غيرها في ادخال مياه في البيوت او رصف طريق او مشروع او تزويج فتيات ولكن انا عايزة اقولكم على صدقة جارية غير العادي وبتعمل فرق في نفسية المتصدق زيها زي تاثيرها على المجتمع الصدقة الجارية اللي بافكر فيها ان واحد يروح يتعلم حاجة يساعد بيها ناس كتير الكورس اللي جاي في يناير ده بيعلم اللي يحضره ازاي يعالج في سلوك الاطفال والكبار الكورس ده لو حد قرر ياخده ويوهب علمه لله ويقول انا حاعمل اللي اتعلمته على ملجأ اطفال او لقطاء عل شان الاولاد دي عندها مشاكل ذهنية ونفسية كتير وحاعملهالهم لوجه الله الصدقة دي حيشوف تاثيرها مباشرة لانه لما يعالج الاطفال دي بالحركات الترددية ويحسن من تركيزهم واداءهم ويريح دماغهم حيشوف بعينه التأثير على الاولاد وحيشوف ازاي ممكن يتسبب في تحسنهم واسعادهم الكورس حيكون في 19 يناير في اسكندرية ان شاء الله للاستفسار 01000051224 المهندسة / هدى اللقاني المنسق العام

في سورة الكهف من 60 - 82 قصة سيدنا موسى مع سيدنا الخضر عليهما السلام قصة بتوضح جدا القضاء والقدر وكيف ان ربنا بيقضي اشياء لا نعلم اسبابها حتى لو كنا انبياء ورسل ولكنها ارادة الله ولكنها بتتكلم عن فتنة العلم كمان يعني انا كل مرة اقراها ساعات احط نفسي مكان سيدنا موسى وساعات احط مكان سيدنا الخضر عليهما السلام يعني اتخيل اني نبي ورسول مش اي رسول يعني ربنا كلمني وشق لي البحر وبعدين اروح اتعلم من واحد عمري ما شفته خصوصا ان سيدنا موسى كان بيقول لاتباعه انه اعلم اهل الارض فربنا اراد انه يعرفه ان العلم شيء والعلم بالقضاء والقدر شيء تاني خالص المهم ان القصة اتبنت على الكلمة دي ربنا حب يؤدب سيدنا موسى عليه السلام وخصوصا انه في سورة طه قال له انه بيصنعه على عينه ( ولتصنع على عيني ) 39 سورة طه العجيب في القصة ان ربنا قال له دور عليه وحتلاقيه مكان ما تنسى الشنطة تخيلوا الاعجاز لما نسى الشنطة والمساعد قال له نسيت قال له ذلك ما كنا نبغ يعني هو ده المكان ورجع له علشان يقابل سيدنا الخضر اهم حاجة انه كرسول بصعوبة يرجع تلميذ ولذلك دايما احس وانا باقراها انه في كل موقف تم قدامه كان بيعت

اذا اردت ان تبني سفينه فليس عليك ان تجعل الناس تجمع لك الاخشاب كالقطيع ولا ان توكل اليهم مهام وعمل ولكن علمهم ان يتوقوا الى ان يكونوا داخل البحر ويشعروا بقوته العظيمة "If you want to build a ship, don't herd people together to collect wood and don't assign them tasks and work, but rather teach them to long for the endless immensity of the sea." Antoine de Saint-Exupery تصدقوا ان ده اللي باعمله في التنمية علشان يتعلموا باخليهم يشعروا باهميتهم بعد التعليم ويتوقوا لان يتميزوا

ما تستعجلش على الخير زي اللي بيعلي النار على الاكل حيتحرق ومش حيستوي

رغبة الانسان في الوجود والحفاظ على نفسه تدفعه لان يشعر بوجوده ولذلك فانه يبحث عن هذا الوجود والتواجد بكل الوسائل اما بان يظهر موهبة او ان يظهر علما او ان يكن اجتماعيا يحبه الناس او ان يكن مجتهدا يقوم بالعمل الجاد او ان يلتمس ذلك من اهله المقربين او ان يحصل على ذلك من الاصدقاء ولكن هناك من لا يجد نفسه في اي من السابق ولا يشعر بحب اهله له هذا الشخص يتحول الى اظهار نفسه بالطريقة العكسية وهي الهجوم على من حوله لاشعارهم بانه موجود او ان يقوم بجعل الاخرين يعانون بسببه لانه بذلك موجود بينهم وله تاثير على الحياة ولذلك حين طلب منا الله ان نشكر له لانه سبحانه وتعالى يعلم ان هذا الشكر يجلب منفعة ويمنع ضرر كبير ان الشخص اذا ما وصله الشكر ممن حوله ولو على ابسط الاشياء فانه بذلك لا يضطر الى ان يلجأ الى الاسلوب السلبي في التعامل لكي يشعر بوجوده اكثروا الشكر لمن حولكم فهو فائدة لكم قبل الاخرين

مولود ديسمبر اوله محدد هدفه ووسطه ملتزم واخره لازم انت اللي تدور عليه (تقيل قوي وبيتقل على الاخر) الى مواليد ديسمبر الحلويين انا ما عرفتش حد من ديسمبر وكرهته بالعكس كلهم عندهم جاذبية بالنسبة لي لانهم بيبقوا عارفين عايزين ايه وعندهم الصداقة مهمة ولها قيمة محدش في ديسمبر باحس ان فيه حاجة تخوفك منه او تبعدك عنه بالعكس كلهم عندهم اللي يخيلك عايز تعرفهم وتحبهم في يوم واحد من ايام ديسمبر كان ثلاثة من احب اصحابي الى قلبي مولودين فيه كل ديسمبر وانتم في حياتي ما تبعدوش ما تيجوا انتم مش بتيجوا ليه

سورة الكهف وَرَأَى الْمُجْرِمُونَ النَّارَ فَظَنُّوا أَنَّهُم مُّوَاقِعُوهَا وَلَمْ يَجِدُوا عَنْهَا مَصْرِفًا (53) . كالعادة المواقف يوم القيامة بتكون وصفية وفيها مشاعر وباحس اني باقرأ سيناريو وهنا المجرمون هنا يعني اللي عملوا حاجة يستحقوا عليها العقاب الْمُجْرِم : الَّذِي ارْتَكَبَ جُرْماً يَسْتَحِقُّ عَلَيْهِ العِقَابَ الاية بتتكلم على نار بينهم وبين اللي كانوا بيعبدوهم دون الله وشافوا النار وحسوا انهم حيقعوا فيها خلاص مفيش مفر ومفيش كمان مصرف يعني مكان تاني يروحوه لكن الاية اللي بعديها ربنا بيقول وَلَقَدْ صَرَّفْنَا فِي هَذَا الْقُرْآنِ لِلنَّاسِ مِن كُلِّ مَثَلٍ وَكَانَ الإِنسَانُ أَكْثَرَ شَيْءٍ جَدَلا (54) صرّف العملة : حوَّلها وبدَّلها بمثلها يعني القرآن كان فيه كل حاجة وباشكالها المختلفة وبالامثال من كل شكل يعني مش حاجة واحدة بس بالعكس ربنا عطالنا كل الاحتمالات والمواقف وكنا ممكن باتباعه نبعد عن الموقف ده ولكن الانسان يجب يجادل

الشجرة المعجزة المورينجا الشجر ده مكمل غذائي والحمد لله بدأوا زراعتها معايا ودلوقتي مالية الدنيا الحمد لله الشجر ده بياكل منه الاطفال والكبار والمرضى وعايزة اقولكم ان صحة النجع الحمد لله في العالي الاولاد قل مرضهم بطريقة ملحوظة لدرجة ان اقرب طبيب في قرية قريبة واحد من اهل القرية راح له بابنه فسأله فين العيانين اللي بيجوا من عندكم انتم عندكم دكتور تاني قريب والا ايه # المورينجا # الشجرة_المعجزة # كل_واشكر_ربنا_على_هداياه

https://www.youtube.com/watch?v=vrewdUq30ZI

وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا . في سورة الكهف هنا ربنا عارف تأثير الاصدقاء والناس المحيطة بك بيقولك خليك مع الناس اللي بتدعي ربنا طول الوقت وبيقول اصبر نفسك لان دايما حتتوق انك تهجص والا تقعد تهزر وتضحك لكن لازم تصبر وتخليك مع الناس دي وبيكمل ولا تعد عيناك عنهم يعني مش كل شوية تبص برة عايز تروح للناس اللي بتتمنظر وعايزة كل حاجة دنيوية لان برضه الواحد منا عايز يتميز والناس اللي بتدعي ربنا على طول بتبقى في الغالب عندها زهد ولكن اللي بيبقى مش فاكر ربنا دايما بينصح نصايح عادة ما تبعدك عنهم واللي بيتبع هواه ده وعايز يعيش حياته بالطول والعرض ومفرط في حق ربنا ومزودها في الدنيا ده ما تسمعش كلامه الاية دي فعلا خلال حياتي حسيت انها بتديني رسالة ان لو عندك عدة مجاميع بتجتمعي معاها وتعارضت يبقى مين اللي تفضلي معاه اللي على طول فاكر ربنا وبيدعيه طول

انا كبرت على صوت فيروز وهي بتنعي القدس يا قدس يا زهرة المدائن لك الله يا قدس . . لأجلك يا مدينة الصلاة أصلّي لأجلك يا بهيّة المساكن يا زهرة المدائن يا قدس يا مدينة الصلاة أصلّي عيوننا إليك ترحل كل يوم تدور في أروقة المعابد تعانق الكنائس القديمة وتمسح الحزن عن المساجد يا ليلة الإسراء يا درب من مرّوا إلى السماء عيوننا إليك ترحل كلّ يوم وإنّني أصلّي

حلمت من اكتر من عشر سنوات من قبل حتى ثورة يناير اني زرت القدس وكنت واقفة قدام البحر مش عارفة ازاي البحر جنب القدس ولكن الناس بتطلع من البحر وتمشي في شوارعها وانا كنت بامشي في الشوارع وامسك الحوائط بالطوب الكبير ووصلت الى سور المسجد الاقصى ولكن ما دخلتش والى الان لو حد قال لي رحتي القدس حاقوله ايوة لان شكلها ونور شوراعها وملمس حوائطها مالي حواسي نفسي الاقصى يرجع لنا وانا عايشة نفسي اطول الكرامة والعزة

عيب قوي نشمت في الشعب الامريكي علشان رئيسهم معتوه الشعب الامريكي من اطيب الشعوب اللي احتكيت بيها وفيهم البراءة والحب ومعظمهم ما يعرفش فين اسرائيل دي ولا مين فلسطين احنا ندعيلهم ان ربنا يبعد عنهم الاذى ويبعد عنهم رئيسهم الغبي المتغابي اللي حيودي سياستهم الى الحضيض اتمنى من الله ان يحمي قاطني ولاية كاليفورنيا وبالاخص لوس انجليس من الحرائق الخطيرة التي تحدث الان في غاباتها واتمنى من الله ان يهدي هذا الطاووس ترامب من العنطزة اللي حتوديه في داهية لما يقابل ربنا كدة وهو مشعللها في الدنيا كلها

وَقُلِ الْحَقُّ مِن رَّبِّكُمْ فَمَن شَاء فَلْيُؤْمِن وَمَن شَاء فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِن يَسْتَغِيثُوا يُغَاثُوا بِمَاء كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا . الاية دي في سورة الكهف بتوضح انك مش بتلزم الناس تصدقك لو انت عارف انك بتقول الحق يعني اللي شاء يؤمن بالحق من عندنا ربنا واللي مش عايز وبيكفر بالحق برضه زي ما هو عايز لكن مش حيسيبه ربنا لانه ظلم نفسه واللي بيرفض الحق ظالم ما هو الظلم هو انك تعرف الصح وتعمل عكسه او ما تعملوش المهم ان صورتهم وهم في النار متحاوطين بالنار من كل ناحية ولما يعطشوا ياخدوا مياه تشوي وجوههم الصراحة ربنا يكفينا شر المكان ده ان عليك تقول الحق وبس ما تتعداش لاكتر من كدة انك تجبر الناس على اخذ الحق

المسجد الاقصى حيرجع لنا ان شاء الله فلسطين حتتحرر ان شاء الله امتى بقى دي مش بتاعتنا بس لازم نعرف الطريق علشان ربنا يمهده

محدش يقول فلسطين راحت لان الناس باعت يا جماعة العصابات الصهيونية في الأربعينات كانت بتتفانى لشراء الأرض بالترهيب والترغيب وكان الفلاحين بيطردوا من منازلهم وإلى الآن بيهدوا البيوت على رؤوس اهلها الصهاينة اغتصبوا أراض ليست ملكهم احنا بنقف مع المعتدى عليه وكمان هم جيران يعني نصرة الجار بلاش الفرقة اللي بيشعلها الاعلام ويفهمنا أننا مش مطالبين بمساعدتهم هم اهلنا وجيراننا ولدى إسرائيل ثاني اهم مسجد في ديننا وفيها كنائس وأماكن ولادة المسيح ومقدسات مسيحية اليهود مش بيحافظوا على مقدساتنا يارب ننصر الحق دائما ولا نتخاذل

مش عارفة اخر اخبارنا انا مش بافتح اي قناة اخبارية خوفا من الاكتئاب ياريت حد يبلغني اكمل الاكتئاب والا اطلع منه حصل ايه في ملف القدس انا لما شفت صورها كاني كنت هناك سبحان الله انا مش عارفة هل بصحيح لما حلمت اني زرتها كنت هناك والا ايه ربنا يردها لنا يارب

محدش حيرفع مصر غيرنا انا باقولكم اهوه السنة الجاية انا عايزة كل زكاتكم تروح للمشاريع التنموية يعني كل الناس تساعد الناس تشتغل ارجوكم كفاية بطاطين واكل عايزين كل الفلوس تروح لحاجة بتنمو فرخة بقرة كتاب مدرسة حرف احنا دلوقتي حنعمل حاجة ان شاء الله حاعلن عنها الاسبوع الجاي والحاجة دي بتخدم اكثر من اربع قرى ان شاء الله ركزوا في النماء بلاش الطبطبة بس طلعت شعب واخد على الاخذ بلا عطاء

سورة الكهف : وَاضْرِبْ لَهُم مَّثَلا رَّجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا (32) كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئًا وَفَجَّرْنَا خِلالَهُمَا نَهَرًا (33) . سورة الكهف فيها امثلة كتيرة بتبين ازاي الانسان بيفتن في حياته واول مثال هو الاتنين اللي كانوا اصحاب و كان بينهم نقاش وكلام واحد منهم عنده جنينتين فيهم عنب وربنا في الاية بيقول وحففناهما يعني حط ضمير الجماعة في الفعل يعني ربنا قدر لهم انهم يتحاوطوا بنخل وجعلنا بينهما زرعا يعني بيتكلم عن الجنينتين بان ربنا قدر لهم النجاح وان يطلع الزرع بينهم وان النخل يبقى حواليهم الاية التانية ان الجنينتين بيطلعوا الزرع مفيش واحدة اخذت اقل او اتظلمت وكمان ربنا فجر جواهم نهر وهو المجرى اللي بيعدي منه الماء ربنا سبحانه وتعالى سخره بين الجنتين وانفجر يعني ممكن يكون ينبوع من الماء عامل مجرى ومعدي بين الجنتين طيب في الحالة دي هو الراجل يعتبر ان الجنينة دي اشتغلت بشطارته والا بتوفيق من ربنا المفروض انه يبقى عارف ان النهر د

هُنَالِكَ الْوَلايَةُ لِلَّهِ الْحَقِّ هُوَ خَيْرٌ ثَوَابًا وَخَيْرٌ عُقْبًا . الاية دي جاءت بعد ما ربنا عاقب واحد وكان بيتباهى بماله وعزوته والاية دي بتقول ان الولاية لله وهي مصدر هنا مش اسم يعني يتولى الله ولاية الامر كله وهي له اسم الله هنا الحق يعني دائما ما نترك لله الولاية فهو الحق انا باحس ان الاية دي هي اللي بتخلي انسان بيقولوا عليه من اولياء الله الصالحين هو الانسان اللي بيسلم ولاية امره لله وعندها ربنا بيبعت الثواب وعنده خير العقب يعني النهاية كمان عُقبى : آخرُ كلِّ شيء وخاتمتُه

سورة الكهف : الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِندَ رَبِّكَ ثَوَابًا وَخَيْرٌ أَمَلا . ربنا عارف ان المال والاولاد هم زينة الحياة وطبعا صيغة البنون بتيجي مش علشان البنات مش زينة ولكن لما مش بنعرف النوع بتتصنف ذكر وبالتالي تلاقي الناس بتتباهى بينها وبين بعضها بحاجات مش هي اللي جايباها وكاني سالفة شنطة حلوة وباتمنظر بيها على جارتي وهي عارفة انها مش بتاعتي مش المفروض لا المال ولا البنون تكون هي الزينة وهنا الزينة هي الحاج ة اللي بتحطها علشان الشكل يكون احسن سواء زينة في اللبس او الوجه او المنزل او غيره والناس بتتزين بيهم وربنا في السورة دي بيقول يا جماعة فيه حاجات بتفضل وبتبقى لكم ومعاكم وانتم اللي عاملينها يعني اعمال الخير الصلاة الدعوات التسابيح حاجات كتير بتبقى خير عند ربنا فيه ثواب وبتعطي امل انها تقبل عند ربنا وتترد لنا في الاخرة المال لو ما اتحطش في الخير واتصرف على زينة يبقى راح منك واستمتعتوا بيه لفترة ولكن المال اللي بيتصرف في صدقات وحاجات تفضل اكيد حيكون افضل وده مش معناه اننا ما نصرفش فلوسنا وما نتز

اللي عنده مساحة بقى البط بتاعه تقريبا بياكل باقل التكاليف الازولا الحمد لله اصبحت ثقافة الناس شافت البط اللي بياكل الازولا وبيكبر وكمان الدسم بتاعه بيختلف عن البط التاني ربنا يبارك لكم يا احبتي علشان ساعدتوني اساعد الناس اللي عرفني على الازولا واللي عملها عندي واللي دفع لي اجيبها واعمل لها مكان واللي نجحها ووراها للكل اللي بيشتري البط علشان يساعد واتاكد انه جميل شكرا لكل منظومة الاصدقاء والاحباء والعاملين واصحاب الافكاروالمنفذين وانا وانت تم ترا لا لا ... تم تم

العقل البشري ربنا بيفتح له سكك كل يوم عن التاني مرة واحد سألته انت بتشوف ربنا في ايه قال لي في الاختراعات ازاي ربنا بيفتح مخنا لحاجة في الوقت والمكان اللي ربنا عايزهم سبحان الله كل اللي الناس كانت بتتكلم عليه في الماضي على انه سحر بقى بالعلم واقع طاقية الاخفاء ظهرت بس بشكل مختلف العلبة دي فيها ايه فيل يا فندم فيل  

مرة من كام سنة قرأت لبنت باعته مشكلة ان والدها مش عايزها تتجوز اللي بتحبه وبتستشهد ان ده العادي وقالت بالحرف الواحد فؤاد المهندس في تمثيلية ,,,... قال لبنته اتجوزي اللي قلبك اتحرك له لكن بابايا مش عايز انا مش فاهمة هو ليه مش عايز انا قرأت كلامها واتخضيت كانت بنتي لسة في حضانة وقررت اني ما اخليهاش تتفرج على المسلسلات المصري اساسا الا لما تعرف الفرق بين الصح والغلط ولو اتفرجت ابقى معاها ونتكلم واحكيلها واقل لها ما اراه خطأ عاشت طفولة جميلة بين افلام والت ديزني الكلاسيكية اللي ما فيهاش تركيز على العلاقات العاطفية علشان تعيش طفولتها ولما كبرت واتفرجت كنت دايما احاول ابعدها عن التعلق بالماديات ومنها رغبات الانسان ولازم تكون مقننة وخليتها ما تركزش على نفسها ولكن تركز على المجتمع والناس وكنت دايما اقول لها احنا فينا الخير والشر خليكي دايما تطلعي الخير اللي في اي انسان والشر حيبعد لوحده والحمد لله ان ربنا عافانا مما ابتلي بيه الاخرين والحمد لله اصبحت مثلا يحتذى به انا باقول الكلام ده علشان المسلسل اللي بيزرع في المجتمع الحياة الاجنبية اللي بتتمثل في ايفاء الجسم باحتياجاته و

وَعُرِضُوا عَلَى رَبِّكَ صَفًّا لَّقَدْ جِئْتُمُونَا كَمَا خَلَقْنَاكُمْ أَوَّلَ مَرَّةٍ بَلْ زَعَمْتُمْ أَلَّن نَّجْعَلَ لَكُم مَّوْعِدًا . قبل ما ننزل الارض ربنا خلقنا وقال لنا تعبدوني وتحملوا الامانة قلنا ايوة الجبال والارض والمخلوقات رفضت تحمل الامانة انما احنا حملناها يوم الحشر او اليوم اللي كلنا حنتحشر فيه قدام ربنا حنبقى زي اول مرة طبعا لما نزلنا الارض نزلنا واحنا مش فاكرين اليوم ده ولا فاكرين الوعد بحمل الامانة وهي خلافة الارض وفيه منا مش مصدق ان فيه يوم القيامة من اصله - ومنهم ناس محترمة جدا ومتعلمة ومثقفة ولكن بتناقش في ان هذا الكلام يومها حيتعرضوا على ربنا وحيفتكروا لما كانوا ارواح تاقت لان تحمل الامانة من ربها وانها تعمر الارض

دول اشجار الشجرة المعجزة المورينجا الشجر ده مكمل غذائي والحمد لله بدأوا زراعتها معايا ودلوقتي مالية الدنيا الحمد لله الشجر ده بياكل منه الاطفال والكبار والمرضى وعايزة اقولكم ان صحة النجع الحمد لله في العالي الاولاد قل مرضهم بطريقة ملحوظة لدرجة ان اقرب طبيب في قرية قريبة واحد من اهل القرية راح له بابنه فسأله فين العيانين اللي بيجوا من عندكم انتم عندكم دكتور تاني قريب والا ايه # المورينجا # الشجرة_المعجزة # كل_واشكر_ربنا_على_هداياه

سورة الكهف وَرَأَى الْمُجْرِمُونَ النَّارَ فَظَنُّوا أَنَّهُم مُّوَاقِعُوهَا وَلَمْ يَجِدُوا عَنْهَا مَصْرِفًا (53) . كالعادة المواقف يوم القيامة بتكون وصفية وفيها مشاعر وباحس اني باقرأ سيناريو وهنا المجرمون هنا يعني اللي عملوا حاجة يستحقوا عليها العقاب الْمُجْرِم : الَّذِي ارْتَكَبَ جُرْماً يَسْتَحِقُّ عَلَيْهِ العِقَابَ الاية بتتكلم على نار بينهم وبين اللي كانوا بيعبدوهم دون الله وشافوا النار وحسوا انهم حيقعوا فيها خلاص مفيش مفر ومفيش كمان مصرف يعني مكان تاني يروحوه لكن الاية اللي بعديها ربنا بيقول وَلَقَدْ صَرَّفْنَا فِي هَذَا الْقُرْآنِ لِلنَّاسِ مِن كُلِّ مَثَلٍ وَكَانَ الإِنسَانُ أَكْثَرَ شَيْءٍ جَدَلا (54) صرّف العملة : حوَّلها وبدَّلها بمثلها يعني القرآن كان فيه كل حاجة وباشكالها المختلفة وبالامثال من كل شكل يعني مش حاجة واحدة بس بالعكس ربنا عطالنا كل الاحتمالات والمواقف وكنا ممكن باتباعه نبعد عن الموقف ده ولكن الانسان يجب يجادل

إِلاَّ أَن يَشَاء اللَّهُ وَاذْكُر رَّبَّكَ إِذَا نَسِيتَ وَقُلْ عَسَى أَن يَهْدِيَنِ رَبِّي لِأَقْرَبَ مِنْ هَذَا رَشَدًا . الأية دي ربنا بيقول اذكر ربك اذا نسيت يعني نسيت حاجة اذكر الله بدايتها الا ان يشاء الله هي المفروض تكملة للاية ولا تقولن اني فاعل ذلك غدا ولكن برضه نلاقي انها تنطبق على النسيان ربنا طالب مننا اننا نقول حاجة لما ننسى قل عسى ان يهدين ربي لاقرب من هذا رشدا والصراحة الاية دي انا باقولها لما حاجة تضيع مني وعايزة اقولكم ما خيبتش ابدا الا لو الحاجة مش موجودة في المكان اللي انا فيه يعني مفتاح مش لاقياه اقولها والاقي نفسي بافتح الدولاب وابص في جيب جاكيت واطلعه ورقة مش لاقياها برضه اقرا الاية وانا موقنة انها حتطلع وبتطلع مجرباها بدل المرة مائة مرة والله والحاجة بالاقيها جربوا لما تنسوا حاجة تقولوا الاية دي وبعدين افضل قول لا اله الا الله لغاية لما تلاقي الحاجة وطبعا ساعات ما بتلاقيهاش ودي اللي ينطبق عليها الا ان يشاء الله في اول الاية

وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا . في سورة الكهف هنا ربنا عارف تأثير الاصدقاء والناس المحيطة بك بيقولك خليك مع الناس اللي بتدعي ربنا طول الوقت وبيقول اصبر نفسك لان دايما حتتوق انك تهجص والا تقعد تهزر وتضحك لكن لازم تصبر وتخليك مع الناس دي وبيكمل ولا تعد عيناك عنهم يعني مش كل شوية تبص برة عايز تروح للناس اللي بتتمنظر وعايزة كل حاجة دنيوية لان برضه الواحد منا عايز يتميز والناس اللي بتدعي ربنا على طول بتبقى في الغالب عندها زهد ولكن اللي بيبقى مش فاكر ربنا دايما بينصح نصايح عادة ما تبعدك عنهم واللي بيتبع هواه ده وعايز يعيش حياته بالطول والعرض ومفرط في حق ربنا ومزودها في الدنيا ده ما تسمعش كلامه الاية دي فعلا خلال حياتي حسيت انها بتديني رسالة ان لو عندك عدة مجاميع بتجتمعي معاها وتعارضت يبقى مين اللي تفضلي معاه اللي على طول فاكر ربنا وبيدعيه طول

انا كبرت على صوت فيروز وهي بتنعي القدس يا قدس يا زهرة المدائن لك الله يا قدس . . لأجلك يا مدينة الصلاة أصلّي لأجلك يا بهيّة المساكن يا زهرة المدائن يا قدس يا مدينة الصلاة أصلّي عيوننا إليك ترحل كل يوم تدور في أروقة المعابد تعانق الكنائس القديمة وتمسح الحزن عن المساجد يا ليلة الإسراء يا درب من مرّوا إلى السماء عيوننا إليك ترحل كلّ يوم وإنّني أصلّي

حلمت من اكتر من عشر سنوات من قبل حتى ثورة يناير اني زرت القدس وكنت واقفة قدام البحر مش عارفة ازاي البحر جنب القدس ولكن الناس بتطلع من البحر وتمشي في شوارعها وانا كنت بامشي في الشوارع وامسك الحوائط بالطوب الكبير ووصلت الى سور المسجد الاقصى ولكن ما دخلتش والى الان لو حد قال لي رحتي القدس حاقوله ايوة لان شكلها ونور شوراعها وملمس حوائطها مالي حواسي نفسي الاقصى يرجع لنا وانا عايشة نفسي اطول الكرامة والعزة

عيب قوي نشمت في الشعب الامريكي علشان رئيسهم معتوه الشعب الامريكي من اطيب الشعوب اللي احتكيت بيها وفيهم البراءة والحب ومعظمهم ما يعرفش فين اسرائيل دي ولا مين فلسطين احنا ندعيلهم ان ربنا يبعد عنهم الاذى ويبعد عنهم رئيسهم الغبي المتغابي اللي حيودي سياستهم الى الحضيض اتمنى من الله ان يحمي قاطني ولاية كاليفورنيا وبالاخص لوس انجليس من الحرائق الخطيرة التي تحدث الان في غاباتها واتمنى من الله ان يهدي هذا الطاووس ترامب من العنطزة اللي حتوديه في داهية لما يقابل ربنا كدة وهو مشعللها في الدنيا كلها

منقولة ومصدقاها ومجربة واتحسن جهازي الهضمي والارتجاع الف في المية 🥐 🍞 🥖 🍔 🌭 🍕 🌮 🌯 🥙 🍪 🍰 🍩 ماذا يحدث عندما نأكل الخبز ... بحث الصديق المهندس أحمد عفيفي # ماحدش_يسألني_السؤال_ده_تاني لما تعرف ان السجائر مثلا هي السبب الرئيسي الأول لأمراض قاتلة عديدة أولها سرطان الرئة وغيرها كثير .. هل من المنطقي والطبيعي أن تسأل: وما البديل إن أمتنعت عن السجائر !!! طيب .. لما بأقول ولا زلت أقول منذ خمس سنوات أن القمح الذي تأكله هو قمح آخر غير (تماما) الذي أكله أجدادك وانه من 40 سنة تم تغييره جينيا ووراثيا لقمح آخر لا تفسده حشرات الارض ولا يتلف محصوله ولا تفني نصفه الرياح (قمح قزم Dwarf wheat ) ويتضاعف محصوله في كروش اصحاب البيزنس... وبه 40 ضعف نسبة الجلوتين (القاتل) الموجودة في القمح الطبيعي لكي تستطيع عمل المخبوزات والكرواسان والباتية والصمون والفينو والحلويات ولكي تزدهر صناعات الحلويات والكورن فليكس والخبز السن والwhole wheat وغيره.. عندما تعلم ان الجلوتين يدمر جهازك الهضمي بخرم امعاءك (نعم قرأتها صح خرم امعاءك Leaky guts) ومرض حساسية القمح الشهير المعروف بالسيلياك Ce

تكريم الله للانسان مبني على تكريم الانسان لنفسه وبعده عن النقائص

ايام ٢٥ يناير عشتها بين محطة الجزيرة والعربية وبي بي سي وانا باشوف ميدان التحرير اللي كان رمز التمرد على الموت الاكلينيكي اللي عاشت فيه مصر سنوات عجاف وكانوا الامل في ان تنهض من الغيبوبة و تقف شامخة وكانت الاحلام تتصارع ظهر شفيق امامنا قدمته الايادي التي ارادت ان توئد حلم الشباب واعتبرته حلا لفض الميدان او بمعنى اصح فض الحلم ولم يستطع بشخصيته التي تميل للتعالي على الآخرين على الرغم من محاولاته الواضحة في عمل كل ما في وسعه لأن يمتص غضب الشعب من أداء الداخلية والأمن ويعطي حلم تغيير مصر ولكن استهانته بمن في الميدان ومساعدته لارسال جمال واحصنة للميدان كنوع من بث الذعر بين المقيمين في الميدان والتهكم في محطات التليفزيون على اهل العلم من دكاترة الجامعة والتهكم على كل من يخالفه واللجوء الى محطة الفراعين للترويج لحملته جعلته مسخة امام الثوريين او اقول المفكرين من محبي البلد والراغبين في تقدمه واصبح يرمز للنظام القديم بعيوبه وتعاليه واعتباره انه فوق الوطن هذا الشخص اختاره العديد من الذين يرهبون الاخوان ويرفضون الحكم من قبل ناس اخذت الدين ذريعة للوصول الى الكرسي ومنهم تقريبا ك

نصف مشاكل الكرة الأرضية حتتحل لما الستات تقول ايه اللي مضايقها بدل كلمة "مفيييش" وتسيبه هو يستنتج

لمشجعي الاهلي  لو مش انت اللي مدخل الجون في الشبكة  تبقى زيك زيي  الفرق بينا لسان وبس

خطبة نعمان علي خان بتقول لما تحصل لك مصيبة دور على حاجة كويسة واشكر ربنا عليها لان الشكر حيصبرك والصبر هو انك لا تعترض على المصيبة

وَلا تَقُولَنَّ لِشَيْءٍ إِنِّي فَاعِلٌ ذَلِكَ غَدًا . . الاية دي الناس اساءت استعمالها لدرجة ان انا لما كنت في اوائل الثمانينات في ايطاليا باخد كورس في نوع من انواع البلوتر او الرسامة الالكترونية واثناء الكورس عزمونا مع ادارة الشركة وواحد قالي اخبار IBM او اي بي ام في مصر ايه فيه شركة كمبيوتر كبيرة اسمها اي بي ام وانا افتكرت انه فاكر اننا لنا شغل معاهم او حاجة من هذا القبيل ولكن وعلى ما استوعبت الموضوع كان بيضحك بصوت عالي هو وكل الي في الترابيزة قلتله مش فاهمة قال لي ده اختصار الشعب المصري اي دي اختصار لكلمة ان شاء الله Inshallah بي اختصار بكرة Bokra ام اختصار لكلمة معلش Malesh قال انتم عندكم كل حاجة ان شاء الله او بكرة او معلش زعلت قوي ساعتها لان اذا ده صورة المصريين عندهم يبقى عيب علينا . الاية بتقول ما تؤكدش على حاجة انك حتعملها الا وانت عارف ان ربنا لازم مشيئته تكون موجودة ما ينفعش اقول لواحد (ولله المثل الاعلى) تعالى اوصلك وانا مش معايا مفتاح العربية ولا اقول له خذ اكل او فلوس والمفتاح بتاع التلاجة او الخزنة مش معايا ان شاء الله يعني كل حاجة لازم تتم ب

في سورة البقرة اول اية في القرآن اتكلمت عن القتال كانت وَقَاتِلُواْ فِي سَبِيلِ اللَّهِ الَّذِينَ يُقَاتِلُونَكُمْ وَلاَ تَعْتَدُواْ إِنَّ اللَّهَ لاَ يُحِبُّ الْمُعْتَدِينَ ملاحظين ان اول اية لواحد بيقرأ القرآن بيقوله ما تعتديش وما تقاتلش الا اللي بيقاتلك ياريت يفهموا بس

سَيَقُولُونَ ثَلاثَةٌ رَّابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ وَيَقُولُونَ سَبْعَةٌ وَثَامِنُهُمْ كَلْبُهُمْ قُل رَّبِّي أَعْلَمُ بِعِدَّتِهِم مَّا يَعْلَمُهُمْ إِلاَّ قَلِيلٌ فَلا تُمَارِ فِيهِمْ إِلاَّ مِرَاء ظَاهِرًا وَلا تَسْتَفْتِ فِيهِم مِّنْهُمْ أَحَدًا . ربنا سبحانه وتعالى ما قالش عددهم كام لان في كل زمن له الناس اللي بتهرب بدينها وبتهرب من الفتنة ولما دورت على اهل الكهف لقيت فيه ناس في الاردن قالت هنا وناس في تونس قال ت هنا وكلهم بيوروا كهف كان فيه ناس وطلعت واعتقد ان ربنا ما رضاش يخص ناس عن ناس وساب الموضوع مفتوح علشان الفكرة هي المهمة ان الشباب اللي رفض يجبر على عبادة حاجة غير ربنا واقل منه مارى الشَّخصُ : الشَّخصَ ناظره وجادله ، نازعَه وخالفه والظاهر يعني هنا ناس لقت كهف بتوريه ولكن ما تقعدش تقول لا مش دول هم دول لان اللي عارف بس هو ربنا اسْتَفْتَاهُ : سألَهُ رَأيَهُ في مسألةٍ الموضوع زي ما ربنا كاتب مش معتمد على راي معين وبالتالي مفيهوش سؤال عن راي حد انما هم شباب كانوا في كهف وهربوا بدينهم وربنا خلاهم ينا

وَكَذَلِكَ بَعَثْنَاهُمْ لِيَتَسَاءَلُوا بَيْنَهُمْ قَالَ قَائِلٌ مِّنْهُمْ كَمْ لَبِثْتُمْ قَالُوا لَبِثْنَا يَوْمًا أَوْ بَعْضَ يَوْمٍ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُم بِوَرِقِكُمْ هَذِهِ إِلَى الْمَدِينَةِ فَلْيَنظُرْ أَيُّهَا أَزْكَى طَعَامًا فَلْيَأْتِكُم بِرِزْقٍ مِّنْهُ وَلْيَتَلَطَّفْ وَلا يُشْعِرَنَّ بِكُمْ أَحَدًا . . أزكى: أحَلُّ. أو أكثر رَيعاً و أجود. يعني ناس نامت 300 سنة وقايمة جعانة صحيح ما يعرفوش لكن هم صحيوا بعد فترة مش عارف ينها قد ايه وجعانين ولكن طلبوا ازكى طعام يعني لازم حلال دول ناس هربانة بدينها ويهمهم انهم ما يغضبوش ربنا الانسان يبحث عن الحلال في كل شيء وبالاخص الطعام

وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ وَهُمْ فِي فَجْوَةٍ مِّنْهُ ذَلِكَ مِنْ آيَاتِ اللَّهِ مَن يَهْدِ اللَّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُ وَلِيًّا مُّرْشِدًا . تَزَاوَرَ عَنْهُ : عَدَلَ ، اِنْحَرَفَ ، مَالَ عَنْهُ تقرضهم : تعدِلُ عنهم و تبتعد في الاية الشمس تنحرف من الشرق يمين ومن الغرب تبتعد شمال انا الصراحة مش فاهمة قوي هل الاية بتدل على موقع الكهف وازاي الصبح بتكون الشمس على يمين الكهف يعني فيه فتحة في يمين الكهف ناحية الشرق والفتحة التانية على شمال الكهف ناحية الغرب والشمس بتطلع عليهم وتغرب عليهم او ان الشمس بتنحرف يمين ساعة ما تطلع علشان تدخل كهفهم وانحراف اشعة الشمس دي من ايات الله وانكسارها في المغرب علشان تدخلهم برضه وده من ايات الله خصوصا ان الشمس بتنحرف وتنكسر الانحراف في الضوء بيكون له اسس علمية والانكسار بيكون على سطح لامع فممكن يكون الانحراف لان فيه هواء سخن معين مثلا والانكسار لان فيه سطح عاكس والله اعلم ايه اللي كان ايا من الاثنين ربنا بيب

النور ما يبقاش نور من غير ما ينور يعني لو عندي لمبة في صندوق يبقى ايه لازمتها وبالتالي اللي قلبه منور بحب الله والرسول لازم يعمل حسابه انه ينور حواليه لازم يمشي في هداية الرسول لما يقول المؤمن من امنه الناس على مالهم وعرضهم يعني لازم تكون من الناس الامينة اللي كل اللي يتعامل معاك يشوف النور تنور للناس طريقها مش تقعد على السجادة وبس كدة يبقى نورك منور لك لوحدك حاول تمسك الكشاف وتنور الدنيا كلها علشان يوم القيامة تعرف توصل لطريقك اللي يوصلك للجنة

فيه خطبة سمعتها بتتكلم عن يوم القيامة لما الناس بتمشي وفي صدرها نور وفي ايها نور النور اللي في صدرها يمثل ايمانها وعلاقتها بربنا وده مش بيشوفه ولا يعرفه الا ربنا وفي ايديها نور وده عملها الصالح حسيت ان النور اللي في صدرها هو البطارية اللي بتخلي اعمالها تنور يعني لو القلب والعلاقة بينك وبين ربنا مش عمرانة يبقى الكشاف اللي في ايدك ما فيهوش بطاريات

النهاردة يوم ميلادك ويوم وفاتك يا حبيبي يا رسول الله سمعت خطبة لنعمان علي خان عن ايات في سورة النور الواد ده جامد قوي بيلعب في دماغي كل مرة اسمعه خطبة انصح بسماعها كويس قوي واخذ العبرة منها  https://www.youtube.com/watch?v=1rAotjRSJ1k

وَرَبَطْنَا عَلَى قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالأَرْضِ لَن نَّدْعُوَ مِن دُونِهِ إِلَهًا لَقَدْ قُلْنَا إِذًا شَطَطًا . ربنا بيقول وربطنا على قلوبهم يعني خلاهم اهدى علشان هم شباب يعني لو متضايقين صعب انهم يسكتوا وما يتكلموش وبعديها قاموا تحسوا ان القرآن زي ما يكون بيفرجنا على الموقف انهم بين ناس بيتكلموا عن الهه غير الله وانهم سكتوا وفي الاخر قاموا وقالوا ربنا رب السماوات والارض واحنا مش حندعوا حد تاني اقل منه ودي في كلمة من دونه يعني ا حقر او اقل شططا : قوْلاً مُـفرطًـا في الكذب و الضّـلال والشط اللي هو بعيد او طويل وهم بيقولوا احنا مش حنشط بقى ونقول على حد اقل من ربنا انه اله اربط يارب على قلوبنا وما تخليناش نشط احنا كمان

سورة الكهف نَحْنُ نَقُصُّ عَلَيْكَ نَبَأَهُم بِالْحَقِّ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى . في سورة الكهف الفتية يعني الشباب الصغير امنوا بربهم وخلوا بالكم من اللي جاي وزدناهم هدى ما قالش هديناهم قال زدناهم هدى طبعا عارفين اللي حاقوله ربنا لما بيلاقي واحد غيران عليه وعايز يهتدي بيوجهه صح وبيزيدوا هدى مش اكتر من اننا كلنا بنقرا عنهم وبنعرفهم وبيبقوا في بعض المواقف المثل الاعلى المفروض قصة اهل الكهف دي تنتشر في المدارس عن فكر مختلف عن الحرب والضرب والقتل والذبح انت مش عاجبك الناس اعتكف يا سيدي اعمل لنفسك الكهف لازم المدارس تدرسها عن اسلوب من اساليب التعامل مع الازمات

فَضَرَبْنَا عَلَى آذَانِهِمْ فِي الْكَهْفِ سِنِينَ عَدَدًا . ولانهم نايمين ومش ميتين فلازم ما يسمعوش اللي يصحيهم وعلشان كدة الاذن مهمة في موضوع اهل الكهف ولذلك النوم كان عميق لدرجة ان ما شعروش باي ما يحدث وكلمة ضربنا على ودانهم اعتقد فيها قوة الصمت اللي هم كانوا فيه

إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا . هربانين بدينهم وطالبين الرحمة وتهيئة الامر و الرشاد ونتيجة كدة ربنا فعلا رحمهم وهيء لهم في الكهف كل المرافق وارشدهم فمن أَسماء الله تعالى الرشيدُ : هو الذي أَرْشَد الخلق إِلى مصالحهم أَي هداهم ودلهم عليها

حبيبي رسول الله احياك الله في قلوبنا واحياك بتعاليمك واحاديثك التي مازالت نورا نسير به في حياة مليئة بالظلمات صلى الله على محمد صلى الله عليه وسلم اتم الله نعمته علينا بان يجعلنا معه في الفردوس الاعلى

أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا. . هنا انا الصراحة مش عارفة ليه ربنا قال ام حسبت لان ام دي حرف عطف وبتكون تخيير بين حاجتين مثلا او جملتين الحاجة التانية اللي محيراني طبعا انهم اسمه اهل الرقيم والرقيم اللي هي الحاجة اللي لها ارقام او تترقم والله اعلم برضه ليه اسمهم كدة المهم ان السورة اتسمت باسمهم على اساس ان اسوأ واصعب فتنة في الدنيا بتكون الفتنة في الدين ودي اتمنى من ربنا انه يبعدها عني وعن كل اللي اعرفهم وعن العالم كله الفتنة في الدين ان شيء يخليك تشرك بالله او تكفر بيه وده اللي حصل في الشباب او الصبيان اللي لجأوا للكهف دول صبيان مراهقين يعني قمة التمرد والبعد عن القيود يعني الصبيان اللي حاليا كل همهم البنات والمنظرة الصبيان دول اهلهم اتخذوا من دون الله الهه مش عاجبهم الكلام ده وبيقاوموه بيتقال ان الملك كان بيجير الناس على الكفر وانه لما بيعرف ان واحد مؤمن بيضطهده او شيء من هذا القبيل المهم ان الصبيان دول قرروا يلجأوا لكهف علشان يبعدوا عن الفتنة ويفضلوا يعبدوا ربنا حاليا الموضوع بنفس الصعوبة والفتنة اشد كمان الع

الناس بتقتل بعض في بلاد كتيرة في العالم لكن عندنا لازم تتحط تحت الميكروسكوب ويتقال ارهاب وغيره كنت في عمان في فترة باشتغل في مكتب التخطيط في وزارة الكهرباء التابع للوزير وكان معانا مستشارين للوزير هنود وانجليز وواحد كان من بنجلاديش وقعد معايا يقول لي انا عايز افهم ليه التركيز عليكم كدة ما عندنا فيه بلاوي في البلد والناس بتقتل بعض ولكن زي ما يكون الكرة الارضية ما فيهاش الا الشرق الاوسط وساعتها كانت فعلا بنجلاديش فيها مشاكل كبيرة ولكن الناس حتى مش عارفة هي فين لو سألتهم ما ر ضيتش اقول له علشان الصهاينة بتوع الاعلام عايزين يطلعونا وحشين ويستولوا على كل اللي يقدروا عليه بعد ما يطلعونا اوحش خلق الله وان دينا اوحش دين واننا ناس بنقتل ونذبح وبالتالي يجوز علينا العقاب الاعلام الغربي بيقوم بالواجب واحنا عايزين منابر اعلامية معتدلة في مصر تحلل المواضيع صح وتحاول تغير المجتمع لناحية ثقافية تخلينا شعب محترم مثقف واع مش تولول وتلطم وتعلي صوتها وهات يا تهزيئ لكل الناس او تطبيل للناس اللي على مزاجها

إِنَّا جَعَلْنَا مَا عَلَى الأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلا (7) . وَإِنَّا لَجَاعِلُونَ مَا عَلَيْهَا صَعِيدًا جُرُزًا (8) . يعني الزينة ده ابتلاء واختبار اللي على الارض ابتلاء كل اللي بنشوفه وبنمارسه ونفرح بيه ده في الاخر محطوط علشان نعرف عملت بيه ايه وعلمت له ايه وفي الاخر كل ده حيروح الصَّعِيدُ : وجه الأرض : اقصدوا ترابًا طاهرًا مستوى واحد يعني كل اللي احنا شايفينه حيبقى تراب على مستوى واحد أرضٌ جُرُز : أرض جرداء لا نبات فيها وانقطع عنها الماء فهي يابسة الحياة كلها بتنتهي يعني مدة بقاءنا في الدنيا وهي حلوة وكلها خضرة ونبات دي كلها حتنتهي بعد ما نخلص الامتحان

فَلَعَلَّكَ بَاخِعٌ نَّفْسَكَ عَلَى آثَارِهِمْ إِن لَّمْ يُؤْمِنُوا بِهَذَا الْحَدِيثِ أَسَفًا . كلمة باخع نفسه لها معنى كبير بَخَعَ نَفسَه : قتلها غيظاً أو غَمًّا يعني الرسول عليه الصلاة والسلام حيموت نفسه من الزعل والاسف انهم مش بيؤمنوا بالقرآن والحديث اللي بيقوله لهم وده علشان الناس اياها من الدواعش تتعلم الرسول مموت نفسه زعل على الناس لو مش بتؤمن والدواعش بيموتوهم الأية دي بتعطينا السبب اللي خلى الرسول من احب خلق الله واحد زعلان لحد الموت على اللي مش مهتدي رفعة خلق وسمو وانبهار صلى الله عليه وسلم

اللي ايده في المية مش زي اللي ايده في مية النار الناس اللي في سيناء واتقتلوا علشان ما رضيوش يحموا الدواعش دول لازم يتعمل لهم فعلا نصب تذكاري لانهم لازم حتى اولادهم يعرفوا انهم كانوا ابطال وفضلوا بلدهم على فكر مستورد بيفهمهم ان الدين فيه قتل وذبح وترهيب ناس رفضت انها تحمي قتلة فقتلوهم غدرا وهم يصلون لله رب العالمين قتلوا ابناءهم في المساجد بعد عدة سنوات في العمل التنموي وانا وسط الناس بالذات في الاماكن اللي ما شافتش اي حنية ولا قرب ومع احتكاكي بيهم عرفت وتأكدت ان التقدير ا لمعنوي والشعور بانهم مميزون اهم من الاكل والشرب الشعور بالوجود ده غريزة زي حب البقاء لان حب البقاء لا يعني ان الجسد يبقى فقط ولكن يعني ان يبقى الذكرى الحسنة ويبقى في قلوب الناس الجسد سيفنى ان آجلا او عاجلا ولذلك تبحث الروح عن البقاء في العقول والقلوب

قرية الاندلس قرية في البحيرة كانت منسية زي كتير من القرى مجموعة من الاصحاب قرروا انهم يقفوا جنب اهلها ويخلوها ما تحتاجش حاجة من حد بدأوا اول خطوة وهي العيشة الادمية (تسقيف ونجارة ومحارة وارضيات وادخال مياه نظيفة وكهرباء وتحسين اداء الصرف ) وبيكملوها بدأوا تاني خطوة وهي الامن الغذائي (توزيع ماعز وفراخ بياضة) وخلصوها وبدأوا الخطوة الثالثة وهي الحياة الكريمة (تقديم مشاريع تنموية صغيرة) وماشيين فيها بعديها نقدر نقول ان القرية دي ممكن نتكلم معاها على تنمية بشرية او تنمية مجتمعية او مدرسة حرفية مفيش قرية ينفع نبتدي معاها اي شغل ارشادي او توجيهي من غير ما يكون اهلها مطمئنين على نفسهم وفي بيوتهم وساعتها ممكن نتكلم معاهم على اي نقطة من نقاط اللي عايزينها في تنظيم النسل او رفع سن الزواج او نعمل مشروع تنموي كبير في القرية يشتغل فيه ناس كتير شكرا للناس اللي بتشتغل في صمت وبتعمل الخير لله وان شاء الله لما تخلص القرية نحط كل صورها باذن الله قبل التنمية وبعد التنمية اصحابي وحبايبي ربنا يحميكم وتستمروا في عمل الخير دايما

سورة الكهف اليوم قَيِّمًا لِّيُنذِرَ بَأْسًا شَدِيدًا مِن لَّدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا . بنتكلم عن القرآن اللي ربنا لم يجعل به عوجا وقيم كمان القيم دي من عظمة كلام ربنا فيها حاجتين له قيمه بيقدر يعرف قيمة الناس الذي يقوم بشأنهم ويَسُوس أَمرَهم او لو وضع معين استعرض نتائجَه وما حقّقه من تقدُّم ، وقرّر يعني القرآن جاي يقول لنا احنا اللي بنعمله صح والا غلط يعني ولله المثل الاعلى هو الايزو بتاعنا بيقول الغلط والصح وبيهدد للظالم ويبشر للمؤمن وانا لاحظت ان ربنا سبحانه وتعالى بيقول المؤمنين مش المسلمين ولا يقول يا ايها الذين اسلموا ولكن بيقول يا ايها الذين آمنو لان الايمان غير الاسلام الايمان انك تؤمن بربنا والكتب والرسل والملائكة والقدر والجنة والنار وان فيه حساب وانه حيحاسبك ده لوحده كوم وان تعمل الصالحات دي كوم تاني يعني ربنا بيبشر اللي بيعمل الصالحات انه هو اللي حيعطيها الأجر وكمان بيقول حسن يا قوة الله اجر حسن من عند اللي خلق الكون تخيل بقى على قدر ربنا على قدر الاجر اللي بيعطيه والاية اللي

نروح على سيناء الناس اللي موتت ناس في مسجد فيه ايادي عايزة تخليه له طابع ديني معين يعني ناس لها مذهب بتدمر ناس لها مذهب تاني وده غلط اساسا وكان باطل بيلبس ثوب باطل اوحش منه اللي ماتوا دول شهداء وربنا عارف ان اللي قتلهم خسيس وربنا سايبه ليوم هو اللي حيحاسبه بنفسه واكيد الناس دي حتعيش وتموت وهي مش دايقة طعم الراحة في حياتها الحادثة دي بتفكرني بحادث كنيسة القديسين هنا في اسكندرية اللي كانت حارقة قلبي ان ناس رايحة بيت ربنا ومع ذلك يقتلوها غدر سبحان الله ناس قررت انها تحدد وقت الموت ناس بتدخل في مقدورات زي النمرود لما قال انا احيي واميت فاكر انه هو اللي يحدد امتى الشخص ده يموت او يحيى وده زي الشرك بالله بالظبط الناس اللي اتقلت كان ممكن تموت في حادث قطر او تغرق في فيضان لكن فيه ناس قررت انها هي اللي تاخد ذنب قتلها يارب يرحمهم كلهم ويجعلهم في جنته ويصبر اهلهم وبالذات اللي مات لهم اطفال وهم عايشين ويقدرنا نقف قدام الظلمة الجهلة اللي بيهدروا دماء ناس ابرياء ويقتلوهم بدم بارد يارب يصبرنا ويقدرنا اننا نقضي على الناس دي ويوقف نهر الدم الموصول ده

الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَل لَّهُ عِوَجًا . عِوَجٌ : منحرف عن القصد ربنا ولله الحمد انزل لنا القرآن وهنا بيعلمنا نحمد ربنا على النعمة دي وبالاخص ان مفيهوش اي انحراف عن القصد يعني اي حاجة معووجة بتكون مش ماشية في الطريق المخصص لها والقرآن المفروض انه يعلمنا المنهج اللي نمشي عليه في حياتنا علشان لما نقابل ربنا نكون وفينا وعملنا الامانة اللي هي الاعمار في الارض والقرآن المفروض هو الكتاب اللي فيه المنهج ده ومن غير اي اعوجاج عن الهدف والقصد والطريق

وَقُرْآناً فَرَقْنَاهُ لِتَقْرَأَهُ عَلَى النَّاسِ عَلَى مُكْثٍ وَنَزَّلْنَاهُ تَنزِيلاً . القرآن اللي هو كلام ربنا ما نولش على ورق ولا نزل مكتوب ولكن نزل مقروء وكمان ما نزلش بالترتيب بتاعه اللي احنا بنقراه دلوقتي فيه ايات كانت بتنزل في موقف معين او عند حدث معين وبالتالي يكون اسباب النزول واضحة وصريحة ومع ذلك لما تقرا الايات دي بعديها بقرن تلاقي الاية دي بتكلمك انت على حاجة في بالك كنت عايزها توضح القرآن نزل على سنوات طويلة وكان ربنا قادر ينزله دفعة واحدة ولكن ربنا اراد ان الايات تنزل على مهل وبالراحة ومتفرقة وبعد كدة ييجي جبريل ويرتبها زي ما ربنا عايزها ويثبتها في قلب الرسول زي ما القرآن المفروض يتحط حاليا باحس ان القرآن بياخدني حبة بحبة لربنا وشوية شوية باحس ان ربنا بيكلمنا كلنا بيه وكل على شاكلته برضه يعني كل واحد وطريقته المهم اننا احنا كمان نقراه على مكث ما نستعجلش ونبص فيه ونقلب الاية مرة واتنين ونشوفها ونشوف التفاسير المختلفة وفي الاخر نشوف الاية دي عملت لنا ايه واحنا دخلت قلبنا ازاي انا مرة شفت الناس اللي في جوانتانامو وصورة وواحد بيصلي قلت ده انا لو مكانه مكا

في سورة الاسراء ايات كتيرة بتبين ان الناس عايزة شواهد عينية وحقيقية على ان النبي او الرسول من عند ربنا سواء عن طريق انه يجعله في الدنيا مقام مدعم بالفلوس والذهب والنعم او يكون بالعقاب المباشر لكل اللي مش ماشي تبعه وربنا في كل موقف يقول انا قادر على كدة وقادر اني اخسف بيكم الارض ولكن ده مش طلبي طلب ربنا اننا بالعقل نشوفه وبالعقل ندركه وبالعقل نذعن له وبالعقل نسلم له انفسنا وهو بالعقل ازاي الكون ده يكون من غير رب استحالة بكل الدقة والكمال ده يكون من غير اله وبالعقل لازم يكو ن اله واحد لان زي ما ربنا قال كان لازم واحد فيهم هو اللي حيسيطر وبالعقل نذعن له لانه اذا كان بالعظمة دي والقوة دي والعزة دي يبقى هو اللي ننحني له ونصلي له ونتواصل معاه في السورة مجادلات من الكفار مع الانبياء وبالاخص بني اسرائيل وكفار قريش في الآخر بيقول . وَبِالْحَقِّ أَنزَلْنَاهُ وَبِالْحَقِّ نَزَلَ وَمَا أَرْسَلْنَاكَ إِلاَّ مُبَشِّرًا وَنَذِيرًا . يعني اعرفوا ان اللي نزلناه بالحق نزل

وَمَن يَهْدِ اللَّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُمْ أَوْلِيَاء مِن دُونِهِ وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْيًا وَبُكْمًا وَصُمًّا مَّأْوَاهُمْ جَهَنَّمُ كُلَّمَا خَبَتْ زِدْنَاهُمْ سَعِيرًا . الهداية تستلزم شغل يعني لازم اكون شايف وسامع ومتواصل مع اللي حوالي وبالتالي اللي مش طالب الهداية تجيله ازاي الا ان اراد الله يعني فيه ناس بتتعب علشان تتهدي وبتسافر تدور على الصح وربنا بيهديها في الاخر وفيه ناس ربنا بيبقى باعت لها الهداية على طبق من ذهب استعمل حواسك من نظر وسمع وحديث في انك تبعد عن جهنم لانك لو وصلت ليوم القيامة قبل الموضوع ده فلا حيكون لك لا لسان ولا عين ولا اذن تستخدمهم خلاص الوسائل انتهت . ذَلِكَ جَزَاؤُهُم بِأَنَّهُمْ كَفَرُواْ بِآيَاتِنَا وَقَالُواْ أَئِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا . وده جزاء الناس اللي حكمت غلط وقالت غلط واللسان اللي بتحاول بيه تضرب في الايمان مش حيساعدك الا في انك تقرب من جهنم اكتر . كل عنه مسؤولا

الست اللي بتساعدني بتقول انها بتشقى مش زي المهندسين اللي كل شغلهم على المكاتب 😂

قُلِ ادْعُواْ اللَّهَ أَوِ ادْعُواْ الرَّحْمَنَ أَيًّا مَّا تَدْعُواْ فَلَهُ الأَسْمَاء الْحُسْنَى وَلاَ تَجْهَرْ بِصَلاتِكَ وَلاَ تُخَافِتْ بِهَا وَابْتَغِ بَيْنَ ذَلِكَ سَبِيلاً . والله انا حسيت من الاية دي غير ان الصلاة ما تكونش بصوت عالي او بصمت ان ربنا عايزنا نحترم صلاتنا مش نحط المايكروفون والامام يخلي الناس مش بس جوة الجامع ولكن في المنطقة اللي حواليهم كلها سامعة كل حاجة بيقولها على بعد مئات الامتار المفروض ان الصوت يكون داخل المسجد فيه حاجة كمان هنا ربنا بيقول ادعوا الله او ادعوا الرحمن اشمعنى الاسمين دول باحس ان الله هو الاسم الجامع لكل صفات الله مفيهوش واحد عن التاني والرحمن هو الاسم اللي يخص الله لانه اشتق اسمه من الرحم والرحم كلمة اكبر من الكون انا باحس ان الكون نفسه رحم ربنا خلقه كله لنا وكان بيهيئة علشان يستقبلنا خلق مخير يختار الله طواعية ويعبده ويحبه ويسلم له دون ان يراه حتى الارض كانت بتستعد لنا بكل اللي اتخلقوا فيها بما فيهم الديناصورات اللي بقت بترول بعد كدة هي والغابات الكتيرة وغيرها باحس ان التطور الطبيعي اللي وصل الارض انها تستقبلنا هي اللي خلت