لو اخويا معايا

-
مذكراتي 72

لما كبرت و بقيت في اعدادي و ثانوي كان لازم ابطل شغل العيال و اكبر كدة و ابقى حاجة جامدة وساعد في كدة اخواتي الصبيان كانوا مش معايا زي الأول ، كل واحد منهم كان له حياته و اصدقاءه وبالتالي بقى لكل واحد شخصيته وظل الكبير كبير و النص نص ، نص نص
وانا زي ما انا
في المستخبي لازم العب بسكلته و اتفرج على المصارعة الحرة و اعرف العربيات بالاسم
ولما جيت اسكندرية و كونت اصحاب كان منهم اصحاب العائلة و ماما و بابا مسافرين وانا على طول معاهم وهم بنت وولدين زيي كدة لكن شتان الفرق
البنت رقييييييييييقة
الاولاد عاقلين
وانا في وسطيهم حاسة ان المعادلة مش مضبوطة ، لكن و ليه لا
ياللا
العب رقيقة انا كمان
و اقف قدام الكرسي و ابص لاخو صاحبتي و اقول
لو سمحت تنقله للسفرة
و يسمع الكلام
لو سمعت تعلي التليفزيون
ويسمع الكلام
لو سمحت تحضر لنا العشا
مش بيسمع الكلام
وبعديييين
انا اقول له و بنفس الرقة
ده لو كان اخويا هنا كان راح جري يعمل لي العشا
احنا كدة عائلة مترابطة وجميلة و بنحافظ على اخوتنا
و طبعا اخواتي مسافرة وانا عايشة درو البرنسيسة
الى ان أتى اليوم المشهووووووووووود
رجع اخواتي من السفر و جاءت تلك العائلة المضللة الى منزلنا في ويم من الايام
كنا قاعدين في اوضة السفرة و عايزين نروح اوضة القعاد علشان نتفرج على التليفزيون
وراح اخويا الله يستره قرر ان يديني واحد من اوامره
روحي هاتلنا التليفزيون من الاوضة التانية بدل ما كلنا نقوم وهنا احسن
انا بقى جريت للمطبخ كاني باعمل لنفسي حاجة و عاملة مش سامعة لان كدة كل مخططاتي مع عائلة صديقتي انتهت
كدة اخواتها مش حيسمعوا كلامي
واستنيت لما اخويا ينسى
رجعت لقيته بيفهمهم الفولة
اصل اختى دي اجدع من الرجالة و بتحب الاعمال الشديدة و هي بتسبقنا لما نشيل حاجة
وانا رجعت في النص و قلت لهم ما تصدقهوش
ده انا مش باعمل حاجة حالص هنا
ومن ساعتها بعد ما كنت باروح عند صاحبتي ادلع و اقول لاخواتها هاتوا و حطوا
بقيت اعمل لهم العشا و اشيل الكنب

تعليقات

إرسال تعليق

المشاركات الشائعة من هذه المدونة

مين عايز شكولاته الا كوكا

-
انا طول عمري باحب اخواتي زي عيوني اختي الكبيرة مثل اعلى احب ابقى زيه بنت ناس بصحيح اخويا الكبير ده لوحدة حتة من الجنة سعادتي كلها وانا معاه اخويا الصغير حنية الدنيا فيه كله عاطفة وباشعر معاه بالامان ولكن اخويا الصغير كان دايما بيزعل مني زي ما ناس كتير ممكن تزعل مني من غير قصد وانا لما كنت ازعل منه ساعات افتكر وساعات لما انام تاني يوم انسى كان لما يزعلني بعد الظهر وانا اتنطط من الزعل واقوله مخاصماااااك عمرك ما تكلمني تاني ابدا ويعدي بعد الظهر وانا مكشرة وانام بعد النوم الجميل والساعات المريحة اصحى تاني يوم واقوله صباح الخير ما يردش صبااااااح الخير يا جميل ما يردش فيه ايه يبص لي ويقول لي مش انتي مخصماني احاول افتكر هو كان عمل ايه مزعلني ويدخل يغسل وشه وانا سرحانه في السقف هو كان زعق والا اخد مني حاجة ما رجعهاش والا يمكن كسر لي لعبة المهم بعد المدة الطويلة والسرحانة الاقي نفسي مش فاكرة اقول له خلاص انا مش مخصماك صباح الخير ما يردش اقول له فيه ايه يقول لي انتي صالحتيني لكن انا مش مصالحك ليه يا عم فيه ايه اهو كدة انا مش مصالحك الله اذا كان انا اللي زعلانة اهو ...
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب...
قراءة المزيد

يامرايتي يا مرايتي

-
يامرايتي يا مرايتي مين اجمل واحدة في الدنيا دي اللي قالته الملكة ولما المراية قالتلها سنو وايت و بياض الثلج قررت قتلها فيه ناس مش بتشوف نفسها في المراية لكن بتشوف المراية تقول لها ايه فيه كتير من الناس بتستنى تشوف الناس تقول لها ايه عن نفسها وتعتمد على الكلام ده في انها تشوف نفسها اعرف بنت صغيرة المدرسة كانت بتتكلم عن التميز في الشكل واشارت الى حجم انف الفتاة انها تتميز بانف كبيرة والله اعلم ان انفها جميل ومتناسق مع وجهها وان تلك الفتاة كانت جميلة ولكن هذا الوصف حول في حي اة الطفلة وافقدها الكثير من الثقة في النفس . ياريت نشوف نفسنا في المراية زي ما ربنا خلقنا نشوف انسان جميل سجد له الملائكة وغضب الله على ابليس لانه لم يسجد له نشوف خلق الله الجميل اللي مهما شعرنا ان فيه عيوب لكنها مش عيوب ده تميز نشوف قلبنا قبل وجهنا مفيش داعي تعتمد على رؤية الناس لك علشان تعرف انت مين لازم تعتمد على رؤيتك ولو شفت حاجة مش عاجباك حليها باخلاقك وعطفك وحنيتك صباحكم زي الفل والياسمين
قراءة المزيد