طفلة للابد

ربنا عايزنا نمارس الحياة مش ننقطع عنها بيقول لنا في سورة الملك أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ ۚ مَا يُمْسِكُهُنَّ إِلَّا الرَّحْمَٰنُ ۚ إِنَّهُ بِكُلِّ شَيْءٍ بَصِيرٌ (19) . يعني اتفرج على الطير وهو بيطير يفتح جناحه ويقربه مش عايزنا ننعزل بالعكس عايزنا نتفرج على الدنيا ونتمعن فيها

في لحظات الهجرة الرسول (عليه الصلاة والسلام) قال لسيدنا ابو بكر لا تحزن ما قالش لا تخف قال لا تحزن لانه مش خايف هو زعلان على انه سايب مكة # نعمان_علي_خان

قبل الهجرة الرسول كان بيصلي في اتجاه بيت المقدس في القدس ولكن علشان بيحب الكعبة كان بيخلي الكعبة بينه وبين القدس وبعد الهجرة كان حيصلي للقدس وعاطي ظهرة للكعبة وكان ده بيزعله وبيحزنه اكتر من انه يسيب بلده ومكانه وعائلته # نعمان_علي_خان

قرآن الفجر مش صلاة الفجر يعني القرآن اقترن بالفجر لان الصلاة في الفجر وقراءة القرآن فيه يتم رصده اكثر من اي صلاة اخرى الفجر مربوط بالقرآن لان القرآن زي النور اللي بيطلع بعد الظلام # نعمان_علي_خان

قرآن الفجر كان مشهودا قيل ان من اكثر الصلوات اللي لازم تكون جماعة هي الفجر علشان الناس تشاهد بعضها بعضا # نعمان_علي_خان

ربنا سبحانه وتعالى بيطلب مننا نرجوه انه يتوب علينا ويرزقنا ويبعد عنا الشر # نعمان_علي_خان ايه الحب ده وده كنوع من القرب منه يعني بيقول لنا نقرب منه ازاي سبحانك يارب يا معطي يا مجيب

ربنا بيحافظ على كرامتنا في الدنيا باننا نعرف ان مفيش غيره هو اللي يقدر يجاوب ويسمع ولو حب ربنا يسخر الدنيا كلها تبقى في ايدينا قوة وسلطان

تخيل كدة انك تقدر وانت في بطن مامتك تحدد شكلك حيكون ايه وحتبقى ازاي لما تكبر وحتكون ناجح ازاي وفي ايدك انت اللي تحدد وفي ايدك تكون ناجح جدا ومعاك فلوس كتير جدا وبالعكس ممكن تبقى فاشل جدا وفي الحضيض تخيل كمان انك واعي ومدرك زي دلوقتي يعني مش رضيع مش فاهم تخيل بقى ان ساعة الولادة هي يوم القيامة وانك ساعتها هو اللي حتعرف تروح فين بس مبني على اللي بتعمله دلوقتي يالا بينا حدد بقى من دلوقتي انت حتبقى ايه في الاخرة

كوباية الشاي الدفيانة من عندنا في نجع العون كوباية الشاي السخنة تفضل سخنة من نجع العون يالا بينا المعرض الجاي ان شاء الله كل واحد ياخدله طقم كوباياته من عندنا

هي اوسط ما تطعمون به الاهل تشمل الشكولاتة بتاعة بالليل والا دي خارج الحسبة

اقوى قلوب العالم هي اللي بتبتسم وهي بتدمي

في سورة الحج اعوذ بالله من الشيطان الرجيم بسم الله الرحمن الرحيم . وَمَا أَرْسَلْنَا مِن قَبْلِكَ مِن رَّسُولٍ وَلا نَبِيٍّ إِلاَّ إِذَا تَمَنَّى أَلْقَى الشَّيْطَانُ فِي أُمْنِيَّتِهِ فَيَنسَخُ اللَّهُ مَا يُلْقِي الشَّيْطَانُ ثُمَّ يُحْكِمُ اللَّهُ آيَاتِهِ وَاللَّهُ عَلِيمٌ حَكِيمٌ 52 لِيَجْعَلَ مَا يُلْقِي الشَّيْطَانُ فِتْنَةً لِّلَّذِينَ فِي قُلُوبِهِم مَّرَضٌ وَالْقَاسِيَةِ قُلُوبُهُمْ وَإِنَّ الظَّالِمِينَ لَفِي شِقَاقٍ بَعِيدٍ 53 . الايتين دول فيهم جدل وكلام كتير ولكن انا حاكتب اللي شاعرة بيه كنوع من التدبر في الايات ليس الا اولا ربنا هنا بيقول لسيدنا محمد عليه الصلاة والسلام ان مفيش نبي ولا رسول قبله الا اذا تمنى القى الشيطان في امنيته طيب هنا ربنا سبحانه وتعالى بيتكلم عن امنية النبي او الرسول يعني حاجة بيتمناها وفي التفاسير قالوا ان امنية النبي او الرسول هو هداية اهله ولكن هنا ربنا قال تمنى ولم يحدد فايا كانت الامنية غالبا حتكون خير وهنا ربنا مقالش حاجة عن الرسالة نفسها يعني الامنية ممكن تكون في طريقة تحقيق الرسالة او طريقة هداية الناس او ممكن حاجة شخصي

الصلاة صلبة بينك وبين الله ما تقطعش الحبل اللي بينه وبينك علشان ما تتولدش يوم القيامة مشوه الصلاة زي الحبل السري بتبعث لك ما يقيم حياتك الروحانية تغذيك بحب الله لك تملاك امل وطاقة ان فيه ربنا اكبر من كل الموجودين خلي صلتك بالله موصولة

بدل الاستسهال روح دور على قرية غلبانة جيب ان شاء الله الف كتكوت وزع الكتاكيت في رمضان ده روح القرية دي السنة اللي بعديها اراهنك حياكلوك شوربة فراخ تحفة ياريت اللي بيوزع شنط رمضان في الريف يستبدلها بكام كتكوت علشان يربوهم يمكن السنة الجاية يبقى عندهم فراخ بتجيب بيض

كانت لدي صديقة تحبني جدا وكنا مجتمعات في جلسة مليئة بالسيدات وظلت احداهن تتحدث عن اشياء تمسني بشكل غير مباشر وتسخر من الشخص الذي يفعل هذا وذاك والكل يعلم انها تتحدث عني وانا لا اجيب واشاركها في السخرية من هذا الشخص الذي تتحدث عنه بعد الجلسة بيوم تحدثت صديقتي في التليفون وهي غاية في السوء واخبرتني انها لم تنم من حزنها على الهجوم علي وكيف اني طيبة بالقدر الذي جعلني لم افهم انها تقصدني في السخرية اخبرتها اني اعلم جيدا انها تقصدني ولكنها لم تفصح ولو افصحت لاستطعت ان ارد اهانتها ولكنها اجبن من ذلك ثانيا لو افصحت ولم ارد عليها فاهانتها تكون قد وصلت لي وهي شعرت بانها استطاعت ان تقلل مني امام السيدات وفي النهاية انا لم تصلني منها اي اهانة انها تحدثت عن شخص غائب قام بعمل لم ترض عنه وسخرت منه وانا اكملت معها السخرية لان ما تحدثت عنه بالطريقة التي هي وضعتها كان يستحق السخرية ثالثا لو كنت اريد ان اقم بموقف كان من السهل ان العب دور الغبي واطلب منها الافصاح واسالها سؤال بريء هو انتي تقصديني والا حاجة وحينها كان الموقف سيتصاعد والجلسة لم تكن ستظل ودية وكانت ستصبح هي في وضع الدفاع ا

عارف لما بترضي ربنا بترضي البشر عارف لما بترضي البشر بغرض رضاء ربنا بترضي البشر وربنا عارف لما بترضي البشر بغرض ارضاء البشر البشر مش بترضى وبتغضب ربنا

في سورة الجج اعوذ بالله من الشيطان الرجيم . كَأَيِّن مِّن قَرْيَةٍ أَمْلَيْتُ لَهَا وَهِيَ ظَالِمَةٌ ثُمَّ أَخَذْتُهَا وَإِلَيَّ الْمَصِيرُ . حصلت حاجة من اكتر من ثلاثين سنة واياميها اتخضيت وقعدت افكر فيها وما بقيتش عارفة احللها وافهمها فيه قرية في الصعيد حصل مطر وفيضان كتير جاء عليها وكان فيه مخزن فيه مواد قابلة للاشتعال على اول القرية نتيجة الفيضان اتكسر والبراميل اللي جوة ولعت وانتهت القصة ان القرية كلها ماتت سبحان الله براميل مشتعلة على مياة غرقت الناس وحرقتهم حسيت انهم زي قرية بومبي اللي في ايطاليا اللي البركان ردمها والناس ماتت زي ما هي في وضعها وحاليا ممكن تزورها وتشوف الناس زي التماثيل في مكانها وقتها حسيت ان العقاب الجماعي بيكون في حالات شيوع الظلم او شيوع الخطأ يعني اكيد القرية دي اللي في الصعيد كان فيه حاجة ممكن تكون السبب في هذا العقاب الجماعي والاية دي النهاردة حسيت انها بتتكلم عليها وعلشان كدة سورة العصر تعتبر من اعظم سور القرآن وفيها ثلث الدين زي ما بيقولوا وهي اعوذ بالله من الشيطان الرجيم بِسْمِ اللَّهِ الرَّحْمَنِ الرَّحِيمِ وَالْعَصْرِ (1) إِ

وَيَسْتَعْجِلُونَكَ بِالْعَذَابِ وَلَن يُخْلِفَ اللَّهُ وَعْدَهُ وَإِنَّ يَوْمًا عِندَ رَبِّكَ كَأَلْفِ سَنَةٍ مِّمَّا تَعُدُّونَ . في الاية دي ربنا بيحذرنا من اننا نطلب العذاب لان يوم ربنا زي الف سنة يعني ما تستهينوش بالعذاب

تعالوا نتكلم عن الاسراء والمعراج دي ليلة اولها الرسول كان نايم مغموم ومش عارف الصبح حيبقى فيه ايه تخيلوا ان العالم كله مسئوليتك وان عليك تهدي الناس لطريق ربنا وتعرفهم ان فيه يوم قيامة وان اللي بيعمله دلوقتي حيرد عليه بعدين وان اخلاقه وجسمه وارضه وبلده اهله هو مسئول عنهم رجل يدخل المسئولية الاسرية والمجتمعية والشخصية بمنظور جديد على المجتمع اللي فيه وكمان لمن بعده هذا الرجل في اسوأ ايام حياته نام واستيقظ على رسول من عند الله وهو جبريل ليطلب منه السفر معه على البراق ويصلي ب الانبياء كلهم في بيت المقدس ثم تبدأ رحلته الى السماء لمقابلة الله عز وجل لو كان اي حد قال للرسول ان ده حيحصل يمكن مكانش حينام من الخوف والرهبة ولكن ثقته بالله خلته واثق من الرسول اللي بعثه وهو نفسه اللي لما شافه اول مرة ارتعد وكان بيتنفض ونزلت له سورتي المزمل والمدثر الاسراء هي رحلة المسار والمسئولية لان هناك حضر الصلاة وكان الامام اذا هو يجب ان يكمل مسيرة الانبياء كلهم ومسئول عن الدين فيما بعد ذلك وهو الاسلام لله عز وجل والسير تحت امره اما الرحلة الثانية وهو المعراج فهي شخصية وهي رحلة التثبيت والامان ل

قررت يوم من الايام اني اسمع موسيقى مع نفسي من غير ما ازعج جوزي وحطيت السماعة في الكمبيوتر وفتحت ملفات موزار واديله واسمع واعلي واوطي وعايشة مع الموسيقى الكلاسيكية لقيته من عز النوم بيقول لي هي دي مارشا الا توركا اتخضيت وبصيت له وشلت السماعة لقيت الصوت طالع ومالي الاوضة ايه ده هو انت سامع بص لي بطريقة فيها عتاب مع ابتسامة من ساعتها قبل ما احط السماعة اتاكد ان الصوت مش جايب الجيران

مفيش حاجة بعيدة على ربنا احلم وقرب وشوف بعينك قررررب قررررب

سورة الكهف كرم الله فيها الشباب شباب ترك العالم ليهرب بايمانه بالله الشباب هم الامل ربنا يديمهم نعمة لمصر

لما رحت ابيس اول مرة وقعدت مع الاطفال كنت بالاقي منهم عيال مضروبة يعني عينها زرقاء وكنت باخاف يكون فيه عنف اسري واكتشفت ان الضرب ده في المدرسة بين الصبيان وسألت واحد وانت ليه تضرب قال لي علشان ما يقولوش علي خرع هو ده اللي بيحصل في سوريا

الحمد لله ربنا اعطاني نعمة كبيرة قوي وهي اني مش باشوف الانسان من برة انما باشوفه من جوه سبحان الله تلاقيني باحب حد جدا وواحد تاني مش قادرة اتكلم معاه مهما كان مناصبهم واشكالهم ومع الوقت الناس بتكتشف سوء الشخص اللي مش قادرة اتعامل معاه فيه ناس كان بتقول لي هو انتي درستي علم نفس الحقيقة ان والدي الله يرحمه كان فاكر اني مش باعرف اعمل اصدقاء وان انا بينفر الناس مني وكان بيجيب لي كتب كيف تحصل على الاصدقاء وكيف تحسن من نفسك وفي نفس ذات الوقت كانت المدرسة كلها صاحبتي لكن كنت باقرا الكتب كويس واتعلمت منهم كتير لكن اللي عندي دي نعمة ورزق مش من الكتب ولا من الخبرة احمدك يارب

لاحظت ان فيه ناس وهي مفيش معاها فلوس بتكون كريمة ولما الفلوس بتزيد بتنزه نفسها ولما تزيد اكتر تبتدي تخاف عليها لدرجة انها بتبتدي تبخل على نفسها وبعدين تبتدي تبخل على الكل ساعتها بافتكر الاية اللي بيقول فيها ربنا سبحانه وتعالى في سورة البقرة اعوذ بالله من الشيطان الرجيم الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم يؤتي الحكمة من يشاء ومن يؤت الحكمة فقد أوتي خيرا كثيرا وما يذكر إلا أولو الألباب . فقوله - تعالى - : الشيطان يعدكم الفقر معناه أنه يخيل إليكم بوسوسته أن الإنفاق يذهب بالمال ويفضي إلى سوء الحال ، فلا بد من إمساكه والحرص عليه استعدادا لما يولده الزمن من الحاجات ، وهذا هو معنى قوله - تعالى - : ويأمركم بالفحشاء فإن الأمر هنا عبارة عما تولده الوسوسة من الإغراء ، والفحشاء البخل ، وهي في الأصل كل ما فحش ; أي اشتد قبحه ، وكان البخل عند العرب من أفحش الفحش من كتاب تفسير المنار

فيه ناس فاكرة ان وجود امريكا معاهم يعني انهم في امان هاهاها والله ضحكت امان مين يا عم انت اصلا ممصوص دمك يعني انت مش في امان هم اخدوا اللي عايزينه منك ومن الاجيال اللي الجاية كمان سلملي على الامان اللي مدفوع ثمنه ووقت الجد اول واحد حيرموه هو انت

ما يحدث سوريا هو بالحرف ما حدث في افغانستان من عدة عقود وكانت امريكا تربي اجيال من الارهابيين هناك لتوسع الرقعة الى كل الوطن العربي بعض العرب قالولها بدل ما تدخلي علينا ونتبهدل خدي الفلوس عالجاهز والله نوصلهالك لبنوكك ومعاهم عطر كمان كان فيه فيلم اسمه ليلة سقوط بغداد لو شفتوه حتفهموا افتح القوس

حين تطمئن النفس يطمئن الجسد ويشعر بالراحة والحرية الحرية في الهوميوباثي هي ان تعمل حسب البرنامج الذي ارسله الله لك مع الروح التي تكاملت مع الجسد وان تكن مطمئنا حينها من الصعب ان تمرض الا الامراض الوبائية التي يمرض بها البشر جميعا في اوقات معينة واماكن معينة واوضاع معينة

فيه شرير بيلبس دور الشرير وده كاوبوي وبيحاول يحببك في شره زي امريكا وفيه شرير شيك شكله وتصرفاته و بيقولك انا باساعدك تبقى كويس زيي وهو اصلا مش طايقك زي فرنسا وفيه شرير بيفهمك انك انت شرير وتستاهل اللي يجرالك وده زي انجلترا وفيه شرير سكير عربيد عايز يتحط في خريطة الاشرار علشان ما يبقاش خرع وده روسيا وفيه عبيط بريالة بيحب الأشرار الاربعة وبيدافع عنهم ونفسه يبقى زيهم بس مش طايل وده مش عارفاه مين يمكن حد يعرف وفيه خاين بيساعدهم ويقويهم على أهل بلده ويفرح لما يفهموه انهم حيساعدوه وفيه غبي بيلجأ لهم علشان يساعدوه وهو مش عارف انهم مش بيساعدوا دول بيركبوا بس ويدلدلوا رجليهم

رمضان قرب اغلب الاطفال اللي في حضانات ومدارس عملوا كذا حفلة فيها الاولاد بيلبسوا لبس مصري او جلاليب عايزين رمضان ده نخلي الاولاد يمسكوا الفوانيس زي زمان ويعدوا على الجيران وهم بيغنوا وحوي يا وحوي والجيران تحضر حلويات ومكسرات او فواكهة مجففة وتديهم ويبقى احلى من الهالوين كل رمضان واولادكم فرحانين

لما سبت السياسة الايام دي عرفت اركز في حاجات كتير لكن لما سبتها ايام حسني اولادي طرشقوا في وشي بعد ثلاثين سنة وقالولي منكم لله سبتوا البلد تغرق المرة دي سايبة السياسة لان عندي 63 سنة يعني لا باحل ولا باربط اولادي هم اللي في ايديهم يحددوا مستقبلهم اللي فوق الستين يعطي الفرصة للاولاد ويركز هو في انه يوصل لهم حكمة السنين

الآية دي عجيبة بكل المعايير لازم نتدبر فيها جامد جدا بتتكلم علينا وفيها تشبيهات لازم نفكر فيها سورة الحج اعوذ بالله من الشيطان الرجيم أَفَلَمْ يَسِيرُوا فِي الأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لا تَعْمَى الأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ . كلنا عارفين ان القلوب جمع قلب وهو القلب اللي بينبض بالدم ولكن هنا ربنا بيتكلم على اللي جوانا لان القلب ساعات بيتقال عليه الفؤاد ولكن القلب اللي لما تقلب الحاجة وتطلع قلبها او قلب العلبة يعني جواها هنا ربنا بيقول اننا ساعات بنمشي في الارض ومش حاسين باللي حوالينا يعني مش قادرين نفهم اللي بيجرا ونعقله يعني مش بس جوارحنا اللي بره لا كمان اللي جوانا مش حاسس وكلمة يعقلون بها برضه فيها كلام العقل في العربي جاية من عقل يعني ربط حاجة بحاجة وفي الهوميوباثي بيقولوا العقل سليم لما يكون بيربط الاحداث صح وبيبنيها على بعض يعني هنا ربنا عايزنا لما نمشي في الارض نربط الدنيا ببعض لان كل حاجة في حياتنا وفي الدنيا مربوطة بربنا وبقدرته وهو بيعمل كل حاجة لحاجة تانية

رسالة الشعب الاسرائيلي لحكومته بخصوص الفلسطينيين

سورة الحج اعوذ بالله من الشيطان الرجيم هَذَانِ خَصْمَانِ اخْتَصَمُوا فِي رَبِّهِمْ فَالَّذِينَ كَفَرُوا قُطِّعَتْ لَهُمْ ثِيَابٌ مِّن نَّارٍ يُصَبُّ مِن فَوْقِ رُؤُوسِهِمُ الْحَمِيمُ - 19 الاية دي بتتكلم عن التخاصم في الله هنا اختلف المفسرون هل هما خصمان من ديانتين مختلفتين زي ايام بدر بين الكفار والمسلمين او في العموم بين خصمين كل واحد معتقد اعتقاد على حق في النهاية ربنا قال اللي بيكفروا بيلبسوا هدوم من نار ويصل على رؤسهم الحميم طبعا صورة مرعبة اللي بيحدد مين الصح ومين الغلط هو ربنا يوم القيامة بس الصورة هنا جامدة قوي وبعديها ثلاث ايات كلها عن العذاب ربنا يكفينا شره يارب هنا كمان لقيت خصمان ولكن مش اختصما يعني هم مش رجلين والا اتنين بحقيقي ولكن هم مجموعتين فيهم ناس كتير وبالتالي اختصموا كمان هنا الموضوع فيه خصام في الله حَصَلَ خِصَامٌ بَيْنَهُمَا : خِلاَفٌ ، نِزَاعٌ ، جِدَالٌ ، مُنَازَعَةٌ يعني احنا مش بس بنعبد ربنا لا احنا بجادل بعض عليه وننازع بعض عليه واعتقد دي اكتر حاجة ربنا مش بيحبها اننا نختلف اختلاف يتسبب في النزاع والمجادلة وعلشان كدة الايات اللي بعدها كله

باحمد ربنا كتير على كل اللي كان ممكن يحصل لي وما حصليش كل شر منعه مني كل خير كان حيجيب وراه شر ووقفه الرزق مش بس اللي بيجيلك الرزق ممكن يكون شر اتمنع عنك

فصل المونتسوري في نجع العون وبإذن الله الاولاد يطلعوا فوق السحاب ونثبت للعالم ان المصري لو اخذ فرصة في التعليم الصح والعناية ممكن يصنع المجد

من أكثر وسائل التعطيل هو الرغبة في الكمال الإنسان يجب أن يضع الوقت في معادلات حياته احسن على قدر ما تستطيع ويسمح لك وقتك

لما دخلت النجع اول مرة واتكلمت معاهم عرفت ان لما الثورة قامت مكانوش يعرفوا ايه اللي بيحصل وكل احتكاكهم بالعالم الخارجي ان فيه جمعية جاءت عملت لهم حجرة في عدة منازل واختفت دلوقتي الشباب عارف اسكندرية ومصر وزاروا الاهرامات وبيحضروا المعارض الشهرية وبيحبوا مصر زي عيونهم الانتماء للوطن من اساس علاقتهم ببعض وحتى اللي لهم بعض الجذور غير المصرية بقى بيحب مصر جدا واصبحت هي الاصل عنده تحيا مصر ويحيا حب الشباب لمصر الظاهر ان حبي الشديد لمصر انتقل اليهم ودلوقتي كلمهم بس على مصر وشوف حيقولولك ايه حتى الورشة دهنوها علم مصر والباب بتاع المركز التعليمي بقى علم مصر انا بقى بحبهم علشان هم صورة مصغرة لمصر وباذن الله حيصدروا كل الحب والخبرة دي لمصر كلها

(وقال لقمان لابنه: يا بني، إن غلبت على الكلام، فلا تغلب على الصمت، فكن على أن تسمع أحرص منك على أن تقول، إني ندمت على الكلام مرارًا، ولم أندم على الصمت مرة واحدة)

اضافة الجمال بربوع نجع العون Randa Abdou

اكتر حاجة بتجمع الناس هي وحدة الهدف والشعور بالفخر للانتماء قيس على كدة المبارايات بتاعة الكورة لو كلهم عايزين يدخلوا جون او يمنعوا الكورة تدخل الجون بيحققوا نتيجة لو دخل فيها ان واحد عايز يبان شاطر ويحقق هو الهدف بنفسه علشان عارف انه ممكن يتطلب في فريق تاني يبقى المباراة بتبوظ علشان الشخص ده مش متوافق مع الفريق قيس على كدة حاجات كتير في السياسة الفاسد في شغله زي اللي بيبوظ مباراة الكورة علشان حاجة شخصية لان انتماؤه لنفسه الاخواني بيبص على الجماعة اكتر من البلد وعلشان كدة ما اتحدش مع الشعب المصري وتسبب في انهم اعتبروه ضدهم لو عايز اي فريق عمل يشتغل لازم تخلي قلبه على قلب راجل واحد وكله بيبص على هدف واحد وكله عنده فخر في انتماءه للمجموعة مصر محتاجه وحدة هدف وتزكية روح الانتماء والفخر

اللي يقول مفيش عدل في الحياة يبقى بالضرورة لازم تكون فيه اخرة علشان العدل يتم على يد العادل

سورة الحج اعوذ بالله من الشيطان الرجيم بسم الله الرحمن الرحيم حُنَفَاء لِلَّهِ غَيْرَ مُشْرِكِينَ بِهِ وَمَن يُشْرِكْ بِاللَّهِ فَكَأَنَّمَا خَرَّ مِنَ السَّمَاء فَتَخْطَفُهُ الطَّيْرُ أَوْ تَهْوِي بِهِ الرِّيحُ فِي مَكَانٍ سَحِيقٍ . حنفاء جمع حنيف الحَنيفُ : المائل من شرٍّ إلى خير هنا تكملة لان ربنا بيقول ما تقولوش الزور واجتنبوا الاوثان وبيعتبر الحنيف هو الشخص اللي حج اعتقد ان ربنا ربط الحج بان الانسان يميل به للخير عن الشر وهنا بيحذرنا نشرك بالله لاننا ساعتها حنبقى زي اللي بيقع من فوق بعد ما كنا مع الاكبر وقعنا من السماء وخر بتتقال على البناء لما يقع والحاجة الجامدة والثابتة لما تتكسر وساعتها وانت بتقع مفيش حاجة بتحميك من اللي بيقطع فيك او يرميك وده تشبيه ان الانسان لما ما بيكونش مع ربنا ممكن اي فكر ياخده واي قوة تفهمه انها معاه زي الناس اللي على ديانة اسمها السايانتولوجي واللي بتدور على قوة كونية هي اللي بتاخد ارواحهم لما يموتوا وحاجات من هذا القبيل دي ناس بتخطف روح الانسان اللي مش متعلق بربنا وبترميه في مكان وبعديها الريح تاخده في مكان سحيق سحُق المكانُ : بعُد

سورة الحج اعوذ بالله من الشيطان الرجيم بسم الله الرحمن الرحيم . وَلِكُلِّ أُمَّةٍ جَعَلْنَا مَنسَكًا لِيَذْكُرُوا اسْمَ اللَّهِ عَلَى مَا رَزَقَهُم مِّن بَهِيمَةِ الأَنْعَامِ فَإِلَهُكُمْ إِلَهٌ وَاحِدٌ فَلَهُ أَسْلِمُوا وَبَشِّرِ الْمُخْبِتِينَ - 34 . المُخبتين : المُطمئنين إلى الله أو المُتواضعين له وبيوصفهم ربنا الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَالصَّابِرِينَ عَلَى مَا أَصَابَهُمْ وَالْمُقِيمِي الصَّلاةِ وَمِمَّا رَزَقْنَاهُمْ يُنفِقُونَ - 35 . هنا ربنا سبحانه وتعالى بيقول المطمئنين الى الله الناس اللي قلوبهم بتتحرك بذكر الله وانهم بيصبروا على اللي بيحصل لهم وكل ده اضاف اليه اقامة الصلاة الصلاة ما ينفعش اطمئن من غير ما اؤدي اللي ربنا طالبه مني الانسان اللي بيطمئن لربنا الصلاة بالنسبة له بتكون استقرار واطمئنان مش بس فرض لازم يعمله ربنا يجعلنا من المخبتين ومحبي الله بالدرجة اللي الصلاة بالنسبة لنا تبقى لقاء معاه وراحة لنا من عناء الدنيا ومتاعبها

اتعلموا  من النباتات اتعلموا ان الاول تثبت جذورك قبل ما تطلع للشمس احنا بنفرح ونطلع للشمس قبل ما تكون الجذور ثابتة وبالتالي المشروع من دول بيقع بسرعة المفروض في حياتك الاول خليك في الدرا اعمل الصح وحقق الاستقرار وبعدين انطلق فوق السطح زي ما تحب

لو قعدت تكتب في قصة او تعمل بحث وكان سوبر عطيت البحث او القصة دي لواحد يقراها وكل كلمة في البحث لها معنى ووراها شغل كتير تفتكر لو دخلت الاوضة على الشخص ده ولقيته حاططها على المكتب وساند عليها الكوباية بتاعة الشاي والورق مبلول ومتبهدل ايه شعورك ده اللي باحسه لما باشوف واحد بيقرا القرآن بسرعة وبدون ما يتمعن في الكلام

نجع الشيخ عون انجب اجدع شباب كلهم بيحبوا مصر وان شاء الله مصر حتحبهم

قررت يوم من الايام اني اسمع موسيقى مع نفسي من غير ما ازعج جوزي وحطيت السماعة في الكمبيوتر وفتحت ملفات موزار واديله واسمع واعلي واوطي وعايشة مع الموسيقى الكلاسيكية لقيته من عز النوم بيقول لي هي دي مارشا الا توركا اتخضيت وبصيت له وشلت السماعة لقيت الصوت طالع ومالي الاوضة ايه ده هو انت سامع بص لي بطريقة فيها عتاب مع ابتسامة من ساعتها قبل ما احط السماعة اتاكد ان الصوت مش جايب الجيران # هي_دي_كوهينور_ياجدعان

تعالوا نتكلم عن الاسراء والمعراج دي ليلة اولها الرسول كان نايم مغموم ومش عارف الصبح حيبقى فيه ايه تخيلوا ان العالم كله مسئوليتك وان عليك تهدي الناس لطريق ربنا وتعرفهم ان فيه يوم قيامة وان اللي بيعمله دلوقتي حيرد عليه بعدين وان اخلاقه وجسمه وارضه وبلده اهله هو مسئول عنهم رجل يدخل المسئولية الاسرية والمجتمعية والشخصية بمنظور جديد على المجتمع اللي فيه وكمان لمن بعده هذا الرجل في اسوأ ايام حياته نام واستيقظ على رسول من عند الله وهو جبريل ليطلب منه السفر معه على البراق ويصلي بالانبياء كلهم في بيت المقدس ثم تبدأ رحلته الى السماء لمقابلة الله عز وجل لو كان اي حد قال للرسول ان ده حيحصل يمكن مكانش حينام من الخوف والرهبة ولكن ثقته بالله خلته واثق من الرسول اللي بعثه وهو نفسه اللي لما شافه اول مرة ارتعد وكان بيتنفض ونزلت له سورتي المزمل والمدثر الاسراء هي رحلة المسار والمسئولية لان هناك حضر الصلاة وكان الامام اذا هو يجب ان يكمل مسيرة الانبياء كلهم ومسئول عن الدين فيما بعد ذلك وهو الاسلام لله عز وجل والسير تحت امره اما الرحلة الثانية وهو المعراج فهي شخصية وهي رحلة التثبيت والاما

فيه ناس علشان مش عارفة احمد خالد توفيق اعتبرت ان اللي بيتكلم عليه بيزودها لان ازاي حد ما اعرفوش والناس تتكلم عليه كدة وكتير كمان ومش بعيد تبتدي تغلط في الراجل اللي مات والناس احبته وراحت وراه في جنازة وعملت له عمرة وده وهم مش عارفينه طب ازاي ما هو مش لازم تكون عارفه لان الاعلام بتاعنا نايم على ودانه ومش بيجيب الا اللي هم فاكرين انه مهم يعني مثلا مرتضى منصور ولو كان الاعلام بتاعنا محترم كان كل شوية يطل علينا بامارة ايه انما واحد زي احمد خالد توفيق محدش شافه لا في برنامج ولا حاجة وهو كاتب والشباب بيقرأ له بغزارة وبيحبوه ويبتدي واحد يقول لك مكانوش كتير والا قليل المهم انه واضح حب الناس له وربنا يرحمه رحمة واسعة ونحسبه عند الله صالح

قواعد عبادة الله تأتي من الله حب الله كما تريد لكن اعبد الله كما طلب منك

خلال حياتي احببت كل من تعاملت معه ولكن اقصيت كل من اختلفت اخلاقه عني حتى اعيش في دائرة متسقة الاخلاق لم افرض نفسي على احد من اصدقائي فعند شعوري بان احدهم ضجر مني انسحب بسهولة توقفت على ان اعاتب اي من اصدقائي فالعتاب اورثني الكثير من الحزن لان العتاب لم يؤت جدواه بل ترك في قلبي غصة لان من عاتبته لم يرضيني ولم يتغير ووجدت ان الافضل هو اما القبول او الانسحاب سقف توقعاتي بعد هذا العمر اصبح واقعي اكثر فلا اتوقع كثيرا فيصيبني الاحباط لم اضع ابدا مصلحة بيني وبين اصدقائي مهما كان ت صلتي بهم لم اعتبر وجودي في حياة اصدقائي ضروري ولكن اعتبر لجوءهم لي عند الشدائد ضرورة لاني بذلك اعطي صداقتي معهم حقها لان الصديق عند الضيق طوال حياتي كنت صريحة ولكن بما لا يؤذي مشاعر من امامي فاقول الحق برفق ولين اصبحت لا اعطي النصيحة الا لمن سألها ولا اتطوع بقول الا اذا سئلت اصبحت لا انتظر من احد عرفانا ولا شكرا وبذلك ارتحت وارحت اصبحت انظر الى المخطئ بنظرة الام وانظر الي المعطي بنظرة المحتاج وكلما اقتربت من الله كلما شعرت بالطمأنينة اكثر حتى اصطبغت بلونها اشكر دائما الجميع ولا انتظره من احد اكتشف

لو انت في الغربة بتحاول تعمل لنفسك بيت حلو وعملت البيت ونزلت ولقيت ان المكان اللي انت فيه بقى زحمة جدا وشعبي جدا وانت نفسك تعيش في هدوء او على الاقل تتباهى بالفلوس اللي تعبت فيها في الغربة ساعتها بتدور على البيت التاني اللي حتنقل فيه البيت اللي لازم تشتغل له هو البيت الاصلي اللي حيعجبك ولا عمرك حتضايق منه وحيبقى عندك الخدم والحشم والكل تحت امرك وحتبقى فرحان فيه لانه بيسموه الوضع النهائي وخصوصا ان ما فيهوش جيران سمجة تضايقك ولا حد يتباهى عليك ويبوظه قدام عينيك البيت ده هو ا لبيت اللي عند ربنا هنااااااك حتشتغل على بيوت الدنيا مش حيقضيك عمرك ولا عمر جنب عمرك علشان تبقى في حتة تقول ليس في الامكان ابدع مما كان لان دايما حتلاقي الابدع والاحسن والاغلى واللي يخليك حاسس ان ناقصك حاجة لو اشتغلت على البيت الكبير اللي عند ربنا ده يا سلام عمرك ما حتزعل لما توصل له. من كام شهر قريت بوست استفزني جدا . بيتكلم واحد ان العجمي بعد ما كانت الاصل بقت شعبية وبعديها مارينا وبعديها هايسيندا وهلم جرا وبيقول حنروح فين يعني اللي بيتكلم ده عايز يتحط في فقاعة مع نفسه هو واللي حاسس انهم في مستو

التوعية لوحدها مش حتنفع مع واحد مش عايش زي الانسان المساعدة المادية لوحدها مش حتنفع مع واحد ما عندوش فكر سليم وطريقة للتصرف النهاردة كنت باتكلم مع خالد اللي من نجع العون واحد عنده فدان وجاب ثماني اولاد وكلهم كبروا واتقسم الفدان عليهم كانوا بيزرعوا جزء خضار ياكلوا منه والباقي قطن ودلوقتي الفدان بقى قراريط وكل واحد بنى لنفسه بيت على قيراط ومش لاقيين ياكلوا مع ان الفدان كان بيكفيهم اكل قلتله بلغهم اللي بنى البيت على القيراط يجيب وحدة هيدروبونيك تعمل قيراط وهي بخمسة الاف وانا ممكن اسلفهم له لغاية لما تنتج يرد لي ثمنها ويبقى صحيح القيراط بتاعه راح من الزراعة لكن استبدله بوحدة تنتج 170 متر مربع قلتله كل واحد من الثمانية لو جابوا هيدروبونيك وحدة يبقى الفدان ممكن يتزرع قطن علشان يجيب لهم فلوس او قمح انا بس عايزة الاول اعمل الفكرة دي مع عائلة واحدة والم الارض اللي اتفتت مائة حتة على الاولاد واصبح الفلاح ما عندوش ارض يزرعها

فيه ناس قليلة جدا في الدنيا بابقى عايزة اشتمها بجد نفسي اعرف اشتم كنت لما اتغاظ من اخويا واحنا صغيرين اقول له يا ورقة ويرد علي بشتيمة اوحش يقول لي يا مكتب لاني كنت متربية في ليبيا في الخمسينيات مع الطلاينة وحتى الشتيمة الطلياني قليلة وكانت ممنوعة في البيت نفسي اشتم الراجل اللي قعد يقول الخمر انواع حسب المذاهب قال ايه خمر حرام وخمر ما اتقالش عليه حرام قال يعني احنا مش عارفين ان علينا اجتناب الخمر اجتناب يا جماعة يعني هو من سكة وانا من سكة يعني كانه واحد عنده مرض والعياذ بالله الطاعون ما تعديش من جنبه تخاف على نفسك منه انما حتة شيخ يقول لا على فكرة الخمر هو اللي معمول مش عارفة من فاكهة ايه والا من ثمار ايه الناس بقى اللي نفسها تشرب تقوم تقول الشيخ الفلاني قال حلال يا اخي اتق الله هو انت مش عارف انها حرام حتى لو ميت الف شيخ قالولك مش انت بتقرا قرآن وعارف ان الخمر من عمل الشيطان فاجتنبوه طيب لو مش عارف اديني باقولك واللي معايا على الفيسبوك وقرا الكلام ده لما يقابل ربنا ما يقولوش انا مكنتش عارف يقول له يارب انا عارف بس باحبها انا عارف بس ضعيف انا عارف بس مش هاممني ا

الدنيا سجن المؤمن وجنة الكافر المؤمن بيقضى العقوبة علشان ياخد حريته في الاخرة للايضاح الروح حين تنزل في الجسد تتحول الى انها لا تغادره الا بعد الموت الروح في الجسد عليها قيود يجب ان تقوم بها ضد رغبة الجسد مثل السجين ولكن الكافر لا يتقيد بالقيود بما فيها انه يمكن ان يقتل نفسه

خذ نصيبك من الدنيا ربنا مش عايزنا نسيب الدنيا خالص بس ما تبقاش هي همنا الاول و الاخير

سورة الحج اعوذ بالله من الشيطان الرجيم وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَلا هُدًى وَلا كِتَابٍ مُّنِيرٍ - 8 . ثَانِيَ عِطْفِهِ لِيُضِلَّ عَن سَبِيلِ اللَّهِ لَهُ فِي الدُّنْيَا خِزْيٌ وَنُذِيقُهُ يَوْمَ الْقِيَامَةِ عَذَابَ الْحَرِيقِ - 9 . هنا نلاقي ربنا بيقول ان فيه ناس بتجادل في الله بغير علم ولكن في الاية التانية بيقول السبب يعني مش عايز تقتنع ولكن بتجادل علشان تضل الناس عن سبيل الله وده بالتاكيد في الدنيا له الخزي واعتقد ما دام ربنا قال كدة يبقى اكيد حيصيبه الخزي وده غير يوم القيامة العذاب يعني هو بيجادل في الله وحيذوق عذاب الله دنيا واخرة الصورة الذهنية التعبيرية الجميلة عن هذا الشخص انه ثاني عطفه ثنى عِطْفَه : تكبَّر وأعرض : لاويًا عُنُقَه أو متكبّرًا مُعْرِضًا يعني ماشي تاني نفسه بتكبر وحاسس انه هو اللي فاهم دي من لغات الجسد اللي ربنا بيعلمهالنا ان حركة الجسد بترتبط بشخصية معينة او صفة بالعامية نقول الراجل اللي شادد نفسه وعامل فيها بيفهم المهم انه بيعمل كدة بس علشان يضل عن سبيل الله فيه ناس حاليا انا حاسة انهم من الصنف ده ربنا يع

وانا في السبعينات من القرن الماضي كنت في الكلية وكان الشتاء بيكون عنيف والنوات الهواء فيها صعب كانت عربيتي في جراج متفرع من خليل الخياط وانا ساكنة في طريق الحرية في مصطفى كامل علشان اروح الجراج لازم اعدي في تقاطع خليل الخياط مع طريق الحرية وكان ملقف هواء ولو يوم نوة ما اعرفش امشي الهواء بيزقني جامد كنت باتفرج على فيلم صامت ولقيت المنظر ده فكرني بنفسي من اكثر من اربعين سنة بس ساعتها كنت بامشي بظهري

قاعدة الستات على الفيسبوك بعد الساعة واحدةبتفكرني بقاعدة الرجالة على القهوة مع الشيشة تحس الستات كلها خلصت اللي وراها وبتشوف صاحباتها بمزاج عالي ربنا يديم علينا الصحبة المسائية الحلوة

لما تشتري عربية جديدة كل التحكم فيها متغير ومعاك الكتالوج بتبقى مطمئن ولو معاك خط ساخن بتبقى مطمئن اكتر لكن لو تعرف اللي صمم العربية ونفذها يبقى احسن واحسن واحسن انا بقى باعتبر ان الكون ده معايا اللي صممه ونفذه يعني ربنا سبحانه وتعالى معانا وممكن نتواصل معاه بسجدة صغيرة والا تسبيحه حلوة اللي باقوله ان كمان معانا الكتالوج اللي ربنا باعته وهو القرآن بارجع للقرآن في المواقف لو مكتوب فيه اعمل ايه يبقى ربنا ادرى مني لو مش مكتوب يبقى اشغل مخي يعني لما ربنا يقول في سورة فصلت اعوذ بالله من الشيطان الرجيم بسم الله الرحمن الرحيم وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) خلاص يبقى لازم ادفع بالتي هي احسن يعني اللي يقول لي صباح الخير اقول له صباح الخير ازيك اللي يقول لي انا مبسوط منك اقول له انا مبسوطة منك علشان انت الاحسن المهم ان فعلا الدفع بالاحسن دي مطلوبة حتخلي الدنيا منورة جربوها # جربتها_ونفعت

كلمة عجبتني وحبيت احطها بطريقتي الغنى مش بس بالفلوس الاخلاق فيها الغني والفقير برضه

من ستر ربنا انهم لما بيلعبوا وراثيا في حاجة ما بتتكاثرش يعني الفلفل الكبير الاحمر والاصفر ما ينفعش تزرع من بذوره لانه ملعوب فيه وراثيا ونفس الحكاية على اي نوع من النباتات ربنا سبحانه وتعالى مفيش اكرم منه اللي بيطلع زي ما ربنا اراد بيكون الافضل لما خلق الله ولكن المعامل والعلماء عايزين يحطوا لمساتهم وبيبوظونا كلنا والمعامل تشتغل وتنتج ويقولك دقيق يجيب قمح اكتر وفراولة اكبر وفلفل احلى وفي الاخر كله بيتعب الانسان

حتة فلسفة لو انت بتحب واحد وعايز ترضيه وعمال تقول له كلام حلو وابنه واقف وراك بيقولك يا عمو يا عمو عايز اشرب ممكن تسقيني تفتكر لو انت سبت اللي بتحيه وسقيت ابنه حينبسط اكتر والا حيزعل انك سبته ولو انت عمال تشكره على وجوده في حياتك ومقضي الوقت جنبه بتقول له انت احسن حاجة في حياتي وابنه التاني حيقع في حفرة وما لحقتوش تفتكر حيحبك اكتر والا حينبسط منك اكتر لو لحقت الولد قبل ما يقع طيب لو ابنه الثالث وقع بالفعل وعمال ينادي عليك تساعده وهو معاك على التليفون تفتكر الاهم انك تكمل الكلام الحلو والا تروح تساعد الولد اللي في الحفرة . قيس على كدة علاقتك بربنا احنا كلنا خلق الله وبيبحبنا حب كبير ولما نزلنا مع بعض علشان عارف ان مفيش حد فينا لوحده بالعكس احنا بنساعد بعض يبقى الاهم تقعد تسبح وتحمد وتكبر والا تروح تساعد الناس سبحان الله وبحمد سبحان الله العظيم الكلام جميل لكن ربنا اكيد حيحبك اكتر لو ساعدته خلق الله # يارب_تكون_وصلت # على_الله_الناس_تفهم

منذ عدة سنوات كانت تلك القرية بعيدة عن الحضارة والحياة وكان اهلها يموتون من المرض والفقر وسوء التغذية  حاليا تقوم البنات بالاعمال اليدوية المميزة  الحمد لله تسلم ايديهم  نجع العون اصبح حاجة تانية خالص Ragab Rabiaa added 5 new photo

من اجمل الصفات في الانسان هي صفة الرفق  

سورة الحج اعوذ بالله من الشيطان الرجيم . وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالآخِرَةَ ذَلِكَ هُوَ الْخُسْرَانُ الْمُبِينُ - 11 . العبادة لله لو كانت صحيحة بتكون مستقرة يعني الانسان عارف ان فيه ربنا وانه موجود وبيبقى في حالة من الاستقرار اللي مبنية على اقتناع انه تبع قوة اكبر منه كبيرة والقوة دي اللي هو ربنا باسمائه كلها اسماء الجلال واسماء الجمال يعني انا تبع القوي العظيم الجبار الرحيم الرحمن اللطيف الخبير لكن فيه ناس مجرد ما بيتحط في فتنة واحدة بتكون كافية انه يتهز ويفقد الثقة في وجود اله من اصله والله واحدة قالتلي انا كنت مؤمنة لغاية لما مامتي تعبت ودعيت ربنا انها تخف وما سمعليش ومن ساعتها مش مؤمنة بوجود ربنا تخيلوا انها بتبني ايمانها بالله انه يسمع دعائها ويحققه ومامتها اتوفت وهي عند ربنا اساسا انا ما ناقشتهاش ساعتها لانها بالنسبة لي كانت مفاجأة زي جاتلي على خوانة وفرقتنا الايام اللي بيعبد ربنا على حرف ده بيبقى عايز يعيش على طول في حياة م

حاليا خلال اربع سنوات اقنعنا مجتمع نجع العون انه ممكن يعتمد على نفسه بشوية فراخ ومعيز اقنعناهم ان ممكن المجتمع يكفي نفسه من الخضار بالزراعة السطحية والهيدروبونيك اقنعناهم ان ممكن يعمل بذوره لنفسه اقنعناهم ان ممكن ببرج حمام يعمل سماده هو الفراخ اقنعناهم ان الزراعة ممكن تكون من غير كيماويات اقنعناهم ان الصبيان ممكن يكون لهم رزق بالحرف بدل السفر لبلاد تانية اقنعناهم ان مصر ام الدنيا وخليناهم فخورين بمصريتهم لدرجة ان عايزين لبس مكتوب عليه تحيا مصر يلبسوه في الورش التعليمية اقنعناهم ان المصري بذكاءه يباهي العالم كله في شطارته وانتاجه اقنعناهم ان ممكن البنات يكون لها اهمية بالشغل اليدوي وان البنت مش بس مخلوقة علشان تدور على عريس والبنت اللي تفضل للعشرين يقلقوا بالعكس البنات دلوقتي بقت بتقضي اليوم تشتغل وتطلع منتجات حلوة واصبح اللي عندها مهارة لها وضع بين البنات مش المخطوبة بس لسة فاضل التوعية الصحية لسة تعليم القراءة والكتابة لسة تعريفهم بباقي مصر برحلات لكل حتة في مصر لسة تعريفهم وتعليمهم حرف اكتر واكتر

مرة واحدة صاحبتي قالتلي هو انا ليه لازم اؤمن بربنا كنا في الكلية وكان سؤال باعتبره غريب لان ممكن واحنا في اعدادي او ثانوي قبل ما الامور توضح الانسان بيتسائل لكن في العشرينات بيكون الدنيا مفهومة قلتلها لو مفيش ربنا يبقى لازمتنا ايه ما نموت احسن انتي شايفاها تنفع حاجة حلوة قوي من غيره قالتلي يعني انا باعبد ربنا علشان ما اموتش نفسي المهم اني امبارح كنت باشوف شرح ايه في سورة الحج وهي ايه انا باعتبرها من الايات اللي مع كل الشرح مش فاهماها ولكن تقريبا بتقول اللي كنت باقوله لصاحبتي اعوذ بالله من الشيطان الرجيم . مَن كَانَ يَظُنُّ أَن لَّن يَنصُرَهُ اللَّهُ فِي الدُّنْيَا وَالآخِرَةِ فَلْيَمْدُدْ بِسَبَبٍ إِلَى السَّمَاء ثُمَّ لِيَقْطَعْ فَلْيَنظُرْ هَلْ يُذْهِبَنَّ كَيْدُهُ مَا يَغِيظُ . في الشرح بيقول ان اللي مش مصدق ان ربنا حينصره يجيب حبل ويحطه في السقف ويقطع يعني كانه بيقول يشنق نفسه حسب التفسيرات اللي قريتها حسيت وكأن ربنا بيقول ان من غيرنصري لكم في الدنيا ووجودي في الاخرة ايه اللي يمنعك ان تموت نفسك

جنتي بين شفتي طفل

حتة فلسفة لو انت قاعد وسمعت في القاعدة واحد بيقول ان ابنه مش في مدرسة ونفسه يروح مدرسة وانت مدرس طبيعي حتقول له طيب انا اعرف ازاي يدخل مدرسة او تقول له ان فيه مدرسة في الحتة اللي انت فيها لو الراجل ده بص لك وسكت وكمل كلام في موضوع تاني غير لو بص لك وقالك ودي بكام وازاي الاولاني حتسيبه وتقول مش عايز وان كان يهمك امره كل شوية ترمي كلمه علشان تقول له على المدرسة الثاني سالك وانت بدات تقول له التفاصيل لو طلب تليفونك حتديهولك لو يهمك امره وحتستمر معاه لو كلمك ولقيته محتاس ممكن تتفق معاه وتروح معاه تقدم لابنه في المدرسة ومش بعيد لو لقيته مش قادر يدفع المصاريف تاخده بعربيتك وتدفع له المصاريف لكن الثاني ممكن كمان تتحايل عليه ويتدلع عليك زي ما يكون ابنك انت ولو بتحبه بتجيله وتاخده وتدفعله ومش بعيد توصل ابنه المدرسة وفي الاخر يمسكك ويقول لك انت بتبوظ ابني علي والا انت عايز تتعبني او يشتكي للناس انه رايح غصب عنه ولله المثل الاعلى الموضوع ده عامل زي الشخص اللي ربنا بيحاول يهديه وهو مش عايز وبين واحد كل ما ربنا يبعتله حاجة يحاول ويجري عليها علشان كدة ربنا بيهدي اللي عايز يهتدي

نلاحظ ان ربنا دايما بيحط مع الايمان العمل الذين امنوا وعملوا الصالحات كانهم دويتو والعمل يعني نتحرك ونقوم مش نقعد فقط يعني كان الايمان اللي بالقلب واللسان والعمل بالجوارح والعضلات والجسم كله

المشكلة انك مش بتقدر تشتري الصحة ولا الرضا بالفلوس ولا الذهب دول عملاتهم مختلفة لازم تحوش مع ربنا شوية عملات للحاجات دي

باكره انصح الناس بحاجة مش باقدر اعملها ولكن والله لي عذري ان السن والوقت مش سامحين اني اضيع وقت ولكن الصراحة لازم نسمع بعض ولو حد معترض على اللي بتقوله اسمع له للاخر حتتعلم حاجة اولا ممكن يكون هو على حق ثانيا ممكن يكون فاكر انه على حق فتعرف حجته علشان لما تقول فكرك تعرف توصل لعدد اكبر من الناس لما تتكلم عن الاعتراض اللي مر عليك ثالثا ممكن يكون عايز يثبت انه مش قليل وانه هو كمان بيعرف على الاقل اعطيه الرضاء على النفس بانك ممكن تسمعه رابعا ممكن يكون بيحاول يطلعك صغير ومش قد المواجهة فعلى الاقل لما تسمعه للاخر هو مش حيشعر بالتوتر والهجوم مش حيزيد وحيطلع من المناقشة سعيد وبيقول لاصحابه شفتم انا خليته يسكت ازاي واصحابه بيبقوا عارفين انك مكبر دماغك بس بيهاودوه خليك انت الكبير واعرف ان لو حد عايز يسمعك مش حيقاطعك كل شوية اعتراضا

لو انت في الغربة بتحاول تعمل لنفسك بيت حلو وعملت البيت ونزلت ولقيت ان المكان اللي انت فيه بقى زحمة جدا وشعبي جدا وانت نفسك تعيش في هدوء او على الاقل تتباهى بالفلوس اللي تعبت فيها في الغربة ساعتها بتدور على البيت التاني اللي حتنقل فيه البيت اللي لازم تشتغل له هو البيت الاصلي اللي حيعجبك ولا عمرك حتضايق منه وحيبقى عندك الخدم والحشم والكل تحت امرك وحتبقى فرحان فيه لانه بيسموه الوضع النهائي وخصوصا ان ما فيهوش جيران سمجة تضايقك ولا حد يتباهى عليك ويبوظه قدام عينيك البيت ده هو ا لبيت اللي عند ربنا هنااااااك حتشتغل على بيوت الدنيا مش حيقضيك عمرك ولا عمر جنب عمرك علشان تبقى في حتة تقول ليس في الامكان ابدع مما كان لان دايما حتلاقي الابدع والاحسن والاغلى واللي يخليك حاسس ان ناقصك حاجة لو اشتغلت على البيت الكبير اللي عند ربنا ده يا سلام عمرك ما حتزعل لما توصل له. من كام شهر قريت بوست استفزني جدا . بيتكلم واحد ان العجمي بعد ما كانت الاصل بقت شعبية وبعديها مارينا وبعديها هايسيندا وهلم جرا وبيقول حنروح فين يعني اللي بيتكلم ده عايز يتحط في فقاعة مع نفسه هو واللي حاسس انهم في مستو

التوعية لوحدها مش حتنفع مع واحد مش عايش زي الانسان المساعدة المادية لوحدها مش حتنفع مع واحد ما عندوش فكر سليم وطريقة للتصرف النهاردة كنت باتكلم مع خالد اللي من نجع العون واحد عنده فدان وجاب ثماني اولاد وكلهم كبروا واتقسم الفدان عليهم كانوا بيزرعوا جزء خضار ياكلوا منه والباقي قطن ودلوقتي الفدان بقى قراريط وكل واحد بنى لنفسه بيت على قيراط ومش لاقيين ياكلوا مع ان الفدان كان بيكفيهم اكل قلتله بلغهم اللي بنى البيت على القيراط يجيب وحدة هيدروبونيك تعمل قيراط وهي بخمسة الاف وانا ممكن اسلفهم له لغاية لما تنتج يرد لي ثمنها ويبقى صحيح القيراط بتاعه راح من الزراعة لكن استبدله بوحدة تنتج 170 متر مربع قلتله كل واحد من الثمانية لو جابوا هيدروبونيك وحدة يبقى الفدان ممكن يتزرع قطن علشان يجيب لهم فلوس او قمح انا بس عايزة الاول اعمل الفكرة دي مع عائلة واحدة والم الارض اللي اتفتت مائة حتة على الاولاد واصبح الفلاح ما عندوش ارض يزرعها

فيه ناس قليلة جدا في الدنيا بابقى عايزة اشتمها بجد نفسي اعرف اشتم كنت لما اتغاظ من اخويا واحنا صغيرين اقول له يا ورقة ويرد علي بشتيمة اوحش يقول لي يا مكتب لاني كنت متربية في ليبيا في الخمسينيات مع الطلاينة وحتى الشتيمة الطلياني قليلة وكانت ممنوعة في البيت نفسي اشتم الراجل اللي قعد يقول الخمر انواع حسب المذاهب قال ايه خمر حرام وخمر ما اتقالش عليه حرام قال يعني احنا مش عارفين ان علينا اجتناب الخمر اجتناب يا جماعة يعني هو من سكة وانا من سكة يعني كانه واحد عنده مرض والعياذ بالله الطاعون ما تعديش من جنبه تخاف على نفسك منه انما حتة شيخ يقول لا على فكرة الخمر هو اللي معمول مش عارفة من فاكهة ايه والا من ثمار ايه الناس بقى اللي نفسها تشرب تقوم تقول الشيخ الفلاني قال حلال يا اخي اتق الله هو انت مش عارف انها حرام حتى لو ميت الف شيخ قالولك مش انت بتقرا قرآن وعارف ان الخمر من عمل الشيطان فاجتنبوه طيب لو مش عارف اديني باقولك واللي معايا على الفيسبوك وقرا الكلام ده لما يقابل ربنا ما يقولوش انا مكنتش عارف يقول له يارب انا عارف بس باحبها انا عارف بس ضعيف انا عارف بس مش هاممني ان