هل الهندسة كلية بلا مذاكرة ......... الله اعلم
ذكرياتي 77
بالتأكيد كنت شاطرة لكن بالتأكيد كنت بحب العب وبالتالي قررت اخش الهندسة لاني في ثانوي الرياضيات لم تمثل لي مشكلة بتاتا بالعكس انا المادة الوحيدة اللي ماكنتش باذاكرها هي الرياضيات وقلت يا سلام ده انا حادخل كلية ما فيهاش مذاكرة بتاتا و كانت المفاجعة اقصد المفاجأة
انا كنت في ثانوي في فصل فيه 15 بنت مثلا و لو زادو يبوا خمستاشر لان مفيش حاجة اسمها يزيدو
رحت الكلية و كان اخويا معايا وصلني للباب و قال لي
ما اعطلكيش
باااااااي
نعم باااي انت بتهزر
قال لي اصل محدش يعرف انك اختي و بعدين سمعتك لحسن يفتكروكي مصاحبه بااااي
وانا بقى لقيت نفسي في كلية هندسة اسكندرية لوحدي
أول صدمة لما لقيت ان انا في سكشن رقم 29 و طبعا لاني بقالي سنين في بلد تعدادها قد حي في القاهرة فرقم 29 ده معناه ان فيه 28 سكشن قبلي و شوف بقى كام واحد بعدي
ده بحر بقى و انا حاغرق جواه
المهم ان سكشن 29 عنده رسم هندسي في الفصل مش عارفة كام في الدور مش عارفة كام في المبنى مش عارفة مين وانا مش لاقية اخويا و عيب قوي قوي قوي واحدة في سني و تعيط و تدبدب و تقول عايزة اروح
سألت شوية شباب واقفين على مكان السكشن وانا خايفة لان في طرابلس ليبيل في الستينيات لو كلمتي ولد في طرابلس ، أي ولد تبقي معجبة بيه و مش بعيد ممكن تهربي معاه على تونس و بالتالي انا ما كنتش ممكن اكلم اي ولد وبالاخص ان تونس بعيدة جدا
لكن المضطر يركب الصعاب و اكتشفت ان انا وقعت مع حبة من الطلبة اللي بيشتغلوا حديثي العهد بالكلية و فضلت الف حوالين نفسي واتاري كلية الهندسة زي الملفات و الدهاليز و روحي و تعالي ومش راضية اعيط
بعد ما ميعاد السكشن 29 ما قرب يخلص كنت عرفت انا فينو ووصلت لقيت صالة وااااااسعااااااااه مليانة ترابيزات كتتتتتتتييييييرة وانا واحدة منهم بتاعتي حاتعلم عليها
انا دورت على اسمي وكل ما ابص لواحدة في عينها تبص لي من تحت لتحت وانا مش فاهمة ليه العدوانية ، انا مش عارفة ليه البنات مش عايزة تكلمني وانا مش عايزة اكلم الصبيان يعني اروح بقى
اكتشفت في الآخر إن كلية الهندسة كان كلها صبيان ، حتى بناتها مسترجلة و انا كنت لسة راجعة من فسحة في ايطاليا ولابسة على الموضة وشكلي زي البنات بجد وقال ايه لابسة اكسسوارات وطبعا صديقاتي المهندسات لا يحببن التبرج ولذلك كنت منبوذة
الحل ان انا لوحدي لغاية المذكرات الجاية اقولكم عملت ايه لوحدي اقصد لوحتشي
بالتأكيد كنت شاطرة لكن بالتأكيد كنت بحب العب وبالتالي قررت اخش الهندسة لاني في ثانوي الرياضيات لم تمثل لي مشكلة بتاتا بالعكس انا المادة الوحيدة اللي ماكنتش باذاكرها هي الرياضيات وقلت يا سلام ده انا حادخل كلية ما فيهاش مذاكرة بتاتا و كانت المفاجعة اقصد المفاجأة
انا كنت في ثانوي في فصل فيه 15 بنت مثلا و لو زادو يبوا خمستاشر لان مفيش حاجة اسمها يزيدو
رحت الكلية و كان اخويا معايا وصلني للباب و قال لي
ما اعطلكيش
باااااااي
نعم باااي انت بتهزر
قال لي اصل محدش يعرف انك اختي و بعدين سمعتك لحسن يفتكروكي مصاحبه بااااي
وانا بقى لقيت نفسي في كلية هندسة اسكندرية لوحدي
أول صدمة لما لقيت ان انا في سكشن رقم 29 و طبعا لاني بقالي سنين في بلد تعدادها قد حي في القاهرة فرقم 29 ده معناه ان فيه 28 سكشن قبلي و شوف بقى كام واحد بعدي
ده بحر بقى و انا حاغرق جواه
المهم ان سكشن 29 عنده رسم هندسي في الفصل مش عارفة كام في الدور مش عارفة كام في المبنى مش عارفة مين وانا مش لاقية اخويا و عيب قوي قوي قوي واحدة في سني و تعيط و تدبدب و تقول عايزة اروح
سألت شوية شباب واقفين على مكان السكشن وانا خايفة لان في طرابلس ليبيل في الستينيات لو كلمتي ولد في طرابلس ، أي ولد تبقي معجبة بيه و مش بعيد ممكن تهربي معاه على تونس و بالتالي انا ما كنتش ممكن اكلم اي ولد وبالاخص ان تونس بعيدة جدا
لكن المضطر يركب الصعاب و اكتشفت ان انا وقعت مع حبة من الطلبة اللي بيشتغلوا حديثي العهد بالكلية و فضلت الف حوالين نفسي واتاري كلية الهندسة زي الملفات و الدهاليز و روحي و تعالي ومش راضية اعيط
بعد ما ميعاد السكشن 29 ما قرب يخلص كنت عرفت انا فينو ووصلت لقيت صالة وااااااسعااااااااه مليانة ترابيزات كتتتتتتتييييييرة وانا واحدة منهم بتاعتي حاتعلم عليها
انا دورت على اسمي وكل ما ابص لواحدة في عينها تبص لي من تحت لتحت وانا مش فاهمة ليه العدوانية ، انا مش عارفة ليه البنات مش عايزة تكلمني وانا مش عايزة اكلم الصبيان يعني اروح بقى
اكتشفت في الآخر إن كلية الهندسة كان كلها صبيان ، حتى بناتها مسترجلة و انا كنت لسة راجعة من فسحة في ايطاليا ولابسة على الموضة وشكلي زي البنات بجد وقال ايه لابسة اكسسوارات وطبعا صديقاتي المهندسات لا يحببن التبرج ولذلك كنت منبوذة
الحل ان انا لوحدي لغاية المذكرات الجاية اقولكم عملت ايه لوحدي اقصد لوحتشي
تعليقات
إرسال تعليق