طفلة للابد

في سورة المائدة يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ (8) صدق الله العظيم انا ماشية بالاية دي في حياتي كلها وعمري ما كنت اظلم واحد علشان مش باحبه وكنت باجي على نفسي علشان اللي حوالي ربنا طلب مننا العدل وللاسف فيه ناس كتير بتعتبر اللي مش معايا يبقى علي وبتتعامل مع اللي عليها غير مع اللي ليها محدش يصدق بسهولة ان اللي قدامه ممكن يعطي لانسان حقه لو كان من اعداءه انا والدي الله يرحمه كان في سلك القضاء في وقت من الاوقات كان رئيس نيابة المحكمة العليا في طرابلس وكان لو المحامي غفل عن حاجة لصالح المتهم كان بيقول له عليها ولما قلتله امال فين اقصى العقوبة اللي باسمعها في الافلام قال لي احنا مش بنطالب الا بالحق والعدل حتى لو كان لصالح المتهم انا كمان عمري في حياتي ما قصدت او حاولت اكون غير عادلة مع اعدائي قبل اصدقائي واتمنى اننا كلنا نحاول نعرف ازاي نحط العواطف على جنب ونحلل

فيه شقة بتتوضب في الدور اللي تحتي وبالتالي الشنيور وخلافه شغال 8 ساعات يوميا وبناءا عليه انا اوافق على استضافتي عند اي حد بيته هادئ وساكت لحين الانتهاء من مرحلة الشنيور واحيانا تمتد لبعد التشتطيب خوفا من استخدام اي عمليات جلخ وخلافه ولكن بالشروط التالية - الشاي في السرير بعد ما اصحى بدقائق معدودة - شاي احمد ايرل جراي ولا استبدله باي نوع تاني حتى ولو كان من السيريلانكي بتاع بلاده -الافطار بعد الساعة 11 لحين ما معدتي توافق على اي اكل - الاكل كله بدون جلوتين ويفضل صباحا الكورن فليكس كيلوج اللي مش لاقياه خالص من ساعة ما البيه الدولار احترم نفسه وضرب الجنيه بالحذاء - اللبن لازم يكون اصدقاء مبستر - الشاحن جنب السرير بتاع الايباد والتليفون سامسونج - ركن يصلح للكمبيوتر الديسكتوب وحبذا لو معاه برينتر - ممنوع التليفزيون ساعات الصبح والظهر والليل ممكن بعد الظهر وبصوت واطي علشان ما اسمعوش - الموسيقى المسموح بيها كلاسيكية وممكن شوية بوتشيللي لو في مود كويس وده مش دايما - استضافة الاحفاد والاولاد يوم في الاسبوع علشان ما نقطعش عادة - تذكيري بكل الادوية والعلاج -عصير طارج في الثلاجة

مشاعر ترقب مع حب مع انبهار مع خوف في يوم لا يتكرر في حب وتآخي ونخوة فمصر وقتها كانت ميدان كبير يجمع كل قلوب البشر وحب البشر يمر اليوم بدقائق تحسب ساعات وايام تمر كدهور اراها امامي الان ذكرى حياة وليس ذكرى ثورة ذكرى شباب امسك زمام اموره وترك امهات تلهث تبحث عنه وهو يحمل هم وطن رأيت لقطات لحاخام يقول لهم انظروا الى الذين يقيمون في ميادين مصر هؤلاء يمكنهم ان يبيدوكم في طرفة عين ورأيت الفزع عند العدو من بشر مسالم لا يمسك سلاحا ولكن يمسك فقط عزيمة يوم 25 كان يوم مسالم لم يحرق فيه قسم ولم يمسك فيه سلاح اول شهيد سقط في السويس ولم يصدق احد انها تصل الى القتل فكان المتظاهرون يريدونها بيضاء وكانت الاحتجاجات التي هرب زين الدين بعدها الى السعودية املا وهو ان يترك حسني البلد وكانت الاحتجاجات التي نزل فيها شعب لبنان باولاده واطفاله وقررت سيدات مصر باطفالهن ان ينزلن في الميادين وكنت ارى الاسرة بكاملها مع الرضع في الشوارع تعترض لم يكن الغرض ان يتم مواجهات مع الشرطة ولا مع الداخلية ولكن كان الحماس ان يترك حسني البلد لكي نبنيها نحن وليس مجموعة الفسدة من حوله اول خبر سمعته عن قسم تم حرق

من اسباب استمراري في العمل الخيري والعمل العام هو اني استبعد الحب والكره من المعادلة

كوميديا سوداء بعد التعامل اكثر من خمسين عاما مع  الطبقة العاملة والخدمية في مصر وجدتهم لديهم قانونا خاصة قانون الملكية المصرية للطبقة الخدمية (تعديل دستوري قام به العاملين بالخدمات العامة ) اي حاجة مش ملك حد تبقى ملكك اي حاجة ملك الدولة تبقى ملكك اي حاجة في المطبخ تبقى ملك الشغالة اي حاجة ما سألتش عليها تبقى مش بتاعتك اي حاجة ناسيها تبقى مش بتاعتك لو افتكرت الحاجة بعد مدة يبقى تستاهل انها تتاخد منك علشان ما افتكرتهاش ساعة ما اخذوها المعالق الصغيرة والمعالق الكبيرة والسكاكين الحامية كلها مش ملك حد دي بتاعة اللي عايزها حتى لو كانت في الدرج اللي في الكومودينو وحاططها في علبة المجوهرات التنظيف مش بس بيشيلوا التراب والقاذورات لا كمان ينطبق على الحاجات اللي ناسيها او سايبها او ما سألتش عليها او المعالق والسكاكين البرطمانات والعلب البلاستيك ملك عام لمن يحتاجه ولا يمكن ان تمتلكها حتى لو ربطها بسلك في جزمتك اي ارض ما عليهاش مبنى تبقى قابلة للتوارث من قبل اي حد شايفها وقاعد جنبها اي حاجة مصدية يبقى صاحبها مش عايزها وتبقى مش بتاعته من اول الاتوبيس للعلب الصفيح وسايبه بقية الن

في سورة طه وَلَقَدْ أَوْحَيْنَا إِلَى مُوسَى أَنْ أَسْرِ بِعِبَادِي فَاضْرِبْ لَهُمْ طَرِيقًا فِي الْبَحْرِ يَبَسًا لّا تَخَافُ دَرَكًا وَلا تَخْشَى سيدنا موسى اخذ الامر بالتحرك تجاه البحر وقال له حتفتح لهم فيه طريق وما تخافش مش حيوصلولك وهنا نوعين من الخوف لا تخاف ولا تخشى طيب ايه الفرق بينهم انا ممكن اخاف من نملة تقرصني لكن اخشى ان القرصة تعمل حساسية واروح المستشفى الخشية فيها ترقب لشيء والخوف بالطبع لحظي لكن الخشية انك تمشي تبص وراك في كل لحظة وعادة بيكون من حاجة مش عارف حتتعامل معاها ازاي او حتتطور ازاي يعني ربنا لما طمنه قال له مش حيوصلك ولا حيعمل معاك حاجة بعد كدة يعني ممكن سيدنا موسى عليه السلام يكون قلقان من بعد العبور او لحسن يكون فيه هناك مراكب مستنياه او اي شيء يجعله يترقب الموضوع ويخشاه اللي رايح ينقذ حد مش لازم يخاف لانه رايح يعمل خير ومعاه ربنا ربنا ان شاء الله يبعدكم كلكم على الخوف والخشية ولا نحشى الا اياه لان الله احق ان نخشاه

في سورة طه فَأَتْبَعَهُمْ فِرْعَوْنُ بِجُنُودِهِ فَغَشِيَهُم مِّنَ الْيَمِّ مَا غَشِيَهُمْ ربنا قال له اعبر بيهم البحر ولكن في الاية اللي بعديها غشيهم اليم الصراحة اليم اتقال كتير انه النيل يعني ام موسى القيت به في اليم وهنا اليم هو البحر فيه دراسة كنت سمعت عنها كانت في ناشيونال جيوجرافيك كانت بتحاول تعرف فين سيدنا موسى شق البحر وفي الاخر في الدراسة قالت انها كانت في منطقة بحيرات مش بحر يعني حتة كدة ماليانة مياه فيه واحد من المعاني بتقول اليم هو اللي ما لوش قرار يعني ما تقدرش تلاقي اخره مش زي البحر له شاطئ تقدر تمشي فيه ويزيد العمق معاك ولكن اليم هو اللي الشاطئ غويط مرة واحدة المهم ايا كان اليم او البحر هو مكان فيه مياه وصل اليه وجاء وراءهم فرعون وجنوده وغشيهم المن اليم ما غشيهم جملة عجيبة شوية يعني مش غرقوا غشيهم من اليم يعني جزء من اليم غطاهم كلهم وكلمة غشي جاية من فوق يعني غطاهم من فوق برضه حساها صورة لساعة الغرق انهم وصلوا لحتة ما يقدروش يرجعوا وجاء المياه غطيتهم من كل حتة

في سورة طه وَأَضَلَّ فِرْعَوْنُ قَوْمَهُ وَمَا هَدَى دايما في قصة سيدنا موسى احتار في امر المصريين بعد موت الفرعون هل اهتدوا وسمعوا كلام سيدنا موسى هل رجعوا تاني لما كانوا عليهم الجملة دي بتتكلم عن قوم فرعون انهم ضلوا

دي بشاير المركز الحرفي اللي نجع العون بيعمله بالمجهودات الذاتية الاولاد حيعملوا الارضية بنفسهم زي ما انتم شايفين الاولاد منهم اللي بيشتغل بعد ما بيرجع من المصنع اللي اشتغلوا فيه وفيه منهم ما راحوش المصنع لان عليهم مراعاة الاهل وبالتالي قاعدين في النجع بيشتغلوا هناك ولكن بيستغلوا معرفتهم بالخياطة في مشروع داخل النجع الفصول حتكون مفاجأة للجميع يكفيني الحماس والحب اللي بيشتغلوا فيه والخبرة اللي اخذوها لما عملوا مصنع السجاد لمؤسسة اشهد قبل كدة يالا مبروك عليهم ان شاء الله تكون اجمل فصول واحلى مركز

في سورة طه قضية مهمة قوي وهي الاستعجال ربنا لما جاء له سيدنا موسى بعد ما عبر البحر سأله وَمَا أَعْجَلَكَ عَن قَوْمِكَ يَا مُوسَى ورد عليه سيدنا موسى قَالَ هُمْ أُولاء عَلَى أَثَرِي وَعَجِلْتُ إِلَيْكَ رَبِّ لِتَرْضَى يعني سابهم ماشيين وراه وهو جاء بسرعة علشان عايز يرضي ربنا ولكن اللي حصل مكانش زي ما احب سيدنا موسى لان ربنا قال له قَالَ فَإِنَّا قَدْ فَتَنَّا قَوْمَكَ مِن بَعْدِكَ وَأَضَلَّهُمُ السَّامِرِيُّ يعني لما سابهم في وقت سريع اتفتنوا من القصة دي انا اخذت حاجة مهمة قوي وهي اني ما استعجلش حاجة ابدا ما استعجلش خير عايزاه ولا استعجل شفاء من مرض ولا استعجل رضا من احد ولا نتيجة من نتائج اعمالي عرفت قيمة الزمن والنضج سيدنا موسى تركهم قبل ما ايمانهم ينضج هم لسة كانوا بين المصريين اللي عندهم تعدد في الالهة وكان فرعون منصب نفسه اله ودينهم متلخبط اخر لخبطة ودول المفروض انهم جايين مع نبي بيقول لهم ما ينفعش نعبد الهة كتيرة احنا عندنا اله واحد كان لازم يثبت الدين عندهم قبل ما يروح لربنا وعلى سبيل المثال ولله المثل الاعلى في عملية التنمية ما ينفعش ندخل قرية ونصب فيها ف

في سورة طه فَرَجَعَ مُوسَى إِلَى قَوْمِهِ غَضْبَانَ أَسِفًا قَالَ يَا قَوْمِ أَلَمْ يَعِدْكُمْ رَبُّكُمْ وَعْدًا حَسَنًا أَفَطَالَ عَلَيْكُمُ الْعَهْدُ أَمْ أَرَدتُّمْ أَن يَحِلَّ عَلَيْكُمْ غَضَبٌ مِّن رَّبِّكُمْ فَأَخْلَفْتُم مَّوْعِدِي . لما رجع سيدنا موسى لهم وهو عارف انهم فتنوا وان السامري هو اللي فتنهم راح غضبان وهي مش زعلان لان الغضب فيه حركة وانتقام يعني غَضِبَ عَلَيْهِ : حَنِقَ عَلَيْهِ ، ثَارَ ، هَاجَ ، سَخِطَ واسفا دي جت لانه سابهم واستعجل راح لهم وهو مستغرب انهم عملوا كدة وهو لسة سايبهم احنا بنتكلم في شهر يعني مش مدة كبيرة تخليهم يخسروا ايمانهم بالله ولكن الموضوع انهم كانوا جايين لسة ايمانهم ضعيف واي حاجة تهزهم تبعدهم عن ربنا ربنا يحمينا كلنا من الفتنة ويقوي ايماننا يارب

الطريقة الجديدة لأمن العمارات بوظت علينا البواب بتاع زمان اللي كان في الشتاء يحط على كتفه شال ويلفع الكوفية حوالين وشه ويبرطم لما تقول له جيب حاجة وقاعدته بعد الظهر وهو بيلعب السيجة مع اقرانه وتلاقيه وقت الظهر بيجيب الاولاد من المدرسة القريبة افتكرته علشان بادفي وشي بكوفية وطالع منها مناخيري وبالعب ماستر مايند مع الكومبيوتر وانا باسمع نعمان على خان

في سورة طه جاء رد بنو اسرائيل على سيدنا موسى بعد ما رجع وهو غضبان علشان فتنوا وعبدوا عجل وكان ردهم مستفز وفي نفس الوقت الرد المثالي لليهود عبر الزمان . قَالُوا مَا أَخْلَفْنَا مَوْعِدَكَ بِمَلْكِنَا وَلَكِنَّا حُمِّلْنَا أَوْزَارًا مِّن زِينَةِ الْقَوْمِ فَقَذَفْنَاهَا فَكَذَلِكَ أَلْقَى السَّامِرِيُّ . قال ايه غصب عنا والله ده احنا معانا حاجات سارقينها من المصريين دهب وكلام من ده فرميناها في النار وكمان السامري رمى حاجة السامري واضح انه مش مصري وواضح انه شاطر في التماثيل لانه اخذ الذهب وعمل تمثال شكل العجل . فَأَخْرَجَ لَهُمْ عِجْلا جَسَدًا لَهُ خُوَارٌ فَقَالُوا هَذَا إِلَهُكُمْ وَإِلَهُ مُوسَى فَنَسِيَ . البعض بيقولوا انه عمله بطريقة ان الهواء لو دخل جواه يعمل صوت عالي والبعض بيقول ان سبب ان العجل عمل صوت ان حط في الذهب شوية رمال من اثر سيدنا جبريل كان اخذهم من تحت البراق لما جاء سيدنا جبريل علشان يغرق فرعون وجنوده ولكن في الحالتين هم اتفتنوا ايا كانت الوسيلة وبدل ما يقولوا احنا وحشين يقولك غصب عنا والاوحش انهم قال الذهب اللي سرقوه طلعوه ساعتها علشان يحرقوه رغم

في سورة طه سيدنا موسى الاول كلم اهله بعد ما رجع من جبل الطور وهو معاه الالواح اللي عليها تعليمات الرسالة بتاعته ورجع غضبان علشان عرف انهم فتنوا وبعد ما كلمهم راح لسيدنا هارون علشان يعرف ايه اللي حصل وكان رد هارون له انه قال لهم ولكن خاف عليهم من الفرقة وبالتالي سكت لانه عارف ان سيدنا موسى راجع وهو حيخليهم يوقفوا عبادة العجل   وَلَقَدْ قَالَ لَهُمْ هَارُونُ مِن قَبْلُ يَا قَوْمِ إِنَّمَا فُتِنتُم بِهِ وَإِنَّ رَبَّكُمُ الرَّحْمَنُ فَاتَّبِعُونِي وَأَطِيعُوا أَمْرِي اللي استغربت له انه سيدنا هارون بيقول له ما تضربنيش قدامهم تخيلوا ان هارون ده اللي سيدنا موسى طلب من ربنا انه يكون معاه يعني هارون اخ وزير وذراع ايمن لكن في الحق ما فكرش سيدنا موسى قَالَ يَا ابْنَ أُمَّ لا تَأْخُذْ بِلِحْيَتِي وَلا بِرَأْسِي إِنِّي خَشِيتُ أَن تَقُولَ فَرَّقْتَ بَيْنَ بَنِي إِسْرَائِيلَ وَلَمْ تَرْقُبْ قَوْلِي   هو الحقيقة ان سيدنا موسى كان فيه نوع من الاندفاع في الحق يعني ساعة الحق مش بيفكر ودي ظهرت في سورة الكهف مع سيدنا الخضر لما كان دايما يعاتبه لو حصل حاجة مش مرتاح لها على الرغم م

في سورة طه سيدنا موسى اكمل التحقيق في حادثة عبادة العجل وراح للي وراء الفتنة وهو السامري قال له ايه اللي حصل قَالَ فَمَا خَطْبُكَ يَا سَامِرِيُّ السامري كان موجود ساعة ما سيدنا جبريل رجع البحر على فرعون وجنوده وكان راكب البراق ولما داس البراق على الارض اخذ قبضة من اثره واعتبرها حاجة لها وقع الهي او يمكن استخدامها في المعجزات او غيره وده بيحصل ساعات لناس تحب تتبارك بأشياء وعلى الرغم من ان زمن سيدنا موسى كان يمكن للبشر رؤية الملائكة والشياطين وبالتالي كان ممكن يحصل تواصل وكان فيه معجزات بتحصل بحقيقي وبالتالي م مكن يكون مبرر له انه يعمل كدة لكن على ايامنا مش المفروض اننا نتبارك باشياء وخصوصا ان الفتنة بتيجي من القدسية الغير مبررة للاشياء  قَالَ بَصُرْتُ بِمَا لَمْ يَبْصُرُوا بِهِ فَقَبَضْتُ قَبْضَةً مِّنْ أَثَرِ الرَّسُولِ فَنَبَذْتُهَا وَكَذَلِكَ سَوَّلَتْ لِي نَفْسِي   يعني قرأت ان سبب الفتنة في الجزيرة العربية ما بين سيدنا اسماعيل وسيدنا محمد هو ان الناس كانت بتتبارك بالحجارة حول الكعبة وان كل قبيلة تركت الوادي الى مكان تاني اخذت معاها حجارة وانتهت ان فيه ناس اصبحت

لا تناقش شخصا يريد فقط ان يثبت وجهة نظره فان كان كذلك فخذ منه ما يقول وانه المناقشة المناقشة تكون بين طرفين يتحدان في الهدف سواء الهدف من المناقشة او الهدف في الموضوع المطروح للمناقشة

في الهوميوباثي هانمان بيقول ان داخل كل انسان قوة هادمة موروثة تكونت من امراض مزمنة لم تعالج عند الاهل او امراض لم يتم معالجتها بشكل صحيح فتسببت بوضع تلك القوة الهادمة والتي تغير في سلوك الانسان وتقبله لما هو حوله تلك القوة تسبب الامراض المزمنة وصنفها حسب الامراض التي انتشرت في الماضي

في الهوميوباثي مبدأ جميل قوي المرض المزمن اللي اتكون في سنوات كثيرة لا يصح ان يعالج علاجا شافيا في شهور اذا اختفت الاعراض سريعا فذلك لان تم نقلها الى درجة اعمق من الخطورة

والعبرة اللي ناخدها من قصة محافظ المنوفية الفاسد الذي ابلغت عنه زوجته الثانية حين علمت برغبته في الزواج من الثالثة هي القديمة تحلى ولو كانت وحلة لان الثانية ممكن تسجنك والثالثة وشها وحش

الصراحة عمرو اديب بيفكرني بالولية اللي قاعدة على الشلتة تعدد ايام جدي وجدتك لما يكون فيه وفاة كان بيبقى فيه واحدة يجيبوها تقعد على شلتة وتفضل تقول يا حبيبي يا بني يا عيني عليك كنت وكنت وكنت انا اول ما اقلب والاقيه احس الاكسجين خلص من الاوضة ومراته بتحسسني بالجارة السو اللي قاعدة باصة بعيون جريئة في اللي داخل واللي خارج ولو ما نالتش اللي عايزاه تطلع سمعة على اللي ما عبرهاش دول شخصيات زمان كانت موجودة لان الاحياء كانت بتعرف بعض وكان في المياتم لازم يكون فيه مظاهر للزعل وحاجا ت من دي انا شفت المعدداتية دي مرة في عزاء ولكن مع التدين ومعرفة ديننا كويس الناس بقت تمنع الستات دي علشان حرام اما الست التانية نتيجة ان العمارات بقت كبيرة والناس مش بتعرف بعض فوجودها اصبح مش واضح اللي عايز يعرف هم عاملين ازاي يتفرج على عمرو اديب وزوجته المصونة

في سورة طه سيدنا موسى طلب من ربنا تاني حاجة انه يجعل له وزير من اهله والوزير يعني الذي يحمل ثِقْله ويُعينُه برأْيه وده اكتر من المساعد لانه بيشيل معاه وقيل ان السبب ان سيدنا موسى كان ثقيل اللسان لانه حين كان وليدا امسكه الفرعون ووضعه على حجره فقام موسى بنتف ذقن الفرعون فتشاءم الفرعون واراد ان يقتله لان احد وزراءه اخبره انها علامة انه سيكون عدوه في الكبر فقالت له امرأته لتخفف عن الفرعون هذا طفل صغير لا يعرف الفرق بين التمرة والجمرة فأمر فرعون ان يحضروا له تمرة وجمرة ووضعهما امام موسى فاخذ موسى الجمرة ووضعها في فمه وانها تسببت في ثقل لسانه ونرى كيف وضع موسى طلبه لله اشدد به أزري واشركه في امري كي نسبحك كثيرا ونذكرك كثيرا يعني انا محتاجه علشان مش بس يشيل عني ولكن اشركه في المهمة الصعبة دي وهو كمان حيساعدني في العبادة ومن الواضح ان سيدنا موسى من خوفه من ذنبه في مصر وقتله لشخص هناك كان محتاج دعم من حد يحبه ويثق فيه ورد عليه ربنا قَالَ قَدْ أُوتِيتَ سُؤْلَكَ يَا مُوسَى

في سورة طه   اذْهَبْ إِلَى فِرْعَوْنَ إِنَّهُ طَغَى قَالَ رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي وَاجْعَل لِّي وَزِيرًا مِّنْ أَهْلِي هَارُونَ أَخِي اشْدُدْ بِهِ أَزْرِي وَأَشْرِكْهُ فِي أَمْرِي كَيْ نُسَبِّحَكَ كَثِيرًا وَنَذْكُرَكَ كَثِيرًا حين نزل التكليف على موسى وقبله طلب من الله اشياء اولها ان يشرح له صدره وييسر له امره ويحلل عقدة من لسنه ليفقهوا قوله دعاء يجب ان ندعوا الله به في كل موقف يستدعي مهمة تحتاج مجابهة هذا الدعاء استجاب له الله في التو وقال له ربه قَالَ قَدْ أُوتِيتَ سُؤْلَكَ يَا مُوسَى

اذا جاء اليك ملك الموت فماذا ستفكر - انا عملت اللي علي يارب تقبل - ايه ده انا ما عملتش حسابي على كدة استنى شوية عايزة الحق اعمل - لبيك اللهم لبيك - هااااار اسود ومهبب الحق اعمل دلوقتي لسة عندك فترة تراجع فيها الاسئلة وتحلها صح

رحت امبارح صليت العشا في الجامع جنبنا وزعلت الجامع جميل ومجددينه ولكن مفيهوش الا واحدة بس بتصلي وكنا اثنين حسيت ان احنا بس بنصلي في الجوامع الا في رمضان وفي اوقات لما يكون فيه ناس كتير حسيت ان بيت ربنا محدش مننا بيحب يزوره والرجالة كانوا ثلاث صفوف حسب ما قال لي جوزي الصراحة ناوية كل لما ربنا يقدرني اصلي في جامع حاعملها

سورة طه 12-16 12- إِنِّي أَنَا رَبُّكَ فَاخْلَعْ نَعْلَيْكَ إِنَّكَ بِالْوَادِ الْمُقَدَّسِ طُوًى 13- وَأَنَا اخْتَرْتُكَ فَاسْتَمِعْ لِمَا يُوحَى 14- إِنَّنِي أَنَا اللَّهُ لا إِلَهَ إِلاَّ أَنَا فَاعْبُدْنِي وَأَقِمِ الصَّلاةَ لِذِكْرِي 15- إِنَّ السَّاعَةَ آتِيَةٌ أَكَادُ أُخْفِيهَا لِتُجْزَى كُلُّ نَفْسٍ بِمَا تَسْعَى 16- فَلاَ يَصُدَّنَّكَ عَنْهَا مَنْ لاَ يُؤْمِنُ بِهَا وَاتَّبَعَ هَوَاهُ فَتَرْدَى  ذهب موسى الى الوادي المقدس ورأى نارا ولما وصل لها سمع الله سبحانه وتعالى يتحدث اليه في الجمل الموجودة اختصارا لما يطلبه من موسى ويعرفه لرسالته اخلع نعليك للطهارة والنظافة والاحترام لمقابلة الله وتكن سمة وانه تم اختياره وعليه ان يستمع للوحي وبالتالي يجب الالتزام بالرسالة التوحيد بانه لا اله الا الله وعبادته  والصلاة لذكر الله وبالتالي الايمان والعبادة والعمل الايمان باليوم الاخر والجنة والنار او العقاب  على العمل والسعي في الحياة الدنيا قبل يوم الحساب محاربة النفس وشياطين الانس والجن

سورة طه فَلاَ يَصُدَّنَّكَ عَنْهَا مَنْ لاَ يُؤْمِنُ بِهَا وَاتَّبَعَ هَوَاهُ فَتَرْدَى (16) في الاية بيحذرنا ربنا من الناس اللي ممكن تصدنا عن يوم الحساب وبالذات اللي مش بيؤمن بيها طبعا فيه ناس بترد عن الايمان بعد ما كانت مؤمنة وايا كانت الاساليب اللي بتتبعها وانا معايا حد في الفيسبوك كان كاتب ان طالما ربنا ما سألناش قبل ما يخلقنا فمش علينا العقاب لانه مش اختيارنا وعلى الرغم من ان ربنا بالفعل عرض الامانة علينا واحنا بجهلنا وافقنا اننا نحملها صحيح محدش فينا حيفتكر انه قال كدة لان ده قبل الخلق الدنيوي اللي احنا فيه واللي هو اختبار احنا موجودين فيه وحنفتكر الوعد ده لما ربنا يرجعنا تاني ارواح ونعرض عليه مرة تانية المهم في الاية كلمة اتبع هواه فتردى انا ساعات باحس ان الهواء بتاعنا اللي بنشمه زي الهوى اللي هو رغباتنا وحبنا الغير مبرر لشيء لدرجة اننا مش بنشوف غيرها واللي بيعمل حاجة من غير احتراف بيعتبر هاوي لانه مش بيعملها باصولها ولكن بحب وهو بيكون مش متشاف لانك واخد الهوى ذريعة للي بتعمله سواء اللي ربنا عايزه او مش عايزه المهم ان اللي بيتبع هواه في الدنيا عادة ما بيسقط وا

لهوميوباثي بيقولك لو المرض سببه الميكروبات يبقى ليه فيه ناس بتتعرض للميكروبات ومش بتتأثر ومش بتظهر عليها اعراض حيقولك علشان مناعته اعلى يبقى الجسم ممكن يتغلب على الميكروبات الا لو مناعته ضعيفه يبقى الاعراض بتظهر عند الانسان اللي المناعة مش بتقدر تتغلب على الميكروبات اللي بيتعرض لها يبقى اي مرض هو اعراض بتظهر عليه بسبب ان الانسان مش قادر يتغلب عليه يبقى المرض بيصيب الانسان من الداخل وبيخليه ما يقدرش يتغلب على الميكروبات وبيخليها تؤثر على اعضاءه المختلفة يبقى مفيش حاجة اسمها مريض قلب او كلى يبقى فيه حاجة اسمها مريض بس والمرض بسبب انه لم يستطيع ان يمنع الميكروبات او المؤثرات الخارجية من ان تظهر الاعراض عليه ولذلك يقوم الهوميوباثي بعلاج الانسان وليس المرض لانه يعلم ان الانسان قادر على ان يتغلب على المرض بنفسه وليس بالدواء الكيميائي الذي يغير في الانسان ويجعله اسوأ لانه يتقبل مواد غريبة عنه قد تتسبب في مشاكل اخرى

انا دايما باعمل كل حاجة للي بيقدر شغلي # ربنا_هو_اللي_شايف # انا_باشتغل_عندك_يارب

بوستات كتيرة ناس بتدور على اللي يقدرها بوستات معدومة عن ناس بتقدر غيرها اللي بيبحث عن التقدير فهو كالباحث عن الارخص بالأغلى اعمل لغيرك والتقدير حيجيلك غصب عنك المهم انت بتشكر مين في حياتك انت بتقدر كام واحد كل يوم # لشكر_لله

فيه فرق كبير انك بتشجع نادي علشان هو بيكسب وبس وفيه فرق انك بتشجع نادي علشان عايزه يكسب انه الانتماء ياساده زملكااوي وافتخر

الست اللي بتساعدني من غير ما تقرأ البوست بتاعي ناديت عليها وباقول لها ممكن تجيبيلي التليفون بتاعي عايزاه قالتلي ممكن تبصي الاول في شنطتك قبل ما ادوخ عليه وفي الاخر يبقى فيها بصيت لها بصة كلها معاني وثقة انه برة فتحت الشنطة شفت السماعة بتاعته بتصفر علي وتقول لي انا اهوه قلتلها خلاص مش عايزاه انا حاتصرف هاهاها امال لو قريت البوست كانت قالتلي ايه اللي نسيت اقوله ان التليفون دايما باحطه على الميكروفون لان كبيت عليه زيت حبة البركة الظاهر ان البركة راحت وخلت التليفون ما يسمعش باضطر اركب له سماعة او باحطه على الميكروفون واللي عايز يعرف اسراري يقف جنبي بس من غير ما يتعب نفسه كل شيء حيجيله لغاية عنده # يقطع_العبقرية_وسنينها # ادي_اللي_اخذناه_من_فرط_حركة_الدماغ # انا_اللي_مركزة_وانتم_اللي_مساطيل

سورة طه طه مَا أَنزَلْنَا عَلَيْكَ الْقُرْآنَ لِتَشْقَى إِلاَّ تَذْكِرَةً لِّمَن يَخْشَى تَنزِيلا مِّمَّنْ خَلَقَ الأَرْضَ وَالسَّمَاوَاتِ الْعُلَى الرَّحْمَنُ عَلَى الْعَرْشِ اسْتَوَى لَهُ مَا فِي السَّمَاوَاتِ وَمَا فِي الأَرْضِ وَمَا بَيْنَهُمَا وَمَا تَحْتَ الثَّرَى كلمة طه او الحروف بعد ما توضع بالشكل الهيروغليفي لنطقها حسب ما كتب احد الباحثين تدل على انها جملة يا ايها الرجل انتبه والبعض يقول انها من اسماء الرسول المهم ان الاجمل هي ما انزلنا عليك القرآن لتشقى فالرسالة لم تأت على الرسول لكي يشقى بها اولا السورة دي طبطبة على الرسول زي ما يكون ربنا حاسس ان الرسالة دي حتكون شديدة وفيه شقاء كبير وربنا بيقول له انا حاسس بيك وفي السورة زي ما يكون ربنا بيقول ان الرسالة الخاتمة جت علشان تفكر الناس بربنا والتذكرة فيها من معنى الذكر زي ما قرات في كتاب سعد عبد المطلب والتذكر من الحاجات المهمة في ديننا اننا نتذكر وحيكون التذكر من الحاجات المهمة في قصة سيدنا موسى عليه السلام

طبعا المحطات اللي عايزة تهد فينا ربنا يهدهم النهاردة بيتكلموا على ان العيد السنة دي للمسيحيين عدى من غير عمليات تدميرية ولكن لانهم كانوا عايزين جنازة يشبعوا فيها لطم قوم قعد التقرير يتكلم عن السنة اللي فاتت ما هو مفيش دم نعمل ايه المحطات الاجنبية عايزين باي شكل يهدوا في النسيج الوطني باي شكل والله وبعدين قال السودانيين زعلانين علشان شالوا الدعم والايرانيين زعلانين علشان زيادة الاسعار ياراجل طيب ما تركيا رخرة يزعلوا علشان تعويم الجنية بالمرة المهم ان المصري مننا فاهم واللي مش فاهم بيبقى من النوع اللي مش بيتحرك من قدام الشاشة يعني ولله الحمد مش حيؤثر في الاحداث احنا بس محتاجين ان الشباب يبتدي بعد الفترة اللي فاتت يعرف ان فعلا فيه مؤامرات والله والله والله فيه مؤامرات وفيه دم بيسكب في سيناء وفي غيرها ولولا ستر من الله والحنكة في التعامل مع الملفات المختلفة كان زماننا عمالين ناكل في بعض يا جماعة امسكوا في بلدكم واهلها وياريت العيد الجاي بقى بلاش نغمات مالهاش لازمة وحتة نعيد والا بلاش نعيد لاننا بنعيد وحنعيد وكل سنة وكل مسيحي في بلدي عايش في خير وبخير

homeopathic lecturer once said Many people die as copies, not as what they were meant for originally. بالفعل انا اشعر ان هناك اشخاص يعيشون كما يريدهم الاخرين وليس كما ينبغي لهم ان يعيشوا كن اصل ولا تكن نسخة مكررة من احد فانت خلقت وكرمك الله وبعثك في الارض لمهمة اصلية يجب ان تقوم بها عش اصل ولا تعش صورة

طنط انجيل المسيحية جارة مامتي واعز أصحابها مازلت أتذكرهما تجلسان في البلكونة تلعبان الطاولة وكنت أدرك عمق علاقتهما التي تسببت في إصابتها بجلطة أودت بحياتها حين علمت بوفاة أمي يسبب السرطان اللعين طنط جودي المسيحية جارة حماتي التي عاشت حياتها بين جنبات منزل حماي الحبيب وعشت آلاما في منزل حماي حين مرضت طنط جودي بالسرطان وكأنها خالة زوجي نادت المسيحية صديقة ابنتي الحميمة التي شاهدت منها اخلاصا ورقيا أكثر من العديدين صديقتاي ليلى وسلوى الصراف المسيحيتان الفلسطينيتان اللتان قض يت معهما اجمل ايام الثانوي وكأننا أكثر من عائلة أصدقاء الكلية عاطف عزيز وهنا زكي فرج و سليم جانجي وضيف عطا الله وماجي الذين كانوا عائلتي ومازال عاطف اخي المقرب إلى الآن جارتي الرقيقة الجميلة جاكلين وجارتي الحنينة الطعمة مادلين اللتان يضيفيان الأصالة والدعم الرقيق لأي علاقة واحتكاك وزميلي العمل شهدي الذي يعيش في كندا الآن ومازالت الروابط موجودة كل هؤلاء كانوا ومازالوا وسيظلوا من أحب الناس إلى قلبي ومازلت أصر على أننا لم ولن نفترق عن أحبتنا المسيحيين بفعل فاعل ولن نسمح لأي مخلوق أن يزرع بيننا

وَإِن مِّنكُمْ إِلاَّ وَارِدُهَا كَانَ عَلَى رَبِّكَ حَتْمًا مَّقْضِيًّا (71) ثُمَّ نُنَجِّي الَّذِينَ اتَّقَوا وَّنَذَرُ الظَّالِمِينَ فِيهَا جِثِيًّا (72) . ياستار يارب كل واحد منا حيعدي على جهنم ربنا يستر حسب ما قيل ان الصراط فوق النار يعني علشان توصل للجنة تعدي على النار يعني حتشوف في طريقك اللي ممكن تنزل فيه ربنا ينجينا منها ان شاء الله وبرضه ربنا بيقول الظالمين مش الكافرين الظالم اكيد اكيد اكيد حيدخل النار

برج اللي يقف في ظهرك وانت مش شايفه علشان ما تقعش برج اللي بيفكر كتير ويتكلم قليل برج اللي يحب اللي يتعب له وعمره ما ينساه برج اللي ما يسيبش حقه وتخاف منه لما يغضب لكن قلبه لما يتفتح يبعتلك النور كله اللي يساعدك ويسعدك برج الجدي باحبك

لو يأجوج ومأجوج اسيويين يبقى ترامب اللي حيصحيهم

تِلْكَ الْجَنَّةُ الَّتِي نُورِثُ مِنْ عِبَادِنَا مَن كَانَ تَقِيًّا . التقوى من الكلمات اللي بتؤثر في لان وانا صغيرة كنت دايما احب في الدين القرب من الله وكلمة تقوى بتعطيني الشعور بالبعد او العزلة ولكن حاليا باعتبر تقوى الله هو مش بس اني ما اخليهوش يغضب مني ولكن اخليه يبقى فخور بي واخلي بيني وبين غضب ربنا اعمال كويسة لان لفظ (التقوى) من حيث اللغة يدل على دفع شيء عن شيء بغيره. تقول: وقيته أقيه وقياً. والوقاية: حفظ الشيء مما يؤذيه ويضره. واتق الله: توقه، أي: اجعل بينك وبينه كالوقاية.

في سورة مريم ذكر ربنا امر الصلاة من الانبياء والرسل للتابعين وربطها بالزكاة زي ما يكون الاتنين مكملين بعض روحانيات وماديات او فرديات ومجتمعيات يعني ذكرت اول مرة على لسان سيدنا عيسى وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلاةِ وَالزَّكَاةِ مَا دُمْتُ حَيًّا (31) وذكرها مع سيدنا اسماعيل عليه السلام كَانَ يَأْمُرُ أَهْلَهُ بِالصَّلاةِ وَالزَّكَاةِ وَكَانَ عِندَ رَبِّهِ مَرْضِيًّا (55) بعدها في الاية التالية فَخَلَفَ مِن بَعْدِهِمْ خَلْفٌ أَضَاعُوا الصَّلاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا (59) هنا طبعا مش بيتكلم ربنا عن الزكاة لانها تفرض على المقتدر ولكن الصلاة علينا كلنا والغي اللي ربنا بيهددهم بيه هو زي ما بيقولوا قال ابن وهب : الغي نهر في جهنم بعيد قعره خبيث طعمه . وقال ابن عباس : الغي واد في جهنم ، وإن أودية جهنم لتستعيذ من حَرِّه يعني من غير صلاة لربنا بأي دين انت تدينه حتروح في الغي يعني احنا بنتقي العذاب بالصلاة الصلاة المفروضة انا باعتبرها الشكر المطلوب للحياة واللي مش بيصلي بيبقى زي الانسان قليل الذوق اللي مش بيشكر اللي ب

في سورة مريم ربنا سبحانه وتعالي كلمنا على المصطفين من عباده سواء رسل او انبياء او ناس اصطفاهم زي السيدة العذراء مريم وكل واحد بيقول لنا عليه صفة او حالة بدأ بزكريا عليه السلام وازاي طلب من ربنا واستجاب له ويحيى ابنه عليه السلام يَا يَحْيَى خُذِ الْكِتَابَ بِقُوَّةٍ وَآتَيْنَاهُ الْحُكْمَ صَبِيًّا (12) ازاي من صباه اخذ الحكم وبعديها مريم عليها السلام ازاي جالها جبريل واعطاها الولد وبعديها عيسى عليه السلام قَالَ كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِّنَّا وَكَانَ أَمْرًا مَّقْضِيًّا (21) ثم ابراهيم عليه السلام وَاذْكُرْ فِي الْكِتَابِ إِبْرَاهِيمَ إِنَّهُ كَانَ صِدِّيقًا نَّبِيًّا وقصته مع ابوه وازاي سابهم في الاخر ثم موسى عليه السلام وَاذْكُرْ فِي الْكِتَابِ مُوسَى إِنَّهُ كَانَ مُخْلَصًا وَكَانَ رَسُولا نَّبِيًّا (51) وَنَادَيْنَاهُ مِن جَانِبِ الطُّورِ الأَيْمَنِ وَقَرَّبْنَاهُ نَجِيًّا (52) ثم اسماعيل عليه السلام وَاذْكُرْ فِي الْكِتَابِ إِسْمَاعِيلَ إِنَّهُ كَانَ صَادِقَ الْوَعْدِ وَكَانَ رَسُولا نَّبِيًّا (54)

وَالسَّلامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا (33) . سورة مريم وقيل ان سيدنا عيسى مات عن عمر 33 سنة وهذه هي الاية التي يقول فيها المسيح عليه السلام عن نفسه

انا اللي كنت باروح امتحان الرسم الهندسي من غير المسطرة والاستونج انا اللي كنت باكتشف ان العربية ما فيهاش بنزين بعد ماتقف في نصف الشارع انا اللي كنت بانسى اولادي في الملجأ بعد ما اوزع الاكل والشرب والعب مع العيال واروح البيت اكتشف ان اولادي هناك انا اللي كنت في رمضان ارجع من الشغل ناسية اجيب بنتي من الدرس اللي بتحضره في الثانوية العامة انا اللي عمري ما عملت مصروف للبيت ولا اعرف باصرف كام انا اللي باحط فلوسي في الشنطة وباسحب منها من غير ما اعرف سحبت كام ولا معايا كام انا اللي لما اسافر لازم اقعد ابص على الناس اللي معايا في الطيارة والاتوبيس علشان افتكر شكلهم علشان ما اتوهش واعرف اوصل للمكان اللي عايزاه انا اللي ممكن انسى اسماء كل اصحابي لكن عمري ما انسى الخير اللي بيعملوه معايا انا اللي غيرت حداشر مدرسة وعندي اصحاب في كل واحدة منهم باحبهم لغاية دلوقتي وان كنت نسيت اساميهم انا اللي كان الجيران يخبطوا علي علشان العيش اللي في الفرن اتحرق والدخان طالع في العمارة كلها واعتبر ان ربنا كريم ان عندي جيران بيعرفوا ريحة الشياط انا اللي اغلب المربات اللي عملتها اتحرقت واللي فضل عاد

إِنَّا نَحْنُ نَرِثُ الأَرْضَ وَمَنْ عَلَيْهَا وَإِلَيْنَا يُرْجَعُونَ . في الآخر راجعين لله ده معناها اننا كنا معاه من الاول وحنرجع ان شاء الله يارب نرجع واحنا عاملين الواجب بتاعنا وواخدين النمر اللي تدخلنا الجنة يارب وتخلينا معاه وجنب رسوله في اعلى درجات الجنة

الدفا عفا والبرد لحَّاس القفا

My Orange Cake طريقة د.ماجدة الدخاخنى Thank you Dr. Magda كيكة البرتقال .. المقادير: ٢ برتقالة صغيرة ١.٢٥ كوب سكر ١/٢ كوب زيت ٢ بيضة ٢ كوب دقيق + ا باكو باكنج پودر الطريقة: يقطع البرتقال شرائح ثم يضرب باكمله فى البروسيسور (جلد + الياف + العصير). يضاف السكر الى البرتقال و يضرب معه حتى يذوب. يضاف البيض و الزيت الى المقادير السابقة و يستمر الخفق. يضاف الدقيق + ب ب الى ما سبق و يستمر الخفق حتى يختفى الدقيق. يصب العجين فى صينية مدهونة و يترق دقائق ليستريح. توضع الصينية فى فرن ساخن على الرف الأوسط على اعلى درجة حرارة لمدة لا تزيد عن ١٠ دقائق. تخفض الحرارة و يستمر الخبز على نفس الرف لمدة ٣٠ دقيقة .. تختبر الكيكة بواسطة خلة او عصا الشيش طاووق. عند تمام النضج تطفأ النار و تترك الصينية بضع دقائق داخل الفرن و الباب مغلق. تخرج من الفرن وتترك لتبرد . إذا عندك خلاط .. إضربى فيه البيض مع السكر ثم اضربي البرقال حتى يهتريئ ثم السكر حتى يذوب. اسكبي الخليط فوق الدقيق فى طبق و قلبيه بملعقة حتى يختفى الدقيق. كملى باقى الخطوات لتسوية الكيكة. ميزة الخلاط إنه يفرم البرتقال ناعما جد

والله جربتها ونفعت الدعاء للمريض بالشفاء دعاءا خالصا ودعاء المضطر الذي يشعر ان الشفاء مع الله وانه هو من يجعل الدواء يسري بالشفاء داخلك انا حوالي كتير وشفت ازاي الدعاء الخالص ده بيجعل الشفاء على الابواب انا كنت لما اولادي ياخدوا دور جامد وهم صغيرين كنت قبل المضاد الحيوي اقوم بالليل اصلي ركعتين طلب الشفاء لما والدتي اصابها السرطان طلبت من الله ودعوته دعاء المضطر ان يمنع عنها الالم استمرت فترة المرض بلا الم ولله الحمد مرت ايام مرضها بلا لحظة الم ولله الحمد اعرف سيدة اصاب ابنتها الوليدة انسداد في القنوات الدمعية وقال لها الطبيب في كندا بعد المحاولات المختلفة للشفاء انها ستظل هكذا الى ان تصل لسن السادسة عشر وبالدعاء المستمر للسيدة اصلح الله الانسداد وانبهر الطبيب الكندي لانه لم يعلم سبب الاصلاح وطلب منها ان تخبره بتفاصيل ما فعلت لذلك واعرف سيدة اصاب ابنها مرض الصدفية وهو مرض مناعي لا شفاء له ووراثي وهو كان في العائلة وقامت بالدعاء المكثف وكما قلت دعاء المضطر وتمر الايام ويشفى ويشك الطبيب في التشخيص ويبلغها انه قد يكون قد اخطأ وغيرها من الاحداث الكثيرة ووجدت ان جملة ربي

الاعتزال عن الغلط مش سلبية بالعكس ده مطلوب احيانا سيدنا ابراهيم بعد ما حاول مع اهله ولقى انهم مش سامعينه عمل ايه في سورة مريم وَأَعْتَزِلُكُمْ وَمَا تَدْعُونَ مِن دُونِ اللَّهِ وَأَدْعُو رَبِّي عَسَى أَلاَّ أَكُونَ بِدُعَاء رَبِّي شَقِيًّا (48) فَلَمَّا اعْتَزَلَهُمْ وَمَا يَعْبُدُونَ مِن دُونِ اللَّهِ وَهَبْنَا لَهُ إِسْحَاقَ وَيَعْقُوبَ وَكُلا جَعَلْنَا نَبِيًّا (49) وَوَهَبْنَا لَهُم مِّن رَّحْمَتِنَا وَجَعَلْنَا لَهُمْ لِسَانَ صِدْقٍ عَلِيًّا (50) لما تلاقي ان الاقناع مش جايب فائدة اسكت واعتزل لان المجادلة الكثير بتخليك في الاخر مش مسموع اسكت واعتزل ولاقي المناخ المناسب والصح في النهاية حيطلع على الوش والناس كلها حتفهمك في الوقت المناسب بعد ما تحاول وتفشل اعتزل وابدأ في مكان تاني يمكن ربنا يوهبلك السند

الحمد لله 2017 زي كل سنة فيها العالي والواطي فيها اللي يسعد واللي يحزن فيها كل مقومات الحياة من غير الحزن ما نعرفش الفرح ومن غير السعادة مش حنعدي لحظات الاسى دائما ما نركز في ما فاتنا ولا نعطي نفس الاهتمام لما حصلنا عليه لان من لمزات الشيطان انه يشعرك انك تستحق الخير دائما وبالتالي ما وصل اليك هو من حقك بعد ان وصلت لعمري يشعرني الله كل يوم بوجوده معي عن طريق اصدقاء واحباب اجدهم معي وحولي ويزدادوا كل يوم كل يوم اشعر بان هناك من يسعد بوجودي واني امثل شيء في حياته اجمل شيء في اسرتي الحبيبة انها دعما دائما للدرجة التي تشعرين انهم انت وانك هم ولذلك اسير في حياتي وانا اكبر حجما واكثر قوة مما انا بالفعل اصبحت اشعر باهمية وجودي على الرغم من انني كنت طوال حياتي اشعر انني هواء في الجو ، لا تراه وان كانت حياتك تعتمد عليه سنة 2017 وجدت امامي حصيلة التربية التي ضحيت في سبيلها بان اصبح سيدة اعمال وصاحبة انجازات في العمل لان لحظة ان اصبحت اما توقفت لي الدراسة والعمل الى ان دخل ابني الصغير المدرسة وترقي زوجي لدرجة استاذ في الجامعة وحصل على جوائز عليمة وبعدها قررت ان استكمل مسيرتي

رحم الله شهداء الوطن قلبي مع أسر الضحايا داخلين على موسم أعياد منهم لله الجبناء اللي بيحطوا دم طاهر على رصفان البلد اللي بيموت يا بخته هو بين ايدين ربنا لكن اللي عايش من غير حبيبه اللي راح بيبقى ميت من غير موت حسبي الله ونعم الوكيل ربنا يردها لهم دنيا وآخرة

انا شربت كوبايتين شاي واشتغلت شوية في محاضرة باحضرها وسرحت في مواضيع كتيرة على ما طلعت لي الشاشة اللي حاكتب عليها وكنت طبعا نسيت انا كنت حاقولكم ايه يالاااا خيرها في غيرها # فداكي_يا_تي_داتا_ان_شالله_عننا_ما_كتبنا # من_الظهر_للعصر_في_بوست # عليك_اللعنة_يا_بتاع_النت_يامنتنت

عيد ميلاد مجيد لأحب الناس لقلبي سيدنا عيسى المسيح اللي كله روح طاهرة ورحمة للناس وكل سنة واصدقائي واحبائي المسيحيين بعيد ميلاد مبارك وان شاء الله سنة جديدة جميلة كلها رحمة وحب

يارب نجي المريض من الالم واكتب له الشفاء وان كان المرض في قضاءك فاجعل قبوله والرضاء بقضاءك جزء منه يارب اشفيه من الالم يارب واكتب له الشفاء الكامل انت في ايدك الشفاء اللهم اعنه على مرضه وارضه بقضاءك النهاردة سمعت عن شاب مرض بالسرطان بعد فرحه بشهور والموضوع ده مؤثر في جدا وان شاء الله حادعيله في صلواتي واتمنى تدعوله معايا يارب يا حبيبي ربنا يشفيك ولا يعيده عليك ابدا بعد ما يشفيك منه ويريح قلب اهلك ويجعلهم راضيين ويبارك في عمرك يارب

لقاء العائلة دائما ما يعيدنا الى شبابنا وطفولتنا نفس الضحكة واللمة

المعونة الامريكية كام مليون علشان نبقى عارفين بس بيل جيتس وكام مليونير قرروا بينهم وبين بعض في سنة ومن السنوات انهم يتخلوا عن نصف ثروتهم لله والاتفاق انها نصف الثروة تعني ان ترتيبهم في قائمة اغنياء العالم ستظل كما هي الاول يفضل الاول والثاني يفضل الثاني وبعد كام سنة عادت ثروتهم كما كانت رغم تبرعهم بمليارات وانا اقترح ان اغنى عشرين او خمسين مصري يجتمعوا مع بعض ويقرروا انهم يتبرعوا مجتمعين بمعونة امريكا لمصر الى ان تعتمد مصر على نفسها وذلك سيكون قريبا ان شاء الله انا ارى حولي من كل جانب مصريون يريدون لمصر التقدم ويقومون بكل امكانياتهم لجعلها افضل البلاد

شريف عامر اكثر مذيع محترم وحلقته لا تثير الاعصاب ولا تثير الفتنة ولكن تزيدك معرفة بما يدور في مصر وبطريقة لطيفة ده الاعلام النظيف والا بلاش

سويسرا فكت الفلوس المجمدة الحمد لله كدة بقى خلصنا اخر امل في ثورة يناير فلوسنا حتروح لهم يتفسحوا بيها بالهنا والشفا يا حسني انت واولادك واصحابك لا اقصد بالسم الهاري

التركيبة المصرية بتقول ما تعاندنيش ما تؤذينيش يعني اللي بيفجر هنا وهناك ولو فاكر ان المصري حيخاف والا يلوم حد علشان اتفجر فيه ما يعرفناش اللي فجر في المطار بيخلينا نحب الجيش اكتر ونخاف على اولادنا اكتر ونقول له ولو فجرتنا كلنا احنا مع بعض وحنفضل مصريين اللي بيؤذينا مش بنخاف منه احنا بنتلم ونقرر ندافع عن انفسنا بشراسة مفيش حرب بتخوفنا ولا عدو بنخاف منه احنا مصريين لو كنا مش قادرين على عدونا الحالي بسهولة ده لانه جبان مش بيواجه هو خايف يواجهنا لاننا حناكله الف رحمة على شهداءنا في مطار العريش ولازم تعرفوا اننا بندعيلكم بالرحمة واحنا عارفين انكم احياء ترزقون وان الشهيد منكم كل يوم ربنا بيقول له عايز حاجة يقول له انا عايز ارجع واموت تاني علشانك يارب الف رحمة لكم ويابختكم بالشهادة والقرب من الله وبالنسبة للجبان اللي فجر من الخلف وطعن انت بتجعنا اكتر مع بعض مش بتخلينا نخاف منك