طفلة للابد

المصري لما بيحب مزيكا بيعلي الصوت عشان الجيران يسمعوها معاه وينبسطوا زيه   ولما يحب اكله يعمل طبق لزمايله في الشغل عشان ياكلوا معاه  ولما يقرب من ربنا بيحب الناس كلها تصلي معاه جماعه مع انه لما كان قبلها بيخرج مع بنات كان بيعزم اصحابه على الخروجة والفرفشة  المطلوب منك انك تسمع المزيكا لوحدك لان جارك ممكن يكون مريض او تعبان او نوع المزيكا مش عاجبه او مستحرم المزيكا من اصله  والاكل اللي بتحبه ممكن يتعب غيرك او يكون مش بيحبه وبياكله غصب عنه عشان ما تتحرجش والصلاة فرض على كل مسلم ومش لازم اصليها جنبك ممكن اكون عايز اصليها جماعة مع مراتي في البيت او اخواتي البنات  ارجوكم لو بتحبوا الناس لا تتعدوا على حرياتهم انبسط وصلي وكل ولكن لا تجبر احد على ان يبتلع صوت مذياعك ولا اكلك ولا تجبره على اخذ الدين من وجهة نظرك وان كنت مقتنع انها افضل مما سواها

علشان انا مسلمة فاقول اللي تعوزه غزة يحرم على الجامع وعلشان انا مصرية وعشت حروب لاجل نصرة اخواتنا العرب في فلسطين وكنا من اسباب انها راحت مننا فاقول اللي تعوزه غزة يحرم على الجامع وعلشان انا عاشرت فلسطينيين وغزاويين وكانوا من اعز اصحابي سنين طويلة وهم دلوقتي في الاردن وما زالوا يحلموا ببيوتهم في غزة اقول اللي تعوزه غزة يحرم على الجامع واذا كان الغزاوي بيتجوز مصرية علشان يخلف اولاد مصريين والمصرية دي ما اتجوزتش مصري لانه مش قادر يتقدم والا مش موجود عشان في بلد تانية بيجيب لنفسه مستقبل فاقول اللي تعوزه غزة يحرم على الجامع   الفرقة والشعور باننا لو عملنا مخيمات للفلسطينيين نبقى خربنا بلدنا ده فكر صهيوني عاش فيه المخلوع وبث سمومه فينا هو وعمر سليمان اللي كان بيقفل المعابر لغاية لما الانجليز ييجوا من انجلترا علشان يحاولوا يدخلوا ويجيبوا معاهم ادوية واكل وبرضه الحكومة تمنعهم من الدخول  لو فاكرين ان اهل غزة ما يقدروش يدخلوا مصر من المعابر تبقوا غلطانين  المعابر موجوده واللي عايز يسيب بلده كان سابها من زمان ولكن الاعلام عايز مصر تتخلى عن دورها الاقليمي والعربي والاسلامي وتقول نفسي ن

                غلطان اللي فاهم ان الميدان هو الميدان لان الزمان اتغير واتغير الانسان اللي كان يغطي صاحبه بهدومه لو سقعان وكان ياخد لقمته وهو جعان يديها ومعاها كمان مايته لواحد عمره ما شافه عشان حاسس بغربته في ميدان المليون ملاك والفين فنان لكن دلوقتي اتغير العنوان ما بقاش ميدان في وسط البلد بقى عنوان كل ثائر وعنوان صاحبة الشهيد واللي ضايعاله عين واللي من غير سنان اتغير العنوان من وسط البلد لكل مكان الا الميدان

جلس طويلا اما الشاشة يقرأ لها ستاتوس ويقرأ كومنت واحبها واصبح ينتظر دخولها على الفيسبوك طويلا وحين غابت قليلا بحث عنها وطلب يدها للزواج ووافقت عاش معها قليلا انقذ زواجه بان اشترى حاسب آلي آخر في غرفة اخرى واصبحا كل مساءا يتبادلان الحديث على الفيسبوك ثم يأخذها بين يديه ليناما في سعادة

ربت السيدة البسيطة ابنتها لأن تكون اميرة وست الحسن والجمال وزوجتها مهندس وعاشت في قصة خيالية انتهت بالطلاق

جبت حوض سمك لأولادي عشان اعلمهم يتحملوا المسئولية واشتريت اصناف من السمك منه زينة ومنه زينة برضه ومنه سمك خدمي زي الكات فيش وهي سمكة تنظف ارضية الحوض والجي ايتر وهي سمكة تاكل الطحالب والفطريات وسمك شبه القرش وتاني ملون جوبي بديل طويل وكل يوم ابص على الحوض وانا فخورة بالشكل الجميل للسمك وبعدين في يوم من تلكموا الايام آن آنننننن ن ن السمك نقص واحدة ادور عليها يمين شمال ابص من الاتجاهات الخمسة تسألوني اللي هم انهي اقولكم الجوانب الأربعة والسقف ولا من شاف ولا من دري قعدت زعلانة على البنية اللي اتخطفت يا ولاد محدش شافها ابني بص لي بتمعن ماتت والسمك الكبير بياكل السمك الصغير مش حضرتك دايما تقوليلنا ان فيه ناس زي السمك بياكل بعضه صحيح ممكن تكون اتكلت سبت الحوض وانا متضررة تاني يوم الموسيقى التصويرية كانت اقوى حبتين لان لقيت سمكة تانية اختفت الله هم مش عاملينلي حساب والا ايه فين اختكم يا ولاد اشيل اللعب اللي تحت وابص في كل مكان مالاقيش حتى الشوك بتاعها هو فعلا السمك شكله بياكل بعضه بس هي مش غابة يعني كل واحد عمال ياكل في التاني وثالث يوم صحيت من النوم عشان الاولاد يلبسوا وير

طبعا مش حاقولكم على تربيتي لاولادي اكيد لما انا امهم يبقى حيكونوا عاملين ازاي راجع البلوج من اوله صفحة واحد لغاية اربعين تعرف انا كنت ازاي وانا طفلة مش راح اطول في الحتة دي لان حتتعرف في الآخر مرة من ذات المرات اتعزمت على العشاء عند العلامة الاستاذ الشيخ عبد الله شحاته رحمه الله رحمة واسعة وادخله الجنة وانا معاه يارب زوجة الاستاذ كانت اجتماعية ولطيفة وكنت باحبها قوي وكانت عازمة السفير السعودي على العشاء وعشمانه انها تجيب عيلة مصرية ترفع راسها قدام الاجانب انا لبست الاولاد ووقفتهم قدامي واحدة في رابعة ابتدائي وواحد في اولى ابتدائي بصوا ياولاد انا ما يهمنيش اللي موجودين ومحبش قلة الادب لو حد منكم اتكلم بطريقة وحشة بالقلم على وشه قدام الناس كلها لو حد اكل يايده حاشتمه لو حد اتصرف تصرف كدة والا كدة حاجيب سيرة لما قام ولقيت السرير مبلول عايزة الناس تفتكر انكم مؤدبين محدش يعاكس اخوه محدش يشتكي من اخوه والا قسما عظما لا نادي ولا فسحة ولا مصروف ويمكن مش بعيد ينام في الشارع النهاردة مفهوووووووووم الاولاد الاتنين عينيهم دورت بقت قد طبق الفاكهة مش مصدقين يالا باحبكم قوي وصلنا عن

كنت في سلطنة عمان وكنا في رمضان وجوزي بيحب يتسحر فول ولان هناك مكانش فيه فول فانا مش عارفة اعمله ازاي ولما جبت الفول ولقيته ما لقيتش الدماسة ولما قررت اني اعمله في حلة على نار هادية كنا ليلة العيد واكتشفت ان الاولاد ما اشتريناش لهم لبس للعيد وقررنا ننزل نشتري للاولاد اللبس في عمان مش زي مصر المسافات تبدأ من 50 كيلو وطالع انا من اسكندرية يعني الكورنيش 23 كيلو انما اضطرينا ناخد السكة الطويلة عشان نروح نشتري لبس حلو واول ما وصلنا للمول قلت لجوزي اوبااااااا انا نسيت الفول على النار قال لي الدماسة قلت له لا الحلة سألني فيها مية كتير لأ النار واطية لأ اشمعنى النهاردة والعيد بكرة وجرينا نروح على البيت بسرعة 120 كيلو وطول السكة يقول لي جوزي انا طلبته في رمضان ، تقومي تعمليه في ليلة العيد الله مش لما حليت المشاكل المحيطة بعمل الفول في البيت المهم احنا كنا في كومباوند الجامعة وكله شوارع بارقام 1 2 3 4 5 وهكذا والميادين أ ب ج محسسني انهم في معادلات رياضية يعني احنا شارع خمسة دوار أ والحل فيلا خمسة على الشمال وصلنا لأول الشارع ولقينا كمية عربيات كتيرة واقفة جوزي قال لي ا

كنت اما اسيب الاولاد واروح الشغل دايما كان معاهم شغالة كل يوم يعني مطمئنة انهم مش حيعملوا اي حاجة تؤذيهم وكانت بنتي بتتأخر في النوم مهما حاول معاها ابني مفيش فايدة وفي يوم وانا جاية من الشغل فتح ابني الباب وقال لي انا مش عارف اصحيها من الصبح لكن انا لقيت طريقة تصحيها كويسة حتخليني اصحيها بسرعة ايه هي الطريقة يا ابني قال لي تعالي معايا بنتي نايمة مستغرقة في السرير ومش حاسة بينا ابني وقف على طرف السرير بنتي زي ما هي ولا كأننا في الاوضة ابني يقفز لمسافة متر في الهواء ويسقط بركبته عليها صرخة عميقة لألم شديد ولكن من خلف الباب هاهاها ابني يضحك لان اللي في السرير هي الدبة وشوية لعب اتقنوا وضعها بحيث اني فهمت انها بنتي اللي نايمة فضلت بابص للسرير وحالة الزهول ما زالت كما هي قلبي لسة بيدق بعنف نفسي لسة طالع نازل قعدت ابص للأولاد واعوج بقى واقول لهم اباااابااا انا اتشليت ابااابااا وهم ضحكوا ولكن بجد انا كان ممكن قلبي يقف في الحركة دي انما قدرتها منهم قوي ورفعت قبعتي لان انا واخواتي ما عملناش في مامتنا حركة من دي تجديد يعني 

انا جيت اسكندرية اقامة دايمة في سنة ٧٣ يعني سنة نصر اكتوبر وكنت ما كملتش ١٨ سنة وماعييش عربية ومامتي كانت بتستحلفني ما اركبش تاكسي عشان باحب البس دهب وبعدين اتخطف كنت استنى اخويا يوصلني الكلية بالعربية ولكن ممكن ارجع لوحدي ممكن اركب مع صاحبتي رايح لكن ارجع لوحدي والصراحة اول يوم قررت ارجع فيه لقيت اللي اتعرفت عليهم كلهم رايحين للترام او التروماي وانا كنت جاية مع اخويا وبابص في شنطتي لما وصلنا ما لقيتش معايا فلوس اوبااااا بصيت لوحدة من اللي اتعرفت عليهم وقلتلها انا نسيت الفلوس في البيت ضحكت وقالت مفيش مشكلة خالص تعالي معايا مشيت معاها واخذتني لآخر العربية وقالتلي لما ييجي الكمساري يقرب منك انزلي وابقي خذي ترام تاني ما استوعبتش اللي بتقوله اكتشفت بعديها انها كانت بتعلمني ازاي اهرب من الكمساري اوبااااا بس يومها ما قدرتش الا اني اسمع كلامها لانها ما رضيتش تديني تمن التذكرة ومن بعديها بقيت اخلي الفلوس الفكة معايا على طول بدل الهروب من الكمساري 

لما الواحد من دول يقول الشهادة لا اله الا الله بيثبت لنفسه انه مش لوحده وان فيه اللي خلقه وانه هو اللي واخد باله منه ومن الكون كله وما يشعرش بالوحدة لما الواحد يداوم على الصلاة في مواعيدها يثبت لنفسه انه قادر على تنظيم وقته ويومه وان اولوياته في الحياه صح لان اذا كان هو مش لوحده وفيه اللي خلقه على الاقل يرجعله كل شوية عشان يشحن البطارية بشوية ايمان تكمل للصلاة اللي بعديها ويثبت لنفسه انه قادر في اي لحظة على الوصول الى درجة الامتثال للاهم ويثبت لنفسه انه مش لوحده في الكون لان فيه ملايين ان مكانش مليارات من البشر في نفس اللحظة معاه بتبص لنفس الحتة وبتكلم نفس الخالق يعني انه نقطة في بحر كبير لما الواحد يصوم بيثبت لنفسه ان مش حيموت لو بطل اكل كام ساعة يثبت لنفسه انه قادر على التأقلم وانه ممكن يغير مواعيد اكله وما يبقاش عبد للحاجة وللطعام يثبت لنفسه انه زي ما بيقوم الصبح يشرب الشاي مع فطار جميل ممكن يقوم الصبح يقسم الفطار بتاعه مع واحد في الشارع وحيعيش برضه وينبسط لما الواحد بيزكي يثبت لنفسه ان الفلوس مش بتاعته بيثبت لنفسه انه هو اللي بيتحكم في الفلوس مش هي اللي بتتحكم فيه

  لا تحدثني عن الادب وانا لا اجد ما اسد به رمقي ولا تحدثني عن ان سن المرأة للزواج المبكر هو من سيحل مشكلة العنوسة والبطالة ولا تحدثني عن تعطيل نصف طاقة المجتمع باسم الاهتمام بالمرأة الارمل والمعيلة وانت لم تحل مشكلة الشاب الذي لا يجد ما يؤهله للزواج وحفظ دينه من سكن ودخل افيقوا يرحمكم الله وركزوا على الاهم فالمهم ليست مشكلة مصر هي جسد المرأة مشكلة مصر في الطاقات المعطلة والكنوز المخبأة والنفوس الضعيفة امام المال الحرام وتلبيس الحق بالباطل في قطاع الحكومة المتكون من ستة ملايين شخص اكثر من نصفهم يستسيغون الرشوة والسحت على اعتبار انه تكملة للمرتب والباقي يهدر الوقت في الحديث لانه مقتنع ان ساعتان يوميا تكفي على قد فلوسهم لا تكمن مشكلة المجتمع في فتاة تلبس وتتزوق بحثا عن عريس يمكنها الزواج ولو وفرت للشباب المال ستقل الفتيات اللائي يعرضن انفسهن لكسب اعجاب شاب لعلها تستر نفسها وتترك اهلها وتنجب طفلها في الحلال لا تجعلوا دستور مصر يركز على ان مصر سيتوفر فيها الحياة الكريمة بان تجلس المرأة ملازمة البيت ونحن نعلم ان ثلاثين بالمائة من الاسر تعيلها امرأة لان الرجل جالس على القهوة ينتظر المنادي لل

يرفع رأسه عاليا ويغلظ من صوته ويقول يارب وينظر الى السماء ينتظر الرد ييأس ويترك موقعه ويبدأ في العمل وينسى الدعاء تمطر السماء بالاجابة وهو مشغول ولا يعلم ان هذا هو الوقت الامثل له في الرد

تذكر السينما الثلاثية الابعاد حين ترتدي نظارة ملونة وبقدرة قادر تتحول الشاشة المشوشة الى شاشة ثاثية الابعاد وذلك اعتمادا على ان العين والمخ لن يرى ويترجم الصورة الملونة باللون المستخدم في النظارة فمثلا لو كان طرفا من النظارة ازرق وطرفا احمر فان العين التي ترتدي الازرق لن ترى الصورة الزرقاء والاخرى لن ترى الصورة الحمراء وبذلك تكون الصورة المرسلة الى المخ من العينين مختلفة كل هذه المقدمة كان الغرض منها هو ان من يرتدي نظارة بلون لن يرى هذا اللون وهذا ما يفعله الاخوان فهم يرتدون نظارة الاخوان وبالتالي لا يرون اخطاء الاخوان ومشاكل الاخوان ولا يروا الا اخطاء الآخرين اما الاعلام والنخبة السياسية في خريف ٢٠١٢ يرتدي نظارة الاسلاموفوبيا وبالتالي لا يرى اخطاءه ومشاكله ويعزى كل المشاكل للاسلام السياسي والاسلاميين كما يدعهم نحن ننظر الى هذا وذاك ونتعجب للانحياز الاعمى للاطراف المختلفة وعسى ان يهدهم الله وينزع كل منهم نظارته ولا ينظر الى بالعين المجردة والعقل الحكيم لما يحدث ويقيم الوضع الحالي كما هو عليه بالابيض والاسود الرصاصي

حفلات هنري ------      في حفلة صاخبة مليئة بخليط من الأجناس البيضاء و السمراء ، ينسحب الشاب المصري نبيل من وسط الحفلة ليدلف إلى حجره جانبية ليس بها أحد سواه ليستريح قليلا نبيل     : ( بارتياح ) آه الحمد لله .. إن رائحة عطور النساء المختلفة بدخان سجائر الرجال مع الخمور جعلتني أشعر بالتعب و الدوار .. أنني لا أستطيع أن أتحمل هذه الروائح الممتزجة لمدة أطول يتجول نبيل في الحجرة فيجد مكتبه كبيرة بها العديد من الكتب فيذهب إليها و يمسك بكتاب في يده باللغة الإنجليزية و عنوانه " كيف تتعامل مع الشيطان" يفتح نبيل الكتاب ليحاول قراءته ثم يصل إلى سمعه صوت مستضيفة هنري , الشاب الإنجليزي   قائلا   هنري   :   يالك من خبيث... تترك الجمال لتبحث عن مفاتيح الجمال كلها. نبيل     : ( مضطربا ) أسف .. هنري.. أنا لم أقصد التلصص على كتبك و مكتبتك و لكن لم أستطيع الجلوس بالخارج أكثر من هذا هنري   :   ما هذا .. ألم تجد الفتاه المناسبة أم ماذا نبيل     : إنك تعرف عقدتي ... الوفاء.. لو لم أك