التخطيط

يدخل سامي على عمرو:صباح الخير ، ياللا نروح سينما
عمرو
يمسك أجندة في يده و يقرأ منها
:ياللا ، هو فيه ياللا
أنا كل حاجة عندي منظمة ، عارف أنا باصحى امتى و اروح فين
يعني الصحيان سبعة شارب
الفطار ما يزيدش عن عشر دقائق
مشوار الكلية تلت ساعة
كل حاجة محسوبة
مفيش ياللا
السينما يوم 14 في الشهر بعد ما أذاكر مع أصحابي و اخلص امتحان بكرة
سامي:هو ده التخطيط و الا بلاش
عمرو:طبعا ، مفيش وقت ضايع بالمرة ، و كل حاجة بالحساب ، ده انا حاسب حتى تصبح على خير إللي بأقولها
سامي:هو ده التخطيط و الا بلاش
يدخل ----
:صبح يا عمرو ، على فكرة امتحان بكرة اتأجل و فيه احتماع في الجمعية بعد سبعة النهاردة ، قشطة
عمرو :لا لا .. ده تهريج
----- يعبث في كل ما حوله ، يمسك بالأجندة:النهاردة مش حينفع نذاكر عندك علشان محمد عمل عملية و لازم نعدي عليه في المستشفى

عمرو:لا لا لا .. حرام عليكم
يسأل باهتمام:انت عارف ان عجلة عربيتك نايمة
عمرو يمسك بسامي:التخطيط رااااااااح

التساؤل عن التخطيط ، هل ما يفعله عمرو صحيح
هل عمل قائمة بما يجب فعله يعتبر تخطيط


التخطيط يجب أن يكون
- رؤية شاملة
- خطة تذهب بها إلى الرؤية الشاملة
- تخطيط لتنفيذ الخطة

1- أنا عايز ابقى إيه
2- ليه
3- أروح هناك إزاي

تبدأ الخطة

تحديد الهدف الشخصي

مثلا :

- أنا عايز أبقى محاسب شاطر و يبقى عندي مكتب مشهور و أمسك أشهر شركات
- أو أنا عايز أبقى مهندس و اشتغل في البترول
- أو لن يسبقني إلى الله أحد
- أو أنا عايز أبقى مشهور و الناس كلها تعرفني
- أو أنا عايز امشي في كل الاتجاهات مع بعض العلم و العمل و الاجتماع و الخير و المتعة بما يرضي ربنا
- أو أنا عايز الستر و الصحة و الرضا

لو مشروع تحديد الهدف الجماعي
- الانتهاء من الإعداد لمشروع معين
- الإعداد لمؤتمر
- بناء شيء ما
- عمل معرض فني
- عمل خيري
- اختراع جديد

اسئلة
- هل يجب أن أضع خطوة مسبقة لكل شيء
- لماذا
- هل يجب أن اعرف نفسي قبل أن احدد هدفي؟
- لماذا