طفلة للابد

فيه كتاب جميل قوي اسمه في ملكوت الله مع اسماء الله الحسنى  الكتاب ده اهديتني نسخه واحدة حبيبتي  عجبتني فيه جملة لازم اشارككم فيها  لكل اسم من اسماء الله فلكا وسماءا وعرشا يتجلى فيها الحق وتتنزل منها حكمته الخاصة من هذه الاسماء  شايفين الجمال  يعني اسم الله الكريم بينزل بيها ملائكته ولو انت عندك الصفة دي ربنا حطها فيك وفي شخصيتك كان معاك ربنا في كل خطوة تمارس فيها اسمه الكريم الله الله الله # ربنا_اكرمنا_بكرمك_وارحمنا_برحمتك # عبد_المقصود_سالم # في_ملكوت_الله_مع_اسماء_الله

ما من شيء الا ولطف الله مخزون فيه # عبد_المقصود_سالم # في_ملكوت_الله_مع_اسماء_الله

ربنا لما خلقك من مادة خلاك تقدر تعيش من غير ما تعبده  تعيش من غير ما يكون طرف في حياتك  على الرغم انه خفي الالطاف  يعني ممشيك ببرنامج انت مش عارفه ولا فاهمه  ساعات ناس بتتصرف زي ما تكون هي اللي عاملة نفسها  هي اللي معيشة نفسها وساعات بتخاف على فلوسها وسعادتها اكثر ما بتخاف من الله ولكن الله خلقها وفيها منه اسم او اسماء فيه اسماء ربنا خلانا نفهمها وفيه اسماء مش عارفينها ومش عايزين نعرفها البخيل عمره ما حيحب اسم الكريم لانه مش فاهمه مش فاهم يعني ايه اعطي من مالي واسعد بذلك وفيه اسماء ربنا اخص بها عباد معينة دون غيرها وفيه اسماء اختص بها لنفسه وبالتالي قوة اسماء الله كبيرة واستحضارها للدعم مهم كان فيه ناس بتضحك علي لما اكرر اسم من اسماء الله لاني محتاجاه وشفتهم بيتريقوا وبيقولوا اصلها بتحب تقول الاسم كتير علشان هي حاسة انه حيشتغل معاها انا عندي هذا الاعتقاد اننا متكونين من اسماء الله وان ربنا سبحن وتعالى بيعطينا من اسمه اللي بنطلبه # في_ملكوت_الله

اللهم اني أبرأ من حولي وقوتي إلى حولك وقوتك اللهم اهدني إلى صواب الفعل و القول اللهم اذا كنت أخذت قرارا واخطأت فيه فأنت أعلم مني بصدق نيتي وعظيم رغبتي في إرضائك و العمل على ان أكون خليفتك في الأرض كما ترضى اللهم تقبل مني صالح عملي

هناك ملامح نولد بها وتتطور كلما تقدم بنا العمر تلك الملامح الفعلية التي تراها العين تتبع انظمة الله وضعها ولا تتغير الا بافعال خارجة عن ارادتنا مثل الحرق او القطع الناتج عن حوادث ويعرفك الناس بملامح وجهك وعلامات جسدك ولكن هناك ملامح اخرى نفسية وعاطفية وعقلية لا يراها الكثيرون ولا يشعر بها الجميع وهي تضيف الى ملامحنا الخارجية وتلك الملامح العاطفية تتكون مع التجارب التي نمر بها وتتطور مع نضوجنا وكبر سننا وحكمة سنواتنا هناك من يخاف وهناك من يقلق وهناك من يتوتر وهناك من يسامح وهناك من يتفاعل وهناك من ينكمش ويهرب وهناك من يحارب ويواجه انا في خلال حياتي كنت احب ان اتعامل مع الشخص بكل مكوناته وملامحه ويزيدني علما لو كنت اعرف بعض من تاريخ هذا الشخص او تاريخ اسرته لان تجاربه تساعدني في تبين ملامحه النفسية والعاطفية والعقلية فارى هناك ملامح للاطباء وملامح للمهندسين وملامح للمحامين والقضاة وملامح للظابط في الشرطة والظابط في الجيش وارى ملامح للذي تعرض للاساءة في طفولته ولمن تعرض لها على كبر ولمن تربى مقهورا ولمن تربى متحررا كل منهم يعطيني عذرا له في حالة ما اخطأ وحين قال الرسول

في حالة وجود العسر ستجد ان هناك يسرا مصاحبها وذلك واضح بكلمه مع العسر يسرا  قد تصاحب المشكلة فتحات أخرى لحلول أخرى و لمشاكل أخرى فيجب أن ترى الصورة كاملة و لا تنشغل بالمشاكل اقرب صورة لجملة ان مع العسر يسرا هي وجود السحاب لينزل المطر # نعمان_علي_خان

اكتر حاجة ممكن تسبب فوضى هو الذعر مش الخوف يعني التخبط اللي جاي نتيجة رد فعل الخوف على الناس وده اللي حيبقى حالنا يوم القيامة  اللي خايف ان حسابه يكون عسير واللي يخاف انه عمل مصايب ومش عارف اذا ربنا سامحه واللي بيظن الظنون  اللي تقدر تعمله انك في الدنيا والموضوع لسة في ايدك حاول توصل نفسك للنفس المطمئنة لانها هي اللي بعد كدة بتبقى راضية بعديها ربنا بيحطها في نصاب النفس المرضية اللي ربنا بيرضيها بكل حاجة  النفس دي بتاعتك وفي ايدك  ابعدها عن السوء و ما تخليهاش هي اللي تمسك زمام نفسك

فيه قصة سمعتها عن الستر و الفضيحة  واحد راجل ومراته من الفلاحين كانوا رايحين يشتغلوا باليومية عند صاحب أرض في قرية بعيدة و وصلوا بدري المكان فقعدوا تحت شجرة منتظرين والراجل اتأخر عليهم وتصادف مرور شاب فشافهم وهم قاعدين سوا افتكر انه واحد بيستفرد بواحدة و قرر انه يفضحهم وجاب القرية كلها و الناس تشتم والرجالة تضرب ويقولوا للراجل كلام وهو يقول لهم دي مراتي لغاية لما صاحب الأرض وصل و قال لهم انهم متجوزين ورجع بيته مع مراته وهو مفضوح  اللي حكت الحكاية بتقول لي هو ليه حصل كدة  قلتلها لعله هو ومراته بيحبوا يفضحوا الناس  الناس اللي بتفضح في يوم ممكن تتفضح بلا سبب وده للي بيعتبر نفسه مش بيغلط خالص و بيتكلم على الناس كأنه غير قابل للزلات

اللي عايز يعرف عمق الكلمات والجمل يقرأ لنجيب محفوظ واللي عايز يطير مع الخيال يقرأ لتوفيق الحكيم واللي عايز يعرف معنى الثقافة يقرأ لأنيس منصور واللي عايز يرجع مراهق يقرأ لإحسان عبد القدوس واللي عايز يستمتع بالرواية يقرأ ليوسف السباعي