بنت الخمسين في الالفين

بسم الله الرحمن الرحيم

انا عندي خمسين سنة و مولودة في الخمسينات والبلوج ده حاكتب فيه مذكراتي خلال الخمسين سنة اللي فاتت لان أولاد الأيام دي مش عارفين حصل ايه في الخمسين سنة اللي فاتت و فاكرين ان الواحد منهم شاف اللي ما اتشافش و عاش اللي ما اتعاش و انه الشاب من دول بيفهم اكتر من الناس القدام اللي زيينا كدة ، انما مين بفى ، ده احنا عشنا من غير تليفزيون واحنا في الحضانة و من غيرفيديو واحنا في اعدادي و كنا بنشوف الكورة بالأبيض والأسود لما كان الزمالك بيلعب فيه أجانب وبياخد الدوري وكنا بنعرف نكتب مواضبع انشاء وكان ممكن واحد ياخد ثانوية عامة من غير دروس خصوصية وكانت فيه تاكسيات ركبناها فيها زجاج بينك وبين السواق وكنا نعرف شكل المليم والنص فرنك وكان فيه حاجة اسمها اتحاد اشتراكي وكان فيه حرب خسرنا فيها وحرب كسبنا فيها وكان ممكن البنت تتجوز وما تكملش تعليمها وكانت الام بتسمع كلام الاب و كان فيه كبير في العائلة وكانت فيه ناس بيتكتب في شهادة ميلادها اسمين وكان ممكن بجنيه واحد تسهر و تروح سينما و تاكل بيتسا وكان الجوامع فاضية والناس بالمايوهات بس بيساعدوا بعض والجار يحب جاره.....
انا هنا حاكتب مذكرات بنت الخمسين في الألفين

كوكا هانم