اذا لن تكسبهم بطريقة فاكسبهم بطريقة اخرى

ذكرياتي 5
كانت العاب زمان لازم فيها تعامل مع الآخرين ، يعني مفيش تليفزيون أصلا ، مش نينتيندو وسيجا ووي و حاجات ايشي خيال يا ناس
المهم ان أنا و اخواتي كان لازم نلعب سوا ، اختي الكبيرة كانت مستصغرانا و ما تلعبش معانا لعب العيال ، و بالتالي كنت بالعب دايما مع اخواتي الصبيان وهم مش بيعترفوا ابدا ... ابدا بجد ، ان فيه لعبة تشمل صبيان و بنات ، كل اللعب اللي ربنا خلقها بتاعت الصبيان مع الصبيان زي المصارعة والملاكمة والخناق و غيره .. و بما اني بنت فقدامي حل من اتنين ، يا إما ابقى واحد من الصبيان ، يا اما ادور على مكان تاني ألعب فيه ، المهم المكان ده يكون مش معاهم ، و لذلك قررت اني طالما مش حاقدر عليهم يبقى أجاريهم
If you cannot beat them , join them
أول حاجة عملتها اني ما بقتش البس جونلات
ثاني حاجة اني بقيت امشي زي الواد الصايع
ثالث حاجة غيرت اسمي و بدل كوهينور سميت نفسي نور
ورحت لمامتي قولتيلها لازم تناديني نور
فات يومين و الخبر انتشر في الاسرة و لقيت بابا طلب يقابلني (ابهات زمان ما كانوش زي دلوقتي واخدين عليهم ، لا كان الموضوع اصعب شوية)
المهم قعدت مع بابا نصف ساعة لا تنسى ، مش لازم التفاصيل دي تتسيح
بعد يوم لبست جونلة ووقفت قدام اخواتي و قولتيلهم النهاردة حنلعب ستات بيت بيزوروا بعض و كانت هي الكلمة .....
بعديها قلت البس شورت و اسمي نفسي نور و آخذ كلام في جنابي من بابا اسهل من اللي اتعمل في