كيتي تكره الانفلونزا
ذكرياتي 8
ال
ئبيانو كان من ذكرياتي المهمة لأن كان لازم نتعلم بيانو ولانني كنت فلتة فبالتالي جت على دماغي لان اختي كانت بتاخذ دروس بيانو وهي في اعدادي ، فأنا شفتها بتعمل ايه و رحت عملت زيها و ضربت نفس النوتة اللي كانت بتاخذها و سمعتني المدرسة بتاعتها و اسمها مدموازيل كيتي و ما كدبتش خبر ، قالت لمامتي ، لازم تعلمي البنت دي بيانو من دلوقتي
و انتهت عصر الطفولة البريئة لأن ما كنتش لسة دخلت المدرسة و اصبح عندي دروس بيانو و تدريب عليها و ما كنتش حاموت عليها لان اللعب مع اخواتي افضل ، المهم ان صوابعي كانت صغيرة و كفي مش بيكفي يوصل من الدو إلى الدو اللي بعده و مدموازيل كيتي مصممة ان صوابعي توصل و بالتالي تشدهم من الصغير للكبير علشان يطول و أنا كنت باخاف منها لأنها شديدة شوية و طويلة و لانها بتخاف من العدوى فكانت دايما تحط قطنة في مناخيرها مليانة كلونيا علشان تطهر الهواء اللي داخل و بما اني صغيرة فكنت باشوفها من تحت عبارة عن قطعتين قطن وحواليها وشها
من ضمن طرق الهروب من الدرس ان انا امثل اني بردانة وافضل اعطس و اعطس واكح لغاية لما المدموازيل تجري للباب و تقول لي ابلغ ماما انها حتديني الدرس بكرة .
بس الموضوع ده ما فضلش كتير لأن ماما قررت انها تتابع بنفسها الدروس و اضطريت اتابع دروس هولاكو من غير مناقشة
بالتأكيد دلوقتي فرحانة بحبة البيانو اللي أخذتهم على يد هولاكو و على الأقل باتمنظر بيهم على الجيل الجديد اللي مش بيعرف يضرب كيتي زمانها جاية جاية بعد شوية معاها قطن و كلونيا و حاجات
ال
ئبيانو كان من ذكرياتي المهمة لأن كان لازم نتعلم بيانو ولانني كنت فلتة فبالتالي جت على دماغي لان اختي كانت بتاخذ دروس بيانو وهي في اعدادي ، فأنا شفتها بتعمل ايه و رحت عملت زيها و ضربت نفس النوتة اللي كانت بتاخذها و سمعتني المدرسة بتاعتها و اسمها مدموازيل كيتي و ما كدبتش خبر ، قالت لمامتي ، لازم تعلمي البنت دي بيانو من دلوقتي
و انتهت عصر الطفولة البريئة لأن ما كنتش لسة دخلت المدرسة و اصبح عندي دروس بيانو و تدريب عليها و ما كنتش حاموت عليها لان اللعب مع اخواتي افضل ، المهم ان صوابعي كانت صغيرة و كفي مش بيكفي يوصل من الدو إلى الدو اللي بعده و مدموازيل كيتي مصممة ان صوابعي توصل و بالتالي تشدهم من الصغير للكبير علشان يطول و أنا كنت باخاف منها لأنها شديدة شوية و طويلة و لانها بتخاف من العدوى فكانت دايما تحط قطنة في مناخيرها مليانة كلونيا علشان تطهر الهواء اللي داخل و بما اني صغيرة فكنت باشوفها من تحت عبارة عن قطعتين قطن وحواليها وشها
من ضمن طرق الهروب من الدرس ان انا امثل اني بردانة وافضل اعطس و اعطس واكح لغاية لما المدموازيل تجري للباب و تقول لي ابلغ ماما انها حتديني الدرس بكرة .
بس الموضوع ده ما فضلش كتير لأن ماما قررت انها تتابع بنفسها الدروس و اضطريت اتابع دروس هولاكو من غير مناقشة
بالتأكيد دلوقتي فرحانة بحبة البيانو اللي أخذتهم على يد هولاكو و على الأقل باتمنظر بيهم على الجيل الجديد اللي مش بيعرف يضرب كيتي زمانها جاية جاية بعد شوية معاها قطن و كلونيا و حاجات
تعليقات
إرسال تعليق