البراءة مضمونة للجميع وسلملي على التحرير

القضاء العادي او الطبيعي كما يقال يعتمد على الادلة ويعمل بالقوانين ولازم علشان نحكم على ضابط يكون ناوي ومخطط وعايز يقتل الشهيد ويكون عند القاضي دليل انه الرصاصة اللي في الشهيد ده كانت بتاعة الظابط ده مش واحد تاني
عارفين يعني لو رصاصة تانية لا لو محدش شافه لا لو مشتبه بين اتنين لا لو كان مش ناوي لا لو بيدافع عن نفسه لا
امال امتى ممكن يتحاكم
لو كام واحد شافوا الضابط وهو ماسك واحد وبيضربه في عينه وقدام اللي شافوه الضباط اصحابه حيطلعولك ميت واحد  بيقولوا احنا شفناه وهو مش بيضرب
يبقى البراءة مضمونة واخرها قتل خطأ
الفكر الثوري بيقول ان احنا عايزين قانون ثوري يطلعه المجلس بيقول فيه حاجة اسمها القتل الجماعي او الجريمة الانسانية وهي ان واحد يضرب بالرصاص في ناس عزل وهو عارف انه ممكن يموتهم  وقاصد والله العظيم قاصد والله كان معاه مسدس و رافعة في وش الناس وضرب وضرب وضرب يبقى خطأ مين يا عم
المهم ان يكون فيه قانون وياريت ينص في الدستور ان الشرطة مش من حقها القتل في حالات التظاهر السلمي
وسلملي على التحرير