ما تخلوش السوس ياكل كتبتها قبل الثورة في اكتوبر 2010

-

انا بنت تلك البلد ، عشت فيها شبابي كله ، طفولتي لا كنت بعيد ، مع ابويا واخواتي  ، كنت باحلم ابقى حتة منها
كان ايامها عدوي هو اليهودي اللي محتل الاراضي العربية وبعد عمر من الانتصار ، والسلام اللي وعدنا نكبر بيه بلدنا ونبقى من احسن الدول ، اكتشفت ان فيه عدو تاني لسة عايش
عدو اكبر ومتعشش في وسط الناس
عدو لا يمكن تمسكه ومالوش ديه تقتله
والبلد مقسومة نصين بينهم نهر كبير اسمه النيل
الناحية اليمين مالهاش صوت
مليانة سوس بياكل فيها اسمه

السلبية
الاتكالية
الخذلان
الامية
والناحية دي ماليانه ناس فوق بعض متقطعين مطحونين و ساكتين ولو حد يتكلم ششش يسكتوه
مفيش منهم واحد مستعد يتحرك لقضية جوه بلده
حاسس ان وطنه هي بيتة الصغير وان شعبه هو عيلته الصغيرة

وفي الناحية الشمال من النهر  لقيت ناس قليلة بس صوتها عاليييييييييييييييي
عالي عالي
حواليها عصيان تتقلب لاكل ياكلوا بيه السوس اللي في الناحية التانية
عايشين و متأقلمين مع الدود الكبير البيطلع مع كل كلمة بيقولوها على البلد
دود اسمه

الوصولية
الانتهازية
الانانية

وفي النص قوارب بتطلع من اليمين للشمال ومعهاش بنزين
بتقدف بتقدف واللي في اليمين يقولوا
كفاية مش حتوصلوا
ولما تطلع المركب الجديدة ما يدوهاش بنزين
خايفين
واللي في الشمال معاهم حجارة
كبيرة ومليانة دود بيرموها على المراكب

واحد من المراكبية يموت الدود ولكن قبل ما يوصل يكون المركب بتاعتة اتكسرت
واحد من المراكبية يموت هو قبل ما يوصل
واحد من المراكبية يرجع من النص
واللي في اليمين كلهم امل ان واحد منهم يوصل الناحية التانية
لكن للاسف كلهم ضعف ضعف ضعف
الآخر قرروا انهم يدوروا على نيل تاني يشربوا منه
لقوا البحر فقالوا نرمي نفسنا في البحر احسن ما نقدف في النيل

الخوف واقف في زورهم
اليأس مالي قلوبهم
هو فيها اكبر من ربنا نروح له
هو الجهاد في سبيل الله ايه غير انك تقف في سبيل الفساد وترفض الظلم
هو الشهادة ايه غير قضية تموت في سبيلها

المشكلة ان النيل نشف والناس كلها دخلت مع بعض و المراكب ما عادتش تمشي
ايه الحل

ما تخلوش السوس ياكل
قرروا
نفذوا
اتكلموا و اتحركوا
روحوا انتخبوا
استنوا قدام الاقسام واماكن الانتخابات لغاية لما اليوم يخلص
راقبوا

بلاش نسيب الشمال ياكل في اليمين


تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد