ما حياتنا الا عشرا

في سورة طه اعوذ بالله من الشيطان الرجيم بسم الله الرحمن الرحيم يَوْمَ يُنفَخُ فِي الصُّورِ وَنَحْشُرُ الْمُجْرِمِينَ يَوْمَئِذٍ زُرْقًا 102 يوم القيامة ربنا دايما بيتكلم عن المجرمين يعني مش واحد كافر لا واحد مجرم وهو ما يقوم بفعل بنفسه شائن وهو عارفه مش عاملة غلط المهم الناس دي يوم القيامة بتحشروا زرقا الانسان لونه بيزرق لما يتخنق او يتكتم نفسه ربنا يعافينا ويبعدنا عنهم يارب تخيلوا انهم واقفين لونهم ازرق سواء من الزنقة او قلة الهواء وكلمة الحشر فيها شعور بالزحمة كمان الصورة بتتكمل بانهم خايفين لدرجة مش عارفين يتكلموا بصوت عالي وبيقولوا لبعض احنا بقالنا قد ايه يَتَخَافَتُونَ بَيْنَهُمْ إِن لَّبِثْتُمْ إِلاَّ عَشْرًا 103 عشرا ممكن عشر دقائق او عشر ايام المهم ان ربنا بيقول انا عارف اللي بتقولوه لبعض نَحْنُ أَعْلَمُ بِمَا يَقُولُونَ إِذْ يَقُولُ أَمْثَلُهُمْ طَرِيقَةً إِن لَّبِثْتُمْ إِلاَّ يَوْمًا 104 اللي زيكم قالوا كدة وبيقولوا كدة برضه في الاية دي اختصر ربنا الحياة كلها احنا كل حياتنا ما هي الا عشرا يعني اقعد افتكر كل الايام اللي عدت عليك حلوها ومرها مش حتقدر تقعد اكتر من يوم او يومين والباقي كله حشو ما تقلقش على بكرة ولا اللي حصل امبارح حياتك كلها ما هي الا ايام ويوم القيامة مش حتحس بحلاوة الا الايام اللي عملت فيها لربنا حاجة يعني الايام اللي كنت بتتعامل فيها بالعملة الربانية مش بعملة الدنيا