الهبش والاستنتاج

فَتَعَالَى اللَّهُ الْمَلِكُ الْحَقُّ وَلا تَعْجَلْ بِالْقُرْآنِ مِن قَبْلِ أَن يُقْضَى إِلَيْكَ وَحْيُهُ وَقُل رَّبِّ زِدْنِي عِلْمًا . ده برضه من الايات اللي ربنا بيعاتب فيها سيدنا محمد ومرة سمعت واحد اجنبي اول مرة يقرا القرآن لقى ان الجمل جاية مش من الرسول ولكن الى الرسول يعني مش كتاب فيه سيدنا محمد بيتكلم وقال اول مرة قرأته قلت في نفسي ملعوبة ده الكتاب بتاعه عامل انه بكلام ربنا سبحانه وتعالى والحقيقة ان القرآن للي يقرأه على انه ربنا بيكلمه بيبقى له وقع تاني كبير على النفس المهم ان سيدنا محمد كان من كتر خوفه من انه ينسى الايات كان بيقولها قبل ما سيدنا جبريل يخلص الكلمات كلها وربنا قال لسيدنا محمد ما تستعجلش واستنى لما الوحي يخلص علشان ما تاخدش نصف الموضوع وممكن يكون باقي الاية تخلص النصف التاني وطلب منه انه يقول رب زدني علما وانا شايفة ان الكلام ينطبق على الناس اللي بتهبش في المعلومات يعني واحد يكلمه عن حاجة قبل ما يكمل الكلام هو يستنتج الباقي ويبني حكمه مش على المعلومة الكاملة ولكن على اللي سمعه واستنتجه وان لازم نعمل زي الاية دي نستنى لما نسمع الموضوع بالكامل وبعدين قبل ما نفنتي نقول اللهم يارب زدني علما علشان الموضوع يبقى مدروس اكتر وبتوفيق من ربنا