من هو الرجل الحديدي

ابني لسة راجع من سباق الرجل الحديدي ironman في جنوب افريقيا والسباق ده سباحة وبسكلتة وجري ومش عايزة اقولكم كام كيلو وكم الصعاب اللي بيشوفوها واللي عاصروها ابني كان عنده اصابة والام في عضلات رجله وكان عنده مشكلة من البسكلتة زيادة عن اصابة العضلة ولما ركب الطيارة جاله تسمم واغمى عليه في الطيارة ونزل بالاسعاف على مستشفى المطار في اديس ابابا وهناك كان لازم يكون مستعد لانه يكمل اكتر من مائة كيلو في السباق ما بين سباحة وجري وبسكلتة والحمد لله كملهم على خير رغم اني كنت متخيلة ان بعد الصعاب دي حيكون صعب عليه انا عايزة اقول ان الرجل الحديدي مش اللي بيكمل السباق على الرغم من صعوبته الرجل الحديدي اللي يتغلب على خوفه ويطلع من دائرة الراحة النفسية ويتحدى كل الصعب الرجل الحديدي اللي ما يقفش ويقول مش حينفع الرجل الحديدي اللي يحط نفسه مثل اعلى في العقل والروح قبل الجسد انت الرجل الحديدي بتاعي يا محمد سرور حمد الله على السلامة واتمنى ان ربنا يقف جنبك وما تتعرضش تاني لاي ازمات صحية وتبقى زي الفل