ارجوكي ما تسيبيهوش

فيه ناس بتقول لما ابنك يبكي سيبه لغاية لما يسكت لوحده وانا باقولك ما تعملش كدة الا لو الطفل عارف السبب في تركك له وبالتالي الرضيع ما ينفعش يتساب لانه مش عارف السبب في تركك له والرضيع بيبكي لانه محتاج حد جنبه او معاه لو الطفل ما يعرفش السبب اللي بيخليك سايبه بيفهم الترك انه نوع من الاهمال لو عايز تربي ابنك على عدم البكاء لطلب اي شيء يبقى تقول لابنك انت بتعيط ليه وتعرف منه السبب وبعدين يبقى تفهمه انك مش مقتنع او انك مش عايز تحقق رغبته لاسباب معينة وخليك منطقي حتى لو كان عنده 3 سنوات المهم انك تقول الاسباب وتسيبه بعدها لان الطفل اللي بتسيبه يبكي من غير ما يعرف سبب تركك له سيتحول من البكاء الى العنف الداخلي او الخارجي كنوع من الغضب لشعوره بانه مهمل وغير ذي اهمية