لمن الشفاعة

يَوْمَئِذٍ لّا تَنفَعُ الشَّفَاعَةُ إِلاَّ مَنْ أَذِنَ لَهُ الرَّحْمَنُ وَرَضِيَ لَهُ قَوْلا
.
الشفاعة دي حاجة ربنا اتكلم عليها كتير في القرآن وبالذات مع اليهود في كذا حتة في سورة البقرة وده لانهم ناس تجار حتى في الدين عايزين ياخدوا اكتر من حقهم
والشفاعة دي فيه ناس بتقعد تستناها و تتقرب من اللي شايفه انه ممكن يشفع لها
عايزة تاخد النمرتين اللي في الاخر اللي ممكن تدخلها الجنة
ربنا بيقول الشفاعة مش حتنفع الا من اللي ربنا بيأذن له
الانسان لازم يعمل الواجب علشان ما يستناش الوقت اللي ما يعديش من غير الشفاعة
يعني اجمع النمر اللي تدخلك الجنة بمجموع عالي
بلاش تبقى على الحركرك
ولكن ربنا في سورة الاعراف قال لنا ان فيه ناس بتبقى على الحرف لا طالت جنة ولا نار
الناس دي اكيد حتدور على شفاعة تزقها للجنة ولو نفتكر كانوا عمالين يبصوا على اهل الجنة واهل النار
الشفاعة مش بقولنا
الشفاعة حتكون يوم القيامة من اللي ربنا رايد له
ولكن هنا بيقول من اذن له الرحمن ورضي له قولا يعني كمان مش بس اللي بيأذن له ولكن كمان ساعة الشفاعة ربنا بيرضى بالقول اللي حيقوله