ملوخية بالروميو وأرز بالجولييت

عاش أولادي في طفولتهم المبكرة في سلطنة عمان حيث الهدوء والرقي وكانت طفولتهم بريئة جداً كما رغبت واجلت التلوث السمعي والبصري للوقت المناسب
كان البرنامج الأسبوعي للأولاد هو الذهاب الى المدرسة في أوتو بيس المدرسة في شوارع شبه خالية لمدرسة شبه ممتلئة في فصول شبه خالية مع مدرسين من الجنسيات الاجنبية التي درست نفسية الطفل قبل ان تدرس المواد المدرسة لهم
الواجب اليومي يتم في ثلث ساعة فقط ثم الذهاب للنادي والاستحمام في البيسين واللعب بالبسكلته في شوارع خالية من السيارات
الفسحة الأسبوعية تكمن في الذهاب الى احدى الاسواق التجارية البعيدة في شوارع شبه خالية وزيارة محل الحيوانات الأليفة او pet shop وهناك تتحدث ابنتي مع احد الجراء ويتعامل ابني مع الأرانب البيضاء البريئة ونقف امام أحواض السمك بألوانها المتميزة
نمتوا مني
أكيد مش كدة
ايه الروقان ده
طبعا دوام الحال من المحال
عدنا إدراجها من سلطنة عمان لنبدأ رحلة الواقع المصري
اول صدمة للاولاد كانت كمية البشر اللي موجودة في كل مكان
تاني صدمة هي الشوارع المليئة بالسيارات والزحام الشديد
ثالث صدمة المدرسة التي يهتم فيها زملاء المدرسة بما ترتديه اكثر مما تعرفيه
تتوالى الصدمات ما بين كم من الواجبات والدروس والغش في الامتحانات فقد أتى لي ابني في اول امتحان للدين وهو مخضوض ويقول لي
النهاردة في الامتحان مدرسة الدين جاءت وكانت تملي علينا نص السورة المطلوب حفظها ثم سأل سؤال توقعته
مش ده يبقى غش قلتله طبعا
قال لي ببراءة الطفل
غش في مادة الدين يا مامي ؟؟؟
معرفتش ارد
وفي يوم من الايام قررت انزل بيهم سوق لأنهم كانوا عايزين نروح سوق تجاري ومكانش في إسكندرية لا كافور ولا زهران وقلت فرصة يشوفوا الدنيا على حقيقتها
رحت بيهم سوق الزنانيري وهو سوق سكندري جميل وقالولي عايزين نروح pet shop
طبعا في الزنانيري ده يعني يروحوا للفرارجي بياع الدواجن
وصلتهم لاول فرارجي وقلت لهم اهو ياولاد
وسبتهم يتفرجون على الأرانب والحمام والبط والفراخ ويعيشوا حياتهم
عديت الشارع عشان اشتري حاجة لقيت ابني جاي جري وواقف عينيه مبحلقة ومخضوض جداً وبيترعش
فيه ايه بابني
مامي
الراجل بيبيع الأرنب يالكيلو
قلتله آه مانا عارفة
قالي يعني ممكن واحد يشتري نص أرنب
هاهاها
فهمت يقصد ايه هو افتكر ان ممكن يقسم الأرنب نصين وهو حي مثلا
قلتله لا يا حبيبي هو يوزن الأرنب كله ويديهولك بس بسعر حسب وزنه
قلت اروح أجيب لهم أرانب يفرحوا بيها ويمكن أضيع بكده الصدمة
رحت للفرارج وقلت له عايزين أرنبين
ابني قاله
عايزين واحد female وواحد male
طبعا كان بيكلم واحد تاجر طيور شنبه عشرة سنتي على كل جنب ويقول له male we female فانا حبيت أوضح
قلتله هم عايزين واحد دكر والتاني نتاية
فالرجال انبسطت أساريره وحس انه الخواجات جايين له من آخر الدنيا عشان يشتروا منه والشنب اللي كان واقف انهار وسال من الحنية و الانبساط وبص لاولادي وهو مبتسم ابتسامة مليئة بأسنان كبيرة صفراء لم تر المعجون مدى الحياة وكل وشهم معاني وقرب الرجل من الأولاد وقال لهم
عايزين أرنوب ولا ارنوبة
ما فهموش التسمية ولكن أصر كل واحد انه يختار اللي عايزة وقلتله ممكن صندوق اشيلهم فيه
الأجل جابلي قفص وشوية برسيم وأخذتهم في العربية
وصلت البيت واكتشفت انه غير مهيأ لتربية تلك النوعية من الحيوانات الأليفة واسقط في يدي
المهم ان أنا استعملت البلكونة مؤقتا لحين معرفة ما يمكن ان اعمله لإبقاء تلك السلالة في منزلي الأنيق
جاء زوجي سيادة الاستاذ الدكتور قائد القوات المنزلية ليكتشف ان فيه أرانب وفي بيتي
مسكني على جنب احتراما لوضعي الأمومي قدام الأولاد
باقولك ايه الأرانب دي تدبح إحنا مش حنربي أرانب في بيتنا
مسكت الأولاد قررت أعيش تمثيلية
ايه يا اولاد روميو وجوليت "ده اسمهم اللي اختاره الأولاد" بيقولوا ان وشكم اصفر وهم متضايقون جداً وعايزينكم تتخذوا شوية
راح الأولاد جري على المراية
اصفر ازاي yellow
لا مش احمر هم قرروا انهم لازم تاكلوهم عشان يبقوا حتة منكم ويغذوكم كويس
يعني بعد ما اطبخهم حيم شوا معاكم ويخلو كم عندكم صحة وتمام
فضلت لما الأولاد وافقوا على كلام روميو وجوليت وراحوا المدرسة تاني يوم ورجعوا لقوا ملوخية بروميو وأرز بجولييت
وقعدوا يتغذوا وكل ما بنتي تمسك حتة من الأرنب تبوسها وتقول
يا حبيبتي يا جولييت انتي بتحبيني قوي كدة