رحلة اكتشاف ملك الملوك

-
اموت انا في الدراما والحكايات واحب اعمل من الفسيخ شربات
اولادي كانوا عجينه باحب كل يوم اعمل منها شكل
كنت في عمان وجوزي اضطر يسافر عشان والدة تعبان ولازم يشوفوه وعرفت ان حالته خطيرة وعنده تسمم في الدم
يعني مرض مميت وكنت معايا الاولاد في عمان لوحدينا ومكنتش عايزة اعرفهم اني متضايقة او اعكنن عليهم وبالتالي لازم اعمل تمثيلية نعيش فيها يوم بحالة وهو يوم الجمعة اللي كنا بنخرج فيها مع جوزي نفسحهم
قمت من النوم قعدت اكتب جواب بالليمون وده كان اختراع علمهولي اخويا الكبير
 بعد ما كتبت الجواب وهو عبارة عن خريطة وخطاب موجه من ملك الملوك لمن يعثر على هذه الخريطة ان يحصل على الكنز المخبأ
وايه هي الخريطة هي الشوارع بتاعة الكومباوند وكان الكومباوند بتاعنا متقسم شوارع بالارقام وميادين بالحروف كانك عايش في عالم رياضيات
يعني منزل 5 متفرع من ميدان ج وممكن ازورك بعد الساعة س ص تربيع مثلا
المهم ان انا رسمت الخريطة وحطيت شوارع 5 وشارع 3 وحتة فيها مكان للاطفال برضه حطيتها ورحت جايبة عقد لولي فالصو طبعا وفرطته ورحت انا وبنتي وابني حطينا اللولي وكام خاتم فالصو برضه في المكان
ورجعت كويت الورقة بالمكواة فظهرت الكتابة على الورق
طبقتها وفردتها وبليتها ونشفتها المهم يكون شكلها قديم وجبت واحدة من الزجاجات البلاستيك اللي عاملة شكل زلعة كنت باشتري فيها العسل الاسود ومكتوب عليها بالكبير صنع في مصر
حطيت الورقة جواها وقلت لبنتي ادفنيها في الجنينة برة البيت
يوم الجمعة كل اصحاب بنتي بتعدي من قدام البيت وهي راجعة من الدرس لان كل الاولاد كانوا بياخدوا منهج مصر بالاضافة الى منهج عمان عشان لما نحب نرجع ممكن نلاقي مدارس تلمنا
قلتلها اول ما تلاقي صاحبتك اعملي انك اكتشفتي حاجة في الارض وعيشوا حياتكم بقى مع الكنز
اول صاحبة عدت وبنتي عملت الواجب واتخضت واكتشفت ان فيه جواب جوه الزلعة البلاستيك المصنوعة في مصر من ملك الملوك اللي بقاله 200 سنة زي ما هو بيقول ودوروا على الكنز واكتشفوه ورجعولي وهم بيتطنططوا من الفرحة وبعيدن يكتشفوا انها اشتغالة فيكرروها مع الصاحبة اللي وراها لما في الاخر بقت عشر بنات بتشتغل بنت واحدة
طبعا كان يوم لا يتكرر وعدى على خير ومحدش منهم سأل على ان بابا اتأخر وهو فين وجدي ماله وحركات امينة رزق
انما بالليل انا واحزاني بقى الاولاد مالهمش دعوة
اولادي فاكرين اليوم ده اكتر من اي يوم تاني وبالتالي الذكريات الجميلة تستمر

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد