قبل ما تتهور وترد على التليفون عد لغاية عشرة

وانا في عمان كان الاولاد بيروحوا ياخدوا درس في المواد بتاعة مصر عشان لما نرجع نلاقي مدرسة تلمنا
الدرس عند حد من اصحابنا
يعني انا علي الدين
محمد عليه الماث او الرياضيات
محمد التاني عليه المواد الاجتماعية
واحد ما اعرفوش لانه مدرس من مدرسة جبناه للعربي
وهكذا المهم ان معظم اصحابنا اسمهم محمد
وديت بنتي لمحمد علشان تاخد درس الماث
وقلتله لما تخلص كلمني عشان افوت اخذها
دخلت قلت انام شوية من نفسي وفي نص الحلم الاول سمعت التليفون بيرن
جوزي نايم وابني نايم فجريت جري عشان ارد على التليفون قبل ما البيت كله يصحى
التليفون في الدور اللي تحت يعني اخذت السلالم اتنين اتنين
ومسكت السماعة سمعت صوت رجالي : الو
عرفت انه محمد خلص الدرس
من غير ما اسأل رديت
ايوة يا محمد انا جايالك على طول
الصوت اللي في التليفون تردد واهتز وقال ا ا ا ا الوووو
قلت له مين معايا
قالي انا محمد
بس مش ده صوت محمد
آآه ده محمد تاني صاحب جوزي
وصاحب جوزي ده كان لوحده ولسة جاي من مصر وسايب مراته هناك
وانا قال ايه جايالك على طول يا محمد
تداركت طبعا وقلت له انا اسفة اصل بنتي عند محمد ..... عشان بيديها درس وافتكرت انه خلص
لما مراته رجعت من مصر حكيتلها لما اتخض وبعد كدة ما اوعدكوش اني كنت باخد بالي
برضه ايوة يا محمد دي بتوديني في داهية
سلام