شايفاااااااااااااك

-
كنت باتفرج على مسرحية فؤاد المهندس انا وهو وهي واضحك ملئ قلبي من كلمة شايفااااك عندما كان يتلصص عليها وتعبيراته وتكرر هذا المشهد عندي في البيت
كنت امنع اولادي من تكرار الكلمات لو كانت غير مهذبة او مقرفة او غير لائقة
وفي يوم ارادت ابنتي ان تكرر كلمتان وجدت المتعة في انهما متناغمتان وفيهما تكرار
فوجدتها بجواري وهي تقول
كدة صراصير ... كدة برابير
وكررت الكلمات وهي تغني وفرحانه لانها استطاعت ان تجد تناغم
واسقط في يدي
قلتلها الكلام ده مقرف ما تقوليهوش
وكل ما اسكت شوية تروح مكررة
كدة صراصير ... كدة برابير
وكررت الامر بشدة ما تقوليش الكلام المقرف دة
نظرت لي نظرة كلها معاني وقالتلي ممكن اخرج برة الاوضة
طبعا سؤال يحمل كل ما تفكر فيه
ابتسمت وقلتلها طبعا
اول ما خرجت من الاوضة استنيت دقيقة ورحت قايلة بصوت عالي
مش قلتلك تبطلي تقولي الكلام المقرف ده
كان اجمل منظر وهي راجعة وعينيها واسعة تقريبا واخده نص وشها
ومخضوضة جدا وقالتلي انتي سمعتي ازاي ده انا كنت باقولها في سري
وكان شكلها اجمل ومضحك اكتر بكتير من فؤاد المهندس ساعة ما شويكار بتقول له
شايفااااااك

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الاولويات تقلل من الحوادث بس للي مش معقد من حياته

-
  مشكلة المرور الاكبر هو احترام الاولويات يعني لما تكون في اشارة حمراء يبقى الاولوية للي اشارته خضراء لكن لو مفيش اشارات لازم انت نفسك تكون عارف مين يعدي الاول مش علشان هو احسن منك ولا علشان هو ابن باشا او ظابط ولا علشان انت عينيك مش خضراء وشعرك ناعم ولا علشان شبه محمد صلاح الالولويات بيحددها قانون المرور اللي احنا ناس كتير بتعتبره زيادة الفبريكة وسبوبة للي شغالين في المرور تعالوا نناقش الاولويات 1- الطريق الرئيسي بيكون له اولوية على الطرق الجانبية وبالتالي اللي طالع من الطرق الجانبية لازم يبص كويس قوي قوي امتى يدخل في الشارع الرئيسي (طبعا احنا بنعتبر اننا دايما في طريق رئيسي وان اي ح..ر ما يقفش يبقى لا مؤاخذة برضه ح..ر ) 2- لو احنا في طريقين فرعيين يعني انت شارع صغير في تقاطع والشارع اللي بيقطع اتجاهين يبقى الاولوية اللى على يمينك مش علشان هو ابن ناس وانت وحش ولا علشان هو خاله لواء 3- لو احنا في طريقين فرعيين و لو الطريق المتقاطع معاك اتجاهه شمال يعني بيقطع من على شمالك يبقى انت لك الاولوية مش علشان هو وزنه خفيف ولا علشان عاطل عن الشغل ولا علشان مش من كليات القمة و لكن علشان انت على ي
قراءة المزيد