هل السجن احب الينا

في تفسير الطبري قال ان سيدنا يوسف غلط ثلاث مرات وفي كل مرة اخذ العقاب في ساعتها
.
عن عكرمة , عن ابن عباس: (ليسجننه حتى حين) ، عثر يوسف عليه السلام ثلاثَ عثرات: حين همَّ بها فسجن. وحين قال: اذْكُرْنِي عِنْدَ رَبِّكَ ، فلبث في السجن بضع سنين، وأنساه الشيطان ذكر ربه. وقال لهم: إِنَّكُمْ لَسَارِقُونَ ، فقالوا: إِنْ يَسْرِقْ فَقَدْ سَرَقَ أَخٌ لَهُ مِنْ قَبْلُ
وان السجن عقاب لانه ضعف وكان حيهم بها
المهم انه اتسجن رغم انه بريء وبرأوه
ولكن الاية بتقول
.
ثُمَّ بَدَا لَهُم مِّن بَعْدِ مَا رَأَوُاْ الآيَاتِ لَيَسْجُنُنَّهُ حَتَّى حِينٍ
.
بدا لهم
وفي الطبري بيقول عدة اراء منها ان حد شاف كدة وقال يسجنوه وانهم هم قالوا يسجنوه علشان ما يتكلمش وكلام كتير عن ليه اتسجن
ايا كان السبب هو كان بيقول السجن احب الي وهو اعتبر ان السجن ده ملجأ له يبعد بيه عن الخطأ
وده ساعات الواحد بيفكر كدة لما يتزنق بيبقى عايز يهرب
انما انا دلوقتي باروح الجأ لربنا قبل ما اهرب
كنت طول عمري لما اتضايق او حد يضايقني اهرب من الموقف لاني مش باحب المواجهة وده مش علشان باخاف من المواجهة بالعكس انا لما باواجه بكل عنف ولا يهمني ولكن انا بابقى عايزة يهمني
انا بابقى عايزة ما اطلعش من المواجهة مزعلة اللي قدامي لاني عارفة انه مبرر لنفسه غلطه
عارفة ان ممكن هجومة علي نتيجة عدم فهمة للي باعمله
دايما بابرر له الخطأ ولما اواجه والاقي تعنت والاقي التبرير مش ماشي معاه بابتدي اطلع من الcomfort zone وابقى انسان اخر وده اللي مش بابقى عايزاه
انا متسامحة عايزة افضل متسامحة
اعتقد ان سيدنا يوسف مكانش عايز يفضل في الوضع اللي شافه لانها كمان امراة العزيز جابت الستات يعني الموضوع اصبح علني مش بينها وبينه يعني الحرب شرسة والوضع صعب
المهم انه اتسجن
هل احنا السجن احب الينا
بالعكس
نتمنى من ربنا يقوينا على المواجهة
لا يخذلنا مع الناس ولا قدام نفسنا
يبعدنا عن الاختبارات الصعبة
ويسترها معانا