سورة المعجزات

سورة الرعد شايفاها سورة المعجزات
ياسلام
.
وَهُوَ الَّذِي مَدَّ الأَرْضَ وَجَعَلَ فِيهَا رَوَاسِيَ وَأَنْهَارًا وَمِن كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ يُغْشِي اللَّيْلَ النَّهَارَ إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ
.
ايات كتيرة بيتكلم عن خلق ومعجزاته اللي قدامنا واحنا مش حاسين بيها او مش بنفكر فيها
اتكلم الاول عن الشمس والقمر وانهم بيجروا في الكون لمستقر لهم
النظريات قالت الكون بيتمدد وان كل الاجرام بتجري فيه ويوم القيامة ربنا حيطوي الكون زي ما فرده في الاول
كنت كتبت بوست عن طي الكون وان شاء الله لما تيجي الاية حارجع اكتب عنه
السورة بتاخدنا في ايات كتيرة
الاية اللي فاتت كانت بتتكلم عن رفع السماء بدون عمد
يعني احنا بمخنا القاصر ما نتخيلش ان حاجة تقف من غير ما تتسند
طيب السموات دي فيه منها في الارض يعني سماء الارض دي سبع طبقات ولما نقرأ عن فوائد الطبقات نلاقي انها بتحمي من الضوء الضار ومن الاجرام اللي بتدخل الارض بتتحرق وهي نازلة وغيرها انا ما اعرفش كل الفوائد لكن بالفعل ربنا حطها طبقة وراء طبقة ولا واحدة منهم عايزة اللي يسندها علشان ما تدخلش على التانية
مد الارض
جعل الرواسي اللي هي الجبال وهي فعلا من اسباب ان القارات والجزر ثابتة في مكانها والثمرات والليل والنهار
كل دول في اية واحدة وكل واحدة منها يعجزر العقل واللسان عن الحديث عنها في سطور
الحمد لله والشكر له على النعم اللي عملها وعلى الله نتفكر