اسألوا اهل الذكر

وَمَا أَرْسَلْنَا مِن قَبْلِكَ إِلاَّ رِجَالاً نُّوحِي إِلَيْهِمْ فَاسْأَلُواْ أَهْلَ الذِّكْرِ إِن كُنتُمْ لاَ تَعْلَمُونَ
.
.
اسألوا اهل الذكر ان كنتم لا تعلمون
من هم اهل الذكر
يقال عن القرآن الذكر
انا نحن نزلنا الذكر وانا له لحافظون
يعني اللي اسأله على الاقل يكون عارف القرآن وجايبه كله من الاول للآخر بطريقة تخليه يعتبره زي اهله يعني عارفة كويس قوي
اهل الذكر ممكن يكون اهل له يعني مؤهل له او يقدر يشيل همه ويشيله
للاسف انا باشوف ناس بتسأل ناس غير مؤهلة لمجرد انهم بيواظبوا على الصلاة ومظهرهم يعطي الايحاء بانهم متدينون
والمشكلة ان اللي بيتسأل ساعات يرد من واقع خبرته او حدود علمه مش من اساس ديني وساعات يتسبب في ان الناس تتضايق وانا لسة سامعة في الانترنت على واحد باكستاني قاعد جنب واحد تاني وبص ليه وقال له اللي انت عاملة حرام التاني استغرب وقال له عامل ايه قال له دقنك مش زي ما الرسول قال انت لازم تطولها شوية
كان في الجلسة واحد شيخ عالم جليل ساب اللي في ايده وقال للي بيعترض على دقن الراجل وقال له
اخبرني بالحديث
الراجل قال انا مش فاكر بس ما معناه وبدأ يقص اللي فاكره
قال له ايه سنده
الراجل قال له مش عارف
قال له ايه سبب الحديث
واتقال لمين
ومين المراجع
وايه رأي الصحابة
وايه رأي السلف
وايه رأي الاءمة
المهم الراجل سكت وقال له كفاية يا شيخ احرجتني
قال له
ايوة انا باحرجك زي ما احرجت الراجل اللي جنبك وبتقول له ان شكله حرام علشان الحديث
وده اللي لازم يحصل
مش لازم نفرض ما سمعناه من الدين على حد
احنا علينا ان نكون الشخص الذي يتمنى اي انسان ان يصبح مثله
حتى لا نكون فتنة للناس ونخليهم يطفشوا مننا ومن اللي زينا