بِدَمٍ كَذِبٍ

وَجَاؤُوا عَلَى قَمِيصِهِ بِدَمٍ كَذِبٍ قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ
.
.
عن ابن عباس: (وجاؤوا على قميصه بدم كذب) قال: لما أتي يعقوب بقميص يوسف ، فلم ير فيه خرقًا ، قال: كذبتم ، لو أكله السبع لخرق قميصه !
يعني الكذب باين انه القميص بحاله عليه دم مش مقطع ولا باين عليه ان فيه سبع اكله وده نوعا ما اكيد طمن سيدنا يعقوب انه موجود في حتة وعايش وبالتالي كلمة فصبر جميل هنا انا حاسة انه بيطمن نفسه انه حيصبر لما يشوفه
الصبر الجميل ده اللي احنا لازم نعمله
يعني مش بس صبر
لا صبر جميل
إن الصبر الجميل "، هو الصبر الذي لا جزع فيه.
يارب يكتبهولنا
عن حبان بن أبي جبلة ، قال: سئل رسول الله صلى الله عليه وسلم عن قوله: (فصبر جميل) قال: صبر لا شكوى فيه. قال: من بثّ فلم يصبر.
او صبر من غير شكوى
حتة الله المستعان على ما تصفون في التفسير بيقولوا على ما تكذبون
انا بقى عندي شعور ان سيدنا يعقوب كان بيقول ان ربنا يعينه على اللي بتقولوه او اللي عملتوه
يعني يارب صبرني على اللي حصل وعينه على اللي هو فيه
طبعا انا مش بافسر انا باقول خواطر باحس بيها لما اقرا