لو يشاء الله لهدى الناس جميعا

وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الأَرْضُ أَوْ كُلِّمَ بِهِ الْمَوْتَى بَل لِّلَّهِ الأَمْرُ جَمِيعًا أَفَلَمْ يَيْأَسِ الَّذِينَ آمَنُواْ أَن لَّوْ يَشَاء اللَّهُ لَهَدَى النَّاسَ جَمِيعًا وَلاَ يَزَالُ الَّذِينَ كَفَرُواْ تُصِيبُهُم بِمَا صَنَعُواْ قَارِعَةٌ أَوْ تَحُلُّ قَرِيبًا مِّن دَارِهِمْ حَتَّى يَأْتِيَ وَعْدُ اللَّهِ إِنَّ اللَّهَ لاَ يُخْلِفُ الْمِيعَادَ
.
.
الاية دي حيرتني كتير وقريت تفسيرها لان حسيت ان فيه تساؤل ومش عارفة اجابته ولكن لله الامر جميعا هو الاجابة لكل حاجة وحسب التفسيرات ان بعض الناس قالوا للرسول هات لنا معجزات زي سيدنا سليمان او سيدنا موسى او سيدنا عيسى ولكن الرسول جاب لهم قرآن وفيه ناس بتقول ان كلمة قرآن تمشي على كل الكتب السماوية من انجيل وتوراة المهم انا في الاية دي حسيت ان ربنا بيقول ما عادش معجزات ولكن قرآن يعني حاجة تعرفك الصح من الغلط وكلمة افلم ييأس الذين امنوا ان لو يشاء الله لهدى الناس جميعا باحس ان ربنا بيقول لنا ان العبرة مش كام واحد ربنا هداه العبرة كام واحد من المؤمنين بيعمل اللي ربنا عايزة لان ربنا في ايده يخلينا كلنا على هدى ولكن ربنا بيقول لازم تعرفوا كويس ان انا لو عايزكم كلكم على هدى كنت عملتها انما انا بابعت حاجات ومصائب ورسائل والناس المفروض منها تعرف الصح من الغلط انما اللي عايز بيعرف واللي مش عايز بيمتنع عن انه يفهم وبمعنى اصح احنا لنا انفسنا ما نستناش معجزة من ربنا تعمل اللي احنا عايزينه بالعكس احنا نعمل اللي علينا والصح وبس
والله اعلم ورسوله