انا عارف ليه

الشيطان يحب يلعب لعبة مع الناس
لعبة انه عارف حكمة ربنا في الامر
يعني ربنا قال لنا اعملوا كدة ليه ,,,, علشان كدة ,,,,
الحقيقة ان ربنا بيؤمرنا ومش بيقول لنا الامر ليه واحنا بنعرف حكمته مع الوقت او لما نقابله
الشيطان طلع ادم من الجنة لانه قال لهم السبب في منع ربنا لهم من اكل الشجرة قال يعني هو اللي عارف
اعوذ بالله من الشيطان الرجيم
بسم الله الرحمن الرحيم
فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْآتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ 20
سورة الاعراف
هم اكلوا وصدقوه وتخيلوا انهم حيخلفوا عيال تدعي وتعبد ربنا وبالتالي الدعوات تزيد وذريتهم معاهم في العبادة ومكانوش يعرفوا لا الدنيا ولا قوانينها ولا اي حاجة من اللي بتحصل دلوقتي وبالتالي العصيان كان لرغبة كويسة بس الحقائق لا نعلمها
الخلاصة
لما حد يقولك ده ربنا منعك من كذا او امرك بكذا علشان كذا ما تصدقش
قل له ايا كان السبب ما دام منعني يبقى امتنع ومدام امرني يبقى اؤتمر ولو ربنا عايزني اعرف كان قالها ساعة المنع