العدل والقسط موضوع كبير

إِلَيْهِ مَرْجِعُكُمْ جَمِيعًا وَعْدَ اللَّهِ حَقًّا إِنَّهُ يَبْدَأُ الْخَلْقَ ثُمَّ يُعِيدُهُ لِيَجْزِيَ الَّذِينَ آمَنُواْ وَعَمِلُواْ الصَّالِحَاتِ بِالْقِسْطِ وَالَّذِينَ كَفَرُواْ لَهُمْ شَرَابٌ مِّنْ حَمِيمٍ وَعَذَابٌ أَلِيمٌ بِمَا كَانُواْ يَكْفُرُونَ
في الاية دي ربنا بيركز على اعادة الخلق يعني العودة للحياة الابدية
يعني الرجوع الى الله
بيقول حترجعولي وده وعد حق يعني مفيهوش شك ولكن مش حتجيلوا زي اول مرة لما خلقتكم
لا انتم حتجولي بعد ما تعملوا حاجات في الدنيا واللي عرف انه جايلي لازم يكون عمل شغل وانا اديله على قدي شوفوا بقى قدي دي كبيرة قد ايه لكن هنا ظهرت كلمة القسط والقسط دي موال كبير لان العدل والقسط الاتنين بيدوني نفس الشعور ان مفيش ظلم لكن اعتقد ان الفرق هو الحالة اللي باعمل فيها العدل يعني اتنين قدامي عايزين نصيب من حاجة القسط اني اعظيهم زي بعض بالظبط والعدل اني لازم ادرس بحيث ان نصيبهم يخليهم يعملوا نفس الحاجة
مثلا لو اتنين جايين عايزين ياخدوا كباية مياه يعطوها لواحد كبير في السن وهو لازم يشرب كوب ماء
واحد منهم رزين ولو اعطيته كوب الماء حيمشي بالراحة ويوصله والتاني صغير وحيجري ونصف الكوباية حتدلق
قولولي العدل والقسط نعمل فيهم ايه
العطشان لازم يشرب لكن وانا باعطي لازم اشوف
الموضوع كبير وما بيحلوش الا ربنا واحنا لو اتكلمنا عن حالات معينة تلاقيك احتست علشان تعرف تحل معضلة واحدة مابالك المليارات من يوم الخلق
سبحان رب العزة هو حسبي ونعم الوكيل