الفكرة اهم من التابعين

في قصص انبياء سورة هود باشوف ان كل نبي منهم كان فيه جدال بينه وبين قومه وبتتكلم على قضية مهمة جدا في ان المقاومة للخير ساعات الشيطان بياخدك فيها لحاجة جانبية ممكن توديك في داهية وانت مش حاسس
يعني قضية قوم نوح اللي في هود بتتكلم عن الناس اللي اتبعوه
قال ايه
انت اللي اتبعوك اراذلنا
يعني هو مش عايز يؤمن بواحد علشان اللي سمعوا كلامه هم الناس اليااااي مش من الطبقة
وبالتالي انا مش حامشي مع الناس دي
اطردهم والا ابعدهم علشان نبقى معاك
ويكلمهم سيدنا نوح ان ازاي اطردهم
.
وَيَا قَوْمِ لا أَسْأَلُكُمْ عَلَيْهِ مَالاً إِنْ أَجْرِيَ إِلاَّ عَلَى اللَّهِ وَمَا أَنَاْ بِطَارِدِ الَّذِينَ آمَنُواْ إِنَّهُم مُّلاقُوا رَبِّهِمْ وَلَكِنِّيَ أَرَاكُمْ قَوْمًا تَجْهَلُونَ - 29
.
وَيَا قَوْمِ مَن يَنصُرُنِي مِنَ اللَّهِ إِن طَرَدتُّهُمْ أَفَلاَ تَذَكَّرُونَ -30
.
وَلاَ أَقُولُ لَكُمْ عِندِي خَزَائِنُ اللَّهِ وَلاَ أَعْلَمُ الْغَيْبَ وَلاَ أَقُولُ إِنِّي مَلَكٌ وَلاَ أَقُولُ لِلَّذِينَ تَزْدَرِي أَعْيُنُكُمْ لَن يُؤْتِيَهُمُ اللَّهُ خَيْرًا اللَّهُ أَعْلَمُ بِمَا فِي أَنفُسِهِمْ إِنِّي إِذًا لَّمِنَ الظَّالِمِينَ - 31

ما تضيعش الحاجة الكويسة اللي قدامك علشان نعرة او شعور بالتميز ايا كان
اهم غرقوا كلهم واللي نجا هم اراذلهم اللي احتقروهم وكانوا عايزين يخرجوهم من بلدهم
اسمع الفكرة او الحكمة ما تحكمش عليها بالناس اللي مشيت وراها لعلهم احسن منك