انا متدين بالعافية

إِنَّمَا النَّسِيءُ زِيَادَةٌ فِي الْكُفْرِ يُضَلُّ بِهِ الَّذِينَ كَفَرُواْ يُحِلُّونَهُ عَامًا وَيُحَرِّمُونَهُ عَامًا لِّيُوَاطِؤُواْ عِدَّةَ مَا حَرَّمَ اللَّهُ فَيُحِلُّواْ مَا حَرَّمَ اللَّهُ زُيِّنَ لَهُمْ سُوءُ أَعْمَالِهِمْ وَاللَّهُ لاَ يَهْدِي الْقَوْمَ الْكَافِرِينَ

انا هنا برضه مكنتش فاهمة وباحاول افهم الاشهر الحرم والنسيء

الاشهر الحرم معروفين في السنة وهم دول حدود من حدود ربنا يعرف في كل حاجة اعطاهالنا

ربنا لازم يحط لك حدود وانا مش بادخل في الحكمة ولكن باجتهد ان الحدود دي سيطرة على النفس لان النفس لو اتسابت بترمح وتعمل بلاوي

الاشهر الحرم المفروض انهم اشهر سلام مفيهمش حرب نهائي وهي بتبقى معروفة يعني لو اتنين بيحاربوا بعض لازم في الشهور دي تبقى هدنة من ضمنها شهور الحج

العرب زمان كانوا اول السنة قال ايه يحددوا الشهور دي قال يعني فتاكة

السنة العربية بتتغير حسب الفصول فتلاقيهم بيبعدوا عن الحر والكلام ده

النسيء ده اللي انا باسميه الفتاكة في الدين

انت عايز تبقى متدين لكن بتقيف المساءل على اللي انت عايزة

انا حاعمل الحرم بس بتاعتي

انا حاعمل الحجاب بس بتاعي

انا مش باكذب بس باعمل تورية

انا مش انا مش

ده اللي هو التحايل على الدين ومحاولة تطييع الدين حسب اهواءك

ده عقابة كبير قوي لان بيعطي صورة خطأ عن منهج الهي

منهج ربنا بيحطه محكوم وانت بتغير حسب الاهواء

مفيش داعي تلعب في الوقت الضايع

ركز في المهم واعرف حدودك ومفيش مانع تقول انا ضعيف ومش قادر

مفيش مانع تقول الموضوع ده تقيل علي وانا مش قده

مفيش مانع تقول انا مخطيء بس باحاول

بس بلاش النسيء ده

بلاش تقيف الدين عليك