العالم الذي لا يعلم انه عالم

في خلال حياتي انا اشتغلت في اماكن كتيرة وفي كل مكان اشتغلت فيه كنت اسمع اراء وافكار لكن التنفيذ بيكون اصعب ما يكون
دايما ناس تحب تاخد شهرتها بانها تعترض او تهد اللي قدامها
اي رأي فيه هدم بدون بناء مع احترامي بابوسه واحطه على جنب كأني ما سمعتوش
لو حد قال لي المكان ده اسوأ مكان على وجه الارض بدون ما يحط لي له بديل يبقى بس هدم
اللي يقول المشروع ده اسوأ مشروع على وجه الارض من غير ما يقول المشروع اللي احسن منه ايه يبقى هدم
اللي يقول لي اعملي كذا واقول له تعالى اعمل معايا او فين اللي عملته يخليني اثق انك تعرف اكتر ما الاقيش يبقى متشكرين منك خليك في حالك
لما كان حد ينتقد حاجة انا عاملاها واطلب منه يكتب لي البديل او يقول عليه وما الاقيش رد اعرف انه من اي من النوعين
جاهل لا يعلم انه جاهل
او جاهل ويعلم انه جاهل
وبالتالي اسمع وخلاص
لكن العالم بيحب علمه يتطبق ويشوفه بعينه وبيبقى حريص انه يعمل الحاجة مش يهد وبس
اتعلم تقول وتنفذ مش تنتقد وخلاص او تقول العيوب بدون البديل
ما تبقاش زي الطبيب اللي يقولك المرض وما يكتبش الروشتة
خليك العالم الذي لا يعلم انه عالم وبيبحث عن العلم بشمعة