بلاش القوالب

وَالسَّابِقُونَ الأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُواْ عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ
السابقون دايما لهم الفضل
دول الناس اللي ما مشيتش في قوالب
ما خافتش تجرب
ما قالتش انا مالي
الناس دول في كل حاجة بيفتحوا السكة
بعديهم بيجي ناس تتبعهم بس باحسان يعني مش تهد والا تتريق والا تقول ايه الكلام الفاضي ده بالعكس باحسان ودول برضه في جمال الناس اللي بدأت وهي اللي بتخلي المركب تستمر لان السابقون دايما بيستنفزوا في البدايات ولازم يكون فيه لاحقون يتبعون باحسان
لو كنت مش من النوع اللي يقدر يدخل في حاجة جديدة ده مش معناها انك اوحش من اللي بيعمل كدة ولكن ده معناه انك ممكن تكون الجامد اللي لازم يكمل وراه ويخلي البداية تكمل