امشي حافي

كتير من الناس بتقول لي انا عندي حالة لا مبالاة واني بقيت مش باشعر بالانجاز واني مش حاسة لا بالحلو ولا بالوحش
تعلوا اقولكم تحليلي للموضوع ده
اتفقنا ان الروح بتمرض وده من امراض الروح وهو وضع الشرنقة
الروح بتعمل اللي ربنا طلبها خلال فترة حياتها الى ان يتوفاها الله وهي بتستفيد من الجسد انه بيوصل العمل ده على هيئة افعال
طيب الروح دي لازم تاخد بالها من الجسد لغاية لما تسلمه لربنا
طيب الجسد ده ممكن يكون له طلبات كتيرة وهي مش قادرة عليه
يعني عايز ياكل
عايز يلعب
عايز يتحب ويلمس ويبوس
هي مش عايزة تحقق له طلباته لانها حاسة ان الطلبات دي ضد اللي هي نازلة علشانه تقوم ترفض وتقاوم وفي النهاية يا اما تنسحب وتجري
يا اما تقاوم وتحارب
يا اما محلك سر وتحتاس
اللي بينحسب ده حاسس انه مش قادر على المطلوب منه وبيعمل شرنقة يقعد فيها هي حد امانه وبيقول ماليش دعوة بالدنيا خليني في بيتي في حياتي مع اولادي وهو ده مقدرتي
هل فيه حل للموضع ده
ايوة فيه حل كبير قوي قوي قوي
الحل ان لازم المخ يطمئن انه قادر على مواجهة التحديات
نعم يا ماما
تحديات ايه ده انا مش قادر اقوم من السرير
ايوة التحديات ممكن تكون انك تجيب كوباية الشاي الصبح جنبك
التحديات دي يعني المتطلبات اللي تخلي جسمك يقوم بمهامه الاول علشان تقدر انت تقوم بما هو مطلوب منك لحركة الحياة
اوك
يبقى لازم المخ يستريح ويعرف ان يقدر يعمل اي حاجة بالجسم اللي هو مسيطر عليه
يعني لازم المخ يسيطر
المخ ايه
يسيطر
طيب يسيطر ازاي
المخ لازم يسيطر على كل حتة في الجسم ويعرف انها تحت امره
طيب ازاي يعرف انه مسيطر
ان كل الطرق اللي في الجسم سالكة يعني مفيش شارع سد والا حفرة في الجهاز العصبي
يعني كل المسارات العصبية من المخ الى كل اطراف الجسم لازم تكون موجودة وقوية يقوم المخ يطمئن ويبتدي ما يشيلش هم في انه يصلح المسارات هو بس يشيل هم ان الاوامر تتعمل
تخيل كدة بلد انت عايش فيها وشايل همها وخايف حاجة تحصل وانت ما تعرفش تتصرف
تخيل ان البلد دي كلها ناس جدعة حلوة واقفة بتقول لك ما تخافش كلنا معاك
هو كدة
لو المخ مش مصدق ان ايدك جاهزة ورجلك جاهزة وضهرك جاهز حيبقى دايما قلقان
اعملوا تمرينات تحرك الجسم بس يكون فيها احساس
يعني لازم ايدك تشعر بيها وتعمل حاجات دقيقة بيها
لازم رجلك تمشي بيها حافي وتشوف البلاط الساقع والرملة السخنة
لازم احساسك بجسمك يرجعلك وتشعر بيه كله
ساعتها شعورك باللا مبالاة حيتحسن صدقوني