اذا اتأسرت ما تخافش

يَا أَيُّهَا النَّبِيُّ قُل لِّمَن فِي أَيْدِيكُم مِّنَ الأَسْرَى إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا مِّمَّا أُخِذَ مِنكُمْ وَيَغْفِرْ لَكُمْ وَاللَّهُ غَفُورٌ رَّحِيمٌ

في الاية دي ربنا بيكلم الرسول عليه الصلاة والسلام على الاسرى يعني ناس طالعة من حرب ومهزومة

ربنا بيقول له وهو الأعلى لانه هو اللي اخذهم في الحرب قول لهم

ربنا هو العالم لان ممكن منهم يكون مضلل ومنهم اللي مغلوب على امره ومنهم اللي عرف بعد ما حارب مين الصح ومين الغلط

ربنا بيقول له قول لهم ان ربنا عالم في قلوبكم ومش عايز يذلكم بالعكس لو فيكم خير حيجيلكم خير وبالتالي كان الأسير اللي بيعلم حد بيحرروه

منتهى الرحمة

ده ينطبق على الانسان اللي دخل حرب في حياته ضد الحق واتغلب لازم يعرف ان ربنا غفور رحيم وانه عارف قلبه ولعله كان غضبان او حد ضاحك عليه فلازم يفوق ويعرف انه في النهاية ربنا رب قلوب وممكن يجيله احسن من اللي راح منه ويغفر له كمان