مين عدوك

أَمْ حَسِبْتُمْ أَن تُتْرَكُواْ وَلَمَّا يَعْلَمِ اللَّهُ الَّذِينَ جَاهَدُواْ مِنكُمْ وَلَمْ يَتَّخِذُواْ مِن دُونِ اللَّهِ وَلاَ رَسُولِهِ وَلاَ الْمُؤْمِنِينَ وَلِيجَةً وَاللَّهُ خَبِيرٌ بِمَا تَعْمَلُونَ

ربنا عارفك وخالقك وعارف سكتك حتروح فين

لكن انت مش عارف

انت ممكن يوم القيامة لو ما اتفتنتش في الدنيا تقول ده اجدع واحد

ربنا بيحطنا على انفسنا وبيقول لنا انتم اللي حتختاروا مش انا

على الرغم من اني عارفكم بس انتم اللي مش عارفين نفسكم

ربنا بيعلم علينا وبيورينا الفرق بين اللي بيجاهد يتعب واللي قاعد مأنتخ ومستني تجيله على الجاهز

الحياة حرب يا جماعة محدش يفتكرها بالساهل

كل واحد عنده عدوه

اللي عدوه مرض

واللي عدوه زوج

واللي عدوه مدير

واللي عدوه نفسه الامارة بالسوء

واللي عدوه طموحة اللا متناهي

واللي عدوه ضعفه

المهم انك تعرف انه اختيارك يوم القيامة مش حتقول لربنا حاجة هو انت من نفسك حتعرف انك انت اللي اخترت