حاسيبلك البيت وامشي

فيه ناس لما تشتغل معاها تبقى عايزة لما تمشي من المكان الدنيا تتهد

هو مش حاسس باهميته

هو اهميته من مكانة وشغله وبالتالي بيحس انه لازم الناس تعتمد على وجوده

اللي زي ده لازم يوصل له ان المكان اللي انت فيه لازم تعمل فيه اللي يخلي كل الناس التانية تطلبك

انت ظبط المكان علشان اكيد لما الدنيا تبقى حلوة اي حد يتمنى انك تعمل كدة عنده

حاول تظبط البوصلة بتاعته وتفهمه ان اهميتة في استمرارية المكان تتساوى في عظمة اهمية بقاءه

العب على الرزق اللي ربنا باعته مالوش دعوة بالشغل وده لان ساعات بيكون بسبب عدم امان وخوف مرضي من انه الناس تمشيه وده في مصر كتير للاسف لاننا اتربينا على عدم الامان

الام لما تربي ابنها تقول له حاسيبلك البيت

الابن دايما حاسس ان الدنيا حتسيبه

الام بتربي ابنها وتقول له الناس حتكرهك

بتقول اعمل كدة علشان الناس تحبك

كله بيلعب على الامان وده من اخطر ما يكون وده اللي مسبب امراض نفسيه في الوطن العربي ان التربية بترتبط بحب الطفل وتقبل الناس له مش التربية في عمل الصح والخطأ لمهمة هو جاي علشانها

عايزين نحط قواعد في حياتنا

بلاش نلعب على العواطف وبالذات مع الاطفال اعطيهم الوقت الكافي اللي يخليهم ياخدوا ويدوا معاك

ما تستعجلش بالذات في اول اربع سنوات

اي كلمة بيقولها قرب منه وكلمه بالراحة واعرف منه شعوره

لما يزعل ومش عارف يتكلم كشر جنبه وقول له زعلان ليه

انا مرة حفيد من احفادي مش بيعبر عن نفسه ودايما يغضب وياخد جنب

باجيب ورقة وارسم واحد زعلان واديهاله واقوله انت كدة

والبسها واقول وانا كمان علشانك انا كدة و

في الاخر عرف الطفل يعبر عن نفسه علشان ما تتراكمش المشاكل عليه وما يبقاش عارف يطلع منها