انيتين و اربع خمسات

ذكرياتي 48
كنا نلعب كوتشينة وشطرنج و دومينو و داما و السلم و التعبان و الغياظة و البصرة و انواع لا تحصى من الالعاب منها لعبة تشيتنج وهي مبنية على الغش و الخداع و هي انك ترمي مجموعة ورق و تقول العدد و النوع و اللي قدامك لو مش مقتنع فيقول تشيتنج يعني غشاش و يقلب الورق ولو صح يلبس هو في الورق واللي يخلص ورقه الأول يكسب و انا دايما مبدئي امشي عدل يحتار عدوك فيك ,وطبعا اخويا الكبير كان بيلزقلي الورق كله
اخويا الكبير اللي هو اذكانا كان ممكن يخلص ورقه في لعبتين و تلاقيه حاطط كومة و يقولك 3 آس و ثمانيتين و اربع خمسات و ... و... و.... ولو مش عاجبك ابقى افتكر بقى هو كان قال ايه ، اما اخويا الصغير البرئ اللي مش بيحب الغش و الخداع دايما لما يكذب وشه بقى يحمر و كله معاني بقى و أكيد أكيد بتعرف انه حاطط ورق غلط و مرة كان نفسه يحط ورق اكثر فقرر انه يلزقه في بعض و لكن حيلزقه ازاي قدامنا فهو كان على السرير و احنا قدام السرير على الارض فراح باصص لنا وقال ، كل واحد لازم يكون عنده مخبأه و راح مغطي نفسه بالملاية و احنا باصين و سامعينه بيتنفس و بيلزق الورق بريقه و بعدين شال الملاية و قال 4 خمسات
و طبعا انا واخويا الكبير في نفس واحد
تشييييتتتتتتتتتتتتننننننننجججججججججج
راح قايم وقال مش لاعب